خَمْر أيلول
07-13-2020, 10:57 PM
:62::62::62:
بعد_6_سنين_زواج_كتبلها
بهي اللحظات و انتي نايمة حدي و انا مبسوط انو طلعتي ما بتشخري..
تذكرت يوم العرس و قديه كنت عم جرب حافظ على اعصابي هادية على اعتبار أنو كل ما اسأل حدا شو رأيك بالزواج
بيقلي جملة وحدة "شر لابد منه".
أما أنا فبعرف شو رأيي.. بلا شر بلا خير بلا بطيخ.. بدي ضل عمري هيك.. عم راقبك انتي و نايمة.. غطيكي وقت تبردي و اكتبلك..
يا اختي انا اخترت ها الشر و انا بحبو
أنا حبيتك هيك متل ما انتي و بدي اتضلي متل ما انتي.. ما بدي تشبهيني ولا تكوني متلي..
بدي ضلني عم دور على اشيا فيكي كل يوم لحبك اكتر.. خليكي انتي انتي.
صرلنا ٦ سنين سوا و بعدني عم جرب اني فاجئك.. و عموماً مافيني اوعدك بكتير اشيا..
يعني لا بساعة روليكس و لا بسفرة على اوروبا كل كم شهر ولا ببيت منطقة فخمة..
بس فيني اوعدك بمشوار بسيط كل كم يوم ..
بوعدك فيقك على صوت فيروز او ببوسة صغيرة على جبينك.. او بالتنين سوا.
وانو اعطيكي حبة بانادول مع مي بس تمرضي..
وانو جرب ساعدك بالجلي..
بوعدك انو اعمل كل جهدي امن مازوت مشان الشتوية الجاية..
بوعدك انو لما كون قدران رتب التخت..
وبوعدك كل ما سألتيني " البس هي الكنزة ولا هي" ؟!
اخود وقت جدي بالتفكير و اعطيكي جواب حقيقي..
وبوعدك انو لح لاقي كل يوم سبب لخليكي تضحكي.
وبوعدك انو تبقي عندي صبية كل عمرك..
وانو كل ما بدك حدا يسمعك جرب كون هاد الحدا.. وبوعدك اني ضل مبسوط فيكي هيك قدام الناس كل العمر.. ليكبروا ولادنا و تقوليلون
"شفتوا ابوكون قدي كان يحبني"..
و أخيراً.. بوعدك اني ضل حبك.. حبك كتير.. اكتر من الشام و فيروز و المطر سوا :62:
بعد_6_سنين_زواج_كتبلها
بهي اللحظات و انتي نايمة حدي و انا مبسوط انو طلعتي ما بتشخري..
تذكرت يوم العرس و قديه كنت عم جرب حافظ على اعصابي هادية على اعتبار أنو كل ما اسأل حدا شو رأيك بالزواج
بيقلي جملة وحدة "شر لابد منه".
أما أنا فبعرف شو رأيي.. بلا شر بلا خير بلا بطيخ.. بدي ضل عمري هيك.. عم راقبك انتي و نايمة.. غطيكي وقت تبردي و اكتبلك..
يا اختي انا اخترت ها الشر و انا بحبو
أنا حبيتك هيك متل ما انتي و بدي اتضلي متل ما انتي.. ما بدي تشبهيني ولا تكوني متلي..
بدي ضلني عم دور على اشيا فيكي كل يوم لحبك اكتر.. خليكي انتي انتي.
صرلنا ٦ سنين سوا و بعدني عم جرب اني فاجئك.. و عموماً مافيني اوعدك بكتير اشيا..
يعني لا بساعة روليكس و لا بسفرة على اوروبا كل كم شهر ولا ببيت منطقة فخمة..
بس فيني اوعدك بمشوار بسيط كل كم يوم ..
بوعدك فيقك على صوت فيروز او ببوسة صغيرة على جبينك.. او بالتنين سوا.
وانو اعطيكي حبة بانادول مع مي بس تمرضي..
وانو جرب ساعدك بالجلي..
بوعدك انو اعمل كل جهدي امن مازوت مشان الشتوية الجاية..
بوعدك انو لما كون قدران رتب التخت..
وبوعدك كل ما سألتيني " البس هي الكنزة ولا هي" ؟!
اخود وقت جدي بالتفكير و اعطيكي جواب حقيقي..
وبوعدك انو لح لاقي كل يوم سبب لخليكي تضحكي.
وبوعدك انو تبقي عندي صبية كل عمرك..
وانو كل ما بدك حدا يسمعك جرب كون هاد الحدا.. وبوعدك اني ضل مبسوط فيكي هيك قدام الناس كل العمر.. ليكبروا ولادنا و تقوليلون
"شفتوا ابوكون قدي كان يحبني"..
و أخيراً.. بوعدك اني ضل حبك.. حبك كتير.. اكتر من الشام و فيروز و المطر سوا :62: