ضيفنا اليوم..(.القيصر)..اهلا وسهلا فيك ضيف الكرسي

[نقاء]

مساكم نقاء...
ال قلب الغاليين
وبنرجع مع ضيف جديد لكرسي الاعتراف
ضيفنا لليوم
لسه جديد معنا
بس هو يعتبر قديم جديد
حضوره حلو
نشيط
اجتماعي
مرح
البعض بعرفه
والبعض لا يعرف عنه شيء
وعشان نتعرف عليه اكتر
حطيناه ع كرسي الاعتراف

اليوم ضيفنا الجديد ل كرسي الاعتراف
القيصر

نورت كرسي الاعتراف القيصر

ب البداية لازم تجاوب على هاي الأسئلة : -

أسمك !

عمرك !

حالتك الاجتماعيه!

قسمك المفضل !

هواياتك !
ولو ما عندك مانع تحكيلنا

عشر حقائق عنكك !

تحياتي
ومساكم سعاده

[شغف]

اختيار جميل حبيبتي
واتمنى له اقامه ممتعه
وراجعه اذا عندي اسئله
كل الود

[ملاك الحب]

قعدة موفقة
واستضافة اجمل

بانتظار اجاباته
ومتابعة

[البريئة !]

اختيار رائع للقيصر

نورت الكرسي محمود ، ان شاء الله رح كون متابعة و ارجع لطرح الأسئلةة
تحياتي نقاء

[هل كان حباً]

يا هلا القصير منور كرسي الإعتراف


1 / كيف وصلت للمنتدى ؟

2 / اكثر شئ عجبك في المنتدى ؟

3 / شو في عندك اقترحات بتقدمها للمنتدى ؟


يعطيكِ ألف عافية نقاء
كوني بخير

[لم يكن حُبًّا]

نورت قيصرر كرسي الاعترااف

موفق

لي عودة

[Aseel]

يعطيكم العآفية
وبالتوفيق للقيصر
دبلش كم سؤآل

هل تُتقن عملك أم تشعر بالممل؟

إذا وجدت ورقة بيضاء فماذا ترسم لتعبر عن حالتك النفسية؟

هل النت يؤثر على علاقاتك بالناس ؟

ما هي أكثر المواقف التي كنت لا تعتقد أنك ستتجاوزها بسهولة؟

[القيصر]

مساكم نقاء...
مسا السعادة


ال قلب الغاليين
الله يسعد قلبك




وبنرجع مع ضيف جديد لكرسي الاعتراف
تركتي مليار و200 مليون واحد على هالكوكب واخترتيني انا هههههههههههههه




ضيفنا لليوم
ايووووة احكي سامعينك تخجليش زي بيتكوا ههههه




لسه جديد معنا
لا قديم من ايام الابيض واسود هههه




بس هو يعتبر قديم جديد
طيب ارسي على بر جديد ولا قديم





حضوره حلو
يسعدك ربي من ذوقك




نشيط
من بعدك والله




اجتماعي
صحيح




مرح
جيتي ع الجرح انتي هههه




البعض بعرفه
شرف لإلي




والبعض لا يعرف عنه شيء
هياتنا بنتعرف





وعشان نتعرف عليه اكتر
ايوووووووة ههههه




حطيناه ع كرسي الاعتراف
يافرحتيــــي ههههههه




اليوم ضيفنا الجديد ل كرسي الاعتراف
@القيصر (https://www.heartps.com/vb/member.php?u=1577)

نورت كرسي الاعتراف القيصر
النوووور نووورك والله




ب البداية لازم تجاوب على هاي الأسئلة : -
ولا يهمك قولي..



أسمك !
محمود




عمرك !
يعني في حدود 28 قريب ل29




حالتك الاجتماعيه!
متزوج وعندي بنتين الله يطعمهم لكل مشتهي.. شياطين ماشية على الأرض هههههه




قسمك المفضل !
النكت




هواياتك !
بحب القراءة كتير وهوايتي الابحاث لانها هاي بدها فنيات الغالبية ما بيقدر عليها بس هاي هواية عندي أتقنتها




ولو ما عندك مانع تحكيلنا
الله لا يجيب موانع هههه




عشر حقائق عنكك !
- بحب المزح والضحك وما بحب النكد
- أكتر شي بكرهه النفاق والكذب
- بحب السهر او بالأحرى بحب اشتغل بالليل
- ما بحب بالنسبة للأكل اقول هاد بدي وهاد ما بدي.. معروف عني باكل اي شي لانه هاي نعمة ممكن نفقدها بأي لحظة.
- بحب الهدوء وانا بشتغل بس عادي لو كان جنبي صراخ وانا نايم.
- بحب البحر كتييييييير.
- اللي اكرهه مرة عمري ما بآمن اله لو بيصير نبي.
- بتأثر من دمعة طفل أو ست كبيرة بشكل مش طبيعي.
- بحب الليل كتيير.. يعني جو الليل..
- لو شفت حدا بيكفر ممكن أدفنه وهو عايش..


