[ ههل ككانن ححبا و البريئهه ععضوينن تححت النقاششش ]

[S T E L L A]

هآي

مسسآء الـورد ي آححلى ممآ ففي ههآدد الككونن ☺ ')

الفككرهه : بتعرفوههآ اوككهه
لـ تزككير : ججآوبو ع الآسئلهه الـ 5 في كل صصرآحهه
وفي ششرط ككل عضضو بسسآل العضضو الثنآئي الـو 3 آسئلهه ☺

الآسئلهه
لـ العضو المخختآر
لو ككنت بنت ششو ششعوركك ؟ ')
لو بإمكآنكك تغغير صصفهه أو ششي ففي البنآتت ششو بتغير ؟ ')
آككتر ششي بعجبكك ففي البنت و بجذذبكك ؟ ')
ششي بتكرهو ففي البنآت ؟ ')
ككيف ردود الصبآيآ في المنتدى ؟ ')
الآسئلهه
لـ العضضوهه المخختآرهه
لو ككنتي ولد ششو ششعوركك ؟ ')
لو بإمكآنكك تغغيري صصفهه أو ششي ففي الشبآب ششو بتغيري؟ ')
آككتر ششي بعجبكك ففي الششب و بجذذبكك ؟ ')
ششي بتككرهي ففي الششبآإب؟ ')
ككيف ردود الششبآإب في المنتدى ؟ ')

ممعنآ الثننآئي
"|ههل كانن ححبآإ | البريئةة | "
بــآإي

[قمر الماما]

هل كان حبا & البريئة
اختيار مميز و رائع ل ثنائي بارع في نقاش
متابعة

[البريئة !]

السلآم عليكم و رحمة الله

يسعد مسآكم ننوش و هل كان حباً
فكرة الموضوع اعجبتني جداً
و سعيدة لأني برفقة اهم شخصية بالموقع :9007:

رح جاوب على الأسئلة الخاصة لإلي
و انتظر احمد ليجاوب و بعدها بنبلش اسئلة

تحياتي لكم .

[هل كان حباً]

حلوة فكرة الموضوع
بشكرك لإختياري اكون احد ضيوفك
وكذلك بشكرك لإختياري مع البريئة في النقاش
عضوة واعية ونقاشها جميل واكيد هيكون الموضضوع مميز برفقتها

[هل كان حباً]

لو ككنت بنت ششو ششعوركك ؟ ')
صراحة صعب اوصف شعوري وقتها
لأن الشئ عمره ما رح يصير وما عمري فكرت فيه
لكن الشعور بحد ذاته صعب لاسيما ان حياتك هتنقلب رأساً على عقب
لو بإمكآنكك تغغير صصفهه أو ششي ففي البنآتت ششو بتغير ؟ ')
النكد يمكن
آككتر ششي بعجبكك ففي البنت و بجذذبكك ؟ ')
اخلاقها ، شخصيتها ، مرحها ، ركازتها ، جسمها ، عيونها ،
ششي بتكرهو ففي البنآت ؟ ')
الزعل السريع ، النكد ، الغيرة الزايدة عن حدها
ككيف ردود الصبآيآ في المنتدى ؟ ')
ماشي حالها
في ردودهم حلوة ومميزة
وفي ردودهم عادية

[البريئة !]

لو ككنتي ولد ششو ششعوركك ؟ ')
بصراحة و لا مرة فكرت او تمنيت اكون ولد
بتذكر قبل فترة بسيطة كتبت موضوع ( اشكر الله انني لم اخلق رجلاً )
كان بيحتوي ثلاثون سبباً مبدئباً

اعتقد رح يكون شعور سيء جداً


لو بإمكآنكك تغغيري صصفهه أو ششي ففي الشبآب ششو بتغيري؟ ')
صفة التسلط و السيطرة
هاي اكتر صفةة بكرهها


آككتر ششي بعجبكك ففي الششب و بجذذبكك ؟ ')
شكله الخارجي .. اناقته
اسلوبه بالحكي .. ثقافته


ششي بتككرهي ففي الششبآإب؟ ')
هالفترة موديل لبسهم


ككيف ردود الششبآإب في المنتدى ؟ ')
بكل احترام
لكن صريحة شوية من البعض

[البريئة !]

اجوبتك حلوةة

..

بما انك شاركت قبلي
اتفضل بطرح الأسئلة w43

[هل كان حباً]

1- ما هي طموحاتك او احلامك وهل حققتي شئ منها ؟ وهل ماشية في تحقيقها ؟

2- عندما تشعرين بألم ووحدة ماذا تفعلين وإلى اين تذهبين ؟

3 - ما ردة فعلك لو زوجك حكالك انه ناوي يتزوج عليكِ ومصمم وماخذ قرار في هالشئ ؟

[البريئة !]

