[ ههل ككانن ححبا + البرييئهه ععضضوينن تححت الننقاشش ]

[S T E L L A]

هآي

مسسآء الـورد ي آححلى ممآ ففي ههآدد الككونن ☺ ')

الفككرهه : بتعرفوههآ اوككهه
لـ تزككير : ججآوبو ع الآسئلهه الـ 5 في كل صصرآحهه
وفي ششرط ككل عضضو بسسآل العضضو الثنآئي الـو 3 آسئلهه ☺

الآسئلهه
لـ العضو المخختآر
لو ككنت بنت ششو ششعوركك ؟ ')
لو بإمكآنكك تغغير صصفهه أو ششي ففي البنآتت ششو بتغير ؟ ')
آككتر ششي بعجبكك ففي البنت و بجذذبكك ؟ ')
ششي بتكرهو ففي البنآت ؟ ')
ككيف ردود الصبآيآ في المنتدى ؟ ')
الآسئلهه
لـ العضضوهه المخختآرهه
لو ككنتي ولد ششو ششعوركك ؟ ')
لو بإمكآنكك تغغيري صصفهه أو ششي ففي الشبآب ششو بتغيري؟ ')
آككتر ششي بعجبكك ففي الششب و بجذذبكك ؟ ')
ششي بتككرهي ففي الششبآإب؟ ')
ككيف ردود الششبآإب في المنتدى ؟ ')

ممعنآ الثننآئي
"|ههل كانن ححبآإ | البريئةة | "
بــآإي

[هل كان حباً]

يسعد مساكي
الموضوع حلو كثير وبيعمل جو
سعيد بإختياري
وسعيد اكثر بوجود البريئة معي في الموضوع
شكراً لك باربي

[البريئة !]

الله يسعد مساكِ ننوش و مسا هل كان حباً
اول شي بيسعدني المشاركة بهالموضوع مع انسان رائع متله
ان شاء الله تكون مشاركاتنا حلوة و تعجب الأعضاء هههه

برجع بالأجوبة
تحياتي .

[علاء فلسطين]

شكراً ايتها النبيلة لأختيارك الشخصيات التي أعزها
ننتظر دخولهم إلى طاولة النقاش
تقديري والتحايا

[lonely heart]

اختيار موفق لعضوين مميزين
واعين وفهمانين
واكيد نقاشهم رح يكون ممتع
عوافي حبيبتي

[البريئة !]

لو ككنتي ولد ششو ششعوركك ؟ ')
صراحة و لا مرة تخيلت اني اكون ذكر لهيك تحديد الشعور رح يكون صعب
لكن بشكل عام شعور مؤلم او سيء
لأن الشباب مطلوب منهم مسؤوليات اكبر من البنات بهالحياة
رح اعيش طوال حياتي افكر كيف اكون قد هالمسؤوليةة


لو بإمكآنكك تغغيري صصفهه أو ششي ففي الشبآب ششو بتغيري؟ ')
التسلط و الإهمال و تفكيرهم بإنهم قوامون على النساء بدون فهم المعنى الصحيح


آككتر ششي بعجبكك ففي الششب و بجذذبكك ؟ ')
اسلوبه بالمعاملة و رقي تفكيره



ششي بتككرهي ففي الششبآإب؟ ')
الصفات اللي ذكرتهم فوق


ككيف ردود الششبآإب في المنتدى ؟ ')
و الله ما شاء الله عليهم
قمة بالأخلاق و الإحترام
و غالباً بصلب الموضوع
و ولا حد فيهم بتعدا حدوده مع اي عضو تاني

[البريئة !]

بإنتظار مشاركة هل كان حباً
و طرح الأسئلة

[S T E L L A]

ح ييكونن ففي اضضافةة لمموضوع
+ بمما انيي ففنانهه باخختراعع الاسسئلهه
للاكششنيهه !
+ انو ح نزلل الكمم اسسئلهه بتخخص ممنتدى
و ششوفف ككلحدنن وججهةة نظظرو + ططبعهاا بنهايةة ابمموضوعع

[هل كان حباً]