وسلامتكم

تحياتي
ومساكم سعاده


مسا الفل عليكي

[القيصر]

اختيار جميل حبيبتي

يسعد قلبك




واتمنى له اقامه ممتعه

الله يحفظك




وراجعه اذا عندي اسئله
بتشرفي والله




كل الود


الله يسعدك ربي

[القيصر]

قعدة موفقة
الله يسعدك يارب


واستضافة اجمل
بوجودكم طبعاً


بانتظار اجاباته
تسلمي

ومتابعة


بتنوووري

[القيصر]

اختيار رائع للقيصر
الله يسعد قلبك يارب




نورت الكرسي محمود ، ان شاء الله رح كون متابعة و ارجع لطرح الأسئلةة
النووور نورك والله ربي يخليكي ويسعدك.. بتشرفي بكل وقت

تحياتي نقاء


نووورتي

[القيصر]

يا هلا القصير منور كرسي الإعتراف
النووور نووورك ياباشا الله يسعدك ياب

1 / كيف وصلت للمنتدى ؟
صراحة كنت بمنتدى تاني ومشاركاته قليلة جداً.. دورت على منتدى يكون فلسطيني كتبت منتديات فلسطين.. طلع هالمنتدى ضمن الاقتراحات.. فتت لقيت كل الاعضاء بعرف كتير منهم من سنوااااات زمان.. سجلت فيه وعجبني كتييير والله.. المنتدى التاني صار شغلة هيك وبصراحة حسيت انه ممكن يستغنوا عن العضو بأي لحظة حتى لو ما غلط يعني.. تركته خالص وحذفته من عندي.. (ارجو انه ما حدا يتدايق من كلامي لانه هيك صار)




2 / اكثر شئ عجبك في المنتدى ؟
اول شي احترام العضو.. تاني شي المشاركات والتفاعل الكبير.. تالت شي ما حسيت انه انا غريب والدليل انه فتت كرسي الاعتراف بعد ايام قليلة وهاد شي نادر بيصير




3 / شو في عندك اقترحات بتقدمها للمنتدى ؟
والله المنتدى ممتاز وأعضاء ممتازين ومرحين وبشوشين.. اي شي بفكر فيه وبلاقيه ممكن يكون إضافة للمنتدى ما رح أتردد لحظة أقوله..



يعطيكِ ألف عافية نقاء
كوني بخير




نورتني والله الله يسعدك ياغالي

[القيصر]

نورت قيصرر كرسي الاعترااف
النوورك نورك والله




موفق
يسعد قلبك


لي عودة
لي الشرف

[القيصر]

يعطيكم العآفية
الله يعافي قلبك يارب




وبالتوفيق للقيصر
على راسي يسعدك ربي




دبلش كم سؤآل
اتفضلي..




هل تُتقن عملك أم تشعر بالممل؟
اتقنه طبعا الحمد لله وهاد نعمة وفضل من ربنا.. ولا اشعر بالملل لاني بحب شغلي تماماً




إذا وجدت ورقة بيضاء فماذا ترسم لتعبر عن حالتك النفسية؟
أتركها فارغة بيضاء فهذه هي حياتي




هل النت يؤثر على علاقاتك بالناس ؟
طبعاً.. انا شغلي على النت وفي الابحاث لساعات وعشان هيك ما بختلط كتير بالناس لانه الاختلاط الزيادة وجع راس.. فأنا بريح راسي




ما هي أكثر المواقف التي كنت لا تعتقد أنك ستتجاوزها بسهولة؟
لا اعترف بالعقبات الصعبة.. أحاول مرة ومرتين وتلاتة وبتجاوزها باذن الله.. دائماً خلي عندك اصرار ولو حدا حكالك هالشي مستحيل اعرفي انه بده يحبطك مش يخبرك




يسعدك نووورتيني

[Aseel]

يسعدك نووورتيني

ويسعدك
آجابات منطقية ومميزة
رآجعة فيمآ بعد
:po3:

[القيصر]

ويسعدك
آجابات منطقية ومميزة
رآجعة فيمآ بعد
:po3:
بتنوري والله.. السعادة لقلبك

[قمر الماما]

استضافه رائعه لشخصيه محترمه متل قيصر
متابعه معكن
نقاء:po3: مو مقصره بنوب
الله يبعتلكن ايام حلوه
و
سنين احلى

[القيصر]

استضافه رائعه لشخصيه محترمه متل قيصر
متابعه معكن
نقاء:po3: مو مقصره بنوب
الله يبعتلكن ايام حلوه
و
سنين احلى


الله يسعد قلبك على كلماتك الحلوة


الروعة والاحترام من بعدك والله


مودتـــــي

[سكون وانين]

اهلا وسهلا فيك
استضافه رائعه للاخ قيصر
منور الكرسي.

شوبدي اسئلك امممم

شو اسماء اولادك. ..؟

المنتدى مابياخدمن وققتك وو من بيتك وعيلتك...؟


طيب لفت انتباهي كلامك وردك على سؤال ل هل كان حباً

. المنتدى التاني صار شغلة هيك وبصراحة حسيت انه ممكن يستغنوا عن العضو بأي لحظة حتى لو ما غلط يعني..


كيف يعني يستغنو عن عضو و من غير مايغلط. مع انو اغلب اصحاب المواقع بهتمو كتير يكون عندهم اعضاء...؟
تركته خالص وحذفته من عندي..

طيب مش يمكن هون يصير فيك برضو متل هناك..!؟
يعني ان شاء الله مايصير فيك متل هناك. بس مجرد سؤال..

بس هدول اسئلتي اتحملني

ونورت ..

[دفء]

اختيار جميل وموفق للقيصر
نورت كرسي الاعتراف
ان شاء الله تنبسط بوجودك هنا
شكرا نقاء على الموضوع

[القيصر]

اهلا وسهلا فيك
استضافه رائعه للاخ قيصر
منور الكرسي.

