[ jr7 + lonely heart اععضضااء تححت المججههر ، ]

[S T E L L A]

هآي

مسسآء الـورد ي آححلى ممآ ففي ههآدد الككونن ☺ ')

الفككرهه : بتعرفوههآ اوككهه
لـ تزككير : ججآوبو ع الآسئلهه الـ 5 في كل صصرآحهه
وفي ششرط ككل عضضو بسسآل العضضو الثنآئي الـو 3 آسئلهه ☺

الآسئلهه
لـ العضو المخختآر
لو ككنت بنت ششو ششعوركك ؟ ')
لو بإمكآنكك تغغير صصفهه أو ششي ففي البنآتت ششو بتغير ؟ ')
آككتر ششي بعجبكك ففي البنت و بجذذبكك ؟ ')
ششي بتكرهو ففي البنآت ؟ ')
ككيف ردود الصبآيآ في المنتدى ؟ ')
الآسئلهه
لـ العضضوهه المخختآرهه
لو ككنتي ولد ششو ششعوركك ؟ ')
لو بإمكآنكك تغغيري صصفهه أو ششي ففي الشبآب ششو بتغيري؟ ')
آككتر ششي بعجبكك ففي الششب و بجذذبكك ؟ ')
ششي بتككرهي ففي الششبآإب؟ ')
ككيف ردود الششبآإب في المنتدى ؟ ')

ممعنآ الثننآئي
"| jr7 | lonely heart | "
بــآإي

[lonely heart]

شو هالسرعه طيب اخذ نفس بالاول ههههه
بشرفني افوت بنقاش مع شخصية راقيه وواعيه ومثقفه متل جرح
راجعه اجاوب بس اخد لفة بالمنتدى
يسلمو حبيبتي ع الاستضافة الحلوه

[S T E L L A]

شو هالسرعه طيب اخذ نفس بالاول ههههه
بشرفني افوت بنقاش مع شخصية راقيه وواعيه ومثقفه متل جرح
راجعه اجاوب بس اخد لفة بالمنتدى
يسلمو حبيبتي ع الاستضافة الحلوه
هههههه
+ ككلاا ممهوو ممعكك ووقتت
+ ححبيتت انزلوو ققبل مم انسسساهه ككالعادهه
:5002:

[jr7]

في البدايه
كل الشكر والامتنان لمجهوداتك بهالمكان
ولافكارك المميزة والراقيه جدا ننوش
,
وبيشرفني كتير اني اكون بموضوع مع لونلي
انسانة انيقة مثقفة بكل م تحمل معنى هالكلمة


لو ككنت بنت ششو ششعوركك ؟ ') م عمري تخيلت نفسي بنت لاقولك شو بيكون شعوري ههه
لو بإمكآنكك تغغير صصفهه أو ششي ففي البنآتت ششو بتغير ؟ ') بغير كتر برمهم , وبغير ذمهم في بعض وحقدهم ع بعض هه
آككتر ششي بعجبكك ففي البنت و بجذذبكك ؟ ') الجمال , الاخلاق , الاسلوب , الهدووء , الاناقه
ششي بتكرهو ففي البنآت ؟ ') بيحكو كتير هه
ككيف ردود الصبآيآ في المنتدى ؟ ') منيحة , كل انسانة بترد باسلوبها وكيف هي بترتاح

[شغف]

فكره جميله ياعسل
يعطيكي العافيه على مجهودك الرائع

[lonely heart]

لو ككنتي ولد ششو ششعوركك ؟ ')
ما عمري تخيلت حالي اني اكون شاب ولا ممكن افكر بهيك شي
بحب انوثتي بكل شي فيها
لو بإمكآنكك تغغيري صصفهه أو ششي ففي الشبآب ششو بتغيري؟ ')
القسوه وحب السيطرة والفوضويه وانه بشوفوا حالهم دايما صح
آككتر ششي بعجبكك ففي الششب و بجذذبكك ؟ ')
ثقته بحاله واسلوبه ونعامله وثقافته ووعيه وطريقة تفكيره وروحه الحلوه
ششي بتككرهي ففي الششبآإب؟ ')
الصوت العالي لما يعصبوا وانهم ما بقدروا يتحكموا بحالهم وقت عصبيتهم
وكمان الفوضوية واللامبالاة يلي عندهم
ككيف ردود الششبآإب في المنتدى ؟ ')
في مجموعه كبيره ردودهم حلوه كتير وبدل ع مدى وعيهم

[S T E L L A]

فكره جميله ياعسل
يعطيكي العافيه على مجهودك الرائع
يععافيككي ي ععسسسل
+ ككلكك زوء
وردهه

[قمر الماما]

فكره حلوه
اختيارك لـ رنوش و جرح ثنائي مثقف وبارع بـ نقاش
متابعه بصمت
يسلمو باربي
الله يبعتلك ايام حلوه
و
سنين احلى

[jr7]