لو ككنت بنت ششو ششعوركك ؟ ')
صراحة صعب اوصف شعوري وقتها
لأن الشئ عمره ما رح يصير وما عمري فكرت فيه
لكن الشعور بحد ذاته صعب لاسيما ان حياتك هتنقلب رأساً على عقب
لو بإمكآنكك تغغير صصفهه أو ششي ففي البنآتت ششو بتغير ؟ ')
النكد يمكن
آككتر ششي بعجبكك ففي البنت و بجذذبكك ؟ ')
اخلاقها ، شخصيتها ، مرحها ، ركازتها ، جسمها ، عيونها ،
ششي بتكرهو ففي البنآت ؟ ')
الزعل السريع ، النكد ، الغيرة الزايدة عن حدها
ككيف ردود الصبآيآ في المنتدى ؟ ')
ماشي حالها
في ردودهم حلوة ومميزة
وفي ردودهم عادية

[هل كان حباً]

1- ما هي طموحاتك او احلامك وهل حققتي شئ منها ؟ وهل ماشية في تحقيقها ؟

2- عندما تشعرين بألم ووحدة ماذا تفعلين وإلى اين تذهبين ؟

3 - ما ردة فعلك لو زوجك حكالك انه ناوي يتزوج عليكِ ومصمم وماخذ قرار في هالشئ ؟

[البريئة !]

1- ما هي طموحاتك او احلامك وهل حققتي شئ منها ؟ وهل ماشية في تحقيقها ؟
احلامي انتقل على بيت اوسع او نوسع بيتنا
و نعمل تصليحات ناقصة ، الحمد لله بلشنا لكن المشوار طويل و مش سهل

و كمان بالنسبة لي راحت عليي ، ما عندي طموح شخصية
بتمنى لإبني مستقبل مثمر و يكون له اسم و مكانة بالمجتمع و يكون دكتور
لكن بعد تعب و ارهاق اخي ببداية دراسة الطب ، شكلي هتخلى عن هالحلم


2- عندما تشعرين بألم ووحدة ماذا تفعلين وإلى اين تذهبين ؟
فوراً بروح على محادثة خواتي ع المسنجر
او ممكن اتصل على وحدة فيهم ازا الشغلة محتاجة بكي هههه


3 - ما ردة فعلك لو زوجك حكالك انه ناوي يتزوج عليكِ ومصمم وماخذ قرار في هالشئ ؟
ما بقدر امنعه كونه الشرع معه
لكن بقدر اطالب بحقوقي و اعتبرها انتقام ..

اهم شيء ما تعيش الزوجة التانية بمكان قريب مني ، يغير المنطقة
كل حقوقي الناقصة اللي كرماً مني صابرة عليها
مجبور يأمنها قبل يتزوج

[البريئة !]

* الحياة بغزة صعبة نوعاً ما ، و انت قدرت تسافر على مصر و اكيد بتقدر من هناك تنتقل على دولة تانية
ليه ما فكرت تستقر برا غزة .؟؟


* لو اجا مسؤول و سألك ايش مطالبك كَ مواطن ، ايش بتواجب .؟


* عندك اصدقاء من غير ديانات ، او ايش رأيك بالصداقة
ما بين مسلم و مسيحي او يهودي او .. الخ .؟

[ملاك الحب]

متابعة بصمت
بتجننو ....

[هل كان حباً]

* الحياة بغزة صعبة نوعاً ما ، و انت قدرت تسافر على مصر و اكيد بتقدر من هناك تنتقل على دولة تانية
ليه ما فكرت تستقر برا غزة .؟؟بخصوص مصر ، بلد غير مؤهلة انك تستقر أو تبني مستقبل فيها لهيك ما فكرت استقر فيها
ومسألة السفر من مصر لأي بلد آخر محتاجة شوية ترتيبات ويكون لك ناس في البلد الي انت هتسافر عليها
وانا ما عندي أحد اركن عليه في بلد ثاني حتى اسافر ،ومش حابب اسافر واتلطم او افشل واعاود ارجع




* لو اجا مسؤول و سألك ايش مطالبك كَ مواطن ، ايش بتواجب .؟
أقوله يا بعيش زي عيشتك يا بتعيش زي عيشتي


* عندك اصدقاء من غير ديانات ، او ايش رأيك بالصداقة
ما بين مسلم و مسيحي او يهودي او .. الخ .؟
ما عندي مشكلة اتصادق مع مسيحي
لكن مع يهودي لا ما بقبل انا فلسطيني
واليهود مغتصبين أرضي وبيقتلوا أبناء شعبي
علاقتي فيهم هتكون حرب وليس صداقة

