خمر أيلول ضيفة كرسي الاعتراف لهذا الأسبوع ..❤ [الأرشيف]

نوون

08-19-2018, 10:30 PM

اختيار مميز ل خَمْر أيلول
اسئلتي المعتمدة بقسم الأسك
ماذا يعني لكي ؟ وأين أنتي من الآتي
التمرد الاجتماعي ؟
الجمال الحسي ؟
الجمال المعنوي ؟
شخصية أثرت في حياتك ؟
الصمت لغة العيون والهمس لغة القلوب فما هي لغتك ؟
لو كنتي رحالة فأي القارات كنتي تتمني اكتشافها ؟
لو كنتي مسافرة برحلة بحرية حيث الهواء المنعش صباحاً والصفاء الذهني غروباً والنسمات الدافئة مساءً فمن تتمنى أن يكون بصحبتك صباحاً وغروباً وعند المساء ؟ وأي أنواع الحوار ستختار ليجمعك بمن معكي ؟
لو كانت لكي القدرة على الرسم فماذا كنتي سترسمين على :
الماء .. الشاطىء.. جدار عتيق .. شجرة
أحلام الطفولة هل تحقق منها شيء ؟
لو كنتي كلمة ؟ فأي أنواع الكلمات ستختارين أن تكون ؟
لو كنتي وجعاً فأي الأوجاع ستختارين أن تكوني ؟
ماهو شعورك وأنت تمشين بجوار مبنى عظيم ؟
جمع بينكم الحب والمشاعر الراقية والذكريات التي لا تُنسى مابين أغنية وأمنية وقصيدة وحلم
و فرقتكم الظروف لتجمعكم صدفة عابرة لتلتقي نظراتكم بعد طول غياب في لحظات صمت صارخ
وصادق لترتفع بكي أقصى السماء وتلقي بك طريحة الحنين وقبل أن تجمعين شتاتك وتستعيدين
قواك باغتكي بسؤال هل أحببتيني حقاً ؟ ولمحتي بين جفنيه دمعة
فما هو شعورك ؟ وما هو رد فعلك ؟

ميرسي حنين
عوافي

وتر

08-19-2018, 10:32 PM

نورتي كرسي الاعتراف خمر أيلول
المشكلة بعرفكككك منيح ههههه
بس معلش بردو هسألك

١/ ايمتا قلبك بيقسى؟
٢/ قرار أخدتيه وندمتي عليه؟
٣/ أقرب الناس لإلك ؟
٤/ سبب اختيارك لدراسة تخصص التاريخ؟
٥ / شو أحلى سنة مرت عليكي؟
٦/ شو أخدتي عني فكرة لما شفنا بعض ع الواقع هههه؟
٧/ شو اكتر اشي بتحبيه بنفسك ؟
٨/ شخص بتحبيه وصار بينكم مشكلة واعتذر ، بيرجع هالشخص لنفس قيمته ومكانته عندك او بيضل فيه حاجز؟
٩/ سبب اختيارك ل لقب خمر أيلول ؟
١٠ / قديش بتحبيني؟ 5rr:

ندى الورد

08-19-2018, 10:38 PM

يا أهلا وسسهلا
نورتي الكرسي كله
عقبال م تقعدي عليه وعمرك 4 سنين ههههههه

راجعتلكك بكمشة اسئلة
بس لتجاوبي ع اللي فوق

شمس

08-19-2018, 10:57 PM

هههههه أنا بجيبلهاا إلي بدهاا يااه حلوان الفطام :09:
منوووورة الكرسي كتيييير خمر
و ان شااء الله تضلي معناا ع طووووول في المنتدى قد ما يصير عمرك حتى لو 10 سنين :128:
حبيت اقلك كل عاام وانت بألف خيييييير
و راجعة لأسألك بس تجاوبي :2010:
عواافي حنين ♡

خَمْر أيلول

08-19-2018, 11:14 PM

سلام قولا من رب رحيم
هههههه مابتتسمعي كلمة انتي
راجعة للنبذة التعريفية بس بدى احط مشاركة بهالمكان
يسلمو حنين للاستضافة البريئة

سرآب

08-19-2018, 11:16 PM

ههههه خمر الحلوة هون
منورة الكرسي ياا عسل ، وكل عاام وأنتِ بخير :09:
هكون متاابعة أكيد
ولي عودة
عواافي حنينو ..

