بس ياترى.. هل بدك السهل.. أم الصعب . . / .

[خيال]

تجاهل شعورك..
هو الشي الوحيد يلي رح يبعدك عن أي شخص مين ما كان يكون.. هو الشي الوحيد يلي رح ينشف دموعك.. تجاهل محاولاتك.. عدم تقديرك.. المحو الكلي لكل حسناتك بغلط واحد..
تجاهل شعورك..
و تجاهلك كشخص.. ليك أنا حدا غنية حزينة وحدة بالوقت المناسب.. بالوقت يلي أنا فيه تعبانة.. ممكن تخرب مزاجي كل اليوم.. فكيف اذا كانت كلمة غلط بوقت أنا فيه مزعوجة!
ليك بتأثر بالموسيقا كتير.. جداً حساسة للموسيقا و للروايح.. ما بعرف ليش..
بتفرحني الروايح الحلوة.. بتجلطني الروايح البشعة..
اما الموسيقا فحكاية تانية..
انا هلأ زعلانة منك.. و مشغلة أحزن غنية ممكن اسمعا.. و حاسة اني ممكن استغني عن حالي و عن العالم و عن كلشي.. بلحظة تهور.. و اني مو بحاجة لشي غير اني اترك من ايدي رباطة هالجأش يلي متمسكة فيا و اعترف أخيراً انو مافي أمل (برغم اني بقولا كتير خاب املي و مافي امل) بس بقرارة نفسي أنا مدركة انو في أمل.. و كلشي حيكون منيح.. هاد الخيار الصعب.. بس الخيار السهل هو الانهيار.. انك تترك الامور تطلع من ايدك.. تبطل متمسك بالتفاصيل يلي بتحبا.. التفاصيل يلي بتحتاجا.. تبطل متمسك زيادة بالضحك.. بالفرح.. بالتفاؤل..
انك تترك كلشي و تغيب.. أسهل من انك تبقى عم تقاتل..
بس ياترى.. هل بدك السهل.. أم الصعب؟

[شهد الروح]

انا هلأ زعلانة منك.. و مشغلة أحزن غنية ممكن اسمعا
انك تترك كلشي و تغيب.. أسهل من انك تبقى عم تقاتل..

لاء مو اسهل
مو سهل الواحد يتخلى عن سعادته
مو سهل الواحد يتخلى عن الشي الوحيد الحلو اللي حصل بحياته
انا من الناس اللي بقاتل كرمال ما اخسر الانسان اللي بحبو
بعمل كل شي باستطاعتي لاحافظ عالشخص او الشي اللي حياتي توردت بوجوده
الذبول والانكسار والوحدة والخوف اشياء بشعة كتير
واللي بمحيهم من حياتي وجود شخص بحياتي.لهيك ما فيي افقده واخسره
لاني رح اخسر معاه معنى وجودي بهالحياة


مميزة بمواضيعك دايما خيال
بحرص ع متابعتها لانها بتمس كتير حاجات جواي
وكتير بشوف نفسي خلال هالسطور

[lonely heart]

إحساس وشعور صعب
مو سهل الانسان يتخلى عن شخص بحبه وسعادته معه
انتقاء جميل
يسلمو دياتك

[الصياد]

مش سهل ابداً انه نتخلى عن اشي او شخص بنحبه ممكن بنواجه فترات طويلة
قبل ما نستسلم بالنهاية
يعطيك العافية لادراجك القيم ..