سؤال أدبي .. ؟!

[غمرة]

السلام عليكم 🌼

كيفكم إن شاء الله كلكم تمام :44:

-
من أيام شفت مقابلة لكاتبة نصوص مميزة إلها ثلاث إصدارات بجد مميزة
بس في المقابلة سألها صاحب البرنامج سؤال وهو يمكن نشوفك بالغد ككاتبة روايات
ردّت عليه : أفهم من كلامك أنّو الرواية مستوى أعلى من النّصوص وهو تقريبًا مارد ع السؤال
عارفة التفاصيل مملة بس مهمة كمان لنفهم مغزى السؤال
رأيك أنت كقارئ وع حسب ما قرأت وشفت من كتب

هل الرواية مستوى أعلى في الأدب من النّصوص ؟! لماذا و إذاكان العكس لماذا أيضًا ؟

بس حبّيت أعرف رأيكم ..


والسّلام ❤🌼

[jr7]

الروائي يتفرد بحبكته عن المؤرخ
وهو أيضا عليه أن يتخيل الوقائع ولا ينساق إلى مسارها
النص اسهل دائما من الروايه لانو ممكن اى شخص يألف نص ويمثلو بمسرحية او فلم او الخ .
ولكن الروايات اصعب

تحياتي وهاد رأي

[خَمْر أيلول]

انا بحس ان النصوص أقوى أدبيا من الرواية

الرواية لما أقرأها عيارة عن قصة احداث ، اشخاص ، حبكة ، وفى روايات ضعيفة ممكن ما اكمل نص صفحة منها وفى روايات قوية بتشدنى اقرأها

اما النصوص بحسها بتحكى عن شعور او حدث او شيء خاص بشكل عميق ومتميز بشكل بشد القارىء وبحسه وبيفرض جماله

كمان ممكن ان كاتب النص يكتب رواية قوية مكتملة الاركان ، اما كاتب الرواية صعب انه يكتب نص مؤثر كامل متكامل


سؤالك حلو ذات

عوافى

[غمرة]

الروائي يتفرد بحبكته عن المؤرخ
وهو أيضا عليه أن يتخيل الوقائع ولا ينساق إلى مسارها
النص اسهل دائما من الروايه لانو ممكن اى شخص يألف نص ويمثلو بمسرحية او فلم او الخ .
ولكن الروايات اصعب

تحياتي وهاد رأي

يمكن أتّفق معك
تأليف قصة صعب أحيانا بس قليلين الي بتعبو ع الرواية كتير
هلا تأليف رواية أسهل شي في الادب، أي حد عنده خيالات واسعة بس بحولها ع الروق
بس النّص بكون عنده دايما سحر بشدّك وصالح لتقرأه ألف مرة
وغالبًا بحكي عن شي واقعي ،تأليف نص مو سهل ابدًا وينتج عن أحساس واقعي يتدفق فجأة عندما يصل ذروته

يسلمو كثير لطرح رأيك جرح

منوّر ..

[غمرة]

انا بحس ان النصوص أقوى أدبيا من الرواية

الرواية لما أقرأها عيارة عن قصة احداث ، اشخاص ، حبكة ، وفى روايات ضعيفة ممكن ما اكمل نص صفحة منها وفى روايات قوية بتشدنى اقرأها

اما النصوص بحسها بتحكى عن شعور او حدث او شيء خاص بشكل عميق ومتميز بشكل بشد القارىء وبحسه وبيفرض جماله

كمان ممكن ان كاتب النص يكتب رواية قوية مكتملة الاركان ، اما كاتب الرواية صعب انه يكتب نص مؤثر كامل متكامل


سؤالك حلو ذات

عوافى

وأنا هاد رأيي كمان
بالإضافة إلى عملية التخاطر السلبية التي تحصل حالما تقرأ رواية تصلك فكرة ما دون أن تشعر وغالبا تنضم إلى مبادئك
لأنّه الكاتب بكون عنده هدف ليكتب فكرة ع شكل رواية، بس النّص فضفضة أدبية مافي عندها فكرة معيّنة


وجودك أحلى خمر ..