1- ما هي طموحاتك او احلامك وهل حققتي شئ منها ؟ وهل ماشية في تحقيقها ؟
الهدف الوحيد هو إني اشوف امير دكتور او عآلم
و اكيد بسعى لهالشي من هالوقت
متابعة معه دروسه و بحاول ما اقصر من هالناحية و لا بشيء بسييط

و بنمي اي موهبة عندو و بجعل ابسط شي بعمله انو شيء عظيم و محدش عمل متله حتى يثق بحاله اكتر



2- عندما تشعرين بألم ووحدة ماذا تفعلين وإلى اين تذهبين ؟
حسب الوجع من ايش و ايش السبب
ممكن اقعد لحالي و ابكي
و ممكن افتح مسنجر و احكي مع خواتي



3 - ما ردة فعلك لو زوجك حكالك انه ناوي يتزوج عليكِ ومصمم وماخذ قرار في هالشئ ؟
لأني ما بقدر احكي شي كون الشرع حلل تعدد الزوجات

لكن بصراحة رح اتصرف بشكل اناني بذات الوقت ما اكون تعديت حدود الشرع او اخطأت بشي

اول شيء رح اطلب حقوقي اللي كرماً مني متنازلة عنها بسبب الأوضاع السيئة .. الذهب كامل و ممكن اطلب كل شيكل اخده مني

كتير شغلات ناقصة بالبيت عندي و هي من الأساسيات
انا لأنه انسان منيح معي ما بطلبهم و عايشة بلاهم
لكن بهالموقف هو مجبر يجهز الببت او يأسسه بالشكل اللي انا بطلبه

مش عارفة ايش كمان
احكيلك بصراحة رح افكر اضغط عليه بأسوء ظروفه
بشغلات هي من حقي او اشياء عادية لكن بنفس الوقت صعبة عليه

ما تقلق وقتها كيد النساء بشتغل ههههه

[البريئة !]

١ . انا كَ انثى مقتنعة بشغلة
إن النكد من علامات الحب
يعني انآ ( لأني بحبك بنكد عليك )
لو إني ما بحبك رح اتعامل معك بأسلوب عادي
رأيك .؟


٢ . ( و عندمآ اغآر ' اقسم لو كنتَ امامي لقتلتك )
لو كنت مرتبط و شريكتك بتغار بزيادة
كيف ممكن تعالج الغيرة الزائدة عن حدها .؟
اعطيني حلول إن امكن .


٣ . في ظاهرة منتشرة عنا بالخليل و ممكن عندكم كمان
إن الزوجة بتسجل كلام زوجها ( سواء كان غلط لفظي عليها او على حد من اهلها او مشكلة صارت بينها و بينو )
و بكون التسجيل بإيدها كَ دليل او نقطة قوة لتهدده فيه
طبعاً اكيد واضح انها مرتبة لهالشي و بالتسجيل بتكون بريئة و مظلومة
عندكم من هالحكي و لا بس عنا .؟
و ايش رأيك بهالظاهرة إنو بتأيد هالشي و لا بترفض .؟

[ملاك الحب]

محلا نقاشكم
متابعة معكم

[هل كان حباً]

١ . انا كَ انثى مقتنعة بشغلة
إن النكد من علامات الحب
يعني انآ ( لأني بحبك بنكد عليك )
لو إني ما بحبك رح اتعامل معك بأسلوب عادي
رأيك .؟
ما أنتِ في مليون طريقة ممكن من خلالها تتعاملي معي وتثبتيلي انك بتحبيني ومهتمة فيّ
بدون النكد ، لأن أنا أولاً واخيراً ( انا كهل كان حباً ) إنسان بحب الهدوء والراحة في العلاقات
وبحب الأنثى الي تفهمني وتحتويني وتعرف تتعامل معاي ، والأنثى الي هتتقن الطريقة هاي في التعامل معي
ما رح تكون محتاجة للنكد حتى تثبتلي حبها أو تثبتلي أي شئ
الإنسان بيدخل في علاقة حتى يرتاح ويلاقي حد بيفهمه ويخفف عنه مش حد ينكد عليه

٢ . ( و عندمآ اغآر ' اقسم لو كنتَ امامي لقتلتك )
لو كنت مرتبط و شريكتك بتغار بزيادة
كيف ممكن تعالج الغيرة الزائدة عن حدها .؟
اعطيني حلول إن امكن .
الغيرة حلوة لكن كل شئ بحدود
والغيرة الزائدة عن حدها شك وقلة ثقة وهتحول عش الزوجية لجحيم مش نعيم
كذلك لازم يكون في ثقة من طرفها في شريكها