هلأ انا اسألك 3 اسئلة
lonely heart

متى بتكون لونلي بأسعد اوقاتها ؟
شي تتمنى حدوثه بحياتك ؟
رسالة او شي ببالك حابة تحكيه لشخص ما مهم بحياتك ؟

[مولٱنآ]

شخصيتين عظيمتين





متابع

[هل كان حباً]

اختيار مميز لشخصين مميزين
تحياتي لك ولهم
وفكرة الموضوع رائعة

[lonely heart]

فكره حلوه
اختيارك لـ رنوش و جرح ثنائي مثقف وبارع بـ نقاش
متابعه بصمت
يسلمو باربي
الله يبعتلك ايام حلوه
و
سنين احلى

شخصيتين عظيمتين


متابع

اختيار مميز لشخصين مميزين
تحياتي لك ولهم
وفكرة الموضوع رائعة

الله يسعدكم يا رب
بتشرفني وبتسعدني متابعتكم

[lonely heart]

متى بتكون لونلي بأسعد اوقاتها ؟
لما بالي يكون رايىء وما في شي زاعجني او مدايقني
لما اشوف اهلي مبسوطين
وقت ما بكون طاشه مع صحباتي
لما العب مع بسسي
لما اساعد حد واشوف البسمه ع وجهه
لما اكون في مكان فيو طبيعه
وقت بكون مسافره ومستمتعه بوقتي
لما انجح واحقق شي تعبانه عليه
لما يكون اخوي في زيارة لعنا
وفي كمان شغلات تانيه

شي تتمنى حدوثه بحياتك ؟
بهاي الفتره بتمنى ربنا يشفي بابا وماما ويرجعوا لطبيعتهم
وكمان بتمنى لو اخوي يكون معنا

رسالة او شي ببالك حابة تحكيه لشخص ما مهم بحياتك ؟
هالرساله رح اوجهها لبابا وماما
الله يخليلي اياكم يا رب ويعطيكم الصحه والقوه وتضلوا تاج فوق راسي
شو ما عملت وقدمت لالكم بضل ولا شي مقارنه بالشي يلي قدمتوه لالي
بحبكم كتير .. الله يطول بعمركم وما يحرمني منكم

[lonely heart]

أسئلني لالك jr7

// شو أكبر هدف بنيته لنفسك وتسعى لتحقيقه ..؟
// من امتى بلشت تعتمد ع نفسك وكان الك شغلك الخاص ؟ وهل كان في صعوبات في بداية حياتك العمليه وشو هي اذا وجدت ..؟
// ما هو سر نجاحك في الحياة .. ؟

[jr7]

[QUOTE=lonely heart;2698949]أسئلني لالك jr7

اجوبتك رائعه ومنطقيه
والله يحفظلك الوالد والوالدة ويعطيهم الصحة وطول العمر


// شو أكبر هدف بنيته لنفسك وتسعى لتحقيقه ..؟ اكبر هدف اني اكون شي بهاي الدنيا م اعيش وخلص .
// من امتى بلشت تعتمد ع نفسك وكان الك شغلك الخاص ؟ وهل كان في صعوبات في بداية حياتك العمليه وشو هي اذا وجدت ..؟ من وقت كنت ادرس , انا عملي وبحب الشغل من وقت كنت صغير , صار الي شغل خاص سنة 2012 اول شي ملكي لحالي صار , اووه مشاكل كتير وصعوبات اكتر و90 بالمية كان مشاكلي بهالبلد مع الحكومتين عنا سواء برام الله او غزة , على ضرايب وعلى الدخل والقصص هاي , ومشاكل تانية بالشغل وهيك شي
// ما هو سر نجاحك في الحياة .. ؟ بعد ربنا وامي , اني انسان طموح بثقة , يعني وقت بحب اعمل شي بفوت عليه بثقه واني فاهمه حتى لو م كنت بفهم فيه شي وبتعامل فيه بذكاء , ولاني مقتنع انه هالحياة رحلة ومصيرها تنتهي حابب اعمل كل شي بدي ياه وبعمل بحمد الله , م بتردد في شي , والعناد في معظم الاشيا الي عندت عليها بحياتي معظمها كانت لمصلحتي , وكتير اشيا



اسئلتي لالك lonely heart


موقف جميل حدث الك بحياتك م بتنسيه ؟
لو قدامك ورقة وقلم هلأ , شو رح تكتبي عليهم ؟
غيرتي رأيك بشي ما قبل هيك رغم انك كنتي مصممه ومتمسكه برأيك ؟ ولو اه , بشو ؟

[lonely heart]

الله يسعدك يا رب ويحفظلك الوالده وكل احباءك
ويوفقك بشغلك وتحقق كل شي بتتمناه
اجوبه رائعه حبيت ثقتك بحالك وانه ما عندك تردد وهالشي حلو كتير

