تساؤلات وإجابات

[هل كان حباً]

بحب العب تنس وامارس السباحة

شئ شاغل بالك الفترة هاي ؟

[خَمْر أيلول]

رايق بالي هالفترة


بتحب تسمع مهرجانات مصرية

[هل كان حباً]

لا

هل تعتبر اغاني الراب فن ؟

[خَمْر أيلول]

هو انا الاغانى بحالهن ما بعتبرهن فن لاعتبر الراب فن


شي بس تكون لحالك بيخطر ع بالك

[هل كان حباً]

حجات كثير لا حصر لها


اخر مرة زرتي البحر ؟

[شغف]

من سنتين


تفضل القرأه العاديه بكتب او عبر النت

[هل كان حباً]

الكتب أحلى

رواية قرأتيها وعجبتك ؟

[شغف]

طوق الياسمين

اخر شيء شربته

[أستا]

الارجيلة

مزاجك

[البريئة !]

رايقة

شيء يشغل تفكيرك

[شغف]

حاليا مافي



شخصة عالميه تروق لك

[البريئة !]

القيصر

كيف حال قلبك ؟

[أستا]

للاسف اصبح ميت


نفسها

[شغف]

منتعش


تفضل تمشي عالبحر لحالك او معك احد

[أستا]

لوحدي

افضل اكله بتحبها

[شغف]

مشاوي

وانت

[ملاك الحب]

معجنات

عندكم شتا؟

[القيصر]

بتشتي 5 دقايق وبالاخر بتتندم وبتبطل ههههه


وانتوا

[شغف]

اي


مزاجك

[القيصر]

رايق




اتعشيت/ي

[شغف]

اي


وانت

[القيصر]

نووو لسة والله مكسل هههه




لو وقفت على الباب والدنيا بتشتي شو بتطلب من ربنا

[صمت المشاعر]

مفيش شي معين

مزاجك الان

[ملاك الحب]

رايقة

كيفك ؟

[دفء]

الحمد لله وانت

[صمت المشاعر]

تمام

اجمل شي حصل معك خلال هالسنة

[دفء]

بنتي صارت تتكلم هذا اكتر شيء وفي كتير شغلات كمان
شيء ماحبيتو في عام2020

[وَتــيِنْ]

ككلوو م ححبيتوو
ككيفكك؟!

[ملاك الحب]

الحمد لله

ناوي تطلع اليوم ؟

[وَتــيِنْ]

لاا
واانت؟!!

[بعثرة وجع]

مش بعرف لسه

كيفك .؟!

[ملاك الحب]

الحمد لله

شو افطرت؟

[وَتــيِنْ]

الححمدلله تماام
ووانت ككيفكك؟!!

[بعثرة وجع]

مشششاكسة / بخير الحمدلله

ملاك/ لسسه ما أفطرت ،،

في مطر عندكم .؟!

[ملاك الحب]

عنا الحمد لله

كم صديق الك ؟

[بعثرة وجع]

صديق بمعنى صديق تقريبا 9 اما شلة كبشة

اذا طلب منك تصوير فلم رعب اي دور يليق بك .؟!

[ملاك الحب]

م بحبش افلام الرعب ههههه

امتى صحيت؟

[بعثرة وجع]

الساعة 5 ونص زي كده

لونك المفضل . ؟!

[ملاك الحب]

البينك والاسود والكحلي

لونك الغير محبذ؟

[بعثرة وجع]

الأحممر

كيف مزاجك .؟!

[خَمْر أيلول]

حلو علشان المطر ومش حلو علشان منكدة


اول لتصحي بتفطر وبتشرب قهوة والا ما بجى على بالك الاكل

[ملاك الحب]

اغلب صباحاتي بفطر قبل
قليل جدا اشرب القهوة لحالي عالصبح

كيف قهوتك؟

[بعثرة وجع]

اهم شي يكون مج كبير ههه

لو رجع فيك الزمن لورا لتغير شي بحياتك شو بتغير .؟!

