حب الفتاة من ورا اهلها .. هل تعتبر خائنــه أم لا ؟؟

[قَدر !]

بسم الله الرحمن الرحيم

السلام عليكم ورحمه الله وبركاته



في هذا الموضوع حبيت أطرح موضوعا للنقاش وتبادل الأفكار والنصائـــح خاصّة
عن مشكلة من الأهمية بمكان وانتشرت بشكل مقلق:

قد يقع الشاب من الفتاة موقعا حسنا بقلبها ومن هنا يطرح السؤال نفسه:
هل حبّ الفتاة لشاب , من وراء أهلها, يعتبر خيانة أو تستّر؟

وبالنسبــه للشباب كيف نضرتك لها دامكم تعرفو ونصكم اكيد حب هل حبيبتك خاينــه لأهلــها وهل تصارحهاا لهالشي

طرحت هالسؤال للشباب لانـه يمكن وعشان ما اظلمكم 80% منكم
اذا شافو بنت تحب واحد من دون علم اهلها يعتبروها مافيها ادب وخاينـــه


اتمنى مشاركتم بطرح ارائكم ووجهة نظركم بكل صراحـه

ولي عوده لمعرفـة أرائكم http://vb.roooo3.com/images/smilies3/2014.GIF





مشاعر الحب قد توجد بين شاب وفتاه والرسول أشرف الخلق عليه الصلاة والسلام لم يعترض هذه المشاعر لان القلوب بين أصبعين من أصابع الرحمن يقلبها كيف يشاء ..

الحب حلال ..
وأن يكن القلب مشاعر خاصه لاحد حلال .. ويكتب شعر وخواطر فيه مع نفسه حلال ..
على الطريقة فقط أن لا تتجاوز الحلال

[مُبتسِم]

انا راي مرات بالموضوع متقلب جدا
مرة بعتبره خيانة ومرة لا
مرة انا الانسان ما بقدر يسيطر على قلبه ومرة بعتبره امر شيطاني او انه الله ببتليك فيه ليشوف هل هتبقى على الحلال ام تلجأ للحرام لاشباع رغبتك
فعلا الرسول ما انكر هالشيءء وخاصة لم قال صلوات الله عليه وسلم " لم نر للمتحابين مثل النكاح "
الحب هو موجود فعلا بكل قلب
لكن كيف هيستخدم الحب هادا بطريقة مستقيمة ام التفافية تغضب الله
ما في غير سلاح واحد حتى الله يعطينا اللي بنحبه هو الدعاء
اذا كان خير اعطانا اياه او اذا شر كنت انا اله او الي ربنا ببعدنا

بس اهم اشي بحياتك كلها
حتى تخرجي من شيء اسمه حلال او حرام
اسأل نفسك سؤال
هل اللي بعمله بدخلني الجنة او النار ؟؟
الجواب بيجي سريع
وهي بعممهل على كل شيء بعمله بحياتي

شكرا لنقاشك
تحياتي

[سمره]

سؤال وجيه !
انا شخصيا بآمن بإنو مش دايما الإنسان بقدر يكون واضح حتى بعلاقاته ! طبعا من بعد تجاربي بالحياة،
وإنو كتير شغلات لازم تضل بينه وبين نفسه بس "ضمن الحدود" مع تشديدي ع هالكلمتين،
انا ممكن اكون ضد بحاله وحده، لمن البنت تخبي على كل البيت، انتي فاهمه شو يعني على كل البيت؟ يعني ع ابوها وامها وكل اخواتها،
مش غلط الارتباط إذا كان ضمن اطار اخلاقي وديني وما يتعدى الحدود"، بس ع الاقل لازم حدا من اهل البيت يدرى بعلاقة البنت،
وبدي احكي عن حالي، انا لمن اجي ارتبط، بقول لإمي قبل اي حدا، لإني بستشيرها كل الوقت ..
مع إني شخصيا مش كتير بآمن إنه في حب "نظيف" هالايام،
يمكن رح تلاقي كتير اجوبه مختلفه هون، كل واحد رح يجاوب حسب مفاهيمه تجاه هالمواضيع يللي عن هالشكل ..