أستا

08-19-2018, 11:18 PM

إذا دخلت مُسابقة وكسبت 5 مليون دولار ماذا تفعل بهم؟
إذا فكرت أن تعتذر لشخص ما، فمن هذا الشخص الذي سيقع عليه هذا الاعتذار؟
إذا خيروك أن تُعيد تسمية نفسك فهل تقبل باسمك أم تقوم بتغييرهُ؟
إذا ندمت على فعل شيءٍ ما، ماذا يكون هذا الشيء؟
إذا قالوا لك قم بفعل جريمة ما، فما هي الجريمة التي سوف تختارها؟
إذا أعجبت بشخصٍ ما، كيف تُظهر له هذا الإعجاب أو ما هي الطريقة التي ستتبعها لتظهر إعجابك به؟
إذا قمت بالسفر إلى نُزهة خارج بلدك فمن هو الشخص الذي تُحب أن يُرافقك؟
إذا وجدت ورقة بيضاء فماذا ترسم لتعبر عن حالتك النفسية؟
إذا تركك من تحب، هل تعود إليه مرة أخرى أم تتركهُ وتنتظر وقت عودته؟
إذا جاء شريك حياتك وطلب الانفصال، فماذا يكون ردك وقتها؟
إذا كان والد يعمل بعملٍ فقير هل تقبل به أو تستعر منه؟
إذا ذهبت إلى مُظاهرة لتعترض على المشاكل الموجودة بالدولة ما هو الشعار الذي تقوم بالهتاف والمطالبة به؟
إذا وجدت الشخص الذي أحببتهُ في يومٍ ما يمسك بطفله، هل هذا سيشعرك بالألم؟
إذا عرفت أن صديقك المُفضل يحب أختك فماذا تفعل؟
إذا تزوجت ووجدت زوجتك كانت مُتزوجة قبلك ولم تقوم بمعرفتك، فما هو رد فعلك وقتها؟
إذا قمت بتصنيف نفسك فهل تختار أنك إنسان سلبي أم إيجابي؟
إذا تعرضت لموقف جعلك مُتهم في ارتكاب جريمة سرقة، وأنت لم تقم بفعلها فما هو تبريرك لتُخلص نفسك من هذه الجريمة؟
إذا أحببت صديقتك، فهل تستطيع أن تُخبرها عن هذا الحب؟
إذا أصبحت رئيسًا للجمهورية فما هو أول قرار سوف تتخذه لتصليح حال البلاد؟
إذا وقع عليك الاختيار أن تُصبح من وزراء بلدك، فما هي الوزارة التي تُحب أن تكون رئيسًا لها؟
إذا ذهبت إلى مكتبة مليئة بالعديد من الكتب، ما هي الكُتب التي سوف تختارها؟

شهد الروح

08-19-2018, 11:40 PM

خَمْر أيلول

08-19-2018, 11:42 PM

نبذة تعريفية عن حالك ليعرفوكي أعضائنا الجدد

sd:7[/color]

اسمي خمر ايلول هههه زى اللى عنجد
سجلت هنا بعد ما تأسس المنتدى بشهرين تقريبا
بسيطة وجدية ومرحة ، مابحب اختلط مع حدا دام انه ما رغبت بهالاشي
كمان بحب علاقتى تكون مع الجميع مبنية ع الاحترام مابغلط بحدا ولاحدا يغلط فيه

مابحب حدا ياخد منى موقف وياخد ع جنب بدون مايكون فى سبب واضح
وبس بكفى

ندى الورد

08-20-2018, 12:03 AM

اسمي خمر ايلول هههه زى اللى عنجد
سجلت هنا بعد ما تأسس المنتدى بشهرين تقريبا
بسيطة وجدية ومرحة ، مابحب اختلط مع حدا دام انه ما رغبت بهالاشي
كمان بحب علاقتى تكون مع الجميع مبنية ع الاحترام مابغلط بحدا ولاحدا يغلط فيه

مابحب حدا ياخد منى موقف وياخد ع جنب بدون مايكون فى سبب واضح
وبس بكفى

أحلى وأزكى خمر أيلول
:19:
واحنا كلنا بنحبك اصلا
ويا ريت تجاوبي بسرعة 😂😂😂😂

خَمْر أيلول

08-20-2018, 12:17 AM

أحلى وأزكى خمر أيلول
:19:
واحنا كلنا بنحبك اصلا
ويا ريت تجاوبي بسرعة 😂😂😂😂

يسسعدك ندوش
هجاوب والله بس لانه مرتبطة بموضوع تاني
مابرد هين
بس تقلقيش
من هان للصبح كله هيكون مجاوب

الصياد

08-20-2018, 01:03 AM

اختيار موفق لخمر ليتعرفوا عليها الاعضاء اكثر ،
خاصة انها مميزة ونشيطة بالمنتدى
هتاابع لانو الاعضاء مش مقصرين بالاسئلة ما شاء الله ..

خَمْر أيلول

08-20-2018, 01:36 AM

اختيار مميز ل خَمْر أيلول
اسئلتي المعتمدة بقسم الأسك
ماذا يعني لكي ؟ وأين أنتي من الآتي

قصدك مفهومهم من وجهة نظرى

التمرد الاجتماعي ؟ / رفض اى عادة او سلوك موجود بالمجتمع ولكنه بيعود بعدم المنفعة على الفرد او انه بيخالف مصلحة معينة ، وممكن يكون التمرد على صواب وممكن يكون على خطأ .

الجمال الحسي ؟ جمال الشكل سواء كان شكل انسان او مكان
الجمال المعنوي ؟ جمال الروح والاخلاق

شخصية أثرت في حياتك ؟

ما فى

الصمت لغة العيون والهمس لغة القلوب فما هي لغتك ؟

يمكن الصمت بس مش لانها لغة العيون ، لانه انا بالواقع لما مايعجبني اشي وبدى اقصر الشر بسكت ، لما مايعجبني ناس بكلامهم وسلوكهم بسسكت .

لو كنتي رحالة فأي القارات كنتي تتمني اكتشافها ؟

اسيا

لو كنتي مسافرة برحلة بحرية حيث الهواء المنعش صباحاً والصفاء الذهني غروباً والنسمات الدافئة مساءً فمن تتمنى أن يكون بصحبتك صباحاً وغروباً وعند المساء ؟ وأي أنواع الحوار ستختار ليجمعك بمن معكي ؟

باي وقت بتمنى يكون الشخص يلى اختاره قلبي يكون معى ، ومو مهم الحديث او انه نحكي مجرد انك تكونى بجوار حدا بتحبي هاد عالم تاني بعتبره

لو كانت لكي القدرة على الرسم فماذا كنتي سترسمين على :

الماء .. ماهرسم اشي ع المى

الشاطىء.. قلب

جدار عتيق .. قلب برضو

شجرة حرف ال m

أحلام الطفولة هل تحقق منها شيء ؟

تحقق صحيح

لو كنتي كلمة ؟ فأي أنواع الكلمات ستختارين أن تكون ؟

السعادة

لو كنتي وجعاً فأي الأوجاع ستختارين أن تكوني ؟

ماهختار اشي

ماهو شعورك وأنت تمشين بجوار مبنى عظيم ؟

شعور عادي

جمع بينكم الحب والمشاعر الراقية والذكريات التي لا تُنسى مابين أغنية وأمنية وقصيدة وحلم
و فرقتكم الظروف لتجمعكم صدفة عابرة لتلتقي نظراتكم بعد طول غياب في لحظات صمت صارخ
وصادق لترتفع بكي أقصى السماء وتلقي بك طريحة الحنين وقبل أن تجمعين شتاتك وتستعيدين
قواك باغتكي بسؤال هل أحببتيني حقاً ؟ ولمحتي بين جفنيه دمعة
فما هو شعورك ؟ وما هو رد فعلك ؟

يمكن تكون الصدمة صدمتين والوجع وجعين والدمعة دمعتين ، من الصعب عليه ك خمر ايلول انى اتعلق بحدا وادخله قلبي بس اذا دخلته من المستحيل انى اتخلي وابيع فهو بسؤاله هيك كانه بيشكك وبيخون ، وممكن بلحظة الضعف هاي ما اسمع سؤاله واستجيب لحنين ومشاعري بوقتها

ميرسي حنين
عوافي

يسسلمو لمرورك واسئلتك نون
نورتى

خَمْر أيلول

08-20-2018, 01:53 AM

نورتي كرسي الاعتراف خمر أيلول

نورك ي قمرى

المشكلة بعرفكككك منيح ههههه
بس معلش بردو هسألك

هههه زيادة معرفة برضو ههه

١/ ايمتا قلبك بيقسى؟

القلب مابيقسي بلحظة ، بس هيه مواقف بتمر بتخلى القلب يقسي من كتر ما عاني واتوجع ، لهيك صعب احدد شيء معين

٢/ قرار أخدتيه وندمتي عليه؟

انه اكتفيت بدراستي وماكملت

٣/ أقرب الناس لإلك ؟

انا

٤/ سبب اختيارك لدراسة تخصص التاريخ؟

لانى بحب التاريخ ، اى شي فيه تاريخ بحفظه ومتل القصة بيمر بعقلي

٥ / شو أحلى سنة مرت عليكي؟

اخر سنة ٢٠٠٩

٦/ شو أخدتي عني فكرة لما شفنا بعض ع الواقع هههه؟

هههه كنت اتخيلك زى السنافر الكرتون هههه بس طلعتى سندريلا
لا جد الحين بنت مرتبة كلها حيوية ، نيال اهلك فيكي

٧/ شو اكتر اشي بتحبيه بنفسك ؟

كلشي

٨/ شخص بتحبيه وصار بينكم مشكلة واعتذر ، بيرجع هالشخص لنفس قيمته ومكانته عندك او بيضل فيه حاجز؟

دام الامر ماتعدى الخذلان والغدر فمكان اى شخص بتبقي متل ما هي لو شو ماصار بينا مشاكل

٩/ سبب اختيارك ل لقب خمر أيلول ؟

بحبه ههه كتير عجبني وحسيت انه بيلبق لالي يمكن لانه انولدت بشهر ايلول او ان الاسم شاعرى نوعا ما

١٠ / قديش بتحبيني؟

انتِ فى حشاشة القلب ي بسسمة

صح مابنحكى كتير بس هاد مش مقياس انه بحبك كتير او لا ، روحك لحالها بتخلى الواحد يحبك

5rr:

يسسعدلى قلبك ي بُسبُس خمر ع قولة ننوش ههه
نورتى ي عسسل

خَمْر أيلول

08-20-2018, 01:59 AM

يا أهلا وسسهلا
نورتي الكرسي كله
عقبال م تقعدي عليه وعمرك 4 سنين ههههههه

راجعتلكك بكمشة اسئلة
بس لتجاوبي ع اللي فوق

يسسعدك ندوش
هههه لا ع الاربع سنين بعمل عيد ميلاد
بتنورى بأي وقت

خَمْر أيلول

08-20-2018, 02:01 AM

خَمْر أيلول

08-20-2018, 02:02 AM

ههههه خمر الحلوة هون
منورة الكرسي ياا عسل ، وكل عاام وأنتِ بخير :09:
هكون متاابعة أكيد
ولي عودة
عواافي حنينو ..

هههه لا والله كنت هناك
وانتى بالف خير ي سسكرة
بتسعدنى متابعتك
بتنورى بأي وقت

خَمْر أيلول

08-20-2018, 02:05 AM

حنينو
دايما بتحشحشيني ضحك
حتى لو كانت طالعة معي للسما
حبيت تقديمك اللزيز
خمر ايلول من العضوات القديرات
انسانة راكزة وواعية وناضجة ومثقفة
وبحب اتابع ردودها
منورة الكرسي يا عسل
وبتسىرني المتابعة

هههه جوزيها لاخوكي خليني اتريح منها
يسعدك شهودتنا الحلوة
وبتسعدنى متابعتك اكيد
نورتى

خَمْر أيلول

08-20-2018, 02:07 AM

اختيار موفق لخمر ليتعرفوا عليها الاعضاء اكثر ،
خاصة انها مميزة ونشيطة بالمنتدى
هتاابع لانو الاعضاء مش مقصرين بالاسئلة ما شاء الله ..

يسسعدك الصياد
شاكرة الك حسن حضورك ومتابعتك
وبتشرف اكيد فيها
نورت

خَمْر أيلول

08-20-2018, 02:23 AM

إذا دخلت مُسابقة وكسبت 5 مليون دولار ماذا تفعل بهم؟

هههه هاد سؤال بينسأل بالله ، بوزع على اخواتي كل واحد مليون وبعيش بالمليون الخامس ع كيفي

إذا فكرت أن تعتذر لشخص ما، فمن هذا الشخص الذي سيقع عليه هذا الاعتذار؟

لنفسي

إذا خيروك أن تُعيد تسمية نفسك فهل تقبل باسمك أم تقوم بتغييرهُ؟

بغيره لانه كل ما احكيه لحدا بستغرب من الاسم كانه جاي من الفضاء

إذا ندمت على فعل شيءٍ ما، ماذا يكون هذا الشيء؟

انه ماكملت دراسات عليا

إذا قالوا لك قم بفعل جريمة ما، فما هي الجريمة التي سوف تختارها؟

ادبح حبتين بندورة واقليهم ، الطبيعي انى ما راح ارتكب أى جريمة

إذا أعجبت بشخصٍ ما، كيف تُظهر له هذا الإعجاب أو ما هي الطريقة التي ستتبعها لتظهر إعجابك به؟

بآمن بمقولة ان كل شيء وهو بعيد جميل ، لهيك ما بصرح لحتى الصورة الحلوة يلى راسمها للشخص تبقي متل ماهي

إذا قمت بالسفر إلى نُزهة خارج بلدك فمن هو الشخص الذي تُحب أن يُرافقك؟

حبيبي

إذا وجدت ورقة بيضاء فماذا ترسم لتعبر عن حالتك النفسية؟

مابرسم اشي ، بخليها بيضا متل نفسيتي يعني

إذا تركك من تحب، هل تعود إليه مرة أخرى أم تتركهُ وتنتظر وقت عودته؟

يلى بروح بخاطره مابيحقله يرجع بخاطره ، ولا بجرى وراه .

إذا جاء شريك حياتك وطلب الانفصال، فماذا يكون ردك وقتها؟

بسأل عن السبب وبعدين بشوف كيف راح تكون ردة فعلي

إذا كان والد يعمل بعملٍ فقير هل تقبل به أو تستعر منه؟

لاء

إذا ذهبت إلى مُظاهرة لتعترض على المشاكل الموجودة بالدولة ما هو الشعار الذي تقوم بالهتاف والمطالبة به؟

يسقط محمود عباس وزبانيته

إذا وجدت الشخص الذي أحببتهُ في يومٍ ما يمسك بطفله، هل هذا سيشعرك بالألم؟

لاء ، لانه وقتها ماهيكون فى مشاعر هيكون متله متل غيره

إذا عرفت أن صديقك المُفضل يحب أختك فماذا تفعل؟

هههه ع اساس انى شب هلقيت

إذا قمت بتصنيف نفسك فهل تختار أنك إنسان سلبي أم إيجابي؟

ايجابي

إذا تعرضت لموقف جعلك مُتهم في ارتكاب جريمة سرقة، وأنت لم تقم بفعلها فما هو تبريرك لتُخلص نفسك من هذه الجريمة؟

