زجل شعبي في ظل كورونا

[علاء فلسطين]

سلام الله عليكم جميعاً
في الحقيقه لست ممن يكتبون الزجل الشعبي ولكن هذا ما نتج مني أثناء جلستي مع أقاربي ( اولاد خالتي)


اوعك تطلع من الدار
بدنا منك انحسار
كورونا واحد غدار

جايه علينا من الصين

لا تستهتر دخيلك
كورونا والله بصيبك
وعن أرضك ما بشيلك

وبدخل جوا الشرايين

بكل العالم هالوباء
ما لقيوا الو دواء
ما النا غير الدعاء

ندعي رب العالمين

الله يستر والله يعين
الله يشفي المصابين
المرضى صارو ملايين

نصيحه ارجع لدين

احسنلك ألزم دارك
لكن ما تنسى جارك
حتى لو ما جى زارك

حطه عالراس وعالعين

كورونا ببعد عنك
ما تخلي حدا عندك
وما تصافح حدا بيدك

وعقم دوما الايدين

يا محلا القعدة لحالي
لا مع عمي ولا خالي
لا تزعل مني يا غالي

كل الناس محجورين

بدنا نحمي هالوطن
من كورونا الملتعن
مهما كلفنا الثمن

لعيونك يا فلسطين

هالكورونا لملمنا
ع المحبة جمعنا
وللسلامة قررنا

نبقى دوما ملتزمين

[شغف]

هههههه حلوووه الكلمات حبيتها
الكورونا علمتنا الالتزام بكل شي
تسلم لاادراجك وماننحرم فيض قلمك
المميز

[الصياد]

بسيطة قدام كتاباتك التانية
لكنها حلوة
يسعدكك لادراجهاا ..

[البريئة !]

انا بحب اسمع الزجل لأني بضحك وقتها
و هاي حلوة كتير و الله هههه
رائع صديقي
تقييمي

[مروة صيام]

ههههه
رائع استاذي زجل في محله
وبسيط وعفوي ابدعت
لروحك الجوري

[نقاء]

والله بتجنن
وفيها نصائح وارشادات كمان
يسعدك علاء
وم ننحرم ي رب

[سارة المصرية]

والله يا علاء حيرتني معك
شاعر ولا قاص ولا بتكتب زجل
حلو الكلمات من حيث المعنى واضحه
لكن القافيه وتغييرها ف كل مقطع
كان متعب شويه حلو كتير أنه تتعدد مواهبك بالكتابه
مشكور

[عدي بلال]

من فوائد الكرونا ..
خلت أخونا علاء يحكي زجل ههه

زجل حلو، ومليان نصائح ..
صح لسانك ..

يسعد صباحك

[ندى الورد]

حلوة كتير كتير
ما شاء الله عنك
مُبدع كالعادة
تقييمي

[ملاك الحب]

محلاه هههههههه
بدنا حد يغنيها ويلحنها

تقييمي البسيط
والله كورونا خلتك يا علاء تكتب كلشي

موفق

[علاء فلسطين]

[quote=قبانيه الهوى;2543922]هههههه حلوووه الكلمات حبيتها
الكورونا علمتنا الالتزام بكل شي
تسلم لاادراجك وماننحرم فيض قلمك
المميز[/quote

مرحبا بكِ الرائعه قبانية الهوى
شكراً جزيلاً لعذب حضورك وقرأتك الرقيقه
تحيه تليق بكِ

[علاء فلسطين]

بسيطة قدام كتاباتك التانية
لكنها حلوة
يسعدكك لادراجهاا ..
ممتن لحضورك وقرأتك صديقي الصياد
دائما افخر بك
كل الشكر والتقدير

[علاء فلسطين]

انا بحب اسمع الزجل لأني بضحك وقتها
و هاي حلوة كتير و الله هههه
رائع صديقي
تقييمي

ههههه وانا كذلك ابتسم حتى وانا اغني لهم فيها كنت ابتسم وحين كتبتها ابتسمت ...فعلا هو لون ممتع جدا

دائما اسعد بهذا الحضور ايتها العزيزه
كل الشكر والتحية

[علاء فلسطين]

ههههه
رائع استاذي زجل في محله
وبسيط وعفوي ابدعت
لروحك الجوري

اهلا سيدتي ريما
سعيد جدا لأني كون النص رسم البسمة في وجهك الرقيق
كل التحيه والتقدير

[علاء فلسطين]

والله بتجنن
وفيها نصائح وارشادات كمان
يسعدك علاء
وم ننحرم ي رب

وعن حضورك اقول يجعل العاقل مجنون لدهشتة
تحيه تليق بكِ الرائعه نقاء

[علاء فلسطين]

والله يا علاء حيرتني معك
شاعر ولا قاص ولا بتكتب زجل
حلو الكلمات من حيث المعنى واضحه
لكن القافيه وتغييرها ف كل مقطع
كان متعب شويه حلو كتير أنه تتعدد مواهبك بالكتابه
مشكور

مرحبا بكِ سيدتي ساره
العكس صحيح القافيه سهله وموزونه
راح تزبط معك بالتلحين هههه
ربما لم تسمعي الزجل الفلسطيني لذلك يصعب عليكِ قرأتها
هذا النوع هكذا أساسه كل مقطع اربع سطور ثلاث سطور نفس القافيه والسطر الرابع قافية أخرى نلتزم بها إلى نهاية الزجل والقافيه التي تأتي في السطر الرابع من المقطع الاول في بداية الزجل هي التي يجب أن نلتزم بها إلى نهاية الزجل في جميع المقاطع ..اما عن قافية الثلاث سطور نلتزم بها حسب السطر الاول من كل مقطع إلى نهاية المقطع فمثلا لاحظي في هذا النص السطر الرابع له قافيه معينه ( الصين ). ( ين ) وهي التي الزمتني ان التزم بها في نهاية كل مقطع إلى نهاية الزجل .سأرسل لكِ مقطعا على اليوتيوب من هذا الزجل لتسمعيه .. كل التحيه والتقدير لحضورك ايتها العذبه

[علاء فلسطين]

من فوائد الكرونا ..
خلت أخونا علاء يحكي زجل ههه

زجل حلو، ومليان نصائح ..
صح لسانك ..

يسعد صباحك

هههه الكورونا علمنا كثير اشياء اخي عدي بلال
نسأل الله لنا ولكم رفع هذا الوباء وعودة الحياة إلى طبيعتها
شاكرا جزيلاً عطر حضورك وعذب قرأتك
اهلا بك والتحيه لقلبك النقي اخي الكريم
تقديري

[علاء فلسطين]

حلوة كتير كتير
ما شاء الله عنك
مُبدع كالعادة
تقييمي

شكرا سيدتي ندى الورد لهذا الحضور الذي أضاء النص واضاف جمالاً اخر
كل التحيه لقلبك المحب
تقديري وأكثر

[علاء فلسطين]

محلاه هههههههه
بدنا حد يغنيها ويلحنها

تقييمي البسيط
والله كورونا خلتك يا علاء تكتب كلشي

موفق


هههه أنتِ غنيها ما رأيك ؟
ههههه
الرائعه ملاك الحب
دائماً حروفي تسعد وتفرح قبلي بحضورك
حضور اضاء النص بهاءاً يا نقية الروح
كل الشكر والتقدير