موقف جميل حدث الك بحياتك م بتنسيه ؟
قبل تقريبا خمس سنين كنت مطوعه كمسعفه مع مجموعه من المتطوعين في جمعيه
وكان رئيس الجمعيه بده يكرم المتطوعين فدعانا ع مكان في بيت لحم
المهم رحت يومها انا وصديقه واول ما فتت تفاجأت انه الجارسون عم يقدملي بوكيه ورد ونزلوني لطابق ارضي
وكانوا المتطوعين في نهاية الدرج وصار كل واحد فيهم بقدملي ورده ويحكيلي كل عام وانتي بخير
ومشوني لطاوله كانت كلها بلالين وقالب كيك
كان يومها عيد ميلادي
كانت صراحه من اجمل المفاجآت يلي صارت بحياتي وانبسطت كتير فيها

لو قدامك ورقة وقلم هلأ , شو رح تكتبي عليهم ؟
يا رب طمأنينة وسلام

غيرتي رأيك بشي ما قبل هيك رغم انك كنتي مصممه ومتمسكه برأيك ؟ ولو اه , بشو ؟
لا ما صار هالشي لحتى الان

[خَمْر أيلول]

اختيار جميل بين لونلى وجرح
وجهة نظرهم قريبة من بعض
نقاش هيكون ممتع بينهم
متابعة ع الاكيد
عوافى ننوش

[lonely heart]

// لما تغضب كيف بتنفس عن غضبك ؟ ولوين ممكن بوصل غضبك وشو ممكن يصدرعنك وقتها ؟
// شو هو الشي او الاشيا يلي ممكن تعصبك ؟
// شو الشي يلي بزعجك ومو عاجبك بحياتك ؟

jr7

[lonely heart]

اختيار جميل بين لونلى وجرح
وجهة نظرهم قريبة من بعض
نقاش هيكون ممتع بينهم
متابعة ع الاكيد
عوافى ننوش

يسعدك خمر
متابعتك بتسعدني وبتشرفني
شكرا لالك

[شغف]

ماشاءالله اسئله جميله واجوبة راقيه من لونلي وجرح
مميزين
متابعه لكم

[jr7]

موقف حلو
مفاجأة جميلة
وجعل الله كل حياتك اعياد ومناسبات سعيدة
ربنا يطمن قلبك
ويجعل حياتك دايما بسلام




لما تغضب كيف بتنفس عن غضبك ؟ بدخن , او بقعد ع البحر بعيد عن الناس , او بروح الارض ..
ولوين ممكن بوصل غضبك وشو ممكن يصدرعنك وقتها ؟ ممكن احكي كلمة مش منيحة , ولكن بنفس الوقت ممكن اعدل غلطي واراضي االي عصبت عليه . مرات كسرت جوالي وقت كنت اتقاتل مع امي ههه , ومرات لابتوب وهيك .
// شو هو الشي او الاشيا يلي ممكن تعصبك ؟ مش بسهولة اعصب , ولكن بيعصبني الصوت العالي , والفضولين , والمنافقين , وتبعون القيل والقال
// شو الشي يلي بزعجك ومو عاجبك بحياتك ؟ علاقتي مع اهلي دايما على خلاف معهم بمعظم الاشيا بحياتنا , وبعد امي ولما بتوقف بصفهم , هاد اكتر شي مدايقني بحياتي هالفترة

[jr7]

lonely heart


شي تتمنى تغيره بحياتك ؟
اجمل واغلى هديه وصلتك , شو ومن مين ؟
مواصفات الرجل المثالي برأيك ؟

[lonely heart]

ماشاءالله اسئله جميله واجوبة راقيه من لونلي وجرح
مميزين
متابعه لكم

الله يسعدك ناي وجودك الاجمل
بتشرفني وبتسعدني متابعتك

[طوق الياآسمين]

اختيار موفق للشخصياات



متابعه ♡

[lonely heart]

طلعت من هدول يلي بعصبوا وبكسروا هههه
الله يهدي بالك وان شاء الله بتتصلح علاقتك مع اهلك


شي تتمنى تغيره بحياتك ؟
ما حابة اغير شي بحياتي عاجبتني ومبسوطه فيها ومرتاحه

اجمل واغلى هديه وصلتك , شو ومن مين ؟
هدية يعني مو كتير سعرها غالي لكن بتعنيلي كتبر وغالية كتير ع قلبي كانت من اختي الله يرحمها سلسلة فضه عليها تعليقة قلب
وهدية غالية ماديا سيارتي الحالية كانت هدية من بابا