يسعدك ربي على كلامك الحلوو خيتي


شوبدي اسئلك امممم
اسئلي ما تخجلي متل بيتكوا هههه




شو اسماء اولادك. ..؟
بنتين ميرال وجوان




المنتدى مابياخد من وققتك وو من بيتك وعيلتك...؟
بصراحة كتير وقت معي للبيت وللشغل ولما بفضى بفوت المنتدى.. يعني قبل شوي فايت المنتدى وبنفس الوقت بعمل شوية شغلات في بحث ع اللاب توب



طيب لفت انتباهي كلامك وردك على سؤال ل هل كان حباً
ايوووون اتفضلي..




المنتدى التاني صار شغلة هيك وبصراحة حسيت انه ممكن يستغنوا عن العضو بأي لحظة حتى لو ما غلط يعني..
لانه اللي صار معي حسسني هيك شي والله ومش عشان طلعت منه بحكي هيك بالعكس.. هما محترمين بس مش شرط انه يحكيلك اطلعي برا المنتدي,فيه افعال بتخلي الواحد يطلع لحاله



كيف يعني يستغنو عن عضو ومن غير مايغلط. مع انو اغلب اصحاب المواقع بهتمو كتير يكون عندهم اعضاء...؟
افعال مع الاعضاء بتخليهم يطلعوا.. انا والله مو حابب احكي هون لانه انا بعتبرها قلة اصل مني.. فأنا بقول الله يسهل عليهم احسن شي







تركته خالص وحذفته من عندي..
صحيح




طيب مش يمكن هون يصير فيك برضو متل هناك..!؟

لااا.. الادارة كنت معهم بنفس المنتدى من سنوات ولو بعرف انه هل كان حباً هون كان من زماااااااااان فتت.. بس صدفة فتت هون.. انا بعرف اخلاقه كتير وطول ما انا ملتزم حدودي أكيد رح يكون في احترام متبادل





يعني ان شاء الله مايصير فيك متل هناك. بس مجرد سؤال..
لا ما رح يصير.. فيه ناس من الادارة هناك كلموني انه ما اطلع لانه الغلط مش عندي عندهم هما.. بس قلتلهم الله يوفقكوا انا طالع.. وهاد اللي صار بشهادة الله
بس هدول اسئلتي اتحملني
لااا ولو انتي بتنوري الصفحة والله


ونورت ..




هاد نووورك




يسعد قلبك وكل اوقاتك

[القيصر]

اختيار جميل وموفق للقيصر
نورت كرسي الاعتراف
ان شاء الله تنبسط بوجودك هنا
شكرا نقاء على الموضوع




الله يسعدك ياااارب



يسلموو على كلماتك الجميلة




كل الاحترام

[بنت أبوي]

ممنور القيصصــر
+ أهلـآ فيكك بالممنتددى و نششالهه تنبسسطط مععناا !
+ خخليني هيكك اششوفف ششو يسسألوكك
و بعدها دوريي :22:
وردهه

[زهر فواح.]

أهلاً وسهلاً بالضيف
منور كرسي الاعتراف
سؤالين على الماشي بعد إذنك

لو لم تكن القيصر هنا من ستكون؟
ماذا يعني لك منتدى قلب فلسطين؟

ربي يحميك ويحفظ لك أموراتك
وإقامه ممتعه أتمناها لك
زهر فواح كانت هنا/

[بعثرة وجع]

اختيار رائع للقيصر منك نقاء
الله يسعد قلوبكم يارب

بتمنالك الراحة التامة وانت ضيفنا
ومنها بنتعرف على أخ عزيز علينا

الي عودة ان شاء الله

تحياتي

[القيصر]

ممنور القيصصــر

هاد نووورك



+ أهلـآ فيكك بالممنتددى و نششالهه تنبسسطط مععناا !
انا مبسوط بالفعل هون.. يسعد قلبك



+ خخليني هيكك اششوفف ششو يسسألوكك

اه انتي راقبي الوضع وخليكي للاخر هههه



و بعدها دوريي :22:

بتنوري اكتر من لامبة 70 فولت



وردهه

الجوري والياسمين لالك





https://www.heartps.com/vb/images/like_share/share.gif (https://www.heartps.com/vb/showthread.php?t=52433&page=3#)

[القيصر]

أهلاً وسهلاً بالضيف
اهلا وسهلا فيكي





منور كرسي الاعتراف
هاد نوووورك والله





سؤالين على الماشي بعد إذنك
اتفضلي مع انه كنت حابب يكونوا تلاتة هههه









لو لم تكن القيصر هنا من ستكون؟
لم أفكر بغير اسم القيصر صراحة





ماذا يعني لك منتدى قلب فلسطين؟
والله اشي كتير.. هو المتنفس والبيت التاني والصحبة الحلوة وكل شي




ربي يحميك ويحفظ لك أموراتك
الله يسعد قلبك ياااارب ويحفظك





وإقامه ممتعه أتمناها لك
الله يسعدك طبعاً بوجودكم





زهر فواح كانت هنا/




نورتي صفحتي والله

[القيصر]

اختيار رائع للقيصر منك نقاء
الله يسعد قلبك يارب




الله يسعد قلوبكم يارب
بتمنالك الراحة التامة وانت ضيفنا
ومنها بنتعرف على أخ عزيز علينا
تسلم تسلم انا الشرف لالي والله




الي عودة ان شاء الله
بتنووور بأي وقت
تحياتي


كل التحايا لعيونك ياغالي

[lonely heart]

شكرا نقاء ع الاختيار الجميل
وان شاء الله بنتعرف عليه من خلال هالموضوع
اهلا وسهلا فيك بيناتنا القيصر
منور المنتدى وكرسي الاعتراف

// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرت؟ ، ولو اتغيرت اتغيرت للاحسن ولا للاسوء؟
وشو الصفات يلي تغيرت فيك بالفترة الماضيه ؟
// لو غمضت عينيك هلأ شو هو الشي يلي ممكن تفكر فيه ؟
// شو اكبر مخاوفك ؟
// شي حققته وبتفخر فيه شو هو ؟
// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجع ؟
// شي مرة قمت بتجربة معينة وحاب تكررها مرة تانيه وشو هي ان وجدت ؟
// شو اكثر شي بميز الشخص يلي بتحب تختاره صديق الك ؟
// ذروة غضبك لوين ممكن تصل وشو ممكن يصدر عنك ؟
// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
// أين ترى نفسك في الحياة ؟ ماذا حققت وما الذي تطمح لتحقيقه بالمستقبل ؟
// اصعب موقف مريت فيه وترك فيك اثر كبير ؟
// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
// شو يلي بميز القيصرعن غيره ؟
// الامنيات كتيره وكل واحد عنده امنيات شو الامنيه يلي بتتمنى تحققيها وبشدة ؟
// ممكن تحكيلنا عن احلى يوم بحياتك ؟
// امتى بتحس بالضعف ؟وامام مين ممكن تضعف ؟
// كنا خير امة اخرجت للناس والان لا يرأيك ماهي الاسباب؟؟
// الصفات يلي بتتمناها بشريك حياتك ؟
// وقت خلوتك مع نفسك بشو بتقضيه ؟
// امتى بقسى قلبك ؟
// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟

بتمنى تكون اسئلتي خفيفه عليك

[القيصر]

شكرا نقاء ع الاختيار الجميل

الله يسعد قلبك يارب




وان شاء الله بنتعرف عليه من خلال هالموضوع

ياتريليون مرحبا فيكي




اهلا وسهلا فيك بيناتنا القيصر
منور المنتدى وكرسي الاعتراف

هاد نووورك انتي والله



// بنظرك امتى الإنسان بتغير؟ وشو الأسباب يلي ممكن تخليه يتغير ؟ وانتى بنظرك بالفترة الاخيره اتغيرت؟ ، ولو اتغيرت اتغيرت للاحسن ولا للاسوء؟
الانسان بيتغير في مواقف كتير: لو شعر بإهمال.. لو حس بنقصان من قيمته عند حدا.. لو زادت عزة النفس عندي ممكن اتغير.. برضو اذا شعرت بقوة وحافز عندي ممكن اتغير.. وكمان لو اتحديت نفسي بالتغيير
أنا الحمد لله أموري تمام ما اتغيرت ولكن بحاول أطور نفسي للأفضل




وشو الصفات يلي تغيرت فيك بالفترة الماضيه ؟
الحمد لله بحاول بتطوير نفسي للأفضل مو تغيير بمعنى التغيير




// لو غمضت عينيك هلأ شو هو الشي يلي ممكن تفكر فيه ؟
انه انا صرت بمكان تاني بعد ما أكمل الدكتوراه على خير يارب





// شو اكبر مخاوفك ؟
المستقبل المظلم بغزة هون





// شي حققته وبتفخر فيه شو هو ؟
لسة قدامي طريق طويل ممكن افتخر فيه لقدام





// لو طُلب منك العودة في الزمن وتصحيح أمر خاطئ صدر عنك .. شو هادا الخطأ وإلى أي وقت رح ترجع ؟
انه انا ضليت بعد توجيهي بغزة وما طلعت برا





// شي مرة قمت بتجربة معينة وحاب تكررها مرة تانيه وشو هي ان وجدت ؟
الحمد لله لو بدي اعمل شي بعمله بدون ما اجرب







// شو اكثر شي بميز الشخص يلي بتحب تختاره صديق الك ؟
الوفاء والصداقة دون مصالح شخصية







// ذروة غضبك لوين ممكن تصل وشو ممكن يصدر عنك ؟
لما اغضب بضل اقول لا اله الا الله لغاية ما ينطفي الغضب







// تجري الرياح بما لا تشتهي السفن
كم هي المرات التي جرت فيها الرياح عكس آمالك وطموحاتك ؟
مرات قليلة بس مؤثرة ولكن كل شيء عند الله بمقدار







// أين ترى نفسك في الحياة ؟ ماذا حققت وما الذي تطمح لتحقيقه بالمستقبل ؟
الحمد لله بحاول اكون بالمقدمة وان شاء الله اوصل.. حققت شغلات كتير من ضمنها الماجستير.. واطمح للدكتوراه وما بعد ان شاء الله واطلع من هالبلد





// اصعب موقف مريت فيه وترك فيك اثر كبير ؟
وفاة امي الله يرحمها







// الدنيا مرات بتعطينا اشيا ومرات بتاخد منا . شو اعطتك الدنيا وشو اخدت منك ؟
اعطتني العلم والشغل والبيت.. اخدت مني امي وهاد لحاله اكبر وجع







// شو يلي بميز القيصرعن غيره ؟
الطموووح لانه الحمد لله عندي طموح لقدام بشكل مو طبيعي







// الامنيات كتيره وكل واحد عنده امنيات شو الامنيه يلي بتتمنى تحققيها وبشدة ؟
اكمل دراسة ان شاء الله واطلع ن غزة