[هل كان حباً]

زواجك في سن مبكر أثر عليكِ سلباً أم إيجاباً ولماذا سواء سلباً او ايجاباً ؟

إذا كان زوجك عصبي كيف تمتصي غضبه وكيف بتتعاملي معه لما تطلبي أشياء بدك اياها وهو يرفضها ؟

بما انك تزوجتي في سن مبكر شو بتنصحي البنات الي مقبلين على الزواج وهما في سن مبكر ؟

[دفء]

حلوة كتير فكرة تجديد الموضوع
واختيار مميز للبريئة وهل كان حبا
متابعة لاجاباتهم اكيد
شكرا حبيبتي ننوش

[البريئة !]

زواجك في سن مبكر أثر عليكِ سلباً أم إيجاباً ولماذا سواء سلباً او ايجاباً ؟
مش عارفةة صراحة
يمكن سلبي ، لأني ما عشت طفولتي كاملة
انتقلت من بيت اهلي لبيت ناس ما بعرفهم و انا طفلة ، جاهلةة
ما كان صوتي يطلع ،كل شي بحكولي عليه بقول حاضر
سواء صح او غلط ، ما كان في جرأة ادافع عن حالي بكتير مواقف
و خسرت تعليمي ..

إذا كان زوجك عصبي كيف تمتصي غضبه وكيف بتتعاملي معه لما تطلبي أشياء بدك اياها وهو يرفضها ؟
كل رجل بالدنيا له نقطة ضعف و الزوجة الشاطرة بتعرف نقطة ضعف زوجها
و لكل زوجة اساليب بإقناع زوجها بأي أمور بدها ياها

بالنسبة للعصبية ، بمتص غضبه بالهدووء
ما بحكي ولا كلمة و هو معصب ، بتركه شوية وقت ليهدا
و بس ابلش كلامي معه ، ببلش بهدوء ، و ممكن اخد معي كاسة قهوة
( مش دايماً بعملها ههه )

بما انك تزوجتي في سن مبكر شو بتنصحي البنات الي مقبلين على الزواج وهما في سن مبكر ؟
الزواج هو مش مشروع و لا مكسب لا
في كتير اشياء مهمة اكتر من الزواج
التعليم مثلاً ، هو اللي رح يفيدك مستقبلاً

النصيحة الاولى و الأخيرة ، لا تتزوجوا قبل دراسة الجامعة

[البريئة !]

رأيك بالصداقة بين الجنسين ، بما اننا بمجتمع يفرض علينا التعامل مع الجنس الاخر سواء بجامعة او بالوظيفة .؟


لو اعجبتك بنت ، كيف ممكن توصللها اعجابك فيها .؟


زواجك رح يكون تقليدي ، الوالدة تختار لك
و لا رح يكون عن حب و انت تختار البنت .؟

[قمر الماما]

ماشاء الله
اختيار لِ شخصيتين بارزتين و مثقفين كتير
أكيد متابعه معكن
بتشكرك كتير باربي

[شغف]

موضوع بيجنن واختيار انيق لهل كان حبا والبريئة
واكيد حسنتفيد من كلامهم ماشاءالله عليهم
شخصيات قويه كثير وفكرهم واعي

[هل كان حباً]

رأيك بالصداقة بين الجنسين ، بما اننا بمجتمع يفرض علينا التعامل مع الجنس الاخر سواء بجامعة او بالوظيفة .؟
رأيي في الصداقة بين الجنسين معروف من زمان وما رح يتغير
ما في شئ اسمه صداقة بين رجل وامرأة
الصداقة كلمة اكبر من كونها تحدث بين رجل وامرأة
الصداقة عشرة مواقف دعم سند حب تضحية
الشئ هذا لا يمكن ان يكون موجود بين رجل وامرأة
لا شرعاً ولا عرفاً ولا عادة ولا اخلاقياً ينفع يكون موجود
احنا في مجتمع شرقي تحكمنا عاداتنا وتقاليدنا وحميتنا وغيرتنا
كيف اقبل زوجتي يكون لها صديق او اختي يكون لها صديق
تحكيله وتشكيله وتاخذ رأيه وتفضفض له
ما بيصير ولا يمكن اننا ممكن نقبله كمجتمع شرقي