:po3:

[S T E L L A]

إزآ ككآانتت بدههـآ تتسسلى و هو بدو يتسسلى
ههي خخآيننهه و ههو غغغبي و ذككر !
يسسلمـوـو عععسولهه ')
وردهه

[لم يكن حُبًّا]

يعني وين الخيانه بالموضوع ؟!

طبيعي لو في مشاعر لازم تتاكد البنت وكمان الشاب من عواطفهم

وبعدين يحكو للاهل


طبعا انا بحكي عن البنت والشاب الكبار الواعيين

يسلمو لادراجك غاليتي

تحياتي

[حنين الروح]

موليكون في حب حقيقي صادق أول عشان نقول خيانة او مش خيانة

عجبني رد خالد وسمره

مشكورة ع نقاشك قدر

[أبكم !]

ف البدايه بدي احكيلك انه قصص الحب مش وحده والظروف بتعت كل قصه حب بتختلف عن عن التانيه
وكل حب ليه ظروفه الخاصه اللي بتخلينا نستر عليه او نحكي عنه لأهلنا
يعني عآدي هلأ كل حدا يحكي حكي مختلف بناءً على قصة الحب اللي عاشهاا


لو بدك تتكلمي عن اتنين بحبو بعض حب تسلية .. فهآد مش فارقة يخبو عن اهلهم او لا
لو بدك تتكلمي عن اتنين بحبو بعض حب حقيقي و نفسـهم يكونو لبعض
فهنا البنت هتخبي عن اهلها ... لأنه اهلها تفكيرهم معقد شوي .. كل تفكيرهم انه البنت ممنوع تحب و بس
ولو فكرت تحكي ف يوم لأهلها انه فيه حدا بحبني و بده اياني ... هيعاقبوها و يجوزها حدا تاني ف نفس الوقت ع طول

ولو بدك ترجعي من البدايه خالص ....
و عشان ما نوقعش ف قصه هاد حرام و هاد خيانة وهاد غير اخلاقي
و عشان الشاب ميخليش حبيبته توقع فالمشكله هاي و انها تخبي عن اهلها
لازم من البدايه يحكيلها انا هآجي اكلــم اهلك و اخطبك ...
او يحكيلها خليني اتكلم مع اختك الكبيرة واشرحلها وضعي عشان بس منكونش بنعمل شي من ورا اهلك
او يحكيلها انا مش هكلمك عشان اقدر احافظ عليكي و تضلك منيحة قدامي و قدام اهلك
انا بس اصير قآدر اجي اخطبك ... هبقى اجي .. وانتي استنيني

يعني اللي بدي احكيه الفتاه ملهاش ذنب ف قصه انها بتحكي من ورا اهلها ولا لا
الحق ع الشاب اللي سامح ع حاله يكلمها من ورا اهلها

ف الاخر زي ما حكيت فوق كل حب ليه ظروفه الخاصه

شكرا ع النقآش
عوافي

[صُهيب]

انا برأي انها خاينه لثقه اهلها
يعنى انا براي اي اب عاقل بيدخل النت وواثق ان بنته
ماراح تسوي شي غلط بيه وبعد كل هادي الثقه
تحكى مع شب وكمان من غير علمهم..
وكمان اللي بتحكى مع واحد ممكن تكون بتحكى مع 10 غيره
الشباب هيك كمان..!!
ممكن رأي يكون معقد شوي بس هآدي مجرد وجه نظر

شكرآ للنقآش
امتناني

[قَدر !]

شككرآ لآرآئكم
كلها آرآء محترمةةة

[مولٱنآ]

هلاء من وجهه نظري الحب بحد ذاتو مش خيانه

لانو الحب لما يجي م بنتحكم فيه هادا شي خارج عن ارادتنا

هادا بلنسبه للحب

اما نيجي للخيانه وخيانه ثقه الاهل

لما البنت تسكر باب غرفتها عشان تحكي مع حبيبها هادي خيانه
لما تتخبى من اخوتها عشان تبعتلو صوره لالها م بينفع يشوف هيك صوره هادي خيانه
لما تكون طالعه مع ابوها الي رباها وكبرها وعلمها وتقلو مش هقدر اطلع لانو حبيبها قللها م تطلعي هادي خيانه
لما تطلب من ابوها اشيا وتحكيلو السبب انو عشان تتعلم او عشانها وتكون بدها اياها عشان حبيبها هادي خيانه

