لم يكن حُبًّا
04-10-2020, 04:44 PM
بسيطة ..
قومي إلبسي فستانك الأحمر يلي ماعبالك ياه
حطّي حمرة شفاف "بتلمع" و خبّي وجهك التعبان
ما تكحلي عيونك .. بلا ما حدا يشوفك سهلة بالبكي
ارفعي صوت غنيتك الشعبية السخيفة .. و ارقصي
هزّي قلبك المكسّر .. جسمك الهلكان .. وامشي ع اللحن
مع كل دقة .. رنّة .. بحّة .. هرهري اكتئاب
فيقي من الصوت جارتك يلي جوزها تركها من زمان
وبعدها ناطرته ..
فرجيها كيف الجرح بيرقص ..
فرجيها كيف الدم بيعيّد حب لوحده ..
فرجيها شو الفرق بين المرا المستسلمة والمرا القوية
إقوي ع حالك .. بهدلي حالك فرح .. و اضحكي
خلصت الحكاية ..
فيكي ترجعي تبكي ..
وبكرا بتكوني أحسن ..
بحبّك
اعتبري الكلمة انخلقت إلك .. و اوثقي بإنها جاية تدق بابك .🖤🚶🏻♀️"
قومي إلبسي فستانك الأحمر يلي ماعبالك ياه
حطّي حمرة شفاف "بتلمع" و خبّي وجهك التعبان
ما تكحلي عيونك .. بلا ما حدا يشوفك سهلة بالبكي
ارفعي صوت غنيتك الشعبية السخيفة .. و ارقصي
هزّي قلبك المكسّر .. جسمك الهلكان .. وامشي ع اللحن
مع كل دقة .. رنّة .. بحّة .. هرهري اكتئاب
فيقي من الصوت جارتك يلي جوزها تركها من زمان
وبعدها ناطرته ..
فرجيها كيف الجرح بيرقص ..
فرجيها كيف الدم بيعيّد حب لوحده ..
فرجيها شو الفرق بين المرا المستسلمة والمرا القوية
إقوي ع حالك .. بهدلي حالك فرح .. و اضحكي
خلصت الحكاية ..
فيكي ترجعي تبكي ..
وبكرا بتكوني أحسن ..
بحبّك
اعتبري الكلمة انخلقت إلك .. و اوثقي بإنها جاية تدق بابك .🖤🚶🏻♀️"