بعدين كوننا في مجتمع يفرض علينا التعامل مع الجنس الآخر
هذا مو معناه اننا نصادقه أو نعمل علاقة صداقة معه
شعرت من كلامك كأنه لزاماً علينا طالما احنا في وظيفة او في جامعة لازم نصادق الجنس الأخر ونعمل علاقة معه
في شئ اسمه في (إطار الزمالة وحدود العمل) وهذا مختلف كلياً عن الصداقة


لو اعجبتك بنت ، كيف ممكن توصللها اعجابك فيها .؟
انا من النوع غير المبادر وما بحب تكون الخطوة الأولى لي
لهيك ما رح اعمل اي تصرف يحسسها ااني معجب او مهتم فيها
إلا إذا هي بادرت ساعتها ممكن اعطيها شعور بالرضى او بالقبول بأي طريقة كانت


زواجك رح يكون تقليدي ، الوالدة تختار لك
و لا رح يكون عن حب و انت تختار البنت .؟
مسألة الوالدة تختار لي
انا ما بتزوج بهذه الطريقة
ولا حتى الوالدة حاطة في راسها تزوجني بهذه الطريقة
احياناً بحب اناغش الوالدة بقولها بدي اتزوج اختاريلي وحدة
بتقولي انا ما بختار لأحد انت اختار الي بدك اياها وانا بروح اخطبها لك
وهذا مش معناه اني ضد الزواج التقليدي
لا بالعكس ممكن اني اشوف وحدة او تلفت انتباهي وحدة
ممكن اتقدم لها واتعرف عليها اكثر في فترة الخطوبة
لكن الوالدة تختار بنفسها وتروح بنفسها وتخطب بنفسها لا

[هل كان حباً]

لنكون صادقين وجرأيين شوي لو رجع الزمن لورا وتقدم لك زوجك حالياً هل كنتي هتوافقي او هترفضي والسبب ؟

إذا حد اتهمك بإنك انسانة متكلفة غير عفوية وبتحاولي تتصنعي شخصية غير شخصيتك كيف ممكن تردي عليه بطريقة غير التجاهل ؟

انسخليلي مقتطفة او مقطوعة شعرية او جزء من خاطرة انت كتبتيها ومعجبة بنفسك انه طلع معك شئ بهاي الحلاوة او الروعة او الاتقان ؟

[البريئة !]

[quote=هل كان حباً;2833280]رأيك بالصداقة بين الجنسين ، بما اننا بمجتمع يفرض علينا التعامل مع الجنس الاخر سواء بجامعة او بالوظيفة .؟
رأيي في الصداقة بين الجنسين معروف من زمان وما رح يتغير
ما في شئ اسمه صداقة بين رجل وامرأة
الصداقة كلمة اكبر من كونها تحدث بين رجل وامرأة
الصداقة عشرة مواقف دعم سند حب تضحية
الشئ هذا لا يمكن ان يكون موجود بين رجل وامرأة
لا شرعاً ولا عرفاً ولا عادة ولا اخلاقياً ينفع يكون موجود
احنا في مجتمع شرقي تحكمنا عاداتنا وتقاليدنا وحميتنا وغيرتنا
كيف اقبل زوجتي يكون لها صديق او اختي يكون لها صديق
تحكيله وتشكيله وتاخذ رأيه وتفضفض له
ما بيصير ولا يمكن اننا ممكن نقبله كمجتمع شرقي

بعدين كوننا في مجتمع يفرض علينا التعامل مع الجنس الآخر
هذا مو معناه اننا نصادقه أو نعمل علاقة صداقة معه
شعرت من كلامك كأنه لزاماً علينا طالما احنا في وظيفة او في جامعة لازم نصادق الجنس الأخر ونعمل علاقة معه
في شئ اسمه في (إطار الزمالة وحدود العمل) وهذا مختلف كلياً عن الصداقة



ممكن كان اسلوب السؤال ببين ان الصداقة الزاماً
المقصود بإن الإختلاط بهاد العصر ممكن يبني صداقات
بحكم مشاركة العمل او انشطة تانية مع بعض
التعويد ممكن يبني الصداقة عند الأشخاص اللي مع الصداقة بين الجنسين

بالمناسبة : رأيي من رأيك ، ما في شي اسمه صداقة بين الجنسين

مشاركتك جميلة .