مواصفات الرجل المثالي برأيك ؟
المثاليه تعني الكمال وما في حد ممكن يكون مثالي او كامل
هي مجرد تصورات بتختلف من بنت لبنت
الشخص المثالي بالنسبة لالي فيو هالمواصفات يلي رح اذكرها ويلي موجوده كلها ببابا حقيقة
يكون صادق ومخلص وواثق بحاله وبخليني احس بالامان معه
واكون ملكه ع عرش قلبه وما بلتفت لانثى تانيه
تكون روحه حلوه بعرف امتى يكون جدي وامتى يكون مرح
يكون يحبني واحبه ويفهمني وافهمه ويخاف علي
يكون الي الاب والاخ والصديق والحبيب
المتفهم ويلي ممكن يحتويني بكل حالاتي في فرحي وحزني ونكدي وضيقي ومرضي ويتقبل كل عيوبي
الكريم والحنون والهادي
الطموح والمغامر يلي دايما بدخل الاثاره وشغلات جديده لحياتي
يكون عقلاني ويتصرف بحكمه بالمواقف المختلفه
يكون خلوق ويخاف ربنا
يكون رومانسي بتفنن في تحضير المفاجآت والهدايا ويتذكر امتى عيد ميلادي والمناسابات المهمه
يكون طموح يشجعني ع التطور وياخد بايدي ويكون سند لالي
يكون انيق بهتم بمظهره وجسمه ونظافته
بحس بغيره ويكون بسيط ومتواضع ويكون راقي ولبق بتعامله
يكون ايجابي ومتفائل دايما
مثقف وفهمان وواعي يحترم افكاري وارائي وطموحاتي وبشاركني بامور حياتنا حتى وهو عم بحس انه ضعيف
يكون تفكيره منفتح واجتماعي وما يكون انطوائي
يكون انسان مسؤول بعرف واجباته والتزامته ويفي بوعوده
ومخصص وقت لزوجته واسرته ووقت لرفاهيتهم
بعرف كيف يدير نقاشات وحوارات معي ومع غيري
يكون بار بأهله
ما يكون عصبي او مدخن
يكون وسيم ويكون الو شوية عضلات وبس هههه
يما انها موجوده ببابا ممكن تكون موجوده بشخص تاني اكيد

[lonely heart]

اختيار موفق للشخصياات



متابعه ♡

بتشرفني وبتسعدني متابعتك طوق الياسمين
منورة

[lonely heart]

// شو هي الصفات يلي تتصف بها وتعتز بها ولا يمكن لك التخلي عنها؟
// شو هي الصفات يلي تتصف بها وتود لو بإمكانك التخلي عنها لكن تجد صعوبة في الأمر؟
//شو هي الصفات يلي لا يمكن لك احتمال وجودها في حبيبتك أو صديقك؟ وشو هي الصفات يلي بتفضل وجودها في حبيبك أو صديقك ؟

jr7

[jr7]

الله يخليلك الوالد ويديمو بحياتك
ويرزقك بفارس احلامك يالي يطلع تؤام للوالد ههه
اجوبتك حلوة


// شو هي الصفات يلي تتصف بها وتعتز بها ولا يمكن لك التخلي عنها؟ الاحترام اولا , الجرائة بالحياة الواقعيه , تحمل المسؤليه , هدول اهم شي وم في امكانية اني اتخلى عنهم
// شو هي الصفات يلي تتصف بها وتود لو بإمكانك التخلي عنها لكن تجد صعوبة في الأمر؟ التدخين , حابب ابطل ولكن بهيك وقت صعب , التدقيق ع كل شي , العصبية احيانا , المزاجيه , العناد ع كل شي
//شو هي الصفات يلي لا يمكن لك احتمال وجودها في حبيبتك أو صديقك؟ النفاق , القيل والقال , والصوت العالي , يكون فضولي كتير , الفلسفة الزايدة عن حدها , وفي فرق بين حبيب وصاحب
وشو هي الصفات يلي بتفضل وجودها في حبيبك أو صديقك ؟ الهدوء , الاهتمام , الثقة , التفاهم , البر , الثقافه , المغامرة , برضو في فرق بين حبيب وصاحب

[jr7]

lonely heart


حكمتك المفضلة الي تسيرِ عليها بهالحياة ,؟
عبر عن حالتك الشخصية هالفترة بجملة , او بأغنية , او ببيت شعر ؟
شي لو رجع الزمن فيكِ رح تغيريه بحياتك ؟

[lonely heart]

تسلم دانيال ويخليلك كل احبابك يا رب
ما في متله بابا نادر الوجود هههه
اجابات حلوه منك وان شاء الله يتقدر تتخلى عن الصفات يلي ما بدك اياها


حكمتك المفضلة الي تسيرِ عليها بهالحياة ,؟
عامل الناس كما تحب أن تعامل
عبر عن حالتك الشخصية هالفترة بجملة , او بأغنية , او ببيت شعر ؟
كتير أنا ببقى من جوايا بتألم
ومليون حاجة كاتماها بتوجعني
بيبقى نفسي أحكي لحد وأتكلم
وعزة نفسي هي اللي بتمنعني
أنا اوقات أبان هاديه
ومن جوايا نار قايدة

شي لو رجع الزمن فيكِ رح تغيريه بحياتك ؟
كنت بقضي وقت اطول مع اختي الله يرحمها

[lonely heart]