[خَمْر أيلول]

والله ما بعرف اذا كنت هغير شي او لا


بتسمع شي

[بعثرة وجع]

بسمع تلاوات لـ شريف مصطفى

في حد كرهك بسبب شيء سويته لاله . ؟!

[خَمْر أيلول]

على حسب علمى لا.. لانه ماسويت شي لحدا



بس تسمع صوت المطر شو اول شي بيخطر ع بالك

[بعثرة وجع]

سريري واتخبى هههـ


ط نفسسه .؟!

[خَمْر أيلول]

هههه
اول شي بدعى دعوة خاصة
بعدين
الشوكو السخن .. والباطنية الدافية .. وموسيقي هادية


اسم ولد بتحبه

[بعثرة وجع]

ههه بتعملي حسابي بالشوكو يبقى

اسم أمير

كيف تتعامل عندما يطيّل أحدهم النظر إليك ..؟!

[خَمْر أيلول]

تكرم عينك


بخجل هههه مابحب حد يطلع فيه


شي بيعدل مزاجك بسرعةة

[بعثرة وجع]

يسسلموو ^^
ضحكة إليان ومشاغبتها

لو عشقت انسان ما هو من نصيبك ،
تتركه ؟ .. ولّا "تحبه لـ النهايه" !؟

[خَمْر أيلول]

مابترك حدا بحبه بظل ادعى لحد ما ربنا يجمعنا



اكتر حدا بيضحكك

[بعثرة وجع]

إليان والله والصغير

كلمة لشخص ببالك هلاء .؟!

[وَتــيِنْ]

.

[خَمْر أيلول]

ي كفايتي التى لا ابالي بعدها بأي نقصان



اكتر مطعم بتحب تروحله

[بعثرة وجع]

التايلندي ، فهد ،

وانتي .؟!

[خَمْر أيلول]

كلاود سفن .. والليفيل اب .. السنابل




اكلة مفضلة عندك

[بعثرة وجع]

شاورما ، المفتول

وانتي أكتر أكله بتحبيها . ؟!

[خَمْر أيلول]

لملوخية ثم المقلوبةة



ممكن يكون فى صداقة بين شب وبنت

[بعثرة وجع]

لا أؤمن بها قطعاً ..

وانتي .؟!

[خَمْر أيلول]

متلك
مستحيل تزبط


حواء نكدة .. بس نكد ادم اقوي صح والا لا

[بعثرة وجع]

انتي عاكسة العبارة والله هههـ

الزوجة التي تنقل لأمها كل صغيرة وكبيرة في بيت زوجها بحجة ان أمها ادرى بمصلحتها
محقة أم مخطئة ؟؟

[خَمْر أيلول]

لا والله صح هههه


خطأ كبير هالاشي وهاد باب المشاكل اصلا



اغنية معلقة براسك

[بعثرة وجع]

ابتلينا بدنيا غبرة وبخت مايل هه

الك غمازات .؟!

[خَمْر أيلول]

اه عندي


اكتر كلمة بتحب تسمعها من اللى بيحبوك

[بعثرة وجع]

يرضى عليك ، و ضعفان ههه

أكتر فاكهة بتحبي تاكليها .؟!

[خَمْر أيلول]

البطيخ والحمضيات بكل انواعها والموز


اكتر شي بيخوفك

[بعثرة وجع]

النهاية لكل شيء

وانتي .؟!

[خَمْر أيلول]

الموت


بتلعب شدة

[بعثرة وجع]

كتتير .. مبارح لعبت ههه


ما هو السبب الذي يجعلنا نحب شخصا ما من دون أن نعرفه .؟!

[خَمْر أيلول]

لانه بنجهله .. عرفنا الاشي الحلو يلى فيه وكبر جواتنا بالاشي الحلو
يلى شفناه منه .. يعنى بنعجب بشخصية عارفينها ظاهرا جاهلينها باطنا


سبق وبنت عاكستك او صارحتك انها معجبة فيك

[بعثرة وجع]

مرتين صار هالشي ..

ترتيبك بالعائلة .؟!