[البريئة !]

لنكون صادقين وجرأيين شوي لو رجع الزمن لورا وتقدم لك زوجك حالياً هل كنتي هتوافقي او هترفضي والسبب ؟
لا ما بوافق
في كتير نقاط بينا مختلفة ، بكتير امور ما في توافق
اهمها انا انسانة هادية و ما بحب الصوت ابداً
و هو بالعكس سواء صوته العالي او صوت البرنامج او الفيديو اللي بتابعه
طريقة تفكيره مختلفة عني كلياً
انا حرورية على اي شي بدي اعمله ، بالعكس هو عنده برود رهيييب
هاي الشغلات كفيلة اني ارفض اي انسان

طبعاً عنده ايجابيات كبيرة ما بنكر
لكن هاي النقاط بتأثر فيني اكتر لهيك اخترت الرفض


إذا حد اتهمك بإنك انسانة متكلفة غير عفوية وبتحاولي تتصنعي شخصية غير شخصيتك كيف ممكن تردي عليه بطريقة غير التجاهل ؟
الإنسان المتصنع مع الوقت برجع لأصله تدريجياً
بطلب من هالشخص يتعامل معي فترة و رح يكتشف هل انا متكلفة او متصنعة بجد و لا هاي طبيعتي .


انسخليلي مقتطفة او مقطوعة شعرية او جزء من خاطرة انت كتبتيها ومعجبة بنفسك انه طلع معك شئ بهاي الحلاوة او الروعة او الاتقان ؟
هاي الخاطرة حسيتها اكتر شيء متقن ، كونه كتابتي حُرة ما بلتزم بقواعد

ألقيتُ على مسمعكَ كلماتي
ما كنتَ يوماً في حضرةِ الغيابِ

أقسوتَ عليكَ لبرهةٍ بحنانِ
سالت دموعكَ كَ نهرٍ و خلجانِ

كَفكفْ دمعكَ لما سعيتَ لهجرانِ
ما كنتُ يوماً أهوى نعتكَ بالجاني

كم مرةٍ تُبْتَ عن ذُلي و إعياءِ
حتى تسارعتَ لحرقِ شُطآني

ما عشتُ بعدكَ لحظةً بسلامِ
دهرٌ مضى و لا زلتُ بعنواني

[البريئة !]

* اختيار الإدارة لنجم الأسبوع ، تكريماً له على نشاطه و تفاعله الرائع
ليش بعد نهاية فترة النجومية برجع العضو للأزرق
ممكن ياخد لون مميزين مثلاً .؟


* كنت بحوار مع احد الأشخاص قبل فترة ، حوار بخصوص المنتدى و الأعضاء
سألني ليه هل كان حباً مُخصص قسم خاص له دون بقية الأعضاء
رغم ان كتاباته نوعاً ما قليلة و ما بنشر يومياً
انا جاوبته بإنه اعمل منتدى الك و خصص قسم الك متله لك الحرية

ايش رأيك او جوابك على هالسؤال ، ليش عامل قسم خاص لك دون البقية .؟


* ايش المواصفات المطلوب بالعضو حتى يتم ترقيته .؟

[قمر الماما]

ماشاء الله اجابات مميزة من هل كان حبا و البريئه

[هل كان حباً]

* اختيار الإدارة لنجم الأسبوع ، تكريماً له على نشاطه و تفاعله الرائع
ليش بعد نهاية فترة النجومية برجع العضو للأزرق
ممكن ياخد لون مميزين مثلاً .؟


لو تم الأمر بهذه الوتيرة كل أعضاء المنتدى أو اغلبهم رح يكونوا لونهم مميز
لأن احنا كل اسبوعين او اقل او اكثر بنحط نجم وبياخذ دورته وبيرجع للونه الطبيعي بعد هيك
لازم يظل اللون الأزرق هو اللون الطاغي في المنتدى
بعدين مهو ممكن بعد ما ينزل من النجومية يقل نشاطه ويرجع طبيعي ويكون ما في داعي لرفعه مميز


* كنت بحوار مع احد الأشخاص قبل فترة ، حوار بخصوص المنتدى و الأعضاء
سألني ليه هل كان حباً مُخصص قسم خاص له دون بقية الأعضاء
رغم ان كتاباته نوعاً ما قليلة و ما بنشر يومياً
انا جاوبته بإنه اعمل منتدى الك و خصص قسم الك متله لك الحرية