// يتفضل العلاقات السطحية ولا العميقه مع الناس وليش ؟
// ما مدى تأثير الفروق الشخصيه بين الطرفين سواء مادية او تعليميه او فكريه او عمرية ع نجاح علاقة الحب ؟
// ما مدى قناعتك بوجود صداقة بريئة بين الرجل والمرأة ؟ ان كانت نعم .. ماهي مقومات نجاح العلاقة وما هي عوامل فشل العلاقة ؟

jr7

[آرثر]

ثناائي مميز شخصيات راقيه واعية مثقه اصحاب أثر رائع أينما تواجدوا
اختيار راقي باربي
وحوارهم مميز
متابع بصمت

[lonely heart]

ثناائي مميز شخصيات راقيه واعية مثقه اصحاب أثر رائع أينما تواجدوا
اختيار راقي باربي
وحوارهم مميز
متابع بصمت

بتشرفني وبتسعدني متابعتك
منور اسير بلا قيد

[jr7]

اجوبتك حلوة يا بنت الرجل المثالي هههه


// يتفضل العلاقات السطحية ولا العميقه مع الناس وليش ؟ بعمري م حبيت اتعمق بعلاقة في اى شخص حتى وان كنت لازم اعرف , ولكن في انسان وحيد بهالكون حبيت اتعمق بعلاقتي معاه وحابب كتير اعرف كل شي عنه
// ما مدى تأثير الفروق الشخصيه بين الطرفين سواء مادية او تعليميه او فكريه او عمرية ع نجاح علاقة الحب ؟ بنظري كل هلاشيا م بتفرق , طالما موجود الحب والثقة والاهتمام بين الطرفين والنية الخالصة لله , الماديه ارزاق من الله هاى وم حدا عارف وين رزقو او شو نصيبو بهالدنيا , والتعليمية الدنيا اكبر مدرسة واقوى مدرسة ممكن اى انسان يتعلم منها , والفكريه مع الوقت كل طرف بيفهم الاخر وبيصير يعرف يتصرف ويتفاهم معه , والعمريه السن بعمرو ما كان بيأثر ع اى علاقة طالما التفكير راقي وبمكانه .
// ما مدى قناعتك بوجود صداقة بريئة بين الرجل والمرأة ؟ ان كانت نعم .. ماهي مقومات نجاح العلاقة وما هي عوامل فشل العلاقة ؟ م بقتنع بهالشي كتير ولكن ممكن يحصل , ويكون بلاحترام المتبادل بين الطرفين , والحدود بالعلاقه , والقناعه .

[jr7]

lonely heart


هل هناك شئ ما يريده عقلك ولا يريده قلبك , او العكس , وان نعم م هو ؟
كيف تتصرف لونلي وقت تكون بقمة غضبها ؟
برأيك ما الفرق بين الغرب وبين العرب ؟

[lonely heart]

المثالي هادا هو يلي جابني ع الدنيا هههه
اجابات حلوه منك

هل هناك شئ ما يريده عقلك ولا يريده قلبك , او العكس , وان نعم م هو ؟
في بس هو سر ما فيني احكيه

كيف تتصرف لونلي وقت تكون بقمة غضبها ؟
ببعد عن المكان يلي فيو الشخص يلي كان السبب في غضبي
ممكن اروح غرفتي واضل فيها لحتى اهدا
او ممكن اطلع بالسيارة الف لفة وارجع
او ممكن هالغضب يتحول لطاقة ايجابية بعزل فيها البيت كله هههه

