المشكله بالمصايب ، احزرو مين!

[قصي]

المشكله بالمصايب ، احزرو مين!
الاشخاص اللي بتحكيلهم مصيبتك ، و ردة فعلهم !!
يعني مثلا :
بتحكي لحدا : والله يا كبير انا انصدمت بشخص و طلع عاطل ،،
بقولك طول بالك ( لسا ) رح تنصدم بكتير ناس ، هو انتا لسا شفت اشي!
بتقول لحدا : امبارح انتصب عليي ب الف شيكل !
بقولك هاهاها ولك ( لسا ) رح ينتصب عليك كثير بحياتك!
بتقول لحدا والله انا مريض و سخنان اليوم !
بقولك ييييي لسا الايام جاي و رح تسخن وتمرض ويصيبك حصبة و جدري و بنكرياس!
بتيجي لواحد تاني وبتقولو والله طفران !
بقولك بعين الله يا غالي لسا ما شفت اشي بكرا رح تطفر وتشحد و تأكل من فتات الارض و تشتهي اللقمه اصبر!
بتقول لحدا والله ضربت السياره اليوم !
بيقولك هو انتا لسا شفت اشي؟ لسا الايام جاي ورح تضربها وتقلبها و تلعن ابو شرفها للسياره وتندعس!
بتقول لحدا خالي مات !
بيقولك الله يرحمه طول بالك كلنا رح نموت وخالك الثاني رح يموت وولادو وانتا رح تموت و الجيران والعالم كلها!
طب يا عمي اكذب عليي ، داريني ، احتويني ، اخدعني ، اقنعني انها اخر مصيبه ، اقنعني انو الحياة جميلة و غدًا اجمل ، عيش جو المسلسلات معي ، اسرح فيي ، اعبطني وقلي خلص إن شاء الله اللي جاي احلى 😂
- امثلة الخاطبين :
مالك يا فدوى؟!
اليوم فسخت خطبتي!
طولي بالك لسا رح تخطبي مره ومرتين وتسعة وتفسخي وتطلقي و تنطخي بعرسك و تندعسي!
مالك يا ابراهيم؟!
يا زلمه ابو خطيبتي اكل راسي طلبات!
ييييي هو انتا شفت اشي؟ لسا الايام جاي ورح يطلب منك بلاوي زرقا ، لسا قدامك العرس والفندق والضيافه والبطيخ ، يمكن بكرا يطلب منك تعمل تمرين المِعدة عاللوج!
- مثال الحزينة الحامل :
مالك يا اعتدال ؟
تعبانه شوبانه دوخانه مش قادره مضغوطه قرفانه مش قادره اتحرك!
ولك طولي بالك بعدك بالشهر الاول ، بكرا رح تتعبي وتدوخي ويغمى عليكي و تغيبي ومتعرفيش توكلي ، يييي لسا لما تولدي يمكن تولدي سنجاب بري لونو اخضر بقرط بحرف الواو!
يا عمي داروهم ، صبروهم ، عيشوهم الحياه الحلوه 😂
اخر مثال والله والله 😂
واحد بعرفو ابنو عمرو سنتين وقع وانطبش براسو ضربه خفيفه ،
جارهم بيقولو : لسا ما شفت اشي ، بكرا رح يكبر وينطبش ويندعس ووينفتح راسو و يطلع هامل و يشرب ويتعاطى و ينحبس 😂 الايام جاي !
خلص بس

أرائكم يا حلوين ؟

[غمرة]

ههههههه

لآ الأحسن يبقوا صريحين متل ماهما
أعتقد الموضوع مكانوو بقسم النكت ههه

يسسلموو مشآاعر ،،"

عوآفيي’

[خَمْر أيلول]

فعلا هاي هيه المشكلة

ما احنا عارفين انه لسه ياما ناكل ع راسنا وعارفين انه لسه هننصدم وعارفين ان الدنيا

كلها ابتلاءات واختبارات ، وان الدنيا يوم الك ويوم عليك


بس لما يجي حدا يحكيلي كلام ايجابي ومتفائل راح انبسط ، اما لو حدا ظل يحكي نفس الكلام بسكر السيرة نهائي وممكن ما احكي قدامه اشي بعد هيك لان الواحد مش ناقصه وجع قلب


فيا بنحكي كلمة حلوة يا بنتجمل بالسكوت


حبيت طرحك مشاعر مبعثرة


احترامي

[S T E L L A]

ههدولل نآآسسس اللهه يبععددنني عنهمم dsa2
ككتتيرر فيي هيكك نآآاسسس و مبعرففف
ششوو و منن ششوو اللهه خخالئئهمم هيهيهيي ')
المهمم يبععددوو عننييي
وورددهه

[jr7]

هو في كلام كتير على هاي الناس بس حختصر
هما هدول عاهات المجتمع حقيقي

تحياتي

[قصي]

ههههههه

لآ الأحسن يبقوا صريحين متل ماهما
أعتقد الموضوع مكانوو بقسم النكت ههه

يسسلموو مشآاعر ،،"

عوآفيي’

من المؤكد ان الصراحة هي الأفضل في كل شيء
بس لمين تحكي عاد ^ ^

أشكرك لمرورك

[نقاء]

والله!
يعني اقولك اتحمل هو موقف وبيعدي
والدنيا حلوه وبتجنن
وهيكون اخر موقف سيء بحياتك
وتعيش طول عمرك تستنى الحلو وما ييجي
هههه
لا بمزح
اكيد الحياه فيها هيك وهيك
واحنا لو هونا ع بعضنا وخففنا هموم بعض
حتى رح نشوف المصايب بتهون علينا
والاشي ال مش حلورح نشوفه حلو
بوجود ناس متفائلين بحياتنا
يسلمو ع الطرح الحلوو��

[الصياد]

فعلاً في كثير ردودهم سلبية بعسك المطلوب منهم ،
يعني لما يجي شخص يحكيلك مشكلته او يشكي بكون منتظر منك رد ايجابي
يخليه يتفائل شوية او ينسى مشكلته او ع الاقل تساعده بحالها ،
مش تبينله انه هي لسه جاي الانيل منها ومصايب اكبر ،
يعطيك العافية لادراجك ..

[سمره]

انا لاحظت اغلب الناس بقولوا "بعدك مش شايف اشي" وكإنو هني متأكدين وعارفين شو رح يصير بكرا !
مش يمكن بكرا مخبيلون اشي حلو؟ ليش تفكير هالناس بيضل سلبي؟
الظاهر هني اللي بدن هيك،
لإنه انا عندي قناعه شخصيه بإنو هالموضوع كلو فإيد الإنسان مش اكتر،
الإنسان بإيده بكون ايجابي وافكاروه بتكون ايجابيه وبإيده بكون سلبي وافكاروه بتكون سلبيه.
وفي كمان ملاحظه صغيري بحب احكيها بإنو الإنسان قبل ما يروح يحكي لأي شخص لازم يفكر لمين يتوجه ولمين يحكي عن همو،
لإنه هالشي إلو تأثير، كل ما الإنسان عوّد حالو يتوجه ويحكي مع اشخاص ايجابيين الفكر، كل ما اعطوه أمل وكل ما صار في احتمال بإنه افكاروه تتغير ويصير ايجابي مثلون في كان حال هوي شخص سلبي.
شكرا مشاعر ع الموضوع.