المتهم برىء حتى تثبت ادانته

إذا أصبحت رئيسًا للجمهورية فما هو أول قرار سوف تتخذه لتصليح حال البلاد؟

الله اعلم ، تخيل السؤال وانى اكون بمكان رئيس الدولة واخد قرارات مش سهل

إذا وقع عليك الاختيار أن تُصبح من وزراء بلدك، فما هي الوزارة التي تُحب أن تكون رئيسًا لها؟

الاعلام

إذا ذهبت إلى مكتبة مليئة بالعديد من الكتب، ما هي الكُتب التي سوف تختارها؟

كل كتاب هستفيد منه هختاره

يسسلمو اخ ميت لطرح الاسئلة
نورت

ندى الورد

08-20-2018, 10:09 AM

حبيت كل إجاباتك
ما شاء الله عنك
إجابات حلوة ومكتملة
يعطيكِ الف عافية

ندى الورد

08-20-2018, 10:12 AM

1.الحُب من وجهة نظرك..؟!

2.بتآمني بالحب عن طريق النت..؟!

3.رأيك في الصداقة بين الجنسين..؟!

4.شاءت الظروف وحبيبك تقدملك .. أهلك رفضوه ، شو بتكون ردة فعلك..؟!

5.مين أفضل "زواج عن حب ، زواج تقليدي"..؟!

6.لو لقيتي صاحبتك المُقربة بتفشي أسرارك .. كيف بتتصرفي..؟!

بيسان

08-20-2018, 10:42 AM

خمر أيلول '

منورة كرسي الاعتراف ♡

متابعة معكم

بيسان

08-20-2018, 10:50 AM

أي نوع من الشخصيات تجذب انتباهك ؟

آكتر شي بعصب خمر أيلول؟

صفة حلوة بخمر أيلول؟

دولة حابة تزوريها ؟

شخص مش بترفضي إله طلب ؟

m0m3n

08-20-2018, 02:55 PM

منوره كرسي الاعتراف خمر
راح اكون متابع بس
وماراح اطرح اي سؤال
لانو مش محتاج اسئل
اختيار جميل حنين
يعطيك العافيه

lonely heart

08-20-2018, 07:06 PM

يسلمو حنين ع الاختيار الحلو والمميز
خمر من الشخصيات يلي بحبها وبحب وجودها بالمنتدى

منورة كرسي الاعتراف خمر

// شو اهم الانجازات يلي حققتيها بحبيانك وبتفتخري فيها ؟
// صفة ما بتتنازلي عنها بشريك حياتك ولازم تكون موجوده فيه ؟
//شو الشي يلي بخلي خمر تغضب بشدة وتخرج عن طورها ؟
// امتى ممكن تتخلي عن الشخص يلي بتحبيه؟
// شو هي هواياتك ؟
//علاقتك مع النت كيف بدات ومن كم سنه وانت فى هذه الشبكه؟
بكفي هدول ان شاء الله ما اكون تقلت عليكي بأسئلتي

خَمْر أيلول

08-21-2018, 12:18 AM

1.الحُب من وجهة نظرك..؟!

حياة ، عطاء ، امان

2.بتآمني بالحب عن طريق النت..؟!

لاء ما بآمن

3.رأيك في الصداقة بين الجنسين..؟!

مافى شي اسمه صداقة بين الجنسين ، يعنى على فرض صارلي صاحب انا هحكى معه متل مابحكي مع اى صاحبة لالي بكل المواضيع ، مابيزبط ، لكل شي فى حدود ومافى رجل بينظر للمراة نظرة بريئة وانها مجرد صديقة وبس والعكس صحيح

4.شاءت الظروف وحبيبك تقدملك .. أهلك رفضوه ، شو بتكون ردة فعلك..؟!

مابعمل شي بظل وراهم ليوافقو وبكل الاحوال اهلى مش من النوع يلى بيفرض رأيه فى زواج البنات يعنى عندك رغبة فى الشب ودامه منيح بنتوكل على الله

5.مين أفضل "زواج عن حب ، زواج تقليدي"..؟!

الاثنين الهم مميزات ، بس بميل للحب

6.لو لقيتي صاحبتك المُقربة بتفشي أسرارك .. كيف بتتصرفي..؟!