كيف أعاالج هالأمر
1- الحديث معها بهدوء في هذه المسألة ومحاولة إقناعها ان غيرتها الزائدة ليس في محلها
وأن الغيرة الزائدة من الممكن ان تعدم الثقة بيننا وتربي الشك وتحول حياتنا إلى جحيم

2 - دائماً اخبرها بحبي لها وأني ليس لدي سواها وأنها حبي الأول والأخير وإغراقها بالكلام المعسول دائماً
حتى تشعر بالأمان والحنان وتزيد ثقتها بنفسها أكثر

3 - الإبتعاد عن اي مصدر يسبب الغيرة لها

4- اشراكها في كل امور حياتي وإخبارها بكل ما يحدث خلال يومي ، هذا من شأنه ان يزيد الثقة ايضاً ويجعلها مطمئنة أكثر كوني لا اخفي عنها شئ




٣ . في ظاهرة منتشرة عنا بالخليل و ممكن عندكم كمان
إن الزوجة بتسجل كلام زوجها ( سواء كان غلط لفظي عليها او على حد من اهلها او مشكلة صارت بينها و بينو )
و بكون التسجيل بإيدها كَ دليل او نقطة قوة لتهدده فيه
طبعاً اكيد واضح انها مرتبة لهالشي و بالتسجيل بتكون بريئة و مظلومة
عندكم من هالحكي و لا بس عنا .؟
و ايش رأيك بهالظاهرة إنو بتأيد هالشي و لا بترفض .؟
أنا أول مرة اسمع بهيك شئ
ولو كنت متزوج وحصل معي هيك
قسماً بالله ما تقعد في بيتي يوم واحد
الي مثل هيك كيف ممكن اثق فيها أو تعامل معها بأريحية
أو حتى احس معها بالحب والأمان
الزوجة المفروض تكون ستر وغطا على زوجها
ولما تشوف غلطه تنبهه على الغلط بينه وبينها
مش تقوم تنشر غلطه وتطلع عيوب زوجها للكل
هذه من الأخطاء الأولى والأخيرة عندي
والمرأة الي مثل هيك ما بتلزمني ولا بتشرف انها تظل على ذمتي
ومش متصور ان في نساء هيك ، لأن هذا بعتبره عمل خسيس

[هل كان حباً]

1_ كملتي تعليمك أو لا وإذا لا شو الأسباب الي ما خلتك تكملي تعليمك ؟

2 - إذا كان زوجك كثير السفر والترحال سواء لظروف عمله أو خلافه ، هل هذا عاي ام انكِ تعتبريها مشكلة او عقبة في حياتك وكيف تتصرفي ؟

3 - المرأة التى لا تجيد الطبخ لا تصلح بأن تكون زوجة وأم ؟ ما تعليقك على هذا الكلام ؟

[البريئة !]

1_ كملتي تعليمك أو لا وإذا لا شو الأسباب الي ما خلتك تكملي تعليمك ؟
اخر شهادة اخدتها ، الفصل الأول من الصف التاسع
و بعد هيك تركت التعليم
بهاي الفترة تزوجت و للأسف بنفس الوقت زوجي ترك شغله و بقي بدون شغل شهوور
عرض علي اكمل تعليمي لأن المعدل منيح
لكن انا رفضت ... إنو كيف اطلع كل يوم الصبح من البيت و هو قاعد

2 - إذا كان زوجك كثير السفر والترحال سواء لظروف عمله أو خلافه ، هل هذا عاي ام انكِ تعتبريها مشكلة او عقبة في حياتك وكيف تتصرفي ؟
وجود الرجل بالبيت مهم جداً
ممكن اوافق و اتحمل لو كان لظرف شغل و انو يأمن مستقبلنا
ممكن اضحي سنة و اصبر فيها على غيابه المتكرر
لكن اكتر من هيك صعب
غياب الرجل عن بيته سلبي للزوجة و الأولاد و المسؤوليات كاملة

3 - المرأة التى لا تجيد الطبخ لا تصلح بأن تكون زوجة وأم ؟ ما تعليقك على هذا الكلام ؟
انا ضد هاد الحكي
الزواج و الأمومة ما الهم علاقة بمهارة الطبخ
ما في وحدة بتعرف تطبخ فوراً و بتكون شاطرة
انا مثلاً لليوم امي بتحفر لي المحاشي
مع اني بباقي الطبيخ ممتازة
و بدون مبالغة و الله
انا زوجة و أم بنضرب فيني المثل بالمحيط عنا
لأن بمتلك صفات مغطية على اني ما بعرف احفر المحاشي

اخدت وقت لبينما اتقنت الطبخ و صدقاً كتير طبخات زوجي علمني ياهم

اهم نقطة بنجاح الزوجة و الأم
هو الثقافة و اسلوب المعاملة يكون بذكاء

[lonely heart]

اختيار حلو كتير ومميز للبريئة وهل كان حبا
واجاباتهم مميزه ورائعه
متابعه معكم
عوافي حبيبتي ننوش

[البريئة !]

