[ الليثث و لونليي ههيرتت ثثنآئئي تححت النققاشش ]

[S T E L L A]

هآي

مسسآء الـورد ي آححلى ممآ ففي ههآدد الككونن ☺ ')

الفككرهه : بتعرفوههآ اوككهه
لـ تزككير : ججآوبو ع الآسئلهه الـ 5 في كل صصرآحهه
وفي ششرط ككل عضضو بسسآل العضضو الثنآئي الـو 3 آسئلهه ☺

الآسئلهه
لـ العضو المخختآر
لو ككنت بنت ششو ششعوركك ؟ ')
لو بإمكآنكك تغغير صصفهه أو ششي ففي البنآتت ششو بتغير ؟ ')
آككتر ششي بعجبكك ففي البنت و بجذذبكك ؟ ')
ششي بتكرهو ففي البنآت ؟ ')
ككيف ردود الصبآيآ في المنتدى ؟ ')
الآسئلهه
لـ العضضوهه المخختآرهه
لو ككنتي ولد ششو ششعوركك ؟ ')
لو بإمكآنكك تغغيري صصفهه أو ششي ففي الشبآب ششو بتغيري؟ ')
آككتر ششي بعجبكك ففي الششب و بجذذبكك ؟ ')
ششي بتككرهي ففي الششبآإب؟ ')
ككيف ردود الششبآإب في المنتدى ؟ ')

ممعنآ الثننآئي
"|الليثث |لوننلي ههيرتت | "
بــآإي

[الليث]

لك أعطينا مجال توك طرحتيني للتحليل خليني اشوف مصيري هههههه جبتيني هنا

[lonely heart]

ننوش مش شابفه وضعي التعبان ووجعي هههه
حبيت اختيار ليث معي
شاب واعي وفهمان وراقي والنقاش معه ممتع
يعطيكي العافيه حبيبتي

[الليث]

نعم الاختيار لونلي اسعدني جدا ، لثقافتها ولباقتها


شكرا ننوش مجددا

[S T E L L A]

ههههه
سسلامتكك ححييبتي
معلشش مععكمم ششههر هههه
بسستناككمم
وردهه

[ندى الورد]

يعطيكِ العافية ننوش
اختيار حلو ل الليث ولونلي
بانتظارهم

[نور الروح]

لونلي و الليث وااعيين و عقلهم كبير
استضاافةة حلوة كتير الهم
هأكوون متاابعةة ان شااء الله
يسسلموو ننوش

[lonely heart]

همس الروح نور الروح

الله يسعدكم ويحلي ايامكم
بتسعدني وبتشرفني متابعتكم

[lonely heart]

همس الروح
نور الروح

الله يسعدكم ويحلي ايامكم
بتسعدني وبتشرفني متابعتكم

[نوون]

اختيار رائع
لعضوين مميزين
وواعين وعلى قدر من الثقافة
والمعرفة والرقي
ان شاء الله بيكون حوار عميق
نفهمهم من خلاله اكتر
كلك أناقة بالاختيار باربي
وان شاء الله بالتوفيق الليث ولونلي
عوافي

[lonely heart]

لو ككنتي ولد ششو ششعوركك ؟ ')
شو الشي الحلو اني أكون شاب ع صورة غير يلي خلقني ربي عليها
بحب حالي متل ما انا بانوثتي وبكل الصفات يلي بتحملها وما بعمري فكرت او تخيلت اني أكون شاب
لو بإمكآنكك تغغيري صصفهه أو ششي ففي الشبآب ششو بتغيري؟ ')
اللامبالاة والقسوه والفوضويه وحب التسلط والسيطره وانه دايما شايفين حالهم انهم هم الصح
آككتر ششي بعجبكك ففي الششب و بجذذبكك ؟ ')
ثقته بنفسه واخلاقه ووعيه وثقافته وتفهمه وطريقة تفكيره وتعامله مع غيره ومرحه وخفة دمه
ششي بتككرهي ففي الششبآإب؟ ')
صوتهم العالي لما يعصبوا وصراخهم وانه ما بقدروا يسيطروا ع حالهم في هيك مواقف
ككيف ردود الششبآإب في المنتدى ؟ '
بشكل عام ردود معظم الشباب ردود حلوه وبتنم ع شخصيات واعيه ومثقفه وفي مجموعه تانيه ردودهم بسيطه وعاديه )

[lonely heart]

نوون
تسلمي نون ع كلامك الحلو
انبسطت من وجودك وبتشرفني متابعتك

[خَمْر أيلول]

استضافة حلوة جدا للونلى والليث
بحب اراؤهم كتيرر وافكارهم بتعجبني
ان شاء الله متابعة معكم
عوافى الكم

[lonely heart]

ههههه
سسلامتكك ححييبتي
معلشش مععكمم ششههر هههه
بسستناككمم
وردهه

الله يسلمك حبيبتي
يعني اخد راحتي لمدة شهر
رح يكرهني ليث بعد هالموضوع من كتر ما رح اسأله هههه

[lonely heart]

خَمْر أيلول
الله يسعدك وجودك هو الاحلى
انسطت من كلامك وبتشرفني متابعتك

[الليث]

أشكر جميع الأخوة على حضورهم الجميل، واتمنى من لونلي أنها ما تهريني بالأسئلة هههههه

[lonely heart]

أشكر جميع الأخوة على حضورهم الجميل، واتمنى من لونلي أنها ما تهريني بالأسئلة هههههه

رح راعي ظروفك ما رح تعبك هههه

[الليث]

لو ككنت بنت ششو ششعوركك ؟ ')

والله صراحة مو عارف ماخطر ببالي هذا الموضوع، راضي عن حالي هكذا، خصوصاً في مجتمعنا الذكوري يكون الرجل أكثر حرية.