[خَمْر أيلول]

الرابعة


بتحب السهر اكتر والا النوم بدري

[سارة المصرية]

السهر
كيفك

[وَتــيِنْ]

الححمدلله تمامم
وانت ككيفكك؟!!

[بعثرة وجع]

الحمدلله

بتتحكم باعصابك بكل الامور ؟

[Aseel]

حسب طبيعة الآمر
في شغلآت بتخرج عن السيطرة
\\
لقب بتحب تسمعه
من حد قريب ؟

[بعثرة وجع]

أبو الامير ، يا صاحبي

ما هي الرسالة التي تود أن تصل .؟!

[Aseel]

مش منتظرة رسائل من حد
\
آقتباس يروقك

[بعثرة وجع]

يحرق كل أوراقه ليُضيء مساحة لا تستحق .!

متى تنتهى الأحلام .!؟

[Aseel]

لمآ تستيقظ صبآحاً هههه
..
عندمآ يتوقف النبض
\
متله

[مروة صيام]

لما نبطل نحلم

شو غداكم

[وَتــيِنْ]

مملفوفف
مكيف ييومكك؟!

[مروة صيام]

مثلنا ههههه
اكيد مع هالبرد
شو مشروبك لهيك جو

[نقاء]

كاكاو
بتحب الحليب؟

[القيصر]

ييييع لااااااااااااا




بتحب الشاي

[نقاء]

اااااه
بتشرب اكتر شاي والا قهوه؟

[القيصر]

شااااي



ما بشرب قهوة ابداً




نفسه

[بيسان]

مش بحب الشاي بشرب قهوة بس


كيفك !

[القيصر]

تمااااام الحمد لله


اتعشيتي

[نقاء]

كنت صايمه وافطرت
وانت/ي؟

[القيصر]

ربنا يتقبل منك يارب

[سارة المصرية]

فين السؤال

كيف الجوعندكم

[القيصر]

الجووو حلو مائل للبرودة الحلوة هههههههه




وانتم

[سارة المصرية]

كل شوية مطر
تحب المطر

[القيصر]

ياسلااام ياسلاام هو في احلى من المطر


وانتي

[سارة المصرية]

احبه كتير
كيف اكتشفت المنتدى هنا

[نقاء]

احبه كتير
كيف اكتشفت المنتدى هنا

روحي ع اسال العضو اللي ببالك
واقرأي
بلاش يضل يحكي الزلمه..ههه

[نقاء]

كم عمرك؟

[القيصر]

احبه كتير
كيف اكتشفت المنتدى هنا




هههه والله صدفة كتبت منتديات فلسطين طلع هالمنتدي ضمن الخيارات


فتت لقيتكم قلت خيااااااااااااااااااااااااااااااانة ههههههههههه

[سارة المصرية]

هو اساسا كل ماسال سؤال
يجاوب ويرد السؤال يا بنفسه أو انتي .خليه
يحكي مش مشكله هههه صح القيصر

نغير السؤال
صفه حاببهابشخصك وصفه مش حليبها بشخصك بردوا

[سارة المصرية]

هههه والله صدفة كتبت منتديات فلسطين طلع هالمنتدي ضمن الخيارات


فتت لقيتكم قلت خيااااااااااااااااااااااااااااااانة ههههههههههه
ال خياااانه ال
هههههه

[دفء]

حابة كلش




مزاجك

[القيصر]

هو اساسا كل ماسال سؤال
يجاوب ويرد السؤال يا بنفسه أو انتي .خليه
يحكي مش مشكله هههه صح القيصر

نغير السؤال
صفه حاببهابشخصك وصفه مش حليبها بشخصك بردوا


ههههه الله يسامحك يارب


حابب اني ما بختلط بالناس كتير


مو حابب صفة بعصب بسرعة

[القيصر]

مزاجي عال العال


شو عشاكوا

[سارة المصرية]

مش باتعشا القيصر
طيب اكثرشيئ يعصبك وماهوالشيئ اللي يروقك لوعصبت

[القيصر]

اكتر شي بيعصبني حدا يكفر قدامي


اللي بيروقني كلمة حلووة


بتشربي عصير طبيعي ولا مشروب غازي

[سارة المصرية]