1 . المخيمات الصيفية لعمر ما بين 12 ل 16 سنة
هاي فعاليات بتكون خلال العطلة الصيفية للمدارس
برأيك ايش الهدف منها
و هل المسؤولين عنها ما بعرفوا ان الإختلاط بين الشباب و الصبايا بهالعمر غلط كبير
ممكن توافق لحد من عائلتك المشاركة فيهم .؟



2 . المحيط اللي عايش فيه ؛ ممكن يتقبل فكرة الحب
و يا ترى انت هل كان حباً رح تختار تتزوج البنت اللي حبيتها
و لا رح تترك هالشغلة للوالدة تختارها و يكون زواجك متل الزواج التقليدي .؟


3 . كل انسان بغار من اشياء معينة
ايش الشغلات اللي بتغار منهآ بهالوقت الحاضر واقعياً .؟
( بقصد الغيرة من ؛ مش على )

[هل كان حباً]

1 . المخيمات الصيفية لعمر ما بين 12 ل 16 سنة
هاي فعاليات بتكون خلال العطلة الصيفية للمدارس
برأيك ايش الهدف منها
و هل المسؤولين عنها ما بعرفوا ان الإختلاط بين الشباب و الصبايا بهالعمر غلط كبير
ممكن توافق لحد من عائلتك المشاركة فيهم .؟
انا ما عندي علم إنها مختلطة

لكن لو مختلطة لا اكيد ضد هذا الشئ

16 ا و15 سنة يعتبر عمر مراهقة

ولا يجوز اننا نخلط البنات والولاد في مكان واحد

يجب العزل في مثل هذا العمر



اما بخصوص الشق الاول من السؤال

الهددف منها ترفيهي واكساب الطلاب بعض المهارات



2 . المحيط اللي عايش فيه ؛ ممكن يتقبل فكرة الحب
و يا ترى انت هل كان حباً رح تختار تتزوج البنت اللي حبيتها
و لا رح تترك هالشغلة للوالدة تختارها و يكون زواجك متل الزواج التقليدي .؟
الحب المقبول هو الحب المكللة نهايته بالزواج والإرتباط



انا ممكن اتزوج زواج تقليدي ما عندي مشكلة

المهم اكون عارف البنت كويس قبل ما اتقدم لها

وأحاول افهم هي كيف تفكيرها وكيف شخصيتها

اما على العميان ما بتقدم


3 . كل انسان بغار من اشياء معينة
ايش الشغلات اللي بتغار منهآ بهالوقت الحاضر واقعياً .؟
( بقصد الغيرة من ؛ مش على )



صراحة ما في شغلات بغار منها

من كثر الوضع السئ الي عايشينه

الواحد بطل عنده احساس وغيرة لأي شئ

[هل كان حباً]

" انا زوجة و أم بنضرب فيني المثل بالمحيط عنا
لأن بمتلك صفات مغطية على اني ما بعرف احفر المحاشي "
شو هي الصفات هاي ؟ وشو الأسباب الي بتخلي المثل ينضرب فيكِ بالمحيط الي عايشة فيه
ليش يعني شو الي بتعمليه او شو الي بيميزك ؟




على ما أعتقد أنك تزوجتي صغيرة أو زواج مبكر ، بما انك ست عايشت الشئ هذا
شو نظرتك للزواج المبكر ، شو عيوبه وشو الأشياء المميزة فيه ، بحكم انك خضتي التجربة
وهل بتنصحي فيه ولو لا ليش ؟



هل يهمك مستوى زوجك التعليمي ، وهل عادي عندك تكون مرتبطة بشخص أمي لا يجيد الكتابة والقراءة ؟

[البريئة !]

" انا زوجة و أم بنضرب فيني المثل بالمحيط عنا
لأن بمتلك صفات مغطية على اني ما بعرف احفر المحاشي "
شو هي الصفات هاي ؟ وشو الأسباب الي بتخلي المثل ينضرب فيكِ بالمحيط الي عايشة فيه
ليش يعني شو الي بتعمليه او شو الي بيميزك ؟
ههه هو رح يكون الشرح صعب
لكن المثل بنضرب بالشخص عن طريق المقآرنة بينه و بين اللي عآيشين عنده
المقآرنة بيني و بين الزوجآت اللي عآيشين بالمحيط عنآ
انآ متميزة عن البقية .. طبعاً هآي شهآدة النآس مش نظرتي انآ

