كوني أميرة👑

[خَمْر أيلول]

جيبيي العطورات وقبل ماتنامي بخي كتير على فرشتك ومخدتك ...
اهتمي بنعومة رجليكي ...اطلعتي شي تطليعة على رجليكي شفتي شو خشنة؟!
.. قومي ع الحمام وانقعيهم وحطي مرطبات ... لأنو كل رجل بيعرف نظافة المرأة من رجليها

كتري شرب مي مي مي ...قلة شربها بيسبب إكتئاب وخمول
واشربي حليب يا ام راس ...اهتمي بالمعادن يلي نقصت منك وماحدا حاسس فيكي ...

لا تآكلي دوم الأكل الباقي من أولادك إعرفي حاجة كل واحد واسكبي شوي شوي ...ولا تشربي من كاسة متوسخة من ورا أولادك سخني الأكل لنفسك وماتتكاسلي وزيني الصحن لنفسك مثل ما بتزينيه للضيف ...

لاتشربي من كاسات بلاستيك وكلي من طقم جديد وكأنك ضيفة..(اعرفي كيف تحبي نفسك)

اشتري لنفسك أكلات خاصة فيكي .... بعيدة عن أولادك وعن أبوهم ...خصصي لنفسك آخر الليل... وخليهم يناموا وارتاحي واسترخي واستمتعي بوقتك

كل أسبوع أو أسبوعين إنزلي ع السوق واتسوقي بيروح ٨٠٪ من اكتئابك ...واشتري ولو كحلة ولاترجعي فاضية ... أي شي بتشتريه بيفرحك ...

عودي جوزك انو يعطيكي دوم مصاري ولو شي بسيط وقليل وهالشي حقك وصمدي واشتري كلشي ناقصك بالترتيب..
لا تضلي تحطي نواقص البيت وأولادك قبل نفسك ...

اتثقفي كتير وحتى تكوني مُلمة بكل شي في هالحياة ...

فوتي ع اليوتيوب وتابعي تفسير القرآن كل يوم صفحة وشوفي البركة بيبتك وحياتك وثقافتك لوين رح توصل بعد سنة ...

وانتي عم تشتغلي شغل البيت كتري إستغفار و لاحول ولاقوة إلا بالله وشوفي كيف الله بيبارك بوقتك وكيف بتصير نفسيتك ... وطبعآ قبل كل هاد حافظي على الصلاة...

[ندى الورد]

ثانكسس حححبي
يعطيكِ العافيةة
نصائح حلوين

[شهد الروح]

واشربي حليب يا ام راس ...اهتمي بالمعادن يلي نقصت منك وماحدا حاسس فيكي ...


ههههه
انت بتؤمر يا جميل
عوافي

[lonely heart]

هههههه
حبيت الكلام
يسلمو دياتك خمر

[هل كان حباً]

ههههه
عجبني الأسلوب
نصائح حلوة
تحياتي لك

[الـبـارون]

نصائح قيمة
وعرضهم بهذه الطريقة جميلة
كل أنثى تحتاج إلى مثل هذه النصائح
لتكون سيدة لبيتها وأنثى لزوجها
شكراً إلك

[الصياد]

نصائح حلوة لحياة حلوة ومنيحة ،
يعطيك العافية ..

[خَمْر أيلول]

شكرا لمروركم الطيب

[جميلة]

شكرا لكم على المنشور

[مصطفى ^_^]

ألف شكر لكم على الانتقاء الطيب