أنآ وطفلي ..

[الماسة]

بعد الارتبااط يتغير منهج الحياة كليا .. تنصب علينا مسؤولية كبيرة قد اغفلنا عنها او لم نعطها اهتماما عندما كنا صغارا ..
الكثير من الناس بعد الزواج يسأل ان حملت جنينا في بطنك ام لم يحن الوقت .. قد يكون هذا السؤال عند تكراره الاف المرات ..سخييفا لا تطيقه ولا تطيق من يسألك عنه .. لانه وبكل بساطة كل الامور تجري وفق ارادة الله ..
بعد 9 شهور من زواجي وبعد مرور هذه الشهوور الجميلةة .. التي عشت فييها قمة الحب والحنان والراحةة .. وبعد تخرجي من الجامعة بشهرين ..
أكرمني الله بأن حملت .. ولم أكن بقمة الاستعجال كالاخريات .. لاني على يقين بان الله سيكرمني بعد انهاء دراستي الجامعية ..
والمفاجأة ! بعد 9 شهور أكرمت بحمل "توأم" ولله الفضل والمنة .. وها انا اكتب مدونتي لأسطر بها مراحل عشتها فترةة حملي وسأعيشها مع اطفالي عندما يأتو لي بالسلامة .. اسأل الله ذلك ..
هنا افتتح مدونتي الثانيةة .. لتكون لي ذكرى لسنواتي القادمةة ..
نبدأ على بركة الله ..

[الماسة]

اليوم بالزبط 2/١/2018 باقيلي شي 14 يووم وأدخل شهري السادس .. بعد معاناة كبيرة وتعب شديد تعايشته في الشهور الأولى ..
الحمد لله على كل حال ..

[الماسة]

في الشهر الخامسس بديت أحس بحركات أطفالي .. شو بجنن هالشعوور .. بجد بنبسسط كتيير بس احس بحركتهم ... مع انها لسسة بتكون خفيفة ..

[مُبتسِم]

جميل يا ام خالد

طلعي كل مشاعرك وخاصة الحين بتحسي بشعور امك لما حملت فيكي

الله يقومك بالسلامة ويتمملك ع خير

[الماسة]

جميل يا ام خالد

طلعي كل مشاعرك وخاصة الحين بتحسي بشعور امك لما حملت فيكي

الله يقومك بالسلامة ويتمملك ع خير
اه والله صح .. كل وجعة وكل تعب بتزكرني بإمي لما كانت حامل فيا ..
بجد امهاتنا نعمة عظيمة بحياتنا ..

ياااارب .. تسلم

[الماسة]

شو يعني إنكك تحملي ؟!
يعني طووول فترةة حملك معدتك مايعةة ومراجعةة وقلبان معدة وفقدان شهية ..
يعني مش بتعرفي تنامي وبتضلك تتقلبي يمين شمال
ولو في شرق وغرب مش حتقصري :( ..
يعني حتحسي بتقل مش طبيعي ..لا عارفةة تمششي ولا تطلعي او حتى تشتغلي شغل البيت ..
يعني كل ما تكوني ساهيةة يمسكك مغصص اضلكك دقايق بس بتصوتي من الوجع وبعدها بيروح ..

يعني حيكون بأحشائك معارك وحرووب بين اطفالك .. وانتي الضحيةة ..

الحمل يعني تعب.. جهد كبير ..قلة نوم ..

[الماسة]

حسسيت الشهور التلاتة الاولى في حملي وكأنهن 3 سنيين ..
يااا باقي الششهوور ارجووكِ اسسسرعي واسسرعي واسسرعي

[مُبتسِم]

طيب لحتى اشجعك ام خالد
راح اكتب بدل حمزة ابو خالد بس هالتعليق...
بابا حبيبي قديش انا و أمك بنستنا اليوم اللي تكون بيناتنا و تنور البيت زيادة زي ما نورته إمك ...
بابا كل يوم ب عِدّ الوقت ثانية ب ثانية و لحظة بلحظة و بقول يا رب اتمم لقانا فيك على خير ...
كل يوم بحكي لأمك اتغدي كويس و كتري لأنو عارف يا بابا انو بوصلك من اللي بناكله
لحتى تشبع و ما ينقص عليك اشي و ما راح نقصر معك و لو كنت ببطن ماما ...
وبتأمل اليوم اللي تشاركنا بالغدا قاعد قدامنا ...
بابا كلهن ٤ شهور و نشوف بعض على خير ان شاء الله ...
فبدي منك ما تغلب ماما و ما توجعها ...
ماما راح ادير بالها عليك حبيبي و ما راح تقصر معك بإشي ...
بابا كل اشي ناقص بحياتي لانك مش فيها ...
بابا أنا بحبك و كلي أمل بربنا انه يكمل حمل أمك بيك على خير و نسمع ضحكات و صرخاتك أملي علينا البيت و نيمك بحضن بابا الدافي و اغنيلك...
تاني مرة بوصيك ب ماما و ما تغلبها لأنو كل كلمة اااخ بتحكيها أمك بتزعلني ...
بترضى انه بابا يزعل ...
ربي يتمملك يا مامته على خير و يطول بعمرك و تقومي بالصحة و السلامة ...