والي بتخلي حبيبها يمسك ايدها وتقعد هيا وياه لحالهم منعزلين هادي خيانه
والي كل يوم بتحب واحد جديد ع النت هادي خاينه لاهلها
والي بتفتح كام وابصر شو لحبيبها من ورا اهلها وهيا خايفه وعارفه انها غلطانه هادي خيانه
وع فكره بكل الحالات الي حكيتهم فوق
الحبيب م بيكون حبيب بيكون واحد لقى بنت خاينه لثقه اهلها ولابوها وحب يتسلى معها شوي
لانو الي بيحترم حبيبتو م بيخليها تخون اهلها لانها هتخونو هو شخصياً بعد فتره
من الاخر الي بترخص حالها عشان حبيبها هادي خانت ثقه أهلها

طولت برد شوي

موضوع عجبني

[صمت المشاعر]

الفتاة عاطفية لدرجة أنها تستخدم عاطفتها كثيرا في الحكم على الأشياء ، وحساسة وسريعة التأثر بما حولها، وضعيفة وتحتاج لمن يساندها ويقف بجانبها ؛ ولذلك فهي عندما تحب فإنها تفقد عقلها وتصبح كاللعبة بين يدي الشاب، وقد تعطيه كل ما تملك بدون أن تعي ما الذي تفعله بنفسها وما الذي تجنيه من جراء ذلك !!
وهذه الأمور إيجابية وسلبية في الوقت نفسه، وقد تتغير من فتاة إلى فتاة أخرى، ولكن تبقى هذه السمات غالبة عند النساء، وهي موجودة بدرجة أقل عند الشباب ..
وفي هذه الحالة يجب علي الفتاة ان تستوضح الامر من هذا الشخص ان كان يريد ان يتقدم لخطبتها او لا فان كان جوابه نعم فذلك خيرُ لها وسيتقدم لخطبتها ام ان كان جوابه لا فيجب ان تبعتد عنها لانه يريد ان يلهو بها وبمشاعرها لا اكثر ولهذا في الحالتين لا يجب ان تخبر اهلها لانه اغلبُنا اناسٌ شرقيين خاصة الاسر وكبار السن ويرفضون هذه النوعية من العلاقة فان اخبرت اهلها قد يقتلونها او يسجنونها بغرفتها ويمنعون عنها وسائل الحياة والتواصل وان لم تخبرهم يُصبح ضميرُها يعذبها لهذا يجب اولا ان تستعلم هل يريدها ويريد ان يتزوجها فان وافق قد تخبر اهلها بكل بساطة ويسر

شكرا للطرح وعذرا للاطالة

[مولٱنآ]

الفتاة عاطفية لدرجة أنها تستخدم عاطفتها كثيرا في الحكم على الأشياء ، وحساسة وسريعة التأثر بما حولها، وضعيفة وتحتاج لمن يساندها ويقف بجانبها ؛ ولذلك فهي عندما تحب فإنها تفقد عقلها وتصبح كاللعبة بين يدي الشاب، وقد تعطيه كل ما تملك بدون أن تعي ما الذي تفعله بنفسها وما الذي تجنيه من جراء ذلك !!
وهذه الأمور إيجابية وسلبية في الوقت نفسه، وقد تتغير من فتاة إلى فتاة أخرى، ولكن تبقى هذه السمات غالبة عند النساء، وهي موجودة بدرجة أقل عند الشباب ..
وفي هذه الحالة يجب علي الفتاة ان تستوضح الامر من هذا الشخص ان كان يريد ان يتقدم لخطبتها او لا فان كان جوابه نعم فذلك خيرُ لها وسيتقدم لخطبتها ام ان كان جوابه لا فيجب ان تبعتد عنها لانه يريد ان يلهو بها وبمشاعرها لا اكثر ولهذا في الحالتين لا يجب ان تخبر اهلها لانه اغلبُنا اناسٌ شرقيين خاصة الاسر وكبار السن ويرفضون هذه النوعية من العلاقة فان اخبرت اهلها قد يقتلونها او يسجنونها بغرفتها ويمنعون عنها وسائل الحياة والتواصل وان لم تخبرهم يُصبح ضميرُها يعذبها لهذا يجب اولا ان تستعلم هل يريدها ويريد ان يتزوجها فان وافق قد تخبر اهلها بكل بساطة ويسر