أنرتِ :kj6:

[هل كان حباً]

وعليكم السلام ورحمة الله وبركاته

انا بشوف الرواية مستوى أعلى من النص الأدبي
النص الأدبي عبارة عن اسطر معدودة تحمل فكرة او مضمون بقالب شعري او نثري
اما الرواية هي بحر واسع وتتطرق للعديد من الأشياء
من ضمنها خيال وإبداع الكاتب ، وقوة مفرداته ، وقوة تعابيرة ، والحبكة والمضمون والفكرة والخاتمة وعنصر التشويق وعنصر الخيال
كل هذه اشياء تشترك في الرواية زائد أنها اطول ومحتاجة تسلسل وتتابع وعناصر تساعد الكاتب على تشويق القارئ حتى لا يشعر بالملل
يعني الأمر مش سهل أبداً
أي حد ممكن يكتب نص ادبي بسيط
لكن مش اي حد ممكن يكتب رواية متكاملة

تحياتي لك
هذا رأيي

[شهد الروح]

بحترم كل اراء الاعضاء
لكني بتفق
مع جرح وهل كان حبا
واجابة مديرنا اقنعتني تماما

سؤال مميز وحلو
عوافي ذات

[الصياد]

بشوف الرواية اعمق واعلى بالنص الادبي ، ومش اي كاتب نصوص ممكن يكتبها ،
لانها بتحتاج لفكرة وعمق وحبكة وقليل اللي بتقنوا هالشيء وبقدرو يشدوكي لتكملي الرواية للنهاية
وتضلك متعمقة فيها بنفس القدر ، النصوص بسيطة وبتعبر عن شغلة محددة بذاتها ..
يعطيك العافية

[غمرة]

وعليكم السلام ورحمة الله وبركاته

انا بشوف الرواية مستوى أعلى من النص الأدبي
النص الأدبي عبارة عن اسطر معدودة تحمل فكرة او مضمون بقالب شعري او نثري
اما الرواية هي بحر واسع وتتطرق للعديد من الأشياء
من ضمنها خيال وإبداع الكاتب ، وقوة مفرداته ، وقوة تعابيرة ، والحبكة والمضمون والفكرة والخاتمة وعنصر التشويق وعنصر الخيال
كل هذه اشياء تشترك في الرواية زائد أنها اطول ومحتاجة تسلسل وتتابع وعناصر تساعد الكاتب على تشويق القارئ حتى لا يشعر بالملل
يعني الأمر مش سهل أبداً
أي حد ممكن يكتب نص ادبي بسيط
لكن مش اي حد ممكن يكتب رواية متكاملة

تحياتي لك
هذا رأيي


وأنا برأيي كمان مش أي حد بقدر يكتب نص نثري متكامل
وحتّى قلّة من هالروايات الي بتحكي عنها
أغلب الروايات الآن عادية لأنّو خيالات الإنسان وقدرته ع التشويق
وكتابة تعابير قويّة عندها حد بتخلّص عنده، بس النّص لأ
مش أيّ حد يقدر يكتب نص ادبي مؤثر وبشد انتباه القارئ



يسلمو كثير لطرح رأيك هل كان حباً

أنرررتْ ..

[غمرة]

بشوف الرواية اعمق واعلى بالنص الادبي ، ومش اي كاتب نصوص ممكن يكتبها ،
لانها بتحتاج لفكرة وعمق وحبكة وقليل اللي بتقنوا هالشيء وبقدرو يشدوكي لتكملي الرواية للنهاية
وتضلك متعمقة فيها بنفس القدر ، النصوص بسيطة وبتعبر عن شغلة محددة بذاتها ..
يعطيك العافية