برأيك ما الفرق بين الغرب وبين العرب ؟
/ خلينا نبلش بالحكومات
عنا الحكومات معظمها فاسده ملزقه بكراسيها ويا ويله يلي بعارضهم يا بنسجن يا بقتلوه او بنفوه
ومعظم الانتخابات فيها مبينية ع الغش وبتحكمها المصالح
عنا داخليا مشغولين بالفتن والنزاعات والخلافات ومين بده ياخد السلطه
الغرب بوصلوا للحكم عن طريق انتخابات ديموقراطيه فيها مصداقيه واي شخص بالحكومه بعمل غلط بعترف بغلطوا وبنزل من منصبه
وبكون اهتمامهم كيف يطوروا بلدهم
/ الغرب متقدمين علينا تكنولوجيا وعلميا مع انا كنا اصل الحضاره يلي بنوا حضارتهم ع حضارتنا
بتلاقيهم بهتموا بالعلماء والعباقرة وباخدوا بايدهم وبشجعوهم ع عكس يلي بصير عنا العرب ما بهتموا فيهم ولا بشجعوهم
/ المواد والمناهج يدرسوها عنا في المدارس والجامعات كلها مواد عليك انك تحفظها وهي نفسها ما بتتغير لسنين
عندهم بتلاقي المختبرات وكل الوسائل لحتى تساعدك ع التفكير وتشغيل عقلك
وبضلوا ينموا حالهم ويطوروا مناهجهم باستمرار لتواكب التقدم
ما وصلوا للتقدم يلي عندهم من فراغ
لان الاساس عندهم المدارس والاهتمام بما يقدم بالمدارس من مناهج
العربي عنا ما دام خلص جامعه ما بتابع ولا بطور بمجاله وببقى مكانه الا ما رحم ربي
/ عند الغرب الناس بسيطه وبشوشه ومتواضعه وكل واحد بحاله
عنا بتلاقي الناس بحال غيرها ويلي شايف حاله والناس ما عندها شغله ولا عمله الا القيل والقال والحسد
/ عندهم الناس بحبوا يستمتعوا بحياتهم ويرفهوا عن حالهم
وعنا بضلوا يجمعوا بالمصاري وهم مكانهم
/ عندهم بزرعوا الثقه باولادهم من وهم صغار وبخلوهم يكونوا شخصيتهم ويعبروا عن رأيهم بكل اريحية
عنا الله وكيلك بطمسوا الشخصيه وممنوع تعبر عن رأيك طبعا الكلام مش ع الكل بس كنسبه كبيره
/عند الغرب في اهتمام بالحدائق والمرافق العامه والنظافة
عنا لو انوجدت المرافق بتلاقي العرب بخربوها او بوسخوها
/ الشعوب الغربيه اكتر حب للقراءه من الشعوب العربيه بتلاقيهم بكل مكان بقرؤوا .. في الباص والقطار والطيارة
وبشجعوا اولادهم ع القراءه من وهم صغار
عنا نسبة قليلة بتهتم بالقراءة
/ بالنسبة لحرية الرأي والاعلام عند الغرب اكتر من عنا
/ عند الغرب كل شخص باخد حقه وعندهم نظام وقوانين
عنا مش الكل باخد حقه وكتير بصير هضم لحقوق الناس وما في نظام والقوانين بتطبق ع ناس وناس
/ لكن بالنهاية بنضل افضل منهم عنا العلاقات الاجتماعيه والاسريه اقوى من عندهم
لانا نحنا بتحكمنا العادات والاخلاق والتقاليد
فبتلاقي عندهم الجرائم والانحلال اكتر من عنا

[lonely heart]

// شو بتعنيلك الرجوله؟ ... وهل برأيك ان الرجل العربي بدأ يفقدها ؟
// شو بتعنيلك الانوثه ؟
// بتعتقد أنه بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟

jr7

[jr7]

الله يحفظو ويديمو بصحة وعافيه
رائعه باجاباتك

// شو بتعنيلك الرجوله؟ ... وهل برأيك ان الرجل العربي بدأ يفقدها ؟ الرجولة يعني الاخلاق يعني المسؤليه يعني المحاربه في هذه الحياة اللعينه يعني يكون للناس سند وقت يحتاجو وكتير اشيا , الرجولة كتير بتعنيلي , بعض العرب نعم بدئو بفقدانها ومنهم من فقدها من زمن .
// شو بتعنيلك الانوثه ؟ انه البنت تكون ناعمه خجولة هاديه مثقفة متفاهمة
// بتعتقد أنه بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟ بأمكانها طبعا , المرأة انسانة وبتفكر متل اى راجل وفيها تكون أفكارها ايجابيه وكتير حلوة اكتر من تفكير كتير رجال بهاد الوقت , وبنفس الوقت لازم تكون فاهمة انها ام او رح تكون ام ويكون اولا بحياتها دائما اطفالها وزوجها , يعني المرأة الناجحة العظيمة هي الي بتقدر تنسق بين حياتها المهنية وحياتها العائليه وتنسق بينهم .

[jr7]

lonely heart


حلم تسعى على تحقيقه هذه الفترة ؟
رأيك بالحب من طرف واحد ؟
اجمل مغامرة قامت بها لونلي ؟

[lonely heart]

تسلم دانيال ويحفظك
اجابات حلوه كتير

حلم تسعى على تحقيقه هذه الفترة ؟
هالفترة كل شي واقف مش قادرة اعمل شي بسبب الكورونا والظروف يلي عم امر فيها
رأيك بالحب من طرف واحد ؟
بعتقد انه متعب وعذاب بالنسبة ليلي بحب
اجمل مغامرة قامت بها لونلي ؟
لما نطيت بالبرشوت ولما غصت بالبحر بين السمك والمرجان

[lonely heart]

// شو هي الاسئلة يلي بكره ادم تسأله اياها حواء وما بحب يجاوب عليها ؟
// شو الشي يلي ممكن يجرح كبرياء ادم ؟
// شو هي الاشيا يلي بتلفت انتباهك في حواء وبتخليك تنجذب لالها وتهتم فيها ؟

jr7

[jr7]

// شو هي الاسئلة يلي بكره ادم تسأله اياها حواء وما بحب يجاوب عليها ؟ م بعرف والله , ولكن ع نفسي انا م بحب حدا يسألني قديش معك وبكم جبت وبكم وديت وهاى الامور يعني خصوصياتي
// شو الشي يلي ممكن يجرح كبرياء ادم ؟ لما يضعف من اجل شي ما , حب , او عمل , او مكان او ,, الخ .
// شو هي الاشيا يلي بتلفت انتباهك في حواء وبتخليك تنجذب لالها وتهتم فيها ؟ جمالها , اخلاقها , لبسها , اسلوبها , هدوئها .

