سؤوال

[حنان]

هلا ببالي سؤوال من زمان بس يعني مابضن يصير بالواقع بس ممكن يصير مابعرف
ادا اثنين اتزوجو
ومثلا بعد مدة زوج المراة راح ع شغلو وهو يشتغل بعيد
وصار شي بالمكان الي راح يشتغل فيه ووصل خبر لاهلو ولمرتو انو مات
المهم وبهد سنين وسنين كتيرة المراة مثلا حبت شخص تاني
وقررت تزوجو وتزوجت وكمان تمر مثلا سنة او سنتين او سنين او كمان وقت صغير
المهم و بعدين وبعد هالسنين يطلع الزوج عايش ومامات والكل كان مفكرو ميت
هلا المراة شو بتعمل بترجع لزوجها القديم ولا تبقى مع زوجها الحالي
يعني بقصد من الناحية الشرعية والقانونية يعني ضو رح يصير
وهل يعتبر الزواج الثاني بطال وومو قانوني ولا الاول
الصراحة انا مابعرف كيف فهمكو بس انشاء الله تكونو فهمتو عليي ههه
بعرف بتصير بس بالافلام والمسلسلات الهندية ههه

[وتر]

نادر ما تصير بالدنيا , الا بالافلام هههه

من حيث العلم الي عندي , انو الزوجة و الرجل التاني الي اتزوجها ما عليهم اثم ابدا


لانهم ما بيعرفوا انه عايش , بس في هاي الحالة , الزوج التاني لازم يطلقها بسرعة لانه العقد


بيطلع فاسد طالما ظهر الزوج التاني لانه ما بنفع المرأة تكون ع ذمة أكتر من واحد


و الله اعلى و اعلم

[بيسان]

ههههه انا ما بدي كون مفتيةة بهيك امور

بس أنو زوجها الاول توفى وصلها الخبر..

والمرأة تتزوج التاني وبعد فترة تلاقي زوجها الاول عايش .. بتزكر هادي القصة

بفيلم ل شاه روخ خان او جون أبره هههه

احنا عنا لازم المرأة تتأكد يعني تدفنو بأيدها ههههه شان ما يطلع عايش

حنان تحضريش هندي 😂😂😂

[حنان]

نادر ما تصير بالدنيا , الا بالافلام هههه

من حيث العلم الي عندي , انو الزوجة و الرجل التاني الي اتزوجها ما عليهم اثم ابدا


لانهم ما بيعرفوا انه عايش , بس في هاي الحالة , الزوج التاني لازم يطلقها بسرعة لانه العقد


بيطلع فاسد طالما ظهر الزوج التاني لانه ما بنفع المرأة تكون ع ذمة أكتر من واحد


و الله اعلى و اعلم


اه بالافلام بس هههه

اه معك حق

نورتي الموضوع بوجودك وتر

[حنان]

ههههه انا ما بدي كون مفتيةة بهيك امور

بس أنو زوجها الاول توفى وصلها الخبر..

والمرأة تتزوج التاني وبعد فترة تلاقي زوجها الاول عايش .. بتزكر هادي القصة

بفيلم ل شاه روخ خان او جون أبره هههه

احنا عنا لازم المرأة تتأكد يعني تدفنو بأيدها ههههه شان ما يطلع عايش

حنان تحضريش هندي 😂😂😂

ههههه
يختي لازم يكون الو جثة يمكن مات محروق ويمكن انفجرت فيه قنبلة وطلع حي بتصير هههه
يمكن يكون الفلم لشاروخان ههه
صرت مابتفرج كتير الافلام الهندية ههه
نورتي الموضوع بوجودك

[لم يكن حُبًّا]

والله انتي بتنفعي مؤلفه قصص ههه

بجد ما عندي اجابه مقنعه لجهلي بالامور الدينيه والقانونيه بهالخصوص

يسلمو لسؤالك

تحيااتي

[بيسان]

ههههه
يختي لازم يكون الو جثة يمكن مات محروق ويمكن انفجرت فيه قنبلة وطلع حي بتصير هههه
يمكن يكون الفلم لشاروخان ههه
صرت مابتفرج كتير الافلام الهندية ههه
نورتي الموضوع بوجودك

هههههه فزيعة انتي ي حنان

لازم تكوني مخرجة للأفلام الهندية بدل فرح خان

منورة بوجودك ♡

[حنان]

والله انتي بتنفعي مؤلفه قصص ههه

بجد ما عندي اجابه مقنعه لجهلي بالامور الدينيه والقانونيه بهالخصوص

يسلمو لسؤالك

تحيااتي

ما انا مؤلفة متيحة كتبت رواية وكم قصة لحالي هههه
الله يسلمك حبيبتي
نورتي الموضوع بوجودك ملك

[حنان]

هههههه فزيعة انتي ي حنان

لازم تكوني مخرجة للأفلام الهندية بدل فرح خان

منورة بوجودك ♡


ههههه
اه شفتي لازم كون مخرجة افلام هندية بس اهلي مابدهم هههه
احكيلي مع فرح بلكي تخليني مكانها هه
:u4::u4::u4::u4:

[سمره]

