بيسان
12-16-2020, 01:18 AM
خلينا نصفن بحالنا شويّ ، نركز بملامحنا .. عادية ؟ ، أبداً مو عادية !
لأنو نحنا معتادين عليها بنفكرها عادية ، ما شفنا شي يُوم لمعة عيونا لما بنضحك ؟ ولا ابتسامتنا قديش بتكون حلوة لمّا تطلع من القلب ؟ طيب بلاش ،، ما بنعرف إنو حتى واحنا مكشرين طالعين حلوين ؟
ربنا أبدع في خلقو وصورو بأحسن صورة ، نقوم نحنا نستكتر على حالنا هالضحكة ؟ مش ظلم !
قلبنا بيستحق الفرح ، بيستحق إنو نتجاهل عشانو أي موقف سيء صار معنا وما نعطيه إهتمام ، لا تهلكوه بالحُزن والهم ، نحنا بعمر الورد ، عمركم شفتو شي وردة بتعيط ؟
كل شي بصير معنا في حكمة من وراه ، فلا نيأس ولا نوقف ، الي بوقف محلو عمرو ما بكون بالمقدمة
العثرات موجودة لتقوينا مش لتحبطنا
- حتى في بطن الحوت كان هُناك أمل ، فما عُذر إحباطنا ؟!
ربنا كل يوم بعطينا أمل جديد وفرصة جديدة لأنو بحبنا ، بنبعد عنو بقربنا الو ، بنتوب بيقبل توبتنا ، بنصوملو يوم بغفرلنا ذنوب سنة كاملة ، حتى وقت ما نضعف ونفكر انو نحنا وحيدين هوا بيكون سامعنا وحاسس فينا ، حاسس فينا اكتر مننا صدقوني !!
أحب ما عليه يسمع صوت دعائنا ، حقنا رح ياخدلنا ياه ، عارف أمانينا بدون ما نحكي وقادر يحققلنا ياها
الحمد لله صحتنا معنا ، الحمدلله اهلنا حوالينا ، الحمد لله عايشين ببيوت تأوينا ، الحمد لله مش مذلولين لحدا ، الحمد لله على كل هالنعم ...
#الحمد_لله_رب_العالمين ❤
#اضحكو ❤
لأنو نحنا معتادين عليها بنفكرها عادية ، ما شفنا شي يُوم لمعة عيونا لما بنضحك ؟ ولا ابتسامتنا قديش بتكون حلوة لمّا تطلع من القلب ؟ طيب بلاش ،، ما بنعرف إنو حتى واحنا مكشرين طالعين حلوين ؟
ربنا أبدع في خلقو وصورو بأحسن صورة ، نقوم نحنا نستكتر على حالنا هالضحكة ؟ مش ظلم !
قلبنا بيستحق الفرح ، بيستحق إنو نتجاهل عشانو أي موقف سيء صار معنا وما نعطيه إهتمام ، لا تهلكوه بالحُزن والهم ، نحنا بعمر الورد ، عمركم شفتو شي وردة بتعيط ؟
كل شي بصير معنا في حكمة من وراه ، فلا نيأس ولا نوقف ، الي بوقف محلو عمرو ما بكون بالمقدمة
العثرات موجودة لتقوينا مش لتحبطنا
- حتى في بطن الحوت كان هُناك أمل ، فما عُذر إحباطنا ؟!
ربنا كل يوم بعطينا أمل جديد وفرصة جديدة لأنو بحبنا ، بنبعد عنو بقربنا الو ، بنتوب بيقبل توبتنا ، بنصوملو يوم بغفرلنا ذنوب سنة كاملة ، حتى وقت ما نضعف ونفكر انو نحنا وحيدين هوا بيكون سامعنا وحاسس فينا ، حاسس فينا اكتر مننا صدقوني !!
أحب ما عليه يسمع صوت دعائنا ، حقنا رح ياخدلنا ياه ، عارف أمانينا بدون ما نحكي وقادر يحققلنا ياها
الحمد لله صحتنا معنا ، الحمدلله اهلنا حوالينا ، الحمد لله عايشين ببيوت تأوينا ، الحمد لله مش مذلولين لحدا ، الحمد لله على كل هالنعم ...
#الحمد_لله_رب_العالمين ❤
#اضحكو ❤