// ممكن تحكيلنا عن احلى يوم بحياتك ؟
يوم مناقشة الماجستير واشادة اللجنة بالرسالة







// امتى بتحس بالضعف ؟وامام مين ممكن تضعف ؟
لما ست كبيرة او طفل يبكوا قدامي







// كنا خير امة اخرجت للناس والان لا يرأيك ماهي الاسباب؟؟
ونحن كذلك الى اليوم.. يقول النبي صلى الله عليه وسلم "الخير فيّ وفي امتي الى يوم الدين". هذه انتكاسات سرعان ما تزول باذن الله







// الصفات يلي بتتمناها بشريك حياتك ؟
المحافظة علي البيت والعشرة "وكفى" لانه هاي الصفة رح تجمع الامانة والاخلاق والدين







// وقت خلوتك مع نفسك بشو بتقضيه ؟
بالتفكير بهالدنيا السيئة







// امتى بقسى قلبك ؟
الحمد لله ما بيقسى بسرعة







// دمعة انحبست داخل عيونك واجبرك الزمن على ايفافها قبل أن تسقط امتى وشو السبب ؟
ايام وفاة امي تحجرت الدموع لكن سرعان ما سقطت







بتمنى تكون اسئلتي خفيفه عليك
نورتيني ياست الكل






شرفتي صفحتي

[سارة المصرية]

اكيد اختيار جميل لشخص
متل اخي محمود راح اتابع بصمت
موفق اخي

[زهر فواح.]

نورتي صفحتي والله




هههه
ولا يهمك هذا سؤال ثالث

ما الأمر الذي تتمنى تحقيقه ولا زلت تسعى له؟

شكراً لروحك المرحه وتجاوبك مع الاسئله
دمت بخير

[القيصر]

اكيد اختيار جميل لشخص
متل اخي محمود راح اتابع بصمت
موفق اخي


الله يسعد قلبك ياااارب ويحفظك


كلامك على راسي والله




كل الود والاحترام

[القيصر]

هههه
ولا يهمك هذا سؤال ثالث
يمااا ليش فايتة حامية للمشاكل ههههههه




ما الأمر الذي تتمنى تحقيقه ولا زلت تسعى له؟
اكمل الدكتوراه على خير واطفش من هالبلد هههههه




شكراً لروحك المرحه وتجاوبك مع الاسئله
الله يسعدك يارب ياست الكل نورتيني



دمت بخير




كل الود والاحترام

[Aseel]

هل تنسى إساءة الآخرين لك؟ أم أنك صعب نسيان الإساءة؟

هل تفضل مشورة الآخرين قبل أن تتخذ قراراتك؟ أم أنك تنفرد في قراراتك دون أن تستشير أحد؟

هل تفضل الملابس الكلاسيكية؟ أم تفضل الملابس العصرية الكاجوال؟

هل تميل للنقاشات الحادة التي تحاول أن تثبت فيها صحة آرائك؟، أم تفضل النقاشات الودية المرنة؟

من وجهة نظرك من هو الصديق الوفي؟

هل تتذكر السبب الذي بكيت من أجله أخر مرة؟


كم سؤال
:)

[القيصر]

هل تنسى إساءة الآخرين لك؟ أم أنك صعب نسيان الإساءة؟
حسب طبيعة الاساءة.. هناك إساءة لا يمحوها النسيان أبداً



هل تفضل مشورة الآخرين قبل أن تتخذ قراراتك؟ أم أنك تنفرد في قراراتك دون أن تستشير أحد؟
الحمد لله أنا الناس بتستشيرني بشغلات كتير.. يعني بقدر افرق بين الصح والغلط واللي المفروض ينعمل واللي لازم ابعد عنه.. ولكن هذا لا يمنع اني بشاور الاخرين اللي بعرف انهم خايفين على مصلحتي بقراراتي المهمة




هل تفضل الملابس الكلاسيكية؟ أم تفضل الملابس العصرية الكاجوال؟
والله حسب الوضع.. الكلاسيكي فيه منهم حلوات كتير بلبسهم.. والكاجوال بلبسه لو ما كان أوفر زيادة




هل تميل للنقاشات الحادة التي تحاول أن تثبت فيها صحة آرائك؟، أم تفضل النقاشات الودية المرنة؟
لا لا النقاشاتالودية أقرب للحل أكتر بتكون.. النقاش الحاد نهايته عقيمة للأطراف كلها




من وجهة نظرك من هو الصديق الوفي؟
كاتم السر.. الموجود معاك بكل صغيرة وكبيرة.. اللي بيخاف على مصلحتك.. اللي بينصحك من محبة





هل تتذكر السبب الذي بكيت من أجله أخر مرة؟
طبعاً.. وفاة أمي من سنةونص تقريبا

كم سؤال
انتي تسألي براحتك

:)




نورتيني أكتر من لامبة 100 فولت




مودتي واحترامي

[نقاء]

مساك ورد القيصر
بالاول احكيلي شعورك وانت ع الكرسي
مبسوط....والا للحظه اندمت؟
طيب في سؤال معين نفسك حد يسالك اياه؟
طب انسالت سؤال م اتمنيت تنسأله؟
القيصر شو نقطة صعفك؟
اغلب قراراتك الصح تكون من قلبك ولا عقلك؟!
مرت عليك لحظه تتمنى لو يوقف الزمن عندها
عادي تحكيلنا شو هي؟..لو سر اكيد مش مشكله
شو توقعاتك ل ٢٠٢١
احلى والا اسخم؟
تاريخ مميز بالنسبه لالك
لو طلبت منك تكتب رساله لحد
لمين رح تكتب؟
عندك حد ممكن نسميه الاقرب لالك واللي بتلجأ لاله وقت تكون متضايق وبتفضفضله ومين هو
حاليا بكفي هدول
بس راجعه اكيد