لو بإمكآنكك تغغير صصفهه أو ششي ففي البنآتت ششو بتغير ؟ ')

طبعا ماشفت من البنات الا كل خير ،،بس لازم نجاوب يعني يخففوا من الغرور شوي، ويبطلوا تنافس في الموظة وربي يوفقهن.


آككتر ششي بعجبكك ففي البنت و بجذذبكك ؟ ')

ثقافتها، وطريقتها في التخاطب أكثر شيئين يعجباني.


ششي بتكرهو ففي البنآت ؟ ')

بصراحة ربنا ما بكره شي يتعلق بجنس حوا كله، نعم ربما أكره الصفات الذميمة وهي عند حوا وادم.

ككيف ردود الصبآيآ في المنتدى ؟ ')

ردود حلوة وتنم عن ثقافة ووعي وأريحية..

[الليث]

رح راعي ظروفك ما رح تعبك هههه


من ذوقك لونلي ظروفي صعبة خففي ههههه

[lonely heart]

خلينا بنلش بالاسئلة الخفيفه

// بدايه ممكن تعرفنا عن حالك ليث في كم سطر ؟
//ما هو مستواك الدراسي وما هو تخصصك ؟
// الأنترنت عالم واسع وكبير ممكن تحكيلنا كيف وصلت لمنتدى قلب فلسطين ؟

[الليث]

اهلا وسهلاً لونلي

يشرفني أن اذكر لكم طرفا من سيرتي المتواضعة ، ليث يوسف، حاصل على بكلوريوس آداب قسم الفلسفة ، واعمل مدرساً لتلك المادة، كما أني أعمل كاتباً وباحثاً في احدى المؤسسات التخصصية ،


كنت أكتب في عدة منتديات سابقا، وعندما افتتح منتدى قلب فلسطين تلقيت دعوة من الأخت هدوء، فلبيت الدعوة وسجلت في المنتدى ..

[lonely heart]

تشرفنا بمعرفتك ليث
الله يوفقك يا رب وان شاء الله بضل منور منتدانا

[الليث]

الان دوري في السؤال

من هي لونلي؟

ماهو تخصصك وهل اخترتيه برغبتك؟

هل لا زالت طموحاتك العلمية مستمرة أم تكتفين بهذا المستوى؟

[lonely heart]

من هي لونلي؟
لونلي انسانه بسيطه وبتحب البساطه بكل شي
بتحب الحياة طموحه وايجابيه ومتفائلة متمرده احيانا واثقه بحالها وبقدراتها انسانيه وحنونه
بتحب تعيش كل يوم بيومه

ماهو تخصصك وهل اخترتيه برغبتك؟
ادب انجليزي وكان عن قناعه
وحاليا بكمل ماستر دراسات وثقافات اوروبية

هل لا زالت طموحاتك العلمية مستمرة أم تكتفين بهذا المستوى؟
طموحاتي كبيره وما بتوقف عند حد معين ممكن اكمل بعد الماستر دكتوراه

[الليث]

كل التوفيق ، وتستاهلي كل الخير لونلي

[lonely heart]

تسلم ليث

// الزواج .. ومسئولياته !! هل يشغل بالك هذا الموضوع ؟ ومتى تبدأ بالتفكير بالزواج والاستقرار ؟
// بنظرك هل الفقر العاطفي في مجتمعاتنا يشعر الأغلبية بأن أي معاملة لطف هي حب ؟
وكيف بننظرك ممكن نتغلب على هاي الظاهرة ؟
// ما هو رأيك بعلاقات الحب عن طريق النت وما مدى قوتها واستمراريتها ومستقبلها ؟
هل برأيك العلاقات عبر النت هي علاقات محكوم عليها بالفشل كما يقول البعض ؟

[الليث]

// الزواج .. ومسئولياته !! هل يشغل بالك هذا الموضوع ؟ ومتى تبدأ بالتفكير بالزواج والاستقرار ؟

نعم يشغل بالي وافكر به جادا خصوصا مع التقدم في العمر، وانا أفكر فيه في هذه المرحلة بجدية كشيء طبيعي وضرورة لا بد منها.

// بنظرك هل الفقر العاطفي في مجتمعاتنا يشعر الأغلبية بأن أي معاملة لطف هي حب ؟
وكيف بننظرك ممكن نتغلب على هاي الظاهرة ؟

في مجتمعاتنا المكبوتة نوعا ما تفسر أي علاقة تودد على انها حب، ربما لنفس السبب الذي ذكرتيه، أو لأن التعامل الخشن داخل الأسرة يدفع إلى البحث عن البدائل، أو لأسباب أخرى.

