هدايا بتعمل مشاكل

[آلجنّيـــــة]

7 هدايا لاتهديها للشب .. رجاءً عزيزتي البنت لاتهديها للشب

على رأس القائمة:

1_ الدبدوب 🐻: شو بيخطر ببال البنت لما تفكر تهدي حبيبا او خطيبا دبدوب قد راسو.. انو شب طول عرض بفوت بالحيط بهدو بتهديه دبدوب!! والاحلى بتوصيه ينيمو جنبو 😂
تخيلي ابو شوارب لي بنام بطح مفرشخ الرجلين لافف دبدوبك الكيوت وعم يسمع غنية ( مايحرمنيش منك ) والدمعة تنزل ع شواربو من الحنين

2_ بوكيه ورد مع رسالة حب⚘ : اول شغلة حطيا ببالك الشباب مابحبو الورد و بوكيهك هاد رح يعطيه لامو تعملن زهورات والرسالة حتنزت بشي بنطلون وتنمعط بالغسالة هاد اذا ماوقعت بأيد الست الوالدة 👵

3_ قطرميز الرسائل ⚱: هالقطرميز حطي فيه مكدوساتك احسن ماتتعذبي بهالرسايل المصغرة المعطرة لي هو ماحيكون الو خلاق يلعب طميمة ويقعد يفتح كل وحدة بدورا

4_ مخدة ع حرف اسمو: هون تماما رح يحس حالو بالروضة واجتو هدية من معلمتو لانو اخد ١٠ ع الاملاء

5_ بوكيه الشوكولا والسميري والمارشميلو: الشب لما توصلو هيك هدية رح يصير مسخرة قدام صحابو ورح يصير اسمو بالشلة سوسو الوحش 🐂

6_ ماك حراري ☕: هاد لي بس يشرب فيه شي سخن بتطلع صورتك وصورتو انا باكدلك انو هالماك رح يصير مكيال للرز والسكر بايد الست الوالدة

7_جرابات وشحاطة: هون رح يحسك امو تماما 😂😂

عزيزتي البنت ابتعدي عن هالهدايا اذا كنتي تريدين كسب ود حبيبك وخاصة الدبدوب حذاري من الدبدوب

[اميرة]

ههههههههه
نصيحةة هامةة للصبايا

احترسووو بنات

انا عن نفسي ما بتلزمنى

موفقة يارب

يسسسسلموو

[حنين الروح]

هيك هدايا بسيطة بتفرح أي بنت
لكن للشب فعلا مابظن بتفرحه هيك أشياء
مع انه الهدية بمعناها ومهديها مش بنوعيتها وثمنها

شكرا لادراجك
وردي

[خَمْر أيلول]

بالعكس المق الحراري بحسها شغلات مفضلة عند الشباب

شايفة الموضوع بمكان انا


يسسلمو الجنية

[صمت المشاعر]

هههه
فعلا حاجة بتعصب
مشكورة

[هل كان حباً]

ههههه

يعطيكِ العافية

[نور الروح]

أصلا هدول الشغلاات هدااياا بناات وما بصير تنهدى للشبااب
لكن بخصوص مااك حرااري فهااد بتنفع للشب وما بشووف فيهاا أي احرااج
يسسلموو الكك
ماا ننحرم ^^