[القيصر]

مساك ورد القيصر
مسا الاناناس




بالاول احكيلي شعورك وانت ع الكرسي
مبسوط....والا للحظه اندمت؟
الحمد لله تمام بس شكل الكرسي مكسور الظاهر حدا كان قبلي تقيل شوي





طيب في سؤال معين نفسك حد يسالك اياه؟
لا والله كلهم ما حدا قصر هههههه



طب انسالت سؤال م اتمنيت تنسأله؟
لا طبعا.. انا كتاب مفتوح





القيصر شو نقطة صعفك؟
دموع الستات الكبار والاطفال





اغلب قراراتك الصح تكون من قلبك ولا عقلك؟!
شوفي.. بفكر بالاتنين لكن دايماً العقل بيغلب لانه لو القلب غلب بيكون نهاري اسود هههه





مرت عليك لحظه تتمنى لو يوقف الزمن عندها
لا صراحة







عادي تحكيلنا شو هي؟..لو سر اكيد مش مشكله
لا لا ما في اسرار بحياتي







شو توقعاتك ل ٢٠٢١
احلى والا اسخم؟
لا لا انا دايماً متفائل بالحياة.. عشان هيك رح تكون سنة سودة ومنيلة حسب توقعي هههه يمكن نموت كلنا فيها هههههههه









تاريخ مميز بالنسبه لالك
13/7 ميلادي
3/7 ميلاد بنتي







لو طلبت منك تكتب رساله لحد
لمين رح تكتب؟
لامي الله يرحمها.. بقولها اشتقتلك







عندك حد ممكن نسميه الاقرب لالك واللي بتلجأ لاله وقت تكون متضايق وبتفضفضله ومين هو
لا لا ما بآمن لبشر مهما كان.. اسراري وقراراتي معي انا





حاليا بكفي هدول
بس راجعه اكيد
يارب وانتي جاية الكهربا تقطع ع باب الصفحة وما تعرفي تفوتي هههههههههههههه




نورتيني اكتر من لامبة 100 فولت

[نقاء]

نورتيني اكتر من لامبة 100 فولت


شكرا لاجاباتك
غلبتك..هه
راجعه راجعه حتى لو ع العتمه

[القيصر]

شكرا لاجاباتك
غلبتك..هه
راجعه راجعه حتى لو ع العتمه


ع العتمة


كون ييجي فار يمر من جنبك


مهو الصفحة عندي كلها فيران هههههه

[مروة صيام]

لحقتي تحطيه علي الكرسي ههههههه
منور يا قصرنا
يسعد صباحك

عوافي يا قلبي نقاء

كم مرة ندمت علي أشياء عملتها بحياتك

لو رجع فيك الزمان للوراء شو كان غيرت بنفسك

للمرأة دور فعال في حياة كل رجل شو رأيك

مقولة بتحب دائما تقولها

راجعة هههههه

[Aseel]

صبآح الخير

كيفك ؟

ورجعت بكم سؤال

حاليا"من المنتصر بحياتك قلبك آو عقلك؟

هل انت شخص متحدث ام مستمع !

مدينة تحب لهجتها ؟

شاي، قهوة، نسكافيه ؟

الخط الأحمر بحياتك شو ؟

[القيصر]

لحقتي تحطيه علي الكرسي ههههههه
شفتي عاد.. هاد بدل الضيافة والشاي والنسكافيه قعدتني على الكرسي هههه




منور يا قصرنا
نووورك ياست الكل





يسعد صباحك
وصباحك وكل أوقاتك




عوافي يا قلبي نقاء
كم مرة ندمت علي أشياء عملتها بحياتك
مش كتير لاني بفكر قبل ما أعمل الشي.. ولو ما زبط ما بندم عليه لانه بيكون من اختياري




لو رجع فيك الزمان للوراء شو كان غيرت بنفسك
كان بعد توجيهي طلعت من هالبلد بس قدر الله وما شاء فعل.. رح اعوضها قريب ان شاء الله




للمرأة دور فعال في حياة كل رجل شو رأيك
طبعاً بكل تأكيد.. يا إما ترفعه السما يا إما تنزله سابع أرض




مقولة بتحب دائما تقولها
كل اللي من ربنا خير




راجعة هههههه
يارب وانتي راجعة يطفي الضو تبع الصفحة وتدعسي على فار ههههههههه






نورتيني والله

[القيصر]

صبآح الخير
صباح الأنوار كلها




كيفك ؟
والله الحمد لله شربت كاكاو من تبع عليوة وهيني قاعد هههه




ورجعت بكم سؤال
والله ما كنت بدي اغلبك كان ضليتي مرتاحة ههههههه




حاليا"من المنتصر بحياتك قلبك آو عقلك؟
العقل طبعا.. لانه لو القلب بده يتحكم فينا بنروح في داهية.. طبعا فيه دور للقلب لكنه ما بينتصر غالباً عندي




هل انت شخص متحدث ام مستمع !
مستمتع بشكل اكبر.. ماخد بمقوله هات وما تاخد ههههه




مدينة تحب لهجتها ؟
الخليل بحب لهجتها.. بتحسيها هيك بتعبر عن اصالة الفلسطينيين وعنفوانهم





شاي، قهوة، نسكافيه ؟
شاي ونسكافيه.... القهوة ما بشربها
الخط الأحمر بحياتك شو ؟
الخط الأحمر هو حياتي الشخصية ما بسمح لحدا يتجاوزها