احب عصير ويكون فرش
اكتر اكله تحبهاوالعكس

[القيصر]

بحب ملوخية وباميا


بكره البازيلا كره عمى هههه




لو عاد فيكي الزمن شو اول شيء رح تغيريه

[شغف]

ولاشيء

متله

[سارة المصرية]

اغير شيئ وحيد بس سر

نفسه ههههه

[القيصر]

ماشي يا ام الاسرار هههههه


رح اسافر من هالبلد دون رجعة هههههههههه


بتنامي على طول ولا بتضلي تتطلعي على سقف الغرفة هههههههه

[سارة المصرية]

هههه لا مش بانام علطول الااذا كنت مرهقه

ماذا تفعل لو جه صديقك وضربك كف دون أسباب

[القيصر]

ولا حاجة بسيطة كف تاني بنيمه بغرفة الانعاش




نفسه

[سارة المصرية]

ههههه بالله شرير انت القيصر دا صديقك
لو أنا راح أمثل عليه أنه أغمي عليا واخضه وبعدين اضربه نفس الكف هههه

موقف صعب تنساه

[القيصر]

ههههه رح تضربيه نفس الكف؟؟؟ يعنى انتي مش شريرة ؟؟ هههههههههههه


لما كنت رح اموت من حادث شاحنة فاتت في السيارة تبعتنا ربنا ستر صارت السيارة تلف تقوليش في ملاهي







شو اكتر شي بيدايقك من الناس

[سارة المصرية]

النفاق والمجاملات الكذابه

امامك طفل صغير يبكي تائه
ورجل كبير اعمي محتاج مساعدتك
قدامك خيار وحيد للمساعده تختار مين

[القيصر]

الطفل
لانه الطفل رح اساعده لانه لا حول ولا قوة له وما بيقدر يتصرف



الرجل الاعمى الكبير ممكن يطلب مناجاة او شي ويطلع منها






شو احلى صفة فيكى واسوأ صفة

[سارة المصرية]

بسيطه ديه الاحلا الاسوأعصبيه

بعد ماشفت الموت بعينيك ايه العظه اللي خرجت بيها

[القيصر]

ان الدنيا لا تساوي جناح بعوضة




كم دولة زرتي

[سارة المصرية]

اتنين
أمنية تتمناها

[القيصر]

اطلع من غزة هههه




نفسه

[سارة المصرية]

اوصل برؤى بر الأمان
اخرتطورات كرونا عندكم

[القيصر]

اكتر من الهم ع القلب صارت هههههههه


بتخافي من الموت

[سارة المصرية]

باخاف اموت وبنتي لسه ف احتياجي أنا
غير كده ابدا

اكثر ما يؤلمك

[القيصر]

الفقر اللي بشوفه بوجوه الناس


وانتى

[سارة المصرية]

دمعة طفل يتيم اومحتاج
اول مايلفت انتباهك للشخص

[القيصر]

ثقافته وكلامه




عمرك انخدعتى باصحابك

[سارة المصرية]

حصل
كم نوبة بحياتك انغدر فيك

[القيصر]

لاا ولا مرة لانه بعرف الشخص على شومعجون قبل ما اصاحبه هههه


شو اسم بنتك ومين سماها

[سارة المصرية]

اسمها ريوان
وانا ادلعها برؤى
أنا اللي اخترت اسمها

مبدأك بالحياه

[القيصر]

اسمها حلوووو ربنا يحفظها



مكتوب تحت اسمي ههههه طنش تعش تنتعش






نفسه

[سارة المصرية]

البساطه العفويه مااخافش غير من اللي خلقني
عندي قناعه أنه ديما النهايات راح تكون حلوه

كلمه تحب ديما تسمعها

[القيصر]

الله يرضى عليك بس زمان ما سمعتها من سنة ونص لما امي اتوفت




نفسه

[سارة المصرية]

الله يرحمها اسفه اخي

أنا هاقولها لك الله يرضى عليك يارب

كلمه مش بتحب تسمعها

[القيصر]