// ما هو رأيك بعلاقات الحب عن طريق النت وما مدى قوتها واستمراريتها ومستقبلها ؟
هل برأيك العلاقات عبر النت هي علاقات محكوم عليها بالفشل كما يقول البعض ؟

الحب شعور إنساني لا يحده زمان أو مكان، والحب إن كان حبا فعلا فلا يفرق النت عن الواقع، وقد شاهدت بالفعل من أحب عن طريق النت بصدق، وقد تغيرت احواله واصابه مايصيب العشاق بالفعل

ولكن المأساة أن أغلب علاقات النت لا تنتهي بالنجاح، ومن الصعوبة فيها بمكان أن تعرف الصادق من المتلاعب.
[/quote]

[lonely heart]

إجابات حلوه ليث
الله يوفقك وتلاقي الزوجه يلي تسعدك

[الليث]

إجابات حلوه ليث
الله يوفقك وتلاقي الزوجه يلي تسعدك

آمين وأياك ..حضري حالك لبكرا أجيب أسأله صعبة ههههه

[lonely heart]

آمين وأياك ..حضري حالك لبكرا أجيب أسأله صعبة ههههه
ماشي بس ما تصعبهم كتير هههه

[الليث]

حاضر شوي بس مو كثير هههههه

[الليث]

باعتبارك متخصصة في الأدب الانجليزي، هل ثمة فروق جوهرية بين الأدب الإنجليزي والأدب العربي؟


ولان الماستر في الثقافة ، هل يمكن أن نستنسخ الأشياء الايجايبة من الثقافة الغربية دون أن تنتقل سلبيات تلك الحضارة إلينا؟


لو فكرتي بالدكتوارة ماذا سيكون موضوع الأطروحة ؟


كل التوفيق لك

[lonely heart]

باعتبارك متخصصة في الأدب الانجليزي، هل ثمة فروق جوهرية بين الأدب الإنجليزي والأدب العربي؟
اكيد في في فروقات كتيره
الادب الانجليزي اصعب بكتير من الادب العربي ومحتاج لتحليل واستيعاب اكتر
والمواضيع يلي بتناولها كل من الادبين مختلفين كليا
الشرح بالموضوع بطول

ولان الماستر في الثقافة ، هل يمكن أن نستنسخ الأشياء الايجايبة من الثقافة الغربية دون أن تنتقل سلبيات تلك الحضارة إلينا؟
كل انسان وعنده عقل وفيو يفرق ما بين الاشيا الايجابية والسلبية ويختار الافضل
لكن للاسف يلي بصير انه الشعوب العربية دايما بتاخد الاشيا السلبيه اكتر من الايجابية
بس هادا كمان ما بمنع انه انتقلت ثقافات غربية لالنا واستفدنا منها كتير
فيلي بحدد هالشي هو الشخص نفسه

لو فكرتي بالدكتوارة ماذا سيكون موضوع الأطروحة ؟
بس اخلص الماستر ليث هههه
لسا ما فكرت بالموضوع صراحة

[الليث]

اجابات حلوة وموفقة لونلي

عوافي.

[lonely heart]

الله يعافي قلبك ويحلي ايامك يا رب
بكرا بفكرلك بكم سؤال
عقلي هلأ مقفل

[الليث]

بكرا ان شاء الله بانتظار اسألتك..

[lonely heart]

يسعد مساك ليث
رجعنا للاسئلة

// لكل منا له تعريف للسعاده..فما تعريفك أنت للسعاده ؟ماهي مقومات السعادة في نظرك ؟

// متى يسقط الرجل ومتى تسقط المرأه من نظرك؟

// تعريفك للرجولة والانوثة ؟

[الليث]

اهلا بك لونلي

// لكل منا له تعريف للسعاده..فما تعريفك أنت للسعاده ؟ماهي مقومات السعادة في نظرك ؟

لا استطيع أن اعرف السعادة تعريفاً جامعاً مانعاً كما يذكر المناطقة، ولكني سأقتصر على نحوين من السعادة : السعادة من وجهة نظر دينية ، وتحقيقها يكون بلزوم الطاعة لرب العالمين، والسعادة بهذا المنظار هي الجنة والرضوان.

والسعادة من وجهة نظر هذا العالم الغارق في المادة، هي تحقيق كل ما يحتاج إليه الإنسان ، من الاستقرار النفسي والأسري والمالي وهكذا باقي الاحتياجات الطبيبعة.

وفي نظري أن الإنسان مخلوق مركب جمعت فيه المختلفات، فسعادة العقل غير سعادة النفس، وسعادة النفس غير سعادة القلب ، وسعادة البدن غير الجميع وهكذا فمثلا قد تكون سعادة العقل في زيادة التفكير والاستنتاج، وهذا تنفر

منه النفس التي تميل الى اللهو واللعب وعلى هذا المنوال باقي القوى، أما مقومات السعادة بنظري تكمن في توفير حاجة كل قوة من قوى المركب الانساني بشكل متوازن..


// متى يسقط الرجل ومتى تسقط المرأه من نظرك؟

باختصار يسقط الرجل اذا خالف المعايير الاخلاقية ، وتسقط المرأة بنفس الميزان لا أظن ان هناك فرقا.

