هل كل من يكتب عن الحب يجب أن يكون يحب ؟

[وتر]

السلام عليكم


كيفكم


يوجد كثير من الناس يحبون ان يكتبوا خواطر , قصائد و اشعار ....


خاصة في موضوع الحب


فهل كل من يكتب عن الحب يجب أن يكون يحب أو عاش قصة حب ؟؟؟


بانتظار آرائكم

[نبض]

لا مش شرط


احيانا الانسان بكتب عن الشي يلي ناقصه او يلي محتاجه


عوافي قيارةة

[m0m3n]

لا اظن انو كل من يكتب عن الحب يكون محباً او يعيش قصه حب
شكراً لالك

[ŖÔőh]

لا مش دايماا

ممكن يلي بكتب بككتب عن شي محتاجه

متلا الاسير كل كتاباته بتكون عن حريته

شكرا قيثارةة ع نقاشكك

[الماسة]

ممكن اه وممكن لا ،،
بس الغالبية العظمى يلي بتكتب عن الحب ، بتكون عايشت قصة حب ، سواء كانت قصة حب فاشلة وبيحاول يكتنب ليطلع يلي ججواتو
او انو ممكن ما يكون عش قصة حب ، لكن جواتو مشاعر ومش قادر يكبتها ، فبيروح يعبر عنها عن طريق الكتابةة

[هل كان حباً]

انا رأيي من رأي الأعضاء شكراً لك قيثارة
يعطيكِ ألف عافية

[لم يكن حُبًّا]

انا متاكدة كل حدا كتب عن الحب وابدع

اكيد جرب هالمشاعر

لانو فاقد الشيئ لا يعطيه

مشكورة غاليتي لنقاشك

كل الحب ^^

[حنين الروح]

مش شرط يكون عايش بالوقت الحالي قصة حب
لكن أكيد جرب مسبقا مشاعر الحب سواء علاقة استمرت او كان مجرد شعور عابر
لانه صعب جدا تعبر عن شعور انت بعمرك ماحسيته
ومافي بشري ع وجه الارض بلغ سن ال 15 فما فوق وماجرب احساس الحب
لانه من علامات البلوغ السليم وفطرة البشرية ميل كل من الجنسين للاخر

مشكورة ع نقاشك وتر

[سمره]

الكتابه مش مقتصره عاللي جربو الحب،
بس اللي مرق بهالتجربه ممكن تحسي كتاباته غير،
لإنه واضح بكون في فرق بين إنسان مجربش الحب وعم بكتب عنه وبين إنسان جرب الحب وعم بكتب عنه !
اللي ذاق الحب اكيد رح يكون عميق الفكر وصاحب خبره، بعكس اللي مذقش الحب، ممكن يكتب بحسب مفهومه "المحدود" كونو ممرقش بهالتجربه ..
عموما كل واحد بقدر يكتب ..


:po3:

[مولٱنآ]

اول شي الكتوبه بحد زاتها موهبه مش اي حدا بتقنها والي بيكتب عن الحب ممكن يكون موهبتو هيك

عندو مشاعر وانسان رومانسي حتى لو م عاش التجربه بكفي انو هو من داخلو بحب هلشي

فممكن انو يكتب احسن من الي عندو تجربه وبداخلو مش رومانسي وم الو بلرومانسيه


يعني قصدي قول انو مش شرط كل من يكتب عن الحب يكون بيحب .

[قَدر !]

برأى لا لانو اللى بكتب بكتب من صدي بيئته
اكيد شاف هيك ششي
فمثلا انا بكتب ع حسسب ما بسممع
من دون قصة حب

[أبكم !]

اراء الاعضاء حلوة
بس بدي احكيلك
ليا صديق شاعر و بكتب شعر كثير عن الحب و بوصفه بشكل مش طبيعي
و مع ذلك ولا عمره حب ..
انا بنظري الحب كله واحد سواء كان للأم او للوطن او للحبيب او للصديق
يعني انه نفس الاحساس و نفس المشآعر بتكون
و عشان هيك كل النآس بتقدر تعبر عن الحب حتى لو ما عندها حبيب

يعطيكِ العافية

[الصياد]

لا مش بالضرورة يكون بحب ..
الكتاب بقدر يعبر عن شعوره او مشاعر غيره من الناس ..
الشغلات الي بشوفها بحياته سواء من تجاربه الشخصيةة
او تجارب ناس غيره ..

[وتر]

آرائكم متقاربة جدا من بعض

شكرا كتير الكم

[سورية وافتخر]

مش شرط يكون عايش بالوقت الحالي قصة حب
لكن أكيد جرب مسبقا مشاعر الحب سواء علاقة استمرت او كان مجرد شعور عابر
لانه صعب جدا تعبر عن شعور انت بعمرك ماحسيته
ومافي بشري ع وجه الارض بلغ سن ال 15 فما فوق وماجرب احساس الحب
لانه من علامات البلوغ السليم وفطرة البشرية ميل كل من الجنسين للاخر

