من مذكرات طفل لامه

[نقاء]

انا طفل رضيع
عمري اسبوعين😍
حابب اشكي الكم شوي😔😔
واحكي معكم شوي
وياريت تسمعوني 🙏

انا قعدت 9 شهور ب بطن ماما👩‍⚖️
ما بعمل و لا شي
عايش اخر مزاج و ترفيه☺️😆

الحبل السري بيدخلي الاكل والشرب والاوكسجين وياخد فضلاتي لبرا 💩

لحد ما اجا اليوم الموعود😍
ونزلت من بطن ماما
وفجأه لقيتهم بيقطعو الحبل السري
قعدت ابكي 😢😢

و ما لقيت حالي الا باخد نفس بنفسي 😍والمي اللي بالرئه بدأت تمتص
والهوا يملي الرئه عندي
حسيت اني صرت بدنيا تانيه😍
ولاقيت نفسي مو عارفني 😂
وضعت مني 🤣
وانا مش انا 😳😳

بدات ارضع😍
وبعمل مجهود مشان ارضع واشبع
وكل شوي يحطو سبرتو على سرتي
وكل اللي رايح واللي وجاي يبوس فيني 😘 ونازلين يلبسوني لبس كتير والدنيا حر 😎 وقافلين الشبابيك وانا مشوب
ومدايق و عايف التنكة تبعي
صارو يربطوني بحزام ع بطني
وشي ع ضهري
وبعدين يلفوني كإني محكوم اعدام😨
مع اني كنت ببطن امي عم اسبح بالمي
واخر رواق.
آل شو مشان ماينملع ضهري بالحمل
من وين بيجيبو هل الخرافات مابعرف 😂 مابيعرفو انهم حبسو الغازات يلي ببطني وعملولي فتاق
وخلع ورك بالحزام الناسف يلي حطوه
لحد مااجا الدكتور فراس 😍
وفكني من الاسر
بعد ماشاف آثار التعذيب ع جسمي 😭😭

وكل شويه ماما👩‍⚖️
ترضعني 😍
وجارات ماما وخالاتي وعماتي المتطفلين يقولو لماما عطي حليب صناعي
وشي مي وسكر وشي مي تمر 😳
ابنك ماعم يشبع 😳
ناويين يعملولي ريقان وصفار
بسبب خرافاتهم 😨
وانا معدتي صغنونه
و قاعدة تتنفخ واتالم وابكي من الغازات 😢وشي حطيله كحلة😱
وشي ملحيه 😱
وشي بودرة 😨
مفكريني فأر تجارب
احسن شي روح عيش بالمريخ
لاخلص من هاد الجهل 😂..

وسمعتهم عم يقولو شو هل الولد النكد
هاد كل شوي بيبكي 😒😒
طيب انا شو اعمل مابعرف احكي 😷
مابعرف اعبر
مابعرف اقول شبني
مربطيني ونازلين يعطوني حليب صناعي
وانا مابدي غير حليب امي 👩‍⚖️..
شو أعمل ؟..
أقتل حالي 😂
ولا اشرب سم فيران 🤣

لما اكون محتاج حضن ماما.. ببكي 😭
ولما بجوع.. ببكي 😭
ولما. بيجيلي انتفاخات وغازات وحضرتك مابتعطيني دوا المغص ببكي😭
ولما بكون مشوب من كتر اللبس.. ببكي 😭
لما البامبرز بيدايقني او يحصل تسلخات.. ببكي 😭
طبعا رح بدايقكم بس غصب عني..
ويلي بدو يلاعب القط😂
الكمالة عندكم

بلييز حد يقول ل ماما..
ترضعني بانتظام لما اجوع بس..
وتضمني بحضنها ❤️..
وتفك البامبرز وتهويني😍 ..
وماتسمح لحدا يتدخل فيني
وماتعطي ادنها لحدا
مشان مايخبص فيني
وياسلام لو تتمشي فيي شوي 🚶..
هون بسكت وهكون جميل صدقوني☺️..

ثواني بعد اذنكم ..بدي غير البامبرز🤣
ههههههههه

بتعرفي ياماما👩‍⚖️
انا بحب حليبك كتيييير 😍
ومابدي غيره مشان مناعتي❤️..

بتعرفي انو 78% من حليبك 😍
مي مشان هيك معظمه حينزل بالبول يعني ماتردي ع جارتنا فتحيةوتشربيني مي لانو وقتها بحرد
وببطل ارضع لانو بكون شبعت من المي 😂 خليلي المي للشهر السادس
وماتدايقي ياقلبي
اني قعدت يومين او تلاتة او خمسة ماعملت خروج .. 😂
انا حر بعمل ايمتا مابدي .🤣
حدا اخو مرائي شي 😂..
مو تستلميني بتحاميل الغلسيرين .
بعدين بتعمليلي كسل امعاء .😱
ومعد اخرج. الا. بالتحميلة 😳
مو حلوة بحقي قدام باقي الاطفال👶🏻👶

هاد مو امساك هاد الشي عادي لحد ماتبدأي حضرتك تعطيني اكل ومي بالشهر السادس وقتها رح اعمل خروج بانتظام ان شاء الله ..