[jr7]

lonely heart



امتى بتتنازل لونلي , ولاجل مين ؟
اكتر شي خايفة منه لونلي بهالحياة ؟
حلم طفولتك ؟

[lonely heart]

اجابات جميله جرح

امتى بتتنازل لونلي , ولاجل مين ؟
بتنازل لانسان يستحق انه اتنازل من اجله اهلي او شريك حياتي
امتى لما احس انه رح اخسر هالشخص او انه علاقتنا راح تنتهي
ويلي بقصده هون في حالة كنت متزوجه
فبقدم تنازل لحتى تستمر هالعلاقة

اكتر شي خايفة منه لونلي بهالحياة ؟
افقد حد من اهلي

حلم طفولتك ؟
اكون دكتورة بس لما كبرت تغير هالشي

[lonely heart]

// ما الذي يقف بينك وبين تحقيق هدفك الاكبر ؟
// ما هي المواقف التي تدفعك لقسوة القلب ؟
// شو الشي يلي بتعتبره نقطة تحول بحياتك ؟

jr7

[jr7]

اجابات رائعة


// ما الذي يقف بينك وبين تحقيق هدفك الاكبر ؟ ربنا امتى مقدر اني احققه رح احققه , انا بكافح وبعمل الي عليه والباقي على رب العالمين
// ما هي المواقف التي تدفعك لقسوة القلب ؟ بما اني بسمع بواقعي اني قاسي , بشوف حالي بقسى ع الي بيستاهلو , لما اشوف حدا غلطان وبيكابر بغلطو , او لما حدا يمس كرامتي بكلمة , او يحكي عني كلمة مش منيحة
// شو الشي يلي بتعتبره نقطة تحول بحياتك ؟ الكم سنة الي قعدتهم بروسيا , غيرو كتيييير بحياتي وتعلمت كتير لانه حياتي هناك كانت عبارة عن مغامرة خطيرة , وربنا الحامي , ولما عملت اول شغل ملكي لالي وبدون مساعدة من اى بشر .

[jr7]

lonely heart



سؤال ما بتحبِ حدا يسألك ياه , وليش ؟
جملة سمعتها من شخص معين ومش قادر تنساها ؟ شو هي ؟
قرار ندمت على اتخاذه ؟

[lonely heart]

اجابات جميله
الله يوفقك وتحقق كل امانيك

سؤال ما بتحبِ حدا يسألك ياه , وليش ؟
اي سؤال بتعلق بخصوصياتي
جملة سمعتها من شخص معين ومش قادر تنساها ؟ شو هي ؟
انتي مش حاسة فيي
قرار ندمت على اتخاذه ؟
ما بندم ع اي شي
كل شي بمر فيه هو درس وبتعلم منه

[lonely heart]

// ذكرت انك قضيت فترة بروسيا .. هل كانت من اجل الدراسة او العمل .. واديه بقيت فيها ؟
// كبف بتوصف الحياة بروسيا ؟
// شو الاشيا يلي تعلمتها وانت فيها ؟
jr7

[jr7]

// ذكرت انك قضيت فترة بروسيا .. هل كانت من اجل الدراسة او العمل .. واديه بقيت فيها ؟ كنت هناك في رحلة عمل , انا بروح كل فترة هناك , بس بقيت فترة متواصله تقريبا 3 سنين ونص , وانحجزت هناك فترة 7 اشهر يعني 4 سنين
// كبف بتوصف الحياة بروسيا ؟ الحياة حلوة فيها بلد جدا رائع , ولكن عشان تستقر هناك وتعيش بهيبتك لازم تعمل شغل لنفسك وتكون قد حالك
// شو الاشيا يلي تعلمتها وانت فيها ؟ كتير والله , شوفي بلاول انا كان عندي هدف وهي الجنسية ومشروع بسيط فقط لا غير واني بلد بحبه لانه شعبه اله هيبه وبلد قوي عالميآ , ولكن وانا هناك صار عندي اهداف كتير وتعلمت منهم انه لو انت م سعيت لهدفك م حدا بيجيبلك ياه , وفي مثل روسي هناك كمان بيقول طريق الورد دايما مزروع بالشوك , اني يعني بعرف حواجه بكل حياتي مطبات ومشاكل , ولكن بالعزيمة ورضا الله والوالدين بتنحل , يعني عشان اوصل للقمة لازم اتسلق كل جبل بلاقيه قدامي , تعلمت هناك معنى القوة الحقيقية , وهي قوة العقل والذكاء , وتعلمت كتيييييييير اشيا م بتخلص , انا مرحلة انتقال حياتي جذريآ كانت الفترة الي قعدتها هناك .