ماهتكون صاحبتي وقتها صفحةةوطويتها

اسئلة حلوة
يسلمو ندوش

ندى الورد

08-21-2018, 12:20 AM

حبيت اجاباتك
يعطيكِ العافية
برجعلك بس تخلصي الباقي

خَمْر أيلول

08-21-2018, 12:20 AM

أي نوع من الشخصيات تجذب انتباهك ؟

الشخصية الجدية المتواضعة

آكتر شي بعصب خمر أيلول؟

الاهمال

صفة حلوة بخمر أيلول؟

ههه الله اعلم

دولة حابة تزوريها ؟

اسبانيا

شخص مش بترفضي إله طلب ؟

زين الشباب يعنى ابو ععيون

يسسعدك بيسوو
على مرورك واسئلتك
ونورتى ي سكرة

خَمْر أيلول

08-21-2018, 12:21 AM

منوره كرسي الاعتراف خمر
راح اكون متابع بس
وماراح اطرح اي سؤال
لانو مش محتاج اسئل
اختيار جميل حنين
يعطيك العافيه

مرورك لوحده بكفيني
نورت

خَمْر أيلول

08-21-2018, 12:28 AM

يسلمو حنين ع الاختيار الحلو والمميز
خمر من الشخصيات يلي بحبها وبحب وجودها بالمنتدى

وانا بحبك وبحب حضورك ي طيبة

منورة كرسي الاعتراف خمر

نورك ي عسل

// شو اهم الانجازات يلي حققتيها بحبيانك وبتفتخري فيها ؟

سؤال بيوجع القلب صراحة لانه اشي بفتخر فيه لسه ماحققت

// صفة ما بتتنازلي عنها بشريك حياتك ولازم تكون موجوده فيه ؟

الالتزام والامانه

//شو الشي يلي بخلي خمر تغضب بشدة وتخرج عن طورها ؟

الظلم والاهمال

// امتى ممكن تتخلي عن الشخص يلي بتحبيه؟

لما يخون

// شو هي هواياتك ؟

القراءة ، احيانا الاشغال اليدوية

//علاقتك مع النت كيف بدات ومن كم سنه وانت فى هذه الشبكه؟

مابعتبر حالى مدمنة نت يعنى وضعي وسط ، الى على شبكة النت من زمان من لما كنت بالاعدادي بس على قد اعمل بحث ، او انزل كتاب يعنى لشي بيخص دراسة ، بس بعالم المنتديات الي سنتين

بكفي هدول ان شاء الله ما اكون تقلت عليكي بأسئلتي

ابدا سعيدة كتير بوجودك واسئلتك
بتنورى باى وقت لونلى
وكل عام وانتى بالف خير

خَمْر أيلول

08-21-2018, 12:29 AM

حبيت اجاباتك
يعطيكِ العافية
برجعلك بس تخلصي الباقي

يعافى قلبك ندووش
بتنورى باي وقت
يا هلا فيكِ

شمس

08-21-2018, 03:16 PM

كيفكك خمر .؟
أسئلتي خفيفة والله :124:
هههه

1/ شو الإشي إلّي حاابة تغيريه في حاالكك ..؟
2/ شخصيتكك هناا نفسهاا بالوااقع واذا لأ في شو بتختلف ..؟
3/ أكثر اسم ولد بتحبيه و أكثر اسم بنت بتحبيه ..؟
4/ممكن تحكمي ع الشخص إلي قبالكك من خلال مظهره الخارجي ..؟ ولأي مدى بأثر المظهر الخارجي في العلاقات اذا كاان بنظرك بأثر ..؟
5/ كم طولك و وزنك و شو نوع جوالك ( هدول أسئلتي الفضولية لأي شخص :128:)..؟
6/ لو أتيحت لك الفرصة للسفر وين بتساافري ..؟

و بس :po3:

خَمْر أيلول

08-22-2018, 05:13 PM

كيفكك خمر .؟

بخير دامك بخير

أسئلتي خفيفة والله :124:
هههه

ههههه مرحبابك خفيقة والا تقيلة مسموحلك كلشي

1/ شو الإشي إلّي حاابة تغيريه في حاالكك ..؟

ما فى شي

2/ شخصيتكك هناا نفسهاا بالوااقع واذا لأ في شو بتختلف ..؟

نفسسها بس مش ١٠٠٪

3/ أكثر اسم ولد بتحبيه و أكثر اسم بنت بتحبيه ..؟

اسم ولد / بحب اسم يوسف وعمر ومجد
اسم بنت / أسماء ، فاطمة ، زينب بحب هاي الاسسماء

4/ممكن تحكمي ع الشخص إلي قبالكك من خلال مظهره الخارجي ..؟

ممكن اخد عنه انطباع وفى الغالب بيكون انطباعي صح

ولأي مدى بأثر المظهر الخارجي في العلاقات اذا كاان بنظرك بأثر ..؟

مابتأثر بقوة او ضعف العلاقة من وجهة نظري لان بالنهاية بهمني الجوهر اكتر

5/ كم طولك و وزنك و شو نوع جوالك ( هدول أسئلتي الفضولية لأي شخص :128:)..؟

ههههه دام هاد فضولك بديش احكيلك هههه

6/ لو أتيحت لك الفرصة للسفر وين بتساافري ..؟

بحب اروح ع اسبانيا

و بس :po3:

يسسلمو نور لمرورك
ما انحرم طلتكك

وتر

08-27-2018, 01:25 AM

كيفك ؟
أمنية بتتمني تحققيها بالمستقبل ؟
مين اقرب صاحبة لقلبك بالواقع ؟
شو رأيك بالأحزاب ؟
ليش بدك حنين تسكر الموضوع ها ليش ؟ ههههه
أكتر شي بيلفتك بالشخص اللي قبالك في لقائك الأول فيه ؟
شو صدمة عمرك ؟
أكتر شي بيستفزك ؟
اكتر مكان بتحبي تروحيه ؟
اكتر حد بتحبي تشوفيه غيري طبعا ؟ ع اساس ليل نهار بتشوفيني ههههه
خمر ايلول وقت تزعل شو بتعمل ؟
شو اللي بينزل دمعتك ؟
مين احلى لعنة فقد ولا خمر ايلول هههه ؟
أقرب عضو لالك بالمنتدى؟ يمنع التعدد بدي اجابة وحدة ، لاني صايرة مشكلجية هاليومين هههههه
اهل ابوكي ولا اهل امك وليش !؟
اشي ندمتي عليه ؟
كيف تعرفتي على عالم المنتديات ؟
خلص بيكفي بلاش تموتيني ههههه

وتر

08-27-2018, 01:25 AM

بخخخ رجعنا هههه

اكتر توقبع لفتك بالمنتدى وحبتيه ؟
اكتر لقب حلو برأيك ؟
اكتر لقب اضافي حلو ؟
اكتر ملف شخصي عجبك ؟
شو بتفضلي صفات شريك حياتك ؟ يختاااي هههه
شو اكتر لون بتحبي تلبسيه ؟
اكتر وجبة بتحبيها ؟
قديش جبتي بتوجيهي هههه ؟

بنت أبوي

08-27-2018, 10:45 PM

اخختيار ححلو ♡
بااككك :77:
يسسلممو عسسولهه
وردهه

بنت أبوي

08-28-2018, 11:33 AM

آججيتككك ناهه :202:
1 \ ممينن اخختآر الكك لقبكك و شو بععني الكك ؟
2 \ ككيفف بتققضي يومكك ؟
3 \ لو ككنتي بتححبي ششوو الششي يلل م بتسسآمححي و مآآ بتنآزلي عنوو
ككرمالل الحبب !
4 \ كـ ععضضوهه فيي مننتدى ششو اللشيي يلل بخخليككي ممراتآآ تغغيبي ؟
5\ لو اعططوككي صصلاحيهه لأيي تغغير ششو بتععملي ففي منتتدىى ؟
6 \ ششو سسبب بسس يككونن علاققاتت خارجج المنتتددى بينن الاعضضاء بيأثثر
90 % سسسلبي ع المنتدى ؟
7 \ ككم نسسبهه ممجاملتكك لأعضضاء ؟
8 \ ككلمهه أو ججملهه لششخصص ببالكك بدونن زككر اسسسمو ؟
9 \ سستآيلكك ففيي اللبسس ؟؟
10 \ ححماسس ششو عملتت لغزهه ؟

بسس نننننن
ووردهه

خَمْر أيلول

08-28-2018, 04:39 PM

كيفك ؟

تمام نشكر الله

أمنية بتتمني تحققيها بالمستقبل ؟

خليها بالقلب لان الاماني كتار بس مصفوفين جنب بعض

مين اقرب صاحبة لقلبك بالواقع ؟

ما فى

شو رأيك بالأحزاب ؟

طبيعي بلد محتل يكون فيه كذا حزب وكذا فكرة

ليش بدك حنين تسكر الموضوع ها ليش ؟ ههههه

هههه اخد وقته وزيادة

أكتر شي بيلفتك بالشخص اللي قبالك في لقائك الأول فيه ؟

اسلوبه وتعامله

شو صدمة عمرك ؟

خليها بالقلب

أكتر شي بيستفزك ؟

الاهمال والنفاق والمجاملة والكذب والاستغلال وكتير شغلات

اكتر مكان بتحبي تروحيه ؟

البحر او ارضنا

اكتر حد بتحبي تشوفيه غيري طبعا ؟ ع اساس ليل نهار بتشوفيني ههههه

هههه كل الناس يلي بحبهم

خمر ايلول وقت تزعل شو بتعمل ؟

مش دايما ردة فعلي وحدة احيانا بسكت واحيانا بكون اعصار

شو اللي بينزل دمعتك ؟

حدا عزيز عليه يزعلني

مين احلى لعنة فقد ولا خمر ايلول هههه ؟

الاتنين حلوين بس خمر ايلول بتمشي مع خيال البنات اكتر ههه

أقرب عضو لالك بالمنتدى؟ يمنع التعدد بدي اجابة وحدة ، لاني صايرة مشكلجية هاليومين هههههه