// تعريفك للرجولة والانوثة ؟

الرجولة : هي الإلتزام بالكلمة والموقف، والأنوثة: قيام المرأة بكل تقتضيه طبيعتها الخلقية، والالتزام بالمعايير الاخلاقية التي تميزها عن الرجل.


كل تقديري لك لونلي

[lonely heart]

اجابات رائعه ليث حبيتها

[الليث]

برأيك أي الأمور أكثر تأثيرا على الحياة وسلوك الانسان الأدب ام الفن أم الفلسفة؟


هل تمتلكين رؤية نقدية أدبية؟


اجتماعياً هل تقتنعي بأن تكون سيدة المنزل بدون أن تعملي مستقبلا ؟


بالتوفيق

[lonely heart]

برأيك أي الأمور أكثر تأثيرا على الحياة وسلوك الانسان الأدب ام الفن أم الفلسفة؟
بعتقد الفن له التأثير الاكبر بين الامور الاخرى لانه بلامس الروح والمشاعر وسهل يوصل للانسان ومتاح للجميع
سواء عن طريق الافلام او المسلسلات او الموسيقى او غيرها من الامور
لانه بلامس قضايا عم نعيشها وممكن يأثر ع سلوك الاشخاص والافراد بشكل ايجابي او سلبي
حسب نوعية الفن المعروض
بالنسبة للادب والفلسفه تأثيرهم اقل واهتمامات الناس فيهم اقل بتلاقي فئة معينه مهتمه فيهم


هل تمتلكين رؤية نقدية أدبية؟
ممكن بامور تانيه اما بالنسبه للادب ما بعتقد

اجتماعياً هل تقتنعي بأن تكون سيدة المنزل بدون أن تعملي مستقبلا ؟
ممكن ببدايه حياتي الزوجيه اشتغل واحاول اثبت نفسي لاني ما اخدت شهادتي لحتى اعلقها ع الحيط
لكن فيما بعد اذا كان وضعي ممتاز وبيتي وزوجي واولادي كانوا محتاجين لالي اكتر رح ابقى بالبيت

[الليث]

أجوبة أكثر من رائعة أحسنتِ لونلي..

[lonely heart]

هالاسئلة رح تكون عن عالم النت والمنتدى

// بتفضل تكون علاقتك سطحيه ولا عميقه مع من هم في عالم النت والسبب ؟؟
// شخصيه هنا في المنتدى آثارت فضولك من هي .. ولماذا ؟
// ما الشي المميز بمنتدى فلسطين وجذبك لحتى تسجل وتبقى فيه ؟

[الليث]

هالاسئلة رح تكون عن عالم النت والمنتدى



// بتفضل تكون علاقتك سطحيه ولا عميقه مع من هم في عالم النت والسبب ؟؟د

مرحبا بك لونلي مجددا

لا أعتقد انه في شخص يقدر يرسم نوع العلاقة مع الاخرين، العلاقة هي التي تفرض نفسها ع الشخص، وكمان نوع الشخص الي تكون معاه العلاقة يفرض عليك بتعامله واخلاقه أنك تعمق العلاقة معاه، وبعض الأشخاص لا يترك لك مجالا

لتعميقها أو أنه لا يجذبك بتعامله وسلوكه.

// شخصيه هنا في المنتدى آثارت فضولك من هي .. ولماذا ؟

يثير فضولي كل مثقف وراقي مثلك أني اعرف مصادر ثقافته، استفيد من محاورته واستزيد من معرفته وهذا شيء طبيعي .

// ما الشي المميز بمنتدى فلسطين وجذبك لحتى تسجل وتبقى فيه ؟

المنتدى ليس سوى مساحة على النت، ولكن الذي يجذبني هو وجود أعضاء طيبين ومرحين، على اني لم ارى تفاعلا من كثيرين هنا معي، ربما لقلة مواضيعي ، ولكن فعلا المنتدى مناسب لي


كل الترحيب بك لونلي

[lonely heart]

إجابات حلوه منك ليث
وخلينا نشوف من كتاباتك اكتر
بنكمل بكرا ان شاء الله

[الليث]

ان شاء الله ممتن لك لونلي.

[الليث]

الأسئلة أيضا الليلة ما راح تخرج عن فضاء النت والمنتدى


= ما الذي يميز المنتدى عن غيره؟

= هل ترىن أن النشر في المنتدى عموما يهتم بالنوعية أم بالكمية؟

= كم تعطين نسبة لهذا المكان قياسا بباقي المنتديات من حيث المنشور والأ‘ضاء؟


تحياتي لك .

[lonely heart]

= ما الذي يميز المنتدى عن غيره؟
نشاطه واعضاؤه المميزين والواعيين والمثقفين وعلاقة الاحترام والمحبة يلي بتجمعهم
وكمان مواضيعه المطروحه مميزه ومنتقاه بعنايه

= هل ترىن أن النشر في المنتدى عموما يهتم بالنوعية أم بالكمية؟
بهتم بالجهتين
في أعضاء بهتموا بالكميه والنوعيه مع بعض وفي يلي بهتموا بالنوعيه
عن نفسي بهتم بالنوعيه والمواضيع الهادفه ويلي بتكون بالعاده حصريه ومن مجهودي الخاص
خاصة المواضيع يلي بالصور او الأسئلة

= كم تعطين نسبة لهذا المكان قياسا بباقي المنتديات من حيث المنشور والأ‘ضاء؟
ما فيني اعطي نسبة لانه المنتدى متذبذب هالفترة ومو متل الفترات الماضيه وما فيو نشاط متل قبل

[الليث]

تسلمي لونلي ع الإجابة المفيدة .