شكرا للطرح وعذرا للاطالة


سراج لفت نظري ردك

بس في عندي استفسار ولو م حبيت تجاوب م في مشكله

هو بلكون كلو في شب هيحكي لبنت لا والله م بدي اتجوزك حابب ضيع وقت مش اكتر ؟

ولو قللها اه بدي اتجوزك بس لما تتظبط اموري هيك مسموحلها انها تعملو شو م بدو ؟

م فهمت ردك لهيك حبيت استفسر
لانو اغلب ردودك بتقنعني بس هادا الرد م اقنعني

وزي م قلتلك عادي م تجاوب لانو مش مطلوب منك تقنعني يعني بضلها حريه شخصيه م بحب ادخل فيها

[صمت المشاعر]

بالطبع سيتخذ اكثر من مسلك للسيطرة على مشاعر الفتاة وايهامها انه سيقترن بها يوماً ما
الى ان تتحسن ظروفه او او او
في هذه الحالة يجب ان لا نستهين بعقلية ودهاء المراة وحسن تصرفها في امرٍ كهذا لانه سيحدد مصيرها اما لحياة جميلة واما للفضيحة والعار لاسرتها ولنفسها فهنا ان كانت تشك ولو واحد بالمية بصدقه وانه مخادع فجيب عليها ان تبعتد قدر الامكان فان كان صادقها فسيعود اليها ولكن من خلال الدخولُ من باب بيتها وان كان كاذباً ومخادعاً فسيتناسي الامر وسيعود ادراجه
بعدين يا صديقي هيا بتقدر تعرف ان كان كذاب او صادق بخصوص ظروفه اكيد هتعرف عيلته او من بيت شو وكيف وضعه المادي واخلاقه وصفاته
وماضية وشو بحضر لمستقبله هاد كفيل انه تتاكد اما يكون صادق او كذاب
فلو قلها وضعي بسمحليش وبتعرف انه وضعه بخير فهين كذاب وان كان وضعه صعب فممكن تبعد عنه نهائياً الى حين ياتي اليوم الذي يمتلك به المال للاقدام على الزواج
وانا اصلن ما بأيد الحب نهائياً قبل الزواج ولكن احببت ان اكون شفافاً وموضوعياً فمو شرط يصير حب وغرام ومقابلات
طبعا كلنا بنعرف انه الشب دايما هو المبادر فان اعجب بها فمن الاولي ان يتقدم اليها وان اتخذ طرقاً ملتوية للوصول اليها فهاد بالتاكيد بده يتسلي بس انا حبيت اكون موضوعياً ومتوافقاً مع افكار جيلنا الحالي


وبعدين يا عسل اسال وانا بجاوب عادي وان ما اقتنعت فبحاول اقنعك وان ما قدرت فهاد من حقك كل واحد عنده وجهة نظر
ووجهة نظرك سليمة

[مولٱنآ]

شوف سراج انا كنت بدي اكتبلك بردو م اقنعتني

بس لما قرأت اخر سطرين وفهمت انك مش مقتنع بلحب اساساً وانك بس بدك تمشي مع الوضع الحالي

فهمت انو انتا مش مقتنع ولكن هادا افضل الحلول عندك للموضوع

وجهه نظرك صحيحه ولكن مستحيله

بمعنى انو لو في شب بدو يقنع بنت انو بحبها وبدو يتجوزها بس الظروف مش مساعده بيقدر يقنعها

حتى لو كانت امور الماليه معروفه انها ممتازه بيطلع بدل الحجه 100

قبل فتره كانت اعرف وحده بتحب واحد وكانت حجتو انو عندو اخ اكبر منو ولما اخوه لكبير يتجوز هيروح يتقدملها

وطبيعي فهمت انو كزاب وفعلاً تركو بعض ع شي تافهه

المفروض م في بنت عاقله بتعطي شب كل شي لمجرد انو بدو يتجوزها او بحبها

الحب انظف من هيك بكتير

ويسلمو ع ردك ويعطيك الف عافيه