هههه مهو حددي الاقرب روحيا والا عقليا والا قلبيا

بس بكل الاحوال مؤمن هو الاقرب طبعا

اهل ابوكي ولا اهل امك وليش !؟

الاتنين بنفس الدرجة

اشي ندمتي عليه ؟

ولاشي

كيف تعرفتي على عالم المنتديات ؟

عن طريق مؤمن

خلص بيكفي بلاش تموتيني ههههه

هههههه لا مش لهالدرجة يعنى
بتنورى بأي وقت

خَمْر أيلول

08-28-2018, 04:40 PM

بخخخ رجعنا هههه

هههه اهلا وسهلا فيكي

اكتر توقبع لفتك بالمنتدى وحبتيه ؟

بشكل عام تواقيع الصياد ومؤمن بتلفتني بتكون قصيرة بس بليغة

اكتر لقب حلو برأيك ؟

لقب سمره كنت اول لفتت المنتدى القديم بدى اسمي سمرة بس طبعا ماكان بيزبط ولقب هل كان حبا

اكتر لقب اضافي حلو ؟

ما فى

اكتر ملف شخصي عجبك ؟

مش كتير بفوت ملفات شخصية للاعضاء بس بشكل عام كلهم واحد بحسهم

شو بتفضلي صفات شريك حياتك ؟ يختاااي هههه

ملتزم ومتفهم و انه يحترمنى قبل ليحبني

شو اكتر لون بتحبي تلبسيه ؟

الاسود

اكتر وجبة بتحبيها ؟

ولا وجبة

قديش جبتي بتوجيهي هههه ؟

هههه 77%

خَمْر أيلول

08-28-2018, 05:04 PM

آججيتككك ناهه :202:

ي مليون اهلا وسهلا نورتى والله

1 \ ممينن اخختآر الكك لقبكك و شو بععني الكك ؟

انا اخترته ، لقب حلو وعجبني وبحسه صار جزء مني

2 \ ككيفف بتققضي يومكك ؟

مابين الطبخ والتنظيف والغسيل وفى عزيمة عنا او احنا معزومين او راح يجي ضيوف او احنا راح نكون ضيوف عند حدا فى الغالب بيكون يوك ومتعب وحلو

3 \ لو ككنتي بتححبي ششوو الششي يلل م بتسسآمححي و مآآ بتنآزلي عنوو
ككرمالل الحبب !

مافى دام الطرفين بيحبو بعض مافى شي اسمه تنازل ، بس فى اشمه تفاهم ، انا اتغاضي لتمشي الامور وهيك يعني

4 \ كـ ععضضوهه فيي مننتدى ششو اللشيي يلل بخخليككي ممراتآآ تغغيبي ؟

بالمنتدى مافى شي بس احيانا ظروف خارجية بتاخد كل وقتي فما بيكون فى وقت افوت

5\ لو اعططوككي صصلاحيهه لأيي تغغير ششو بتععملي ففي منتتدىى ؟

بغير الاستايل ، بغير تشكيلة الادارة ، بعطي صلاحيات لاعضاء وباخد صلاحيات من اعضاء ، يعنى شغلات بس نصها مابيزبط يمكن ع ارض الواقع هههه

6 \ ششو سسبب بسس يككونن علاققاتت خارجج المنتتددى بينن الاعضضاء بيأثثر
90 % سسسلبي ع المنتدى ؟

بعتبره خلل فى تركيبة مخ العضو ، يعني المنتدى مش مكان لاكون فى صداقات ، انا بحترم الشخص يلى قبالي هو هيحترمني ، قلبت احترام هو هيتعامل معى بالمثل ، الاشي يلى برات المنتدى بيظل برات المنتدى لان انا سلوكي وطريقة تعاملى مع الاغضاء يلى بتحدد نظرة الاعضاء واحترامهم الي

7 \ ككم نسسبهه ممجاملتكك لأعضضاء ؟

بكل صدق ، 2% لانه متل مابحب حدا يجاملني مابحب اجامل حدا ، والعضو يلى مابتحمله بيبين من طريقة تعاملي معه انه انا مابتحمله ، مابحكى اشي بوجهه ووراه اشي تاني .

8 \ ككلمهه أو ججملهه لششخصص ببالكك بدونن زككر اسسسمو ؟

الله يسعدك

9 \ سستآيلكك ففيي اللبسس ؟؟

شرعي

10 \ ححماسس ششو عملتت لغزهه ؟

ماعملت لغزة اشي بس اللهم انه خلت غزة خط احمر ، اليهود قبل ماكانو بيفكرو قبل ليجتاحو او يغتالو حدا ، الحين توازن الرعب اختلف صار فى لكل صاروخ منهم صاروخ طالع من عنا ، صارت اى حركة بدها تفكير مليون مرة من اليهود ، صارت غزة رقم مهم عند الكل
بسس نننننن
ووردهه[/quote]

كنت بدي اوضح اكتر بالسؤال الاخير
بس اجو ضيوف :6001:
يسلمو ننوش لمرورك وللاسئلة