كـَ زوجة .. عندي احتوآء لزوجي و لبيتي
مستحيل اسمح لحد يحكي على زوجي كلمة مهمآ كآن غلطآن
عندي سيآسة لحل مشآكلي معه بحيث مهمآ صآر بينآ دآخل البيت .. محدش بعرف فيه
مهمآ سهرت او كنت تعبآنة .. تعودت اصحى بدري اجهز لإلو لبس الشغل و فطور خفيف
ما بتركه يصحى او يروح شغله و انآ نايمة
بالمنآسبآت لآزم أشيك على لبسه و انآقته برغم هو رآقي من غير هالوآسطة هههه
بكون مآشية معه و اي حد بشوفنآ بقول مآ شآء الله عشآق ( مع انه احيآناً بنكون مش طآيقين بعض ههه )
المنآسبآت الخآصة الي بتتعلق فيه او بعلآقتنآ عندي هآي اشيآء مقدسة

البيت اللي عايشه فيوو صغير جداً و نآقصه بعض الأمور .. لكن بلمسآتي البسيطة عآملته جنة
مآ بين ديكورآت و ورد و عطر و نظآفة و ذوق

كل اسبوعين تقريباً زوجي بعزم اهله .. ما بمشيهآ اكله و عادي
لآزم تشكيلة سلطآت و فآكهة و حلويآت


..

من نآحية الأمومة
عندي اسلوب تربية خآص فيني
ولا مرة حد اشتكى من نظآفة ابني من وقت كآن بيبي لغآية هلأ
كل يوم بقرأ صفحتين قرآن و تسبيح 100 مرة انا و امير
الغلط ممنوع قطعاً لدرجة كلمة اهبل او غبي و اللهِ امير بفكرها مسبة او جرم عظيم
تعآملي مع ابني متل تعآملي مع شب 20 سنة
اي شغلة صغيرة بعملهاآ كـَ انجازز بحسسو انهآ شيء عظيم و كبير

امير شخصيته ضعيفة و بطيئ بالحركة و الكتآبة و الحكي و كان ما يلفظ بعض الحروف
الكل يحكيلي هاد شيء طبيعي و عشآن صغير
بس انا ما سكتت قبل الروضة اخدته على مركز عند اخصآئي نطق و اخصآئي نفسي
حتى اخدت جلسآت انا كيف اتعامل معه

اسبوع كآمل و انا يومياً اروح معه ع المدرسة
مش لأنه خايف لأ .. عرفته على كل طآقم التدريس بالمدرسة
حتى يعرفوه و ينتبهوآ عليه
قويت علآقته مع المرشد و المديرة
لدرجة هلأ معروف عند الكل حتى اللي ما بعلموه


..
هآي الأشيآء اللي ببآلي حآلياً
معلش احكيت كتيير ’ بس هاد الجوآب ههه
صدقاً انآ شآيفة هالأمور اي ست او أم بعملوهم
لكن بالمحيط عنآ محدش بعمل متلي ابداً
لهيك بنضرب فيني المثل
طبعاً لأكون صريحة هآي الشغلآت مآ كآنت ببدآية زوآجي
كل هالتطورآت مع الوقت شوي شوي عمآلهآ بتزيد
كنت بحآجة لوقت حتى افهم الحيآة صح




على ما أعتقد أنك تزوجتي صغيرة أو زواج مبكر ، بما انك ست عايشت الشئ هذا
شو نظرتك للزواج المبكر ، شو عيوبه وشو الأشياء المميزة فيه ، بحكم انك خضتي التجربة
وهل بتنصحي فيه ولو لا ليش ؟
انآ ضد الزوآج المبكر
لأنه بيسرق طفولة البنت .. انآ مثلاً انحرمت التعليم لأجل هالزوآج
الزوآج مسؤولية كبيرة و مش أي بنت بعمر 14 بتكون قآدرة على تحمل هالمسؤولية
و لسى ليكون الزوج صغير كمآن
رح يكونوآ جآهلين و ممكن مش قآدرين على حل المشآكل بينهم


المميز فيه انو البنت بتكبر هي و اولادهآ سوآ هههههه
و الله مني عارفة ايش المميز فيه



هل يهمك مستوى زوجك التعليمي ، وهل عادي عندك تكون مرتبطة بشخص أمي لا يجيد الكتابة والقراءة ؟
و الله هاي مشكلة كبيرة
المفروض يكون متعلم اشيآء اسآسية على الأقل يسآعد بدروس اولآده

[البريئة !]