ايش رأيك او جوابك على هالسؤال ، ليش عامل قسم خاص لك دون البقية .؟
انا بستغرب البعض ليش مش قادر يستوعب فكرة اني انا صاحب المنتدى ومالكه
يعني لي حرية التصرف فيه كيفما اشاء دون ما اقدم مبررات لأي شخص
يعني الي بيسأل ومستغرب هذا لما يدخل ضيف عند ناس في بيتهم
بيسألهم ليش زارعين الوردة هاي هان وليش المطبخ مكانه هان
وليش الديكور هذا مش عارف شو
ما بيسأل ، لأنه ضيف وما بيطلع له يسأل او يتدخل
وكذلك العضو المنتدى بمثابة بيتي وانت ضيف عندي ما بيطلع لك تتدخل في حجات مش من حقك تتدخل فيها
ولا بتفيدك اصلاً ولا هتفرق معك سواء هل كان حباً له قسم او ما له قسم


* ايش المواصفات المطلوب بالعضو حتى يتم ترقيته .؟
يعني النشاط والحضور الدائم والردود الحلوة
وكذلك اعتبارات ثانية خاصة بالإدارة نفسها
يعني ممكن العضو يكون موجودة فيه هذه الصفات وما ينرفع
ولو سألتي شو الإعتبارات الثانية فما في اجابة عليها
لأن هاي امور حساسة شوية انا مش حابب احكي فيها او اتطرق لها

[هل كان حباً]

لو اكتشفتي ان زوجك بيخونك كيف ممكن تتصرفي او تتعاملي مع الموقف ؟

لو اُتحيت لكِ فرصة عمل هل ستوافقين على العمل ام لا وإذا كنتي موافقة وزوجك رفض كيف ممكن تتعاملي مع الموقف ؟

إذا شعرتِ بوجود سارق في البيت أو شخصٍ ما ولا يوجد غيركِ في المنزل ماذا ستفعلين ؟

[عشتاآر]

الله هل كآن حبا و البريئه مع بعض
احس فيه حمآس ..
حبيت أسئلتهم وإجآبآتهم
متآبعه معككم ..
يعطيكك العآفيه ننوش حبيبتي
اختيآركك حلو

[البريئة !]

لو اكتشفتي ان زوجك بيخونك كيف ممكن تتصرفي او تتعاملي مع الموقف ؟
و لا شي ..
اني ازعل او اطلب الطلاق او اشكي خيانته ، هالشي مش رح يفيدني
بالعكس ممكن انضر ، رح اترك بيتي و ممكن ابني كمان و هالشي انا برفضه نهائي ، بضحي بكل شي عشان ابني و اكون معه

رح ازعل من زوجي و ممكن اتجنبه لفترة طوييييلة و جداً


لو اُتحيت لكِ فرصة عمل هل ستوافقين على العمل ام لا وإذا كنتي موافقة وزوجك رفض كيف ممكن تتعاملي مع الموقف ؟
انعرض علي شغل قبل فترة ، و حقيقة شغل منيح لكن رفضت مع اني زمان كنت حابة اطلع من البيت و اشتغل متل هالعالم ، لكن لصارت الشغلة جد ، فكرت من كل الجهات

تخيل اطلع من البيت الساعة ٧ الصبح و ارجع ع ٤ !
مصيبة لا بقدر اتابع مسؤوليات البيت و لا امير و رح ابقى مرهقة ع طووول
لهيك اقتنعت بإننا خُلقنا للراحة هههه

و لو كان بدي اشتغل و زوجي رفض ، بسمع منه و ما بصمم على رأيي


إذا شعرتِ بوجود سارق في البيت أو شخصٍ ما ولا يوجد غيركِ في المنزل ماذا ستفعلين ؟
بستسلم ..
انا بخاف من المواقف الصعبة هيك و شايفة اني ضعيفة ، ممكن احكي للسارق تعا خود اللي بدك ياه ، المهم تخلص و تطلع

[البريئة !]