[lonely heart]

الله يسلمك ليث
شوي بس اخلص هالشغلة يلي بايدي وبطرح أسئلة جديده

[lonely heart]

يسعد مساك

// انت كرجل ما هي الصفات التي تحبها في حواء وتتمناها في شريكة حياتك ؟
// امتى برأيك بتكون حواء سبب في بحث ادم عن امان غيرها ؟
// فرق العمر بين الطرفين هل يؤثرعلى علاقة الحب مع التوضيح اذا ممكن ؟؟؟

بالتوفيق لالك

[الليث]

أسعد الله مساك بكل خير لونلي

// انت كرجل ما هي الصفات التي تحبها في حواء وتتمناها في شريكة حياتك ؟

طبعا لا أخفيك الرجل ينزع بطبعه إلى المرأة الجميلة، مضافا إلى ثقافتها وأخلاقها وطيب أسرتها، فاذا جمعت الأمرين كان بها ، وان دار الأمر بين الثقافة والاخلاق والجمال ، يرجح طرف الثقافة والأخلاق، وانا شخصيا لا أخرج عن هذا السياق كثيرا.

// امتى برأيك بتكون حواء سبب في بحث ادم عن امان غيرها ؟


بحسب الناس الي أعرفهم ومروا بهكذا تجربة، كان جوابهم السب هو إهمال الزوجة لهم وعدم الاعتناء بأنوثتها ولوازمها بسبب انشغالها في البيت أو التقدم في السن ، طبعا ليس الحق معهم، وعليها عتب للإهمال أيضا، وأحيانا أيضا

تنشغل بقضايا يكون الحق مع الرجل في تركها، مثلا كثرة الزيارات والتسوق على حساب استقرار اسرتها.


// فرق العمر بين الطرفين هل يؤثرعلى علاقة الحب مع التوضيح اذا ممكن ؟؟؟


فرق العمر اذا لم يكن فرقا كبيرا يفوق العشر سنين أعتقد انه مغتفر ورأيت حالات أكبر من هذا الفرق وكانت علاقة جيدة ومتينة بين الزوجين رغم عدم قناعتي بالفرق الواسع ، والمهم في نظري هي قناعة الطرفين سواء كان الزوج اكبر أم بالعكس، فاذا سادت السعادة والتفاهم تبخرت كل الفروق حتى فرق العمر، بالمناسبة رئيس فرنسا الحالي تزوج استاذته تفوقه بعشرين سنة اظن وشفتهم يضحكوا يعني سمن على عسل ههههه

تحياتي لونلي.

[lonely heart]

أسعد الله مساك بكل خير لونلي

// انت كرجل ما هي الصفات التي تحبها في حواء وتتمناها في شريكة حياتك ؟

طبعا لا أخفيك الرجل ينزع بطبعه إلى المرأة الجميلة، مضافا إلى ثقافتها وأخلاقها وطيب أسرتها، فاذا جمعت الأمرين كان بها ، وان دار الأمر بين الثقافة والاخلاق والجمال ، يرجح طرف الثقافة والأخلاق، وانا شخصيا لا أخرج عن هذا السياق كثيرا.

// امتى برأيك بتكون حواء سبب في بحث ادم عن امان غيرها ؟


بحسب الناس الي أعرفهم ومروا بهكذا تجربة، كان جوابهم السب هو إهمال الزوجة لهم وعدم الاعتناء بأنوثتها ولوازمها بسبب انشغالها في البيت أو التقدم في السن ، طبعا ليس الحق معهم، وعليها عتب للإهمال أيضا، وأحيانا أيضا

تنشغل بقضايا يكون الحق مع الرجل في تركها، مثلا كثرة الزيارات والتسوق على حساب استقرار اسرتها.


// فرق العمر بين الطرفين هل يؤثرعلى علاقة الحب مع التوضيح اذا ممكن ؟؟؟


فرق العمر اذا لم يكن فرقا كبيرا يفوق العشر سنين أعتقد انه مغتفر ورأيت حالات أكبر من هذا الفرق وكانت علاقة جيدة ومتينة بين الزوجين رغم عدم قناعتي بالفرق الواسع ، والمهم في نظري هي قناعة الطرفين سواء كان الزوج اكبر أم بالعكس، فاذا سادت السعادة والتفاهم تبخرت كل الفروق حتى فرق العمر، بالمناسبة رئيس فرنسا الحالي تزوج استاذته تفوقه بعشرين سنة اظن وشفتهم يضحكوا يعني سمن على عسل ههههه

تحياتي لونلي.
هههههه ظيب منيح الله يهنيهم ويديم سعادتهم
اجابات حلوه كتير
يعطيك العافيه ليث
بانتظار اسئلتك

[S T E L L A]

أججوبهه بتتججنن و مميززهه !
لوونلي و ليثث ككلل اججاببتكمم ححلوهه
وو ممتعهه !
نشششالهه اليومم اخخر يومم
وردهه

[lonely heart]

أججوبهه بتتججنن و مميززهه !
لوونلي و ليثث ككلل اججاببتكمم ححلوهه
وو ممتعهه !
نشششالهه اليومم اخخر يومم
وردهه

انتي الاحلى حبيبتي
مبسوطه بمتابعتك

[الليث]

مرحبا بك لونلي من جديد نكمل اخر الأسئلة هذه الليلة.