واحياناً بخرج ٧ مرات باليوم🤣
حدا اخو. مرائي شي
هاد مو اسهال هاد كمان طبيعي
بشرط يزيد وزني 😍.
مو تنزلي عند عمو الصيدلي
وتشتري فلاجيل وتخبصي فيني
لسه عمري اسبوعين
ومو لقيان نكشة .
اي شي بدك ياه حاكي طبيب الاطفال
تبع ابنك او اتواصلي مع دكتوري الحبيب❤️. ️وهو بيخبرك شو لازم تعملي🙏

من مذكرات طفل لأمه 👩‍👦..❤

[عدي بلال]

ثواني بعد اذنكم ..بدي غير البامبرز
ههههههههه

يخرب فنك يا نقاء

والله موضوع الموسم هذا هههه

فكرة مجنونة ، ومضحكة جداً ..

الله يسعدك

جداً استمتعت بكل سطر

[نقاء]

ثواني بعد اذنكم ..بدي غير البامبرز
ههههههههه

يخرب فنك يا نقاء

والله موضوع الموسم هذا هههه

فكرة مجنونة ، ومضحكة جداً ..

الله يسعدك

جداً استمتعت بكل سطر





طب ليش يخرب فني ي عدي؟هههه
سعدت جدا بتواجدك هناا
وسعدت ايضا ان موضوعي نال اعجابك
دمت بسعاده لا تنتهي

[وتر]

قرأتها من قبل
ما ألطف الكلام
انتقاء رائع
شكرا نقاء

[هل كان حباً]

ههههههه
الموضوع معمول بقالب فكاهي جميل
لكن فيه كم كبير من المعلومات
وتصحيح لأشياء خاطئة كثير بتعملها الأمهات
رغم اني بمل من المواضيع الطويلة
وبقرأ جزء منها وبلم بالفكرة
إلا هذا قرأته كله ههه
تحياتي لك

[ملاك الحب]

هههههههههه
مسكين الولد شو بعاني
وهم نازلين فيه تجربة من فلانة وعلانة
عنجد حبيت الموضوع
وفي شغلات بتعلمنا شو نعمل بنفس الوقت

يسلمو ي نقاء عالبسمة

[نقاء]

قرأتها من قبل
ما ألطف الكلام
انتقاء رائع
شكرا نقاء


شكرا لحضورك وتر
نورتِ موضوعي
يسعدك

[نقاء]

ههههههه
الموضوع معمول بقالب فكاهي جميل
لكن فيه كم كبير من المعلومات
وتصحيح لأشياء خاطئة كثير بتعملها الأمهات
رغم اني بمل من المواضيع الطويلة
وبقرأ جزء منها وبلم بالفكرة
إلا هذا قرأته كله ههه
تحياتي لك


مهو الحلو بالموضوع انه حقائق مسروده بطريقه فكاهيه لطيفه جدا
انرت موضوعي
دمت ودام هذا الحضور الانيق

[نقاء]

هههههههههه
مسكين الولد شو بعاني
وهم نازلين فيه تجربة من فلانة وعلانة
عنجد حبيت الموضوع
وفي شغلات بتعلمنا شو نعمل بنفس الوقت

يسلمو ي نقاء عالبسمة


تسلمي حبيبتي ملاك
نورتِ موضوعي
يسعد قلبك

[البريئة !]

يَ عيون الماما انت ههههه
يا الله اديه حبيت الموضوع و الأسلوب و المعلومات
دائماً مميزةة باطروحاتك
تقديري

[الصياد]

الكلام طريقته حلوة كثير وبيضحكك
لكن فيه معلومات مفيدة ومهمة لاي ام
يعطيك العافية

[نقاء]

الكلام طريقته حلوة كثير وبيضحكك
لكن فيه معلومات مفيدة ومهمة لاي ام
يعطيك العافية


صح كلامك
وهاد اللي اعطى الموضوع جمال
يسلمو للحضور المميز الصياد
م ننحرم

[نقاء]

يَ عيون الماما انت ههههه
يا الله اديه حبيت الموضوع و الأسلوب و المعلومات
دائماً مميزةة باطروحاتك
تقديري


حبيبتي مينو
يسعدلي قلبك انتِ
نورت واكثر
دمتِ