هلا المراة شو بتعمل بترجع لزوجها القديم ولا تبقى مع زوجها الحالي

مسا الخير،
مع إني بحبش احكي بمواضيع بعيده عن واقعنا، بس رح اقول وجهة نظري،
الزوجه لحتى تاخد قرار ما بيلزم تفكر بالقانون وبالشرع فكل الاشياء يللي بتكون شاغله بالها إلا بشغلتين، الاولى إذا كان عندها ولاد من زوجها الحالي،
والشغله التانيه إذا مفكري تتطلق من زوجها الحالي، هالشغلتين بحتاجوا للقانون اكتر من الشرع ..
بس طبعا هذا بقلش إنه الاحتمال يكون هالقد وارد بإنه زوجها "القديم" رح يرجعلها ميه بالميه، يمكن لمن هو يعرف انها اتزوجت من بعدو يفكر يتركها،
الموضوع خيالي، وبما إنو خيالي، هذا بيعني إنه فينا نتوقع اي اشي ممكن يصير مع هالزوجه !
هذا يللي قدرت اقوله ..


:po3:

[رنين]

ههه
لا الهندي مآثثر

[مُبتسِم]

االامر بحتاج لفتوى شرعية و ما بقدر احكم فيه


بوركتي

[خرآفيهه]

حلو السؤال بس فعلا هل الاشيا مابتصير غير بالمسلسلات والافلام ههه
بس لو فعلا هل الموضوع حصل مع وحدة بالواقع
بشوف انها تكمل مع زوجها التاني
لانها حبته ومعنى هيك انها نست حبها لزوجها الاولاني
وغير هيك لو كانت فعلا بتحب الاول ماكان قلبها دق للتاني
فبشوف انها تكمل مع التاني احسن
مشكورة حببتي للنقاش
عوافي

[أسير الحياة]

أختااه الفاضلة
ببساطة و بعقلانية المشكلة ليست مشكلة بحد ذاتها
لانها تفتقد لأدلة مادية ثابتة الا و هي شهادة الوفاة للزوج الاول
لان مستحيل تكون جثة بدون دفن و يكون دفن بدون وثائق
و من بين الوثائق شهادة الوفاة .. و الزواج للمرة التانية يلزم
على الزوجة اما تثبت شهادة طلاق من الاول ادا كانت مطلقة
او شهادة وفاة الاول ..
ادا هنا سؤالك غير منطقي ، عدا ان كان ما تتكلمي عنه
يدخل في الزواج العرفي .
شكرا لك

[الصياد]

هالامر مش مستحيل وبيصير بالحياة ..
وقريت مرة انه صارت بغزة بالحرب الأخيرة اتزوج شخص مرت اخوه لانهم فكروه استشهد ودفنوا جثة
ما الها ملامح ع انه هو .. وبعد سنة وخلفت مرته من اخوه .. طلع اسير عند اليهود ..

المهم حسب ما قرأت في المواقع الاسلامية انه ما بكون عليهم اثم بهيك حالة لكن الزوجة
بترجع لزوجها الاول بعد ما تقضي عدتها او ممكن تطلب الطلاق من خلال المحكمة اذا حبت تستمر
مع زوجها التاني ..

[الماسة]

صآر هالشي عنآ بغزة أيآم مآ انتهت الحرب

وفي نآس مآ انعرفو هل همآ استشهدو ولآ رآحو أسرى

ولمآ مرت مدة معينة ومآ عرفو عنو شي اتزوجت سلفهآ وحملت منو .. وبعدين طلع زوجهآ عآيش

بس ع مآ اعتقد كآنت قضيتهم مش بهالسهولة وكآنت صعبة كونهآ أمر نآدر ..بس مآ بعرف بشو أفتووو بالزبط ..

[دفء]

ههههه

سؤال تعجيزي مخي حبس معاه

خلي شروخان يجاوبك

يسلمو حنونة

[نبض]

اممم اصلا الزوجة يحق لها طلب الطلاق لو هجرها زوجها ل فترة طويلة

ف لو هيك صار بظن انو لازم يطلقها الاول ولا التاني واحد منهم

بنفعش تكون ل اتنين هههههع

[مولٱنآ]

اول شي حابب قول اني استغربت من الاجوبه

هلشي ع فكره بصير وبصير كتير كمان

في شي بلقانون اسموو الموت المدني هو معامله شخص حي على انو ميت

كمثال الي طرحتيه

شخص سافر للعمل في سوريا مثلا وكان يتواصل مع زوجتو وصارت الحرب وبعد فتره من الحب قللها في اشتباك حول بيتو او م قللها المهم انو نقطعت اخبارو

لاكثر من 4 سنين

هادا يعتبر موت مدني

مرتو بتكون أرمله .. ومعها شهاده وفاه لالو

لو عندو ورثه بتتقسم ع الورثه بشكل طبيعي

يعني يعامل معامله الميت

وفي حاله انو رجع

الشي الي ممكن يرجع للحاله الي كان عليها قبل غيابو بترجع بس الي م بترجع م بترجع

يعني مرتو م بينفع نطلقها عشان رجع هوا ولو هي بدها ساعتها لازم تطلق من الزوج التاني وبترجع من اول وجديد بتتزوج الزوج الاول

وبلنسبه لاموالو بترجع لالو ولكن الي بنقدر نرجعها يعني لو واحد من الورثه كان صارفهم م فينا نحاكمو


بعتقد حكيت كتير بلموضوع

بس لانو لقيت الاغلب بيفكر انو هلشي مستحيل او نادر