1. ذكرت بأجوبتك السآبقة ان الأوضآع اللي عآيشينهآ سيئة على الكل
شي مرة حسيت بالنقص ’ او انك خلآآص لهون و بس مش قادر تكمل
لأن مش طآلع بإيدك اشي .. نفسك بشغلآت كتيرة و مش قآدر تحصلهآ .؟


2. لو شفت بنت بالشآرع مغمى عليهآ
ممكن تبآدر بحملهآ و نقلهآ على المشفى بأسرع وقت
و لآ بتوقف بعيد و بتترك هالمهمة لأي شخص غيرك .؟


3. لو كآنت زوجتك المستقبلية بتحب الطلعآت و تغير الجو او متعودة على هيك شي
رح تسمحلهآ كل فترة تطلع مع صحبآتهآ على اي كآفيه او محل حلويآت
و لآ انت ضد جمعآت الصبآيآ بالمطآعم و الكفيهآت .؟

[شهد الروح]

موضوع جميل جدا
وجمله استضافتك المميزة ل مديرنا
والقديرة ميناسو
كتير حبيت الاسءلة اللي طرحوها ع بعض
وفي اجابتين كانوا الاميز بنظري لكل واحد منهم

مديرنا بس حكا انو الواحد بس يدخل بعلاقة
بحتاج لانسان يكون هو راحته....مو ينكد عليه
هالشي نحنا بنحطه نصب اعيننا ...لما نحب
وبهمنا كتير نحتوي هالانسان اللي بنحبه ونكون اله مصدر راحة وسط كل هالتعب اللي بلقاه بالحياة
الغيرة يمكن من اكتر الامور اللي ممكن تخلق قصة النكد
وعرض مديرنا ثلاث نقاط بغاية الاهمية
ك أنو غاص بقلب الانثى وعرف تماما كيف يذيب كل المشاحنات اللي ممكن تحصل بسبب الغيرة .
البريءة حبيت حكيها بخصوص الشي اللي بميزها
وان شاء الله بتشوفي امير متل ما بتتمنيه واكتر
بفضل ربنا اولا
وعنايتك وتربيتك الجميلة والمميزة بالفعل

عوافي سكرتنا

[هل كان حباً]

1. ذكرت بأجوبتك السآبقة ان الأوضآع اللي عآيشينهآ سيئة على الكل
شي مرة حسيت بالنقص ’ او انك خلآآص لهون و بس مش قادر تكمل
لأن مش طآلع بإيدك اشي .. نفسك بشغلآت كتيرة و مش قآدر تحصلهآ .؟

اه طبعاً حاسس بنقص ، ينقصني عمل ينقصني بيت ينقصني زوجة
كل هذا مش قادر احصله في ظل الأوضاع السيئة الي بنعيشها


2. لو شفت بنت بالشآرع مغمى عليهآ
ممكن تبآدر بحملهآ و نقلهآ على المشفى بأسرع وقت
و لآ بتوقف بعيد و بتترك هالمهمة لأي شخص غيرك .؟

لا ما بحملها وبشيلها على المستشفى
احنا مش في فيلم رومنسي هههه
بحاول افوقها
وإذا ما فاقت بتصل في الإسعاف هي الي تيجي تحملها وتفوقها
اما اشيلها وما اشيلها لا ، افرضي كانت دبة هههههه

3. لو كآنت زوجتك المستقبلية بتحب الطلعآت و تغير الجو او متعودة على هيك شي
رح تسمحلهآ كل فترة تطلع مع صحبآتهآ على اي كآفيه او محل حلويآت
و لآ انت ضد جمعآت الصبآيآ بالمطآعم و الكفيهآت .؟
كل فترة كل قديش يعني
إذا كل اسبوع مثلاً لا
ممكن كل شهر مرة
واحياناً شهر اه وشهر لا

[هل كان حباً]

لو اكتشفتي ان زوجك بيخونك كيف ممكن تتصرفي او تتعاملي مع الموقف ؟

لو اُتحيت لكِ فرصة عمل هل ستوافقين على العمل ام لا وإذا كنتي موافقة وزوجك رفض كيف ممكن تتعاملي مع الموقف ؟

إذا شعرتِ بوجود سارق في البيت أو شخصٍ ما ولا يوجد غيركِ في المنزل ماذا ستفعلين ؟

[البريئة !]

لو اكتشفتي ان زوجك بيخونك كيف ممكن تتصرفي او تتعاملي مع الموقف ؟
ما بعرف
مش رح اعمل شي
عزائي الوحيد انو نهايته جهنم 🙂



لو اُتحيت لكِ فرصة عمل هل ستوافقين على العمل ام لا وإذا كنتي موافقة وزوجك رفض كيف ممكن تتعاملي مع الموقف ؟
ليك هو انا ضد عمل المرأة
برغم احياناً بتمنى لو اني بشتغل عشان املى فراغي
لكن سرعان ما اشيل هالفكرة من بالي
لو كنت حابة الشغل و زوجي رفض رح اخضع لرغبته
و بلغي الفكرة

إذا شعرتِ بوجود سارق في البيت أو شخصٍ ما ولا يوجد غيركِ في المنزل ماذا ستفعلين ؟
بسم الله
ممكن ابلش اصرخ
بس لو كان فيي شوية عقل
رح اعمل حالي نايمة و ابلش اقرأ قرآن
لبينما يقتلني و يخلص هههههه

[البريئة !]