= تفضلين العيش في نفس بلدك أم في بلد آخر ولماذا؟

= ترتبين خياراتك على أسس عقلية أم اجتماعية أم نفسية؟

= إلى أي مدى أنتي مستقلة في إتخاذ قراراتك بعيدا عن التأثير الأسري والاجتماعي؟


بالتوفيق .

[الليث]

مرحبا بك لونلي من جديد نكمل اخر الأسئلة هذه الليلة.


= تفضلين العيش في نفس بلدك أم في بلد آخر ولماذا؟

= ترتبين خياراتك على أسس عقلية أم اجتماعية أم نفسية؟

= إلى أي مدى أنتي مستقلة في إتخاذ قراراتك بعيدا عن التأثير الأسري والاجتماعي؟


بالتوفيق .

[lonely heart]

مرحبا بك لونلي من جديد نكمل اخر الأسئلة هذه الليلة.
هلا فيك ليث ويسعد اوقاتك

= تفضلين العيش في نفس بلدك أم في بلد آخر ولماذا؟
الصراحه بفضل أعيش ببلدي لاني بحبها وربيت فيها وكل صديقاتي واهلي وذكرياتي فيها
لكن اذا الظروف حتمت علي أكون في بلد تاني رح اضطر اترك هالبلد وهادا يلي بده يصير بالاخير لانه ما رح ضل هون ببلدي لحالي لانه بالنهاية رح استقر بمكان تاني مع اخوي

= ترتبين خياراتك على أسس عقلية أم اجتماعية أم نفسية؟
العقليه والنفسيه هالشي بعتمد ع الموقف والاشخاص يلي بده يترتب عليهم قراراتي
بس بالعادة الأسس العقليه بكون الها الافضليه
بحب لما اخد قراراتي أكون مقتنعه ومرتاحه فيها

= إلى أي مدى أنتي مستقلة في إتخاذ قراراتك بعيدا عن التأثير الأسري والاجتماعي؟
الحمد لله متعوده اخد قراراتي من حالي واهلي ما الهم تأثير على قرارتي ممكن يوجهوني لكن القرار بالنهاية انا يلي باخده وبتحمل عواقبه
والحمد لله لحتى الان قراراتي كانت سليمه وما ندمت عليها لاني باخدها بعنايه وتأني وبدرسها منيح قبل ما اخطو أي خطوه


أسئلة حلوه ليث بتحب اكمل في طرح الأسئلة ولا بتكتفي بهادا القدر

[الليث]

إجابات رائعة لونلي


كملي باقي الأسئلة بدون كسل لطفاً

[lonely heart]

هلا انا يلي طلعت كسوله بالاخير ههه
شوي وراجعه بالاسئله

[lonely heart]

// الحياء والجرأه عند المرأه .. ايهما افضل وكيف يكون الحياء سلبي على المرأه ومتى يكون ايجابي والعكس ؟؟؟
// اكتر امرأة يفضلها ادم ويسهل التعامل معها ؟؟
// أتعتقد أن بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟

جاوب واسأل وبلا كسل هههه

[الليث]

الحياء والجرأه عند المرأه .. ايهما افضل وكيف يكون الحياء سلبي على المرأه ومتى يكون ايجابي والعكس ؟؟؟

كل شيء في موضعه جميل ومناسب، الحياء يكون سلبي عندما يفوت الحق، وهو ايجابي في اكثر الحالات .

// اكتر امرأة يفضلها ادم ويسهل التعامل معها ؟؟

المرأة الصادقة والعفوية


// أتعتقد أن بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟

المرأة ناجحة في الحياة المهنية والأسرية، ونستطيع ان تحقق ذاتها في الحقلين، ولكن مسؤولية الأسرة لا تليق بغيرها صراحة الرجل ليس كفؤا لذلك

[الليث]

الحياء والجرأه عند المرأه .. ايهما افضل وكيف يكون الحياء سلبي على المرأه ومتى يكون ايجابي والعكس ؟؟؟

كل شيء في موضعه جميل ومناسب، الحياء يكون سلبي عندما يفوت الحق، وهو ايجابي في اكثر الحالات .

