m0m3n
12-07-2020, 09:18 AM
وحده من اسوء الظواهر الموجوده بمجتمعنا انو الناس مفكره مواقع التواصل الاجتماعي عالم منفصل عن الواقع وكأنو الناس ما بتعرف الشخص الا من خلال الانترنت .
لأنو صار ممكن تشوف حدا كارثي بالواقع وملاك بمواقع التواصل ، متل لما تشوف شخص ما بعرف يتوضى اساساً منزل منشور انو نفسو يموت ساجد ، او شخص بضرب امو ومنزل صورتها وكاتب عليها عبارة عن البِر ، او حتى شخص مفكر انو محور الكون والناس كلها متابعه تحركاتو وهو ما حد عارف عنو أساساً .
لازم الشخص فينا وقت يكتب شغله او يقدم نصيحه على الأقل يكون مطبقها بحياتو والناس ما تقدر تنتقدو وتحكي "يبلش بحالو أول وبعدها ينصح الناس "
انا طبعاً مش ضد النصيحة ولا ضد الامور الايجابيه ، لكن مشكلتي باللي بيحكي شغله وبعمل عكسها ومفكر انو كم لايك بصفحتو بعطيه صلاحيه للانتقاد والحكي بإسم الناس وتقييمهم .
بالقرآن الكريم موجود آيه صريحه "يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ كَبُرَ مَقْتًا عِنْدَ اللَّهِ أَنْ تَقُولُوا مَا لا تَفْعَلُونَ".
الحكي كتير سهل ، والكترونياً مش محتاج الا كيبورد و10 اصابع ، لكن الصعوبه بالتطبيق .
يا ريت لو نركز على حالنا وتصرفاتنا ، بالاضافة انو ما ندعم الشخص اللي متل هيك ولو ما قدرنا نحكي معو عالاقل نتجاهل اللي بيحكيه مشان ما يستمر بنفس المبدأ ويعرف انو في خلل ويبلش يصححو .
لأنو صار ممكن تشوف حدا كارثي بالواقع وملاك بمواقع التواصل ، متل لما تشوف شخص ما بعرف يتوضى اساساً منزل منشور انو نفسو يموت ساجد ، او شخص بضرب امو ومنزل صورتها وكاتب عليها عبارة عن البِر ، او حتى شخص مفكر انو محور الكون والناس كلها متابعه تحركاتو وهو ما حد عارف عنو أساساً .
لازم الشخص فينا وقت يكتب شغله او يقدم نصيحه على الأقل يكون مطبقها بحياتو والناس ما تقدر تنتقدو وتحكي "يبلش بحالو أول وبعدها ينصح الناس "
انا طبعاً مش ضد النصيحة ولا ضد الامور الايجابيه ، لكن مشكلتي باللي بيحكي شغله وبعمل عكسها ومفكر انو كم لايك بصفحتو بعطيه صلاحيه للانتقاد والحكي بإسم الناس وتقييمهم .
بالقرآن الكريم موجود آيه صريحه "يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ كَبُرَ مَقْتًا عِنْدَ اللَّهِ أَنْ تَقُولُوا مَا لا تَفْعَلُونَ".
الحكي كتير سهل ، والكترونياً مش محتاج الا كيبورد و10 اصابع ، لكن الصعوبه بالتطبيق .
يا ريت لو نركز على حالنا وتصرفاتنا ، بالاضافة انو ما ندعم الشخص اللي متل هيك ولو ما قدرنا نحكي معو عالاقل نتجاهل اللي بيحكيه مشان ما يستمر بنفس المبدأ ويعرف انو في خلل ويبلش يصححو .