لأ بالعكس النص هو الأعمق بحكي عن شي واقعي غالبًا
كاتب النّص بحكي عن واقعه
يمكن الرواية كمان عندها فكرة [مهمّة بالنسبة لكاتبها
وغالبًا بتحكي عن شي إجتماعي
بالنسبة لإلي كل الروايات بتتشابه الآن كلها بتحكي عن الحبّ وماجابوا جديد ولا حلّ
وصح مثل ما قلت قليلين الي بكتبوا رواية متكاملة من حيث التعمّق في النّفس الإنسانية والتشويق وإيجاد حلّ مقنع للمشكلة المذكورة ف الرواية
وغالبًا الكتّاب هلا بهملوا الفكرة في منتصف الرواية وبتنقلب رومانسية ، أو تخيّل حل بسيط غير متواجد فالواقع


تسلم كثير لطرح رأيك هنا

أنررتْ ..

[سمره]

انا من وجهة نظري النصوص الادبيه مستواها اعلى،
لإنها بتبقى مختصره، شو يعني مختصره؟ يعني بدك تتعبي لحتى تعرفي اي كلمات تكتبي ! هل كل واحد بقدر يكتب هالكلمتين بنص ادبي قصير ومختصر يلفت انتباه؟ اكيد لاء.
وهذا الاشي مش موجود بالروايه، لإنه الروايه بكون معك وقت قد مبدك لحتى تخلصيها، واوقات منشوف روايات الها جزء اول وجزء ثاني وثالث كمان، يعني الروايات ممكن تكون مسليه اكتر ومشوقه اكتر لكثرة اجزائها لإنك بتصيري تحسي حالك انك عم تعيشي قصه معينه وعم تعيشي احداث هالقصه لدرجه انك ممكن تتشوقي وتصيري بدك تعرفي ايش بدو يصير بالنهاي.
عكس النصوص، مستواها اعلى لإنها بتيجي اقصر، وبذات الوقت ممكن صعب إنها تنفهم.
فش اهون منه تكتبي قصه طويله وتحددي انتي شخصياتا واحداثها وبداياتها ونهاياتها،
فش اصعب منه انك تكتبي نص ادبي من كلمتين يكون مختصر يعبر عن اشي معين حتى لو بدو يكون خيالي بس الاهم يجذب انتباه الكاتب !
معنديش هذيك الخبره بس حكيت من تجاربي بقراية الروايات وكتير انواع من الكتابات.
سؤال اكثر من رائع عفكره.

[غمرة]

انا من وجهة نظري النصوص الادبيه مستواها اعلى،
لإنها بتبقى مختصره، شو يعني مختصره؟ يعني بدك تتعبي لحتى تعرفي اي كلمات تكتبي ! هل كل واحد بقدر يكتب هالكلمتين بنص ادبي قصير ومختصر يلفت انتباه؟ اكيد لاء.
وهذا الاشي مش موجود بالروايه، لإنه الروايه بكون معك وقت قد مبدك لحتى تخلصيها، واوقات منشوف روايات الها جزء اول وجزء ثاني وثالث كمان، يعني الروايات ممكن تكون مسليه اكتر ومشوقه اكتر لكثرة اجزائها لإنك بتصيري تحسي حالك انك عم تعيشي قصه معينه وعم تعيشي احداث هالقصه لدرجه انك ممكن تتشوقي وتصيري بدك تعرفي ايش بدو يصير بالنهاي.
عكس النصوص، مستواها اعلى لإنها بتيجي اقصر، وبذات الوقت ممكن صعب إنها تنفهم.
فش اهون منه تكتبي قصه طويله وتحددي انتي شخصياتا واحداثها وبداياتها ونهاياتها،
فش اصعب منه انك تكتبي نص ادبي من كلمتين يكون مختصر يعبر عن اشي معين حتى لو بدو يكون خيالي بس الاهم يجذب انتباه الكاتب !
معنديش هذيك الخبره بس حكيت من تجاربي بقراية الروايات وكتير انواع من الكتابات.
سؤال اكثر من رائع عفكره.


صح كلامك
كثير اقتنعت برأيك وهاد الي كان بدي أوصل له
حضورك وردّك الأروع سمرة
أنرتِ وأكثر ..