نورتي الصفحة ياست الكل

[Aseel]

نورتي الصفحة ياست الكل

ههههه
هذا عليوة نوع
كاكاو ولا شخص
آعتبره سؤال :77:
وصحة وعآفية
وآجاباتك جميلة
رح نغلبك شوي
آتحمل آسئلتنا
وبعدين آسئلتي ظراف :4005:

[القيصر]

ههههه
هذا عليوة نوع
كاكاو ولا شخص
آعتبره سؤال :77:
وصحة وعآفية
وآجاباتك جميلة
رح نغلبك شوي
آتحمل آسئلتنا
وبعدين آسئلتي ظراف :4005:




ههههههههه لا لا غلبيني براحتك


عليوة مسلسل اردني كوميدي بيضحك كتير


كان عليوة هاد بيحب الكاكاو يعنى مشروبه المفضل


يعنى كان شوي ويغمس فيه هههههههههه

[هاوي القدس]

وااااااااااااو
شخصية وزنها كبير على الكرسي رايح اتابع اكيد
بالتوفيق القيصر
واحسنتي الاختيار نقاء
لي عودة

[Aseel]

مسآء الخير

نبلش stt3

لماذا كل تبريرات الوداع غير مقنعة .!؟

هل ندمت يومًا على مشاعر صادقة قدمتها لشخصٍ ما .! ?

ماهو أفضل قرار أتخذته حتى الأن ؟

هل أنت ما كنت عليه من عامًا مضى؟

تتقبل النقد ؟

اشاعه سمعتها عن نفسك؟

لو الحقيقة تجرحك كثيراََ هل تفضلها على الكذب؟

:u4:

[القيصر]

وااااااااااااو
شخصية وزنها كبير على الكرسي رايح اتابع اكيد
بالتوفيق القيصر
واحسنتي الاختيار نقاء
لي عودة


حبيبي ياغالي


ربي يسلمك .. بانتظارك حبيبي

[القيصر]

مسآء الخير
مساء الورد




نبلش stt3
اهلا اهلا ههههههه




لماذا كل تبريرات الوداع غير مقنعة .!؟
لنها بتكون تبرئة عتب ليس أكثر




هل ندمت يومًا على مشاعر صادقة قدمتها لشخصٍ ما .! ?
نعم




ماهو أفضل قرار أتخذته حتى الأن ؟
انو رح اطلع من هالبلد




هل أنت ما كنت عليه من عامًا مضى؟
لا طبعا




تتقبل النقد ؟
بكل رحابة صدر




اشاعه سمعتها عن نفسك؟
هههههههه سر




لو الحقيقة تجرحك كثيراََ هل تفضلها على الكذب؟
نعم بصدق
:u4:
نورتيني ياست الكل
ابقيتعالي زي داركوا هههه

[Aseel]

نورتيني ياست الكل
ابقيتعالي زي داركوا هههه

ردود صريحة ومختصرة
وسريعة emoji3
رآجعة هههه

[Aseel]

ما الفرق بين التردد والحيرة ؟

الوجع الذي لا يشفى ماذا يسمى ..؟

هل تمتلك فن الرد السريع؟

هل تهتم بالتفاصيل الصغيره؟

كيف تعالج اليأس ؟

:10021:

[القيصر]

ما الفرق بين التردد والحيرة ؟
هي سبب ونتيجة.. فالحيرة من شيء تؤدي للتردد في اتخاذ قرار تجاهه



الوجع الذي لا يشفى ماذا يسمى ..؟
هو مرض مزمن متل الحب مثلا هههه لا يرجى شفاؤه




هل تمتلك فن الرد السريع؟
بشكل كبييير




هل تهتم بالتفاصيل الصغيره؟
طبعا لان التفاصيل الصغيرة ممكن ان يكون خلفها جبال كبيرة




كيف تعالج اليأس ؟
بالامل والدافع القوى
:10021:


ازعل.. ياوردي عليا.. انتي بتنوريني والله

[Aseel]

يسعد صباحك القيصر
كم سؤال

الصاحب ممكن يتحول لعدو؟

ما هي الشخصية المميزة في حياتك؟

هل تحب المشاركة الاجتماعية أم أنت شخص منطوي؟

إذا قمت بالسفر إلى نزهة خارج بلدك فمن هو الشخص الذي تحب ان يرافقك؟

معك باقة ورد لمين بتهديها ؟

هل شعرت من قبل انك وحيد ؟

ماهي الطريقة التي تعود بها لهدوئك بعد موجة غضب ؟

[القيصر]

يسعد صباحك
صباح الياسمين

القيصر
كم سؤال
من عنوني اتفضلي


الصاحب ممكن يتحول لعدو؟
طبعا اذا علي الطمع عليه..او زاد الحسد عنده


ما هي الشخصية المميزة في حياتك؟
تاريخيا بعد النبي بحب شخصية عمر بن الخطاب لانه كان شديد وحازم جداا



هل تحب المشاركة الاجتماعية أم أنت شخص منطوي؟
بحب اشارك في حدود يعني مش بشكل كبير


إذا قمت بالسفر إلى نزهة خارج بلدك فمن هو الشخص الذي تحب ان يرافقك؟
لحالي صراحة هههه


معك باقة ورد لمين بتهديها ؟
الك لأنك بتتذكريني في الكرسي هون


هل شعرت من قبل انك وحيد ؟
لا الحمد لله


ماهي الطريقة التي تعود بها لهدوئك بعد موجة غضب ؟
النووم



نورتيني يا ست الكل

[Aseel]

