العلاقات المريحة

[الامير]

العلاقات المريحة
هي أكتر علاقات محتاجينها بهي الفترة من العمر
يلي أصحابها بيعذروا إنشغالك وبيتقبلوا تقصيرك بدون عتب أو تأنيب وبدون حتى ما ينتظروا منك إعتذار..
بيسألوا عنك ليطمنوا عليك، وبالهن بينشغل فيك بالوقت يلي بيعرفوك إنك مو منيح ..
وجودهن حنون بيخفّف عنك أعباء الدني وظروفها.❤

عكس العلاقات يلي بتستنزف منك طاقة وأعصاب ..
يلي دائماً أنت مُدان ومحاسب ع كل فعل أو كلمة أو تصرف بيصدر منك
دائماً في شك بنواياك وبدك تشرح وتبرر حتى عفويتك.
هي العلاقات المتعبة يلي اليوم نحنا محتاجين نتخلّص منها ..
لأن يلي فينا مكفينا، ولأن هالقلب ما ناقصوا هموم تانية أو مشاكل تتعب فيه والبال مانو مرتاح وفاضي ولا قادر يتحمّل جهد تفكير وتبرير..🖤

تسامحوا واعذروا بعض بدون تدقيق وتشكيك ونكش مشاكل وهموم لأن مافي حدا بالو فاضي ولا في حدا متحمّل تزيد عليه ...
خلّي وجودك بحياة الناس التانية مصدر لطف وطاقة إيجايبة، مساحة سلام بمعارك هالحياة ..❤

[قمر الماما]

خلّي وجودك بحياة الناس التانية مصدر لطف وطاقة إيجايبة، مساحة سلام بمعارك هالحياة ..❤

حبيتا كتير
يسلمو الامير
الله يبعتلك ايام حلوه
و
سنين احلى

[S T E L L A]

مموضوعع لططيفف
+ يسسسلموو الامميير
وردهه

[هل كان حباً]

والله فعلاً
وكلام حقيقي مية المية
وبتفق معه
العلاقة المريحة هي الي محتاجينها
لأن بطل لنا طاقة للعلاقة الثانية الي كلها توتر وشد اعصاب

كن بخير

[خَمْر أيلول]

كلام حلو وجميل
عوافى الامير

[مروة صيام]

كلام سليم
عوافي الامير