مشكورة ع نقاشك وتر

كل اراء الاعضاء مميزة لكني اقتبست هالعضوة قلب فلسطين لوضحلها الامر
بنسبة مافي بشر على وجه الارض بلغ السن ال 15 فما فوق ماجرب احساس الحب لانه من علامات البلوغ السليم وفطرة البشرية ميل كل من الجنسين للاخر
دا كلام غلط مئة في مئة
لانه انا ماحبيت بحياتي شاب انا بمراهقة وعشت مراهقتي بهدوء
لانه لو الاهل مربين بنت حرام ان حب قبل زواج ومعلمين البنت الحب بعد زواج مش رح تحب مهما حصل
تربية الاهل هي الاساس وهي تسمح او تمنع هالامر
وانا فترة مراهقتي عشت دون اصدقاء الشباب حتى
واولاد عائلتي كلهم اخواني
فلا تعممي وتقولي كل البشر
بالعكس الفطرة السليمة يكون مافي الحب بمراهقة
وتكون بنت مربية ان حب قبل زواج حرام
وان الحب مراهقة تروح وتكون مقتنعة بذلك
يعني لا تعممي مش كل العالم حبو بمراهقة
انا حبيت بعد خطبة
قبل لاء
فلذلك بتمنى تقولي كل انسان حسب بئيته
ومش كل الناس نفس بعض
ومش شرط بنت تحب بمراهقة
وعلى فكرة نفس كلام للشاب
لو اهله معلميه ان حرام تحب بنت قبل زواج
ومعلموه صح وغلط
وفي اهل زي اهلي شديدين
وشكرا

[سورية وافتخر]

بنسبة للموضوع
برائيي شرط مهم بدو يكتب عن الحب يكون بحب بس مش حبيب اقصد
بقصد يحب الام الاب الناس عائلته اصدقائه الله الوطن وهكذا
يعني اكيد بحب
بنسبة للحبيب مش شرط يكون عنده حبيب دا مش شرط
دا رئيي

[حنين الروح]

كل اراء الاعضاء مميزة لكني اقتبست هالعضوة قلب فلسطين لوضحلها الامر
بنسبة مافي بشر على وجه الارض بلغ السن ال 15 فما فوق ماجرب احساس الحب لانه من علامات البلوغ السليم وفطرة البشرية ميل كل من الجنسين للاخر
دا كلام غلط مئة في مئة
لانه انا ماحبيت بحياتي شاب انا بمراهقة وعشت مراهقتي بهدوء
لانه لو الاهل مربين بنت حرام ان حب قبل زواج ومعلمين البنت الحب بعد زواج مش رح تحب مهما حصل
تربية الاهل هي الاساس وهي تسمح او تمنع هالامر
وانا فترة مراهقتي عشت دون اصدقاء الشباب حتى
واولاد عائلتي كلهم اخواني
فلا تعممي وتقولي كل البشر
بالعكس الفطرة السليمة يكون مافي الحب بمراهقة
وتكون بنت مربية ان حب قبل زواج حرام
وان الحب مراهقة تروح وتكون مقتنعة بذلك
يعني لا تعممي مش كل العالم حبو بمراهقة
انا حبيت بعد خطبة
قبل لاء
فلذلك بتمنى تقولي كل انسان حسب بئيته
ومش كل الناس نفس بعض
ومش شرط بنت تحب بمراهقة
وعلى فكرة نفس كلام للشاب
لو اهله معلميه ان حرام تحب بنت قبل زواج
ومعلموه صح وغلط
وفي اهل زي اهلي شديدين
وشكرا
عيوني لما قلت مستحيل يكون شخص عدى مرحلة المراهقة بدون حب
ماقلت شرط يكون عمل علاقة حب وعاشها
قلت ميل كل من الجنسين للاخر بمعنى حس تجاه الجنس الاخر بمشاعر اعجاب وحب
واحساسك فطري راجعي كتب علم النفس ومن قبلها كتب الاعجاز العلمي في القران الكريم
واقرئي القران وتفسيره راح تلاقي كلامي منطقي ماجبت شي من عندي
ميل كل من الجنسين للاخر امر فطري
بعيداً عن أي علاقة قائمة بين شب وبنت العلاقة هاي هي اللي بتحدد التربية السوية

يسعد أوقآتك

[وتر]

عيوني لما قلت مستحيل يكون شخص عدى مرحلة المراهقة بدون حب
ماقلت شرط يكون عمل علاقة حب وعاشها
قلت ميل كل من الجنسين للاخر بمعنى حس تجاه الجنس الاخر بمشاعر اعجاب وحب
واحساسك فطري راجعي كتب علم النفس ومن قبلها كتب الاعجاز العلمي في القران الكريم
واقرئي القران وتفسيره راح تلاقي كلامي منطقي ماجبت شي من عندي
ميل كل من الجنسين للاخر امر فطري
بعيداً عن أي علاقة قائمة بين شب وبنت العلاقة هاي هي اللي بتحدد التربية السوية

يسعد أوقآتك

صح الصح


ما شاء الله عليكِ

[حنان]

اكيد لا مش كل حدا بيكتب عن الحب يعني بيحب
مش شرط
يسلمووع الموضوع وتر

[وتر]

نورتي حنان

[شمس..]

إگل شَخص بگتب عن إْلحب يْإْ بگوَن عإْيْشَ قصه حب
إْوَ عإْشَ قصه عن وَإْنتهت بإْلفرَإْق

[وتر]

نورتي

[S T E L L A]

ككلـآ ')
بسسس ففي منهمم آججل !
يسسلمو ععسولهه ')
ورددهه

[وتر]

نورتي ننوش