بكل صراحة ، عمرك كتبت قصيدة و كنت قاصد فيها بنت معينة .؟


ممكن تتزوج من انسانة مكانتها بالمجتمع اعلى منك .؟


شيء تخاف منه ، فوبيا معينه عندك .؟

[هل كان حباً]

بكل صراحة ، عمرك كتبت قصيدة و كنت قاصد فيها بنت معينة .؟
اه كتبت


ممكن تتزوج من انسانة مكانتها بالمجتمع اعلى منك .؟
ممكن اه إذا عجبتني وهي ما اعطتني شعور بالفارق بيني وبينها

شيء تخاف منه ، فوبيا معينه عندك .؟
ما في شئ معين صراحة

[هل كان حباً]

سنة 2020 شو قدمت لك وشو اخذت منك ؟

اصعب سنة وافضل سنة مروا عليكي بحياتك شو التغيرات الي حصلت فيهم ؟

لو رجع فيكي الزمن لورا شو في اخطاء عملتيها ممكن تتفاديها ؟

[البريئة !]

سنة 2020 شو قدمت لك وشو اخذت منك ؟
شغل جديد لزوجي افضل من السابق
معرفة اصدقاء جٌدد
نجاح اخي بالتوجيهي
بُنا جديد و تصليحات

ما اخدت مني شي ..

اصعب سنة وافضل سنة مروا عليكي بحياتك شو التغيرات الي حصلت فيهم ؟
اصعب سنة هي ٢٠١٨
بقية السنوات ما في بينهم فرق ، افراح بسيطة و احزان بسيطة

اللي تغير بهالسنة اني وعيت ٥٠ سنة او اكتر ، بكتييير امور

لو رجع فيكي الزمن لورا شو في اخطاء عملتيها ممكن تتفاديها ؟
الخطأ الوحيد اني تركت تعليمي ،

[البريئة !]

قارئ مبتدأ طلب منك ترشيح كتاب او رواية ، ايش بتنصحه .؟


وقت تكون متدايق بتعتزل الناس و لو اجابتك اه اديه الفترة .؟

عمرك زعلت من حد بالبيت و طلعت و ما رجعت لبعد يوم او ايام .؟

[هل كان حباً]

قارئ مبتدأ طلب منك ترشيح كتاب او رواية ، ايش بتنصحه .؟
انا غير قارئ للروايات صراحة او الكتب
لهيك ما رح اقدر افيده
لكن بما اني قرات كذا كتاب
برشح له كتاب لا تحزن
ورواية انتيخريوستوس
هذول الي قرأتهم وعجبوني

وقت تكون متدايق بتعتزل الناس و لو اجابتك اه اديه الفترة .؟يعني مسافة 4 او 5 ساعات بكون رقت لو ظليت لحالي
وعلى حسب الشئ الي ضايقني كمان

عمرك زعلت من حد بالبيت و طلعت و ما رجعت لبعد يوم او ايام .؟
لا ما عندنا الشئ هذا
من صغري ما تعودت على هيك

[هل كان حباً]

برأيك المنتدى شو ينقصه الفترة هذه ؟


لما انك عضوة مميزة ولونك متخلف عن لون الأعضاء هل بتشعري انك مختلفة عن الأعضاء
يعني هل اللون كفاية برأيك ولا لازم يكون في شوية صلاحيات للملونين ما بيملكوها الأعضاء ولو اه شو هي ؟


شو الفرق بين المنتدى هذا والمنتدى الثاني ؟

[البريئة !]

برأيك المنتدى شو ينقصه الفترة هذه ؟


لما انك عضوة مميزة ولونك متخلف عن لون الأعضاء هل بتشعري انك مختلفة عن الأعضاء
يعني هل اللون كفاية برأيك ولا لازم يكون في شوية صلاحيات للملونين ما بيملكوها الأعضاء ولو اه شو هي ؟


شو الفرق بين المنتدى هذا والمنتدى الثاني ؟

برأيك المنتدى شو ينقصه الفترة هذه ؟
و الله الموقع كامل ، ما بنقصه الا نشاطي و عودة بعض الأعضاء الغايبين


لما انك عضوة مميزة ولونك متخلف عن لون الأعضاء هل بتشعري انك مختلفة عن الأعضاء
بما انه اللون مختلف ، اكيد بنظر الأعضاء او الزوار فأنا اعلى درجة او مميزة
بالنسبة لي انا بشوف اني متل اي عضو تاني


يعني هل اللون كفاية برأيك ولا لازم يكون في شوية صلاحيات للملونين ما بيملكوها الأعضاء ولو اه شو هي ؟
بصراحة ..
اللون كافي للعضو المتميز ، لأن ازا اخد صلاحيات ، المشرف او الأعلى درجة من المتميز بفقد قيمته

احكيلك شغلة كوني مجربة كل الصلاحيات من مشرف لإداري
اكتر صلاحية تأثرت انها مش موجودة معي هي تعديل مشاركاتي لوقت غير محدود




شو الفرق بين المنتدى هذا والمنتدى الثاني ؟
اسماء الأقسام و ترتيبهم
و بعض القوانين

[البريئة !]