// اكتر امرأة يفضلها ادم ويسهل التعامل معها ؟؟

المرأة الصادقة والعفوية


// أتعتقد أن بامكان المرأة أن تحقق ذاتها في الحياة المهنية ؟ ام تفضل ان تهتم بحياتها العائليه اكثر ؟

المرأة ناجحة في الحياة المهنية والأسرية، ونستطيع ان تحقق ذاتها في الحقلين، ولكن مسؤولية الأسرة لا تليق بغيرها صراحة الرجل ليس كفؤا لذلك

[lonely heart]

إجابات مختصره ورائعه
بانتظار اسئلتك ليث

[الليث]

ماهي مواصفات الرجل المناسب بنظرك؟


هل تميلين الى الفهم التقليدي للأسرة وان الرجل هو المسؤول دوما أم ترين ان المسؤولية مشتركة بينه وبين المرأة؟


هل ترين أنه لابد من التقاء فكري وثقافي بينك وبين الرجل الذي ترتبطين به، أم يكفي الحب بلا حاجة الى وحدة الفكر؟


أسف لضعف النت أتأخر في الرد

[lonely heart]

ماهي مواصفات الرجل المناسب بنظرك؟
يكون شخص خلوق وواثق بحاله وع قد المسؤوليه ومثقف وواعي ومتفهم ويكون أسلوبه بالتعامل راقي وحلو ويكون
حنون ويقدر يحتويني بكل حالاتي

هل تميلين الى الفهم التقليدي للأسرة وان الرجل هو المسؤول دوما أم ترين ان المسؤولية مشتركة بينه وبين المرأة؟
الزواج بنظري هو شراكه بكل شي سواء مسؤوليات او تربية او اهتمام بالاسرة او العمل
والمسؤوليه بتقع ع عاتق الطرفين سواء رجل او امراة
الزمن تغير ومحتاح للطرفين يكونوا بجنب بعض في كل الأمور ويتشاركوا بكل شي

هل ترين أنه لابد من التقاء فكري وثقافي بينك وبين الرجل الذي ترتبطين به، أم يكفي الحب بلا حاجة الى وحدة الفكر؟
الحب لحاله ما بكفي
يكون في تقارب وتوافق بالتفكير من الأساسيات يلي بتمناها تكون بشريك حياتي
بالامور هاي رح تكون الحياة اسهل وفيها تفاهم اكتر


أسف لضعف النت أتأخر في الرد
ولا يهمك تعودنا ع ضعف النت عندك

[lonely heart]

// مواقف كثيره يمر بها الانسان البعض منها يأثر في شخصياتنا..اذكر موقف غير شي من شخصيتك او اثر فيك ؟؟
// هل باعتقادك انه من الممكن تغيير الصفات السلبيه الموجوده بالانسان ولا بتشوف هالشي صعب لانه طبع موجود فيه واتعود عليه؟
// شو هي الصفات يلي ما بتحبها بشخصيتك وحابب تغيرها ؟
وهل جربت تغيرها وقدرت تنجح في هادا الشي ؟
وهل هالصفات بتأثر على غيرك وتعملك مشاكل وممكن يزعلوا منك بسببها ؟؟

بالتوفيق لالك

[الليث]

مواقف كثيره يمر بها الانسان البعض منها يأثر في شخصياتنا..اذكر موقف غير شي من شخصيتك او اثر فيك ؟؟

أكثر موقف أعتقد انه بنا شخصيتي كرجل يعتمد على نفسه هو وفاة والدي وانا صغير ، هذا الحدث دفعني لأصارع الحياة بإرادة رجل..

// هل باعتقادك انه من الممكن تغيير الصفات السلبيه الموجوده بالانسان ولا بتشوف هالشي صعب لانه طبع موجود فيه واتعود عليه؟

يمكن تغيير كثير من الصفات عند الانسان إذا عرفنا سببها ، وعملنا على علاجه أظن هالشي ممكن وانا جربته شخصيا,

// شو هي الصفات يلي ما بتحبها بشخصيتك وحابب تغيرها ؟

الخجل الشديد ضيع علي فرص كثيرة بالحياة واتمنى أن يزول، وأعمل على ذلك.

وهل جربت تغيرها وقدرت تنجح في هادا الشي ؟

جربت ونجحت بعض الشيء ولكن أعتقد لا زال أمامي الكثير.

يعني ربما يتأثر به الاخرون ولكن تأثيره علي اكثر بكثير.

لونلي لا تسخري من نتي ترى يزعل وما يفتح هههه

وهل هالصفات بتأثر على غيرك وتعملك مشاكل وممكن يزعلوا منك بسببها ؟؟

[الليث]

مواقف كثيره يمر بها الانسان البعض منها يأثر في شخصياتنا..اذكر موقف غير شي من شخصيتك او اثر فيك ؟؟

أكثر موقف أعتقد انه بنا شخصيتي كرجل يعتمد على نفسه هو وفاة والدي وانا صغير ، هذا الحدث دفعني لأصارع الحياة بإرادة رجل..

// هل باعتقادك انه من الممكن تغيير الصفات السلبيه الموجوده بالانسان ولا بتشوف هالشي صعب لانه طبع موجود فيه واتعود عليه؟

يمكن تغيير كثير من الصفات عند الانسان إذا عرفنا سببها ، وعملنا على علاجه أظن هالشي ممكن وانا جربته شخصيا,

// شو هي الصفات يلي ما بتحبها بشخصيتك وحابب تغيرها ؟

الخجل الشديد ضيع علي فرص كثيرة بالحياة واتمنى أن يزول، وأعمل على ذلك.

وهل جربت تغيرها وقدرت تنجح في هادا الشي ؟

جربت ونجحت بعض الشيء ولكن أعتقد لا زال أمامي الكثير.