[jr7]

lonely heart


الحياة شو بتعني الك ؟
المستقبل شو بيعني الك ؟
الماضي شو بيعني الك ؟

[lonely heart]

الحياة شو بتعني الك ؟
محطات وممر للحياة الحقيقية يلي هي الاخرة
المستقبل شو بيعني الك ؟
شي مجهول بتأمل يكون مخبيلي اشيا حلوه
الماضي شو بيعني الك ؟
ذكريات فيها الحلو والمحزن والمفرح وحاضري هو امتداد للماضي يلي عشته

[lonely heart]

// ما هي الصفات يلي بتحبها بوالدك ووالدتك ؟ وشو هي الصفات يلي ماخدها منهم ؟
// متى تصاب بالملل ؟
// كيف بتقضي وقت فراغك ؟
jr7

[jr7]

// ما هي الصفات يلي بتحبها بوالدك ووالدتك ؟ وشو هي الصفات يلي ماخدها منهم ؟ بحبهم و بحب كل صفاتهم , كل الصفات المنيحة فيه اخدتها من ابوي وامي , والسئ اخدته من الحياة والناس الي بتعايش معها وبتعامل معها
// متى تصاب بالملل ؟ م بصيبني هالشعور دايما , نادرآ لما احس بملل , وهالشي لما بقعد كم ساعة بالبيت متواصلين
// كيف بتقضي وقت فراغك ؟ بشوف كم صاحب , بنقعد كل كم يوم ع حسب الفضاوة

[jr7]

lonely heart


لغه تتقنها بطلاقه غير العربي ؟ وكيف تعلمتها ؟
بلد رحتها من قبل وتتمنى زيارتها وشو المميز فيها ؟
صفة سيئة فيكِ ؟

[lonely heart]

لغه تتقنها بطلاقه غير العربي ؟ وكيف تعلمتها ؟
الانجليزيه
عشت سنتين بامريكا وكمان كانت هاي اللغة هي تخصصي الجامعي
بلد رحتها من قبل وتتمنى زيارتها وشو المميز فيها ؟
رحت ع امريكا والسعوديه واسبانيا وتركيا
اكتر شي حبيت تركيا لانه كلها طبيعه والطبيعة عشقي
صفة سيئة فيكِ ؟
مسرفة
دمعتي بتنزل بسرعه
كتومه
بتحمل وبخبي زعلي لدرجة انه قلبي بصير يوجعني من هالشي احيانا
مهمله جدا باكلي

[lonely heart]

// هل الحزن يعكس القوة الداخلية للإنسان أم يولد مزيد من الضعف ؟
// بنظرك هل الفقر العاطفي في مجتمعاتنا يشعر الأغلبية بأن أي معاملة لطف هي حب ؟
// أكتر شي بجذبك بعالم النت ؟
jr7

[jr7]

// هل الحزن يعكس القوة الداخلية للإنسان أم يولد مزيد من الضعف ؟ بيولد مزيد من الضعف , الحزن بيكسر اى انسان
// بنظرك هل الفقر العاطفي في مجتمعاتنا يشعر الأغلبية بأن أي معاملة لطف هي حب ؟ لا
// أكتر شي بجذبك بعالم النت ؟ اني بشوف شو م بدي عن طريقه .

[jr7]

lonely heart


هل خسرتِ شي ما كان غالي عليكي من قبل ؟ وما هو ؟
شي حين فعلتيه شعرتي بأنجاز عظيم ؟
متى تكونِ في قمة سعادتك ؟

[S T E L L A]

اججوبتكمم ككلهاا ممتتعةة ☆
+ اسسئلتكمم ححلوهه ككمانن
+ اسسألونني ههههه ")
+ ممتتابعهه ممعكمم تممامم ♡
+ بككرهه اخخر يومم تممام ♡
اللهه يسسعدكمم ججرح و لوونليي ")
وردهه

[lonely heart]

هل خسرتِ شي ما كان غالي عليكي من قبل ؟ وما هو ؟
ما صار هالشي لحتى الان
شي حين فعلتيه شعرتي بأنجاز عظيم ؟
كل شي حققته ونجحت فيه بحياتي لحتى اليوم بعتبره انجاز عظيم
متى تكونِ في قمة سعادتك ؟
سبق وسألت هالسؤال وجاوبت عليه

[lonely heart]

اججوبتكمم ككلهاا ممتتعةة ☆
+ اسسئلتكمم ححلوهه ككمانن
+ اسسألونني ههههه ")
+ ممتتابعهه ممعكمم تممامم ♡
+ بككرهه اخخر يومم تممام ♡
اللهه يسسعدكمم ججرح و لوونليي ")
وردهه

بعتذر عن التأخير حبيبتي
ويسعدك يا رب
كان نقاش ممتع وجميل مع جرح
شكرا لالك ولجرح