* انت من الأشخاص اللي بحبو يتملكو الشغلة و بعد بفترة بملو منها .؟

* لو كنت تحكي مع شخص معين و مليت منه او من كلامه ، كيف بتتعامل مع هالموقف
ممكن تعمل تصرفات تدل على انك مالل منه و تحرجه .؟


* لو حد قريب منك من الأهل او الأصدقاء ، صار بينكم سوء تفاهم او نقول غلط معك بشي
ممكن تسامح و تعمل حساب للقرابة و العِشرة بينكم
و لا ما بتغفر .؟

[هل كان حباً]

* انت من الأشخاص اللي بحبو يتملكو الشغلة و بعد بفترة بملو منها .؟
لا

* لو كنت تحكي مع شخص معين و مليت منه او من كلامه ، كيف بتتعامل مع هالموقف
ممكن تعمل تصرفات تدل على انك مالل منه و تحرجه .؟لو كنت متعود عليه بقوله مليت ومللتني وزهقتني
لو مش متعود عليه بظل مستمع وما بحكي لما يزهق لحاله ويطلع او يمشي او الموقف يمر


* لو حد قريب منك من الأهل او الأصدقاء ، صار بينكم سوء تفاهم او نقول غلط معك بشي
ممكن تسامح و تعمل حساب للقرابة و العِشرة بينكم
و لا ما بتغفر .؟
اكيد طبعاً هسامح وهعمل حساب للعشرة والقرابة

[هل كان حباً]

روتين يومك ؟

كتاب تختاريه يكون عنوان لحياتك ؟

نصيحة لكل فتاة متزوجة ؟

[البريئة !]

روتين يومك ؟
نوم ، ترتيب البيت ، و تجهيز العشا ، بروح ع اهلي كم ساعة ، متابعة دراسة امير ، قران و تسبيح و صلاة الفروض
ازا في مناسبات بروحهم و النت طبعاً

كتاب تختاريه يكون عنوان لحياتك ؟
ما قرأت شيء يشبه حياتي لهلأ

نصيحة لكل فتاة متزوجة ؟
ما حد رح ينفعك بهالحياة اكتر من زوجك ، حافظي عليه

[البريئة !]

ايش بتشتغل هالأيام ، و لو انت عاطل عن العمل .. كيف بتصرف .؟

لو صحلك شغل بالأراضي المحتلة ، ( عامل بإسرائيل ) بتوافق .؟
لنفرض انك غير متعلم يعني


الثقافة هل تقتصر على الشخص المتعلم فقط .؟
او كيف ممكن يكون الإنسان مثقف

[هل كان حباً]

ايش بتشتغل هالأيام ، و لو انت عاطل عن العمل .. كيف بتصرف .؟ما بشتغل ، ربك بيرزق

لو صحلك شغل بالأراضي المحتلة ، ( عامل بإسرائيل ) بتوافق .؟
لنفرض انك غير متعلم يعني
بوافق آه

الثقافة هل تقتصر على الشخص المتعلم فقط .؟
او كيف ممكن يكون الإنسان مثقف
اكيد لا ، لا تقتصر
الإطلاع والاختلاط بالناس يولد الثقافة

[هل كان حباً]

نقاشك جميل البريئة
وكثير استمتعت بأسئلتك ومحاورتك
انسانة واعية وعندها ثقافة ورقي
بتمنى لك كل التوفيق في حياتك

وكل الشكر لك ننوش للموضوع والمجهود الحلو منك دائماً

[البريئة !]

كانت فعالية حلوة بالمشاركة معك
و ارائك اعجبتني كمان و نقاشك حلوو
مشكورة ننوش ع الإستضافة
يسعد اوقاتكم .