يعني ربما يتأثر به الاخرون ولكن تأثيره علي اكثر بكثير.

لونلي لا تسخري من نتي ترى يزعل وما يفتح هههه

وهل هالصفات بتأثر على غيرك وتعملك مشاكل وممكن يزعلوا منك بسببها ؟؟

[الليث]

أهم صفة تحبيه ويحبها الاخرون في شخصيتك؟


أكثر ما يزعجك في التعامل مع الاخرين؟


محطة في عمرك تعتبريه علامة فارقة أو حادث مهم يلهمك؟

[الليث]

أهم صفة تحبيه ويحبها الاخرون في شخصيتك؟


أكثر ما يزعجك في التعامل مع الاخرين؟


محطة في عمرك تعتبريه علامة فارقة أو حادث مهم يلهمك؟

[lonely heart]

مواقف كثيره يمر بها الانسان البعض منها يأثر في شخصياتنا..اذكر موقف غير شي من شخصيتك او اثر فيك ؟؟

أكثر موقف أعتقد انه بنا شخصيتي كرجل يعتمد على نفسه هو وفاة والدي وانا صغير ، هذا الحدث دفعني لأصارع الحياة بإرادة رجل..

// هل باعتقادك انه من الممكن تغيير الصفات السلبيه الموجوده بالانسان ولا بتشوف هالشي صعب لانه طبع موجود فيه واتعود عليه؟

يمكن تغيير كثير من الصفات عند الانسان إذا عرفنا سببها ، وعملنا على علاجه أظن هالشي ممكن وانا جربته شخصيا,

// شو هي الصفات يلي ما بتحبها بشخصيتك وحابب تغيرها ؟

الخجل الشديد ضيع علي فرص كثيرة بالحياة واتمنى أن يزول، وأعمل على ذلك.

وهل جربت تغيرها وقدرت تنجح في هادا الشي ؟

جربت ونجحت بعض الشيء ولكن أعتقد لا زال أمامي الكثير.

يعني ربما يتأثر به الاخرون ولكن تأثيره علي اكثر بكثير.

لونلي لا تسخري من نتي ترى يزعل وما يفتح هههه

وهل هالصفات بتأثر على غيرك وتعملك مشاكل وممكن يزعلوا منك بسببها ؟؟
اول شي الله يرحمه لوالدك
تاني شي لشو اسخر منك هههه
كلنا عنا نواقص وعيوب وما في انسان كامل
المهم الواحد يحاول تغيير العيب يلي فيه ع قد ما يقدر وما يخجل منه

[الليث]

مو تسخري مني تسخري من النت تبعي هههههههه

[lonely heart]

أهم صفة تحبيه ويحبها الاخرون في شخصيتك؟
صراحة مش كتير بحب احكي عن حالي
ويمكن عندي كتير صفات الناس يحيوها فيني
أهمها اني مستمعه جيده ومتفهمه وحنونه ودايما البسمه ع وجهي
واثقه بحالي وطموحه وناجحه بحياتي وكتير شغلات احكي ولا بكفي ههههه

أكثر ما يزعجك في التعامل مع الاخرين؟
النفاق والكذب وشوفت الحال والفلسفه الفاضيه وهدول تقيلين الدم ويلي بحكوا كتير وهمهم بس القيل والقال
وشو كمان استنى أتذكر
التمسك بعادات هبلة وباليه ويلي بهمهم كلام الناس والمجتمع اكتر من راحتهم

محطة في عمرك تعتبريه علامة فارقة أو حادث مهم يلهمك؟
صراحه اكتر من محطه
منها وقت ما ماما فقدت بصرها
وكمان مرض اختي بالكانسير ووفاتها
صراحه هالمحطات خلوني اتغير كتير
كنت انسانه ما تحمل هم شي وما تعرف شو مسؤوليه همها بس تستمتع بحياتها
تغيرت 180 درجه
صارت علي مسؤوليات كتيره
مريت بتجارب كتيره وتعلمت منها
خلتني انسانه اقوى احكم عقلي بكل شي واعتمد ع حالي

أسئلة حلوه حبيتها

[lonely heart]

مو تسخري مني تسخري من النت تبعي هههههههه

لا ما بسخر انا لا تقولها ههههه

[الليث]

الله يشافي والدتك ويرحم اختك، ومن نجاح إلى آخر إن شاء الله


حبيت كل اجاباتك كانت واضحة ووافية

[الليث]

الله يشافي والدتك ويرحم اختك، ومن نجاح إلى آخر إن شاء الله


حبيت كل اجاباتك كانت واضحة ووافية

[lonely heart]

تسلم الله يسعدك ليث ويوفقك بحياتك

@Barbie (http://www.heartps.com/vb/member.php?u=7)
حبيبتي ننوش بتشكرك ع الاستضافه الحلوه والممتعه
حابه كمان اتشكرك @الليث (http://www.heartps.com/vb/member.php?u=47)
ع نقاشه الراقي والرائع
حبيت النقاش والحوار معه واستمتعت فيه
وتعرفت ع شخصيته اكتر

[الليث]

انا ايضا اتقدم بشكري الجزيل لننوش


ولك لونلي لنقاشك الجميل والهادف

كل الشكر والتقدير