1 . ايش الأسباب اللي بتخلي الزوج يفكر بتعدد الزوجات .؟


2 . لو انعرض عليك تبيع قصائدك و اعمالك الأدبية و تُوقَع بإسم غيرك
بوقت انت محتاج مصاري فيه .. بتوافق .؟


3 . ايش هي مبادئك بالحياة اللي عَ طول بتكرر مستحيل تتنازل او تتخلى عنهآ .؟

[هل كان حباً]

1 . ايش الأسباب اللي بتخلي الزوج يفكر بتعدد الزوجات .؟
]ممكن حاب يزيد خلفته ونسله
او ممكن مش مكتفي بوحدة وبده 4
او ممكن ما لاقي الراحة مع اكثر من وحدة
وممكن لظروف انجبر عليها
في كذا سبب يعني [/


2 . لو انعرض عليك تبيع قصائدك و اعمالك الأدبية و تُوقَع بإسم غيرك
بوقت انت محتاج مصاري فيه .. بتوافق .؟

اه بوافق


3 . ايش هي مبادئك بالحياة اللي عَ طول بتكرر مستحيل تتنازل او تتخلى عنهآ .؟
أني لا يمكن اكون ثقة إنسان منحني إياها
لا يمكن أخون إنسان أمنلي
لا يمكن اخلف وعد او اتنصل من وعد قطعته لإنسان
اني ما اسكت على حقي أو اخاف من إنسان ظلمني
إني أظل كبير في عيون الكل وما ييجي وقت او موقف اوطي راسي فيه

هذه كلها بعتبرها مبادئ في الحياة انا متبنيها وما بتصور إني في يوم اتركها أو اتنازل عنها
أو حتى اتهاون فيها

[هل كان حباً]

من متى وانتِ في عالم المنتديات ؟ وشو الي حققه لك ؟ وشو الأشياء الي خسرتيها وانت ِ فيه ؟

برأيك هل ممكن نلاقي في عالم النت أو المنتديات بشكل خاص أصدقاء حقيقيين وناس ممكن نثق فيها بشكل كبير ؟

لماذا لقب البريئة ، هل هو مجرد لقب عجبك ؟ او بتشعري انه بيمثلك ولو هيك في شو ؟ وشو دلالته عندك ؟
هل مثلاً انظلمتي في شئ او صارت معك حادثة وكنتي مظلومة شو دلالة الإسم عندك ؟

[البريئة !]

من متى وانتِ في عالم المنتديات ؟
من 6 سنوات تقريباً

وشو الي حققه لك ؟
قوة شخصية و جرأة و ثقافة
و اكتشفت اني عندي موهبة بسيطة بالكتابة

وشو الأشياء الي خسرتيها وانت ِ فيه ؟
كانت علاقتي مع الناس اقوى
فترة بداية دخولي للمنتديات بعدت عن الناس
هي شغلة منيحة لكن حسيت ان المنتدى سرق وقتي


برأيك هل ممكن نلاقي في عالم النت أو المنتديات بشكل خاص أصدقاء حقيقيين وناس ممكن نثق فيها بشكل كبير ؟
انا صعب اثق بأي حد بسهولة
لكن صارت و تعرفت على عضوة من المنتدى
اجت ع الخليل و التقينا كذآ مرة
و صرنا اصدقاء و ثقة تامة بينا هلأ

لماذا لقب البريئة ، هل هو مجرد لقب عجبك ؟ او بتشعري انه بيمثلك ولو هيك في شو ؟ وشو دلالته عندك ؟
هل مثلاً انظلمتي في شئ او صارت معك حادثة وكنتي مظلومة شو دلالة الإسم عندك ؟
في البداية انا اخترت اسم احزان بريئة
بيوم كنا سهرانين ع المشاركات انا و الصياد و المايسترو نمور
وقتها اقترح الصياد يكون الإسم بريئة بدون احزان
من وقتها اعجبني الإسم و صار جزء من شخصيتي بالمواقع

كتير عشت مواقف انظلمت فيها و ما كان عندي جرأة ادافع عن حقي
لكن هالشي مش سبب لإختياري اللقب

انا مش بريئة ابداً .. شريرة هههههه

[البريئة !]

