حفاظاً على صحة الجميع

[ملاك الحب]

السلام عليكم ورحمة الله وبركاته

هالمرة موضوعي غير

حدخل معكم بالموضوع مباشرة
http://up.dll33.com/uploads/1573153138771.jpg

طبعا مش عارفين لشو هاد ال سي دي
واصلا كنت مترددة انزل الموضوع بصراحةة

من كم سنة صارت معي نخزة بالصدر
وانا ما سكتت بس اولها كنت مفكرة انه وجع عادي
وانو م في شي مستاهل اتعالج لاله

ليوم اجاني وسواس انو لازم اروح اعمل صورة واتأكد
بلكي كان رضوض اي شي
لانو الوجع زاد
ف رحت عملت صورة تلفزيونية لعند دكتور اورام للتشخيص
طبعا م حدا بيعرف الا اخي وزوجي

ف تبين انو في ورم داخلي عارض بس حميد م بخوف
هون انا م قدرت اتحمل
الدكتور حكالي م بخوف
وممكن انو ب اي لحظة يروح و م يضل شي
لانو مش خارجي

بس لازم كل ست اشهر اعمل صورة

وخبرني انو ازا ضل الوجع موجود ف هاد نتيجة ايجابية
كونه المرض م بجي بالوجع
اللي بخوف اكتر ازا م كان في وجع هون الخوف اكتر يكون في ورم

ف صرت اعمل الصورة كل ست اشهر
وكل مرة عن مرة يكون الاشي خف عن قبل

لحتى عملت هاي الصورة
هون اكدلي الدكتور انو الحمد لله ما في شي لا كتلة ولا حتى الياف


والحمد لله على كل حال

ف بتمنى من كل بنت صبية متزوجة او غير متزوجة

انها تعمل فحوصات دورية
للتأكيد بس والاطمئنان
الفحص بكلف مية شيكل

طبعا حاولت اعمل الفحوصات عالتامين بالصحة
م رضيو
لانو بس لفوق الاربعين بعملوهم
سرطان الثدي متفشي بشكل رهيب وصارت نسبته عالية بهالفترة

والله يشفي الجميع

[وتر]

الحمد لله على سلامتك ملاك الحب
الله يبعد عنا وعن الجميع شر الأمراض
وشكرًا للتنبيه، بارك الله فيكِ

[هل كان حباً]

حمد لله على سلامتك في الأول
والحمد لله ان الأمور طيبة وما في شئ بيخوف
معك حق سرطان الثدي منتشر كثير
وكل الجهات بتطالب بالفحص الفوري والمستمر
خطوة جيدة منك
وموضوع مهم جزاكِ الله كل خير

[حكآيه روح]

اولا الحمد لله عسلامتك و الحمد لله انو طلع حميد و اشي ما بخوف
خيتي ، كل احترام الك و لخوفك ع خواتنا
وبتشكرك على جرئتك لانو اغلب بناتنا بستحو من هالموضوع
للاسف لانو ما عندهم وعي كافي
انا معك و بايدك بالي حكيتيه
الوضع جدي و هاد مرض و يمكن اي حد لا سمح الله ينصاب فيه
و لازم اي بنت او صبيه تعمل فحص كل فتره بخصوص هاد المرض
واكيد واهم نقطه انو ما تستحي اذا حست باي اشي غلط لازم تروح عالدكتور فورا
لانو نسبه علاج المرض بتكون اكبر في حاله اكتشافه في وقت مبكر

[هاوي القدس]

بردا وسلام عليك ملاك
صدقيني المرة القادمة يكون اختفى تماما

[lonely heart]

الحمد لله ع سلامتك ملوكه
فعلا هالمرض منتشر وللأسف يلي ما بكون متابع من البدايه بنتشر المرض وبوصل لمراحل متأخره وهو مش عارف
انا علشان ماما واختي معهم كانسير باستمرار كوبات حوليم بطلبوا مني اعمل فحوصات
أحيانا بعملهم واحيانا بطنش
الله يبعد هالمرض عن الجميع

[سكون وانين]

حمدلله على سلامتك.
والحمدلله انك بخير.
الله يديم عليك الصحه والعافيه.

[jr7]

الحمدلله ع سلامتك
مش منيح انه الانسان يستهتر بصحته
عوافي لادراجك
وادام الله عليكِ وع الجميع الصحة والعافيه

[البريئة !]

حبيبة قلبي
الحمد لله على سلامتك ’ ما بذكر خبرتيني عن هالشي !
صرآحة خطوة جريئة منك
الله يحميكِ و يبعد عنك اي اذى
كتيير فرص و دعوآت وصلتني لأحضر محاضرات عن هالشي
و فحوصآت مجآنية
لكن فش جرأةة اروح لهيك لقآءآت ما بعرف ليه

الله يحميكِ

[شهد الروح]

ما على قلبك شر
الف الحمد لله ع سلامتك
بصراحة الموضوع بالغ الاهمية
ولازم الكل يعي خطورته
بس ما بعرف ما بحب اعمل فحوصات وهيك
ربي يعافينا ويعف عنا

[ملاك الحب]

الحمد لله على سلامتك ملاك الحب
الله يبعد عنا وعن الجميع شر الأمراض
وشكرًا للتنبيه، بارك الله فيكِ

الحمد لله على كل حال
الله يسلمك يا وتر
امين يارب

[ملاك الحب]

حمد لله على سلامتك في الأول
والحمد لله ان الأمور طيبة وما في شئ بيخوف
معك حق سرطان الثدي منتشر كثير
وكل الجهات بتطالب بالفحص الفوري والمستمر
خطوة جيدة منك
وموضوع مهم جزاكِ الله كل خير

وين م اروح بمراكز الصحة بكونو يطالبو بالفحص الدوري
بس اغلب الناس م بتتجرأ
م بعرف ليش
ربنا يشفي الجميع