يسعد مسآك القيصر
ويسلمو ع باقة الورد

آخر كم سؤال مني :9001:

"هل هزّمك الخـوف، أم أخَافتك الهزائم"؟

كيف تفرغ الطاقة السلبية من داخلك ؟

ايهما اصدق السمع ام البصر ..؟

هل تقبل الاعتذار من شخص يكرر الخطا!؟


إذا أردت أن تغير جانبًا واحدًا في حياتك، فماذا يكون؟

[مروة صيام]

القيصر

مسائي

كم سؤال هيك علي الماشي تفضل جاوب يلا ههههه

كم مرة تعرضت للظلم؟
موقف صعب صار معك ما تنساه؟
باقة ورد جوري لمن تهديها؟
كلمة شكرا لمين تقولها؟
كم مرة بكيت علي غياب أحد غالي عليك؟

بكفي هيك

[القيصر]

يسعد مسآك @القيصر (https://www.heartps.com/vb/member.php?u=1577)
ويسلمو ع باقة الورد
يسعد قلبك يارب ياست الكل


آخر كم سؤال مني :9001:
هاتي تنشوووف



"هل هزّمك الخـوف، أم أخَافتك الهزائم"؟
الحمد لله لا هذا ولا ذاك.. لانه موكل امري لربنا في كل شيء




كيف تفرغ الطاقة السلبية من داخلك ؟
الشغل او بعمل اي شي بالبيت




ايهما اصدق السمع ام البصر ..؟
البصر طبعا





هل تقبل الاعتذار من شخص يكرر الخطا!؟
لا



إذا أردت أن تغير جانبًا واحدًا في حياتك، فماذا يكون؟
ممكن يكون الكسل شوي ههه






نورتيني والله

[القيصر]

@القيصر (https://www.heartps.com/vb/member.php?u=1577)
ايووون




مسائي
مسائك شوكولاتة




كم سؤال هيك علي الماشي تفضل جاوب يلا ههههه
حاضر بس تزقيش ههههه




كم مرة تعرضت للظلم؟
اكتر من مرة والله





موقف صعب صار معك ما تنساه؟
موت امي.. وحادث صار معي وربنا ستر





باقة ورد جوري لمن تهديها؟
الك





كلمة شكرا لمين تقولها؟
لمنتدى قلب فلسطين لانهم بصراحة متل الاخوة اول ما فتت ما شعرت بغربة





كم مرة بكيت علي غياب أحد غالي عليك؟
خالتي يللي ربتني زي امي ماتت قبل 8 سنوات.. وامي ماتت قبل سنة ونص




بكفي هيك
بدري هينا قاعدين هههه






ابقي تعالي زي داركوا هههه

[مروة صيام]

جيت هههههه في عشاء

شو رأيك بمروة صيام بكل صدق ؟
رحم الله امرئ اهداني عيوبي شو رأيك؟
شو التخصص يلي ما تحبه؟
بكرة احلا من اليوم رأيك؟
لو حدا غالي عليك غلط بحقك شو تصرفك معاه؟

[مروة صيام]

خلص جاوب القيصر
يمكن يشولك ويحطوني هههههه تفرحش:32:

[نقاء]

القيصر
مستعجلين يشيلوك عن الكرسي
اعتقد هيك م ضل حد ناوي يسال
بكرا هغلق الموضوع ان شاء الله
بس صدقا وبصراحه
كنت رائع بكل شيء
اجاباتك تمتعت بالصدق والمرح
وكانت فتره مليئه بالصدق والمرح
نوورت
ويعطيك الف عافيه
وسامحنا لو ازعجنااك
دمت بخير

[القيصر]

جيت هههههه في عشاء
همك على بطنك انتي هههه


شو رأيك بمروة صيام بكل صدق ؟
من أظرف وأجمل العضوات.. ربي يسعد قلبك




رحم الله امرئ اهداني عيوبي شو رأيك؟
والله ما شفت منك عيوب غير انك بتجننيني




شو التخصص يلي ما تحبه؟
الرياضيات ههه




بكرة احلا من اليوم رأيك؟
مظنش هههه




لو حدا غالي عليك غلط بحقك شو تصرفك معاه؟
بلتمس له العذر اول مرة وتاني مرة بس بعد هيك بتصير بجاحة هههه


نورتيني يا ست الكل

[القيصر]

خلص جاوب @القيصر (https://www.heartps.com/vb/member.php?u=1577)
يمكن يشولك ويحطوني هههههه تفرحش:32:
انتي بس بدك يشيلوني وبس


يارب يحطوكي على الكرسي ويطلع مكسوووور يلااااا

[القيصر]

القيصر
مستعجلين يشيلوك عن الكرسي
اعتقد هيك م ضل حد ناوي يسال
بكرا هغلق الموضوع ان شاء الله
بس صدقا وبصراحه
كنت رائع بكل شيء
اجاباتك تمتعت بالصدق والمرح
وكانت فتره مليئه بالصدق والمرح
نوورت
ويعطيك الف عافيه
وسامحنا لو ازعجنااك
دمت بخير




بدهم يشيلوني ويقعدوا


ههههه


الله يسعدك يارب



النووور نورك ياست الكل



لا لا ولا ازعاج ولا شي انا كنت مبسوط صدقاً


كل التقدير والاحترام

[نقاء]

يعطيك الف عافيه القيصر
انبسطنا معك بجد
وانتظرونا مع ضيف جديد