1 . لو دخلت بالغلط مشفى المجانين ؛ كيف رح تثبت انك عاقل .؟


2 . وقت تكون زعلان و متدايق ايش بتعمل حتى تروق و ترجع لطبيعتك .؟ يا ترى في شخص معين بتلجأ له و انت بأسوء حالاتك .؟ و لو كان في مين هو .؟


3 . بتعرف شي بشغل المطبخ و الطبخ .؟
و ايش رأيك بالزوج اللي بساعد و بطبخ لمرته و اولاده .؟
و بجلي كمان .؟

[هل كان حباً]

1 . لو دخلت بالغلط مشفى المجانين ؛ كيف رح تثبت انك عاقل .؟
ما عمري فكرت في هيك شئ
ولكن اكيد رح اقلهم اطرحوا عليا اسئلة المجنون ما بيقدر يجاوبها
وهما أدرى بهيك اسئلة من خلالها يقرروا إذا كنت عاقل أو مجنون


2 . وقت تكون زعلان و متدايق ايش بتعمل حتى تروق و ترجع لطبيعتك .؟ يا ترى في شخص معين بتلجأ له و انت بأسوء حالاتك .؟ و لو كان في مين هو .؟
في الغالب بحاول أظل لحالي
او بطلع اتمشى
او بغير المكان الي انا فيه
ولو في حد ممكن تكون أمي
هي أكثر حد بستسر له
لكن مش في كل شئ


3 . بتعرف شي بشغل المطبخ و الطبخ .؟
و ايش رأيك بالزوج اللي بساعد و بطبخ لمرته و اولاده .؟
و بجلي كمان .؟

اها بعرف
بعرف اعمل حجات كثير خفيفة
وانا برأيي الزوج الي بيساعد زوجته هو زوج مثقف عنده حيوية وانفتاح على الحياة
ومش منغلق او عنده قصور في الفهم كمن يقول مثلاً انا رجل لا اعمل مثل هذه الأعمال
كذلك مساعدة الرجل لزوجته امر بيقوي العلاقة بينهم وبيزيل العقبات وبيجعلهم اكثر قرب لبعضهم البعض

[هل كان حباً]

أكبر عقبة واجهتك في حياتك ، وهل تخلصتي منها أو لهلأ بتعاني بسببها ؟


بعض البنات لما تتزوج بتنهي علاقاتها بكل صديقاتها بعد الزواج ؟ شو الأسباب برأيك وليش بيصير هيك ؟


إذا حد قال لك أكرهك كيف هتتعاملي معه او كيف هتتصرفي وكيف طريقة ردك هتكون ؟

[البريئة !]

أكبر عقبة واجهتك في حياتك ، وهل تخلصتي منها أو لهلأ بتعاني بسببها ؟
اسوء شيء صار معي و اللي بعتبره مصيبة
هو خسارتي لإبني محمد
للأسف لغآية هالوقت بعاني لكن بشكل اقل من قبل
مع الوقت الوجع بخف الحمد لله

بعض البنات لما تتزوج بتنهي علاقاتها بكل صديقاتها بعد الزواج ؟ شو الأسباب برأيك وليش بيصير هيك ؟
بلاحظ صبايا ع الفيس عندي مجرد لترتبط
بتحذف حسابها كلياً و بتعمل حساب جديد و ما بتضيف حد
صراحة بستغرب انآ !
لو الحساب نظيف و ما فيو غلط و علاقاتها مع صديقاتها علاقات طيبة
ما بتنهي كل شيء


إذا حد قال لك أكرهك كيف هتتعاملي معه او كيف هتتصرفي وكيف طريقة ردك هتكون ؟
زمان كنت اتأثر و احاول اوضح له اني انسانة ما بنكره و ما بغلط و كنت ازا حد زعل مني ما انام الليل و ابكي و نفسياً اتعب
بس هلأ اللي بحكيلي بكرهك بقلوو
اوك .

بطل الي قدرة على التبرير و التوضيح و ارضاء الناس

[البريئة !]

1 . ما هي اكبر مخاوفك في الحياة .؟

2 . قرار مصيري اتخذته و لازلت ندمان عليه .؟

3 . اكبر غلطة عملتها بحياتك .؟

[هل كان حباً]

1 . ما هي اكبر مخاوفك في الحياة .؟
إني ما أقدر احقق شئ وانتظاري كله يكون على الفاضي

2 . قرار مصيري اتخذته و لازلت ندمان عليه .؟
ما في بإعتباري لسى ما اتخدت قرارات مصيرية في حياتي

3 . اكبر غلطة عملتها بحياتك .؟
إني ظليت ماشي في علاقة مبهمة انا مش واثق من آخرها وكيفية نهايتها

[الصياد]

فكرةة حلوة والاسئلة مختلفة
يعطيك العافية
واختيار موفق لضيوفك فيه ..

[S T E L L A]

يسسسلموو ع هيكك اسسئلهه مميزهه
أجوبهه رآئئعهه !
عننجادد منن احلى الثثنآئيآاتت !
ححبيتت أسسلوبككمم و ههدوئكمم
و صصراحتكمم بالنققاشش !
اللهه يسسعدكمم ي ربب !
و نشششالهه اسستنوني باسستضضافاتت تانيهه
يغغلقق
وردهه