جميع قصائد هشام الجخ مكتوبة - متجدد

[الامير]

الموضوع متجدد باذن الله .. كل فترة هنزل قصيدة من قصايده
وباذن الله اكملهم كلهم

http://www5.0zz0.com/2011/01/14/23/800983145.jpg
القصيده 1

(البغبغان)

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشجر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَجَر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس ....

[الامير]

2

(اباتشي)

حبيت تدوس أرضي..أرضي محبتشي

حتبات هنا الليلة..بكرة محتبتشي

حمِّل قنابلك هات..كيِّل وحمِّل لي

راح اموت .. ووقت ما اموت .. عيِّل يكمّل لي

معناش سلاح م اللي

ولا طيارات م اللي

والبندقية اللي في ايدي حيالله كام مللي

بسمِّي وبصلِّي

بصيد بيها .. أباتشي

[الامير]

3

(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

[البريئة !]

رائع الأمير
حبيت هالمساحة
يا ريت مشرف القسم ينقل الموضوع لقسم الشعر و الشعراء
انسب لقصائد الشاعر هشام الجخ

ستكون لي عودة .

[كادبول]

شـكــ وبارك الله فيك ـــرا لك ... لك مني أجمل تحية .

[خَمْر أيلول]

حلوة الفكرة
وكتابات هشام الجخ جميلة
عوافى الامير

[شمس]

بحبه كثير الشاعر و بحب طريقته بالكلام و بحب شِعره
مساحة حلوة
يعطيك العافية .

[نقاء]

شو بحب اسمعه وهو يحكي
طريقته واسلوبه وكلامه بجنن
يسلمو الامير
اختيار مميز