الله يسعدك يارب




مابحب اسمع اي كلمة فيها احباط او تشاؤم




بتحبي الاغاني

[سارة المصرية]

مش كل الاغاني

تحب تسمع موسيقي

[القيصر]

ايوة خاصة القديمة


بتحبي الشعر

[شغف]

كثير

مطرب مفضل لك

[القيصر]

قديم فريد الاطرش وعبد الوهاب


جديد كاظم




نفسه

[نقاء]

فيك تقول شيرين
في صلاه بالمساجد عندكم اليوم؟

[القيصر]

نعم


وانتوا

[نقاء]

لاء
اليوم الصلاه في البيوت
شو غداكم اليوم
وشو عادة بتطبخو الجمعه

[هل كان حباً]

غدانا اليوم محشي
وما في شئ معين بنطبخه كل جمعة

اكبر انجاز حققتيه في حياتك ؟

[قمر الماما]

لساتني لهلأ


شو أكتر صفه سمعتا عن حالك من ناس?!

[هل كان حباً]

محترم

وانتِ؟

[شغف]

طيوبه

موهبه حاب تكون عندك

[البريئة !]

الرسم

و انت

[دفء]

تصميم ازياء


مزاجك

[شغف]

رايق

وانت

[دفء]

مليح




آخر شيء اشتريتو

[شغف]

غزل البنات


تفضل غروب الشمس اوشروقها

[القيصر]

الغروب حلو كتييييير

كيف يومك

[البريئة !]

كتير حلوو


عندكم اغلاق بالمدينة ؟

[القيصر]

تقريبا زي يوم وقفة عرفات ههههههه




نفسه

[نقاء]

عنا المفروض اغلاق
بس العالم م بتلتزم
شو كان غداكم؟

[القيصر]

أوزي


وانتي

[نقاء]

مقلوبه
بتعرف تطبخ؟هه

[دفء]

نعرف








آخر شيء عملتيه

[القيصر]

اكلت مكسرات


بتسهر/ي

[نقاء]

مش كتير
بتصحى بدري؟

[شهد الروح]

من النجمة بصحى ههههه

لو عندك بنت بتضلها نايمة للاربعة العصر
كيف بتتعاملي معها

[القيصر]

لااااا




نفسه

[صمت المشاعر]

بس يصير عندي بقرر شو اعمل

اخر مكان رحته

[صمت المشاعر]

بس يصير عندي بقرر شو اعمل

اخر مكان رحته

[شهد الروح]

دار سيدو

شو اجمل
العيش ببلد اوروبي او عربي
وليش

[صمت المشاعر]

بلد اجنبي ، الحرية ، توفر العمل ، تقدير الكفاءة العملية والمواهب وشغلات ثانية بس الغربة بتحرمك شغلات كثيرة منها العيلة

مكان سافرت اله وعجبك

[شهد الروح]

حسرة عليي
ما رحتش الا العراق بالتسعينات
بس حلوة كتير ودار خالو كان حلو

لو صح لعيلتكم كلها الهجرة
وين بتفكروا تروحوا

[صمت المشاعر]

عيلتي الهجرة وضد اني هاجرت

بس لو فكرو بسحبهم عندي او كندا

اكبر مبلغ صرفته كم كان وعلي شو صرفته

[شهد الروح]

اربعين دينار يمكن
اقتصادية وع قدي ههه
كلو لبس

نفس السؤال طيب

[صمت المشاعر]

مو حابب اقول قديش بلظبط وعلي شو بس مبلغ يفوق ال1000$

شخص بتحب كل يوم تكلمه شو بصير بيومك

[شهد الروح]

صديقي واثمن ما بحياتي
بكركعله راسه وبحب احكيله كل اشي صار بيومي

عندك انسان حاطك بكفة ومطلع العالم كلو برا
كرمالك

[صمت المشاعر]

كانت امي

نفسه

[شغف]

اه في


كيف الاجواء عندكم

[البريئة !]

الجو بارد لكن بدون شتا


بتتوقع رح يصير اغلاق كامل بالأيام الجاية .؟

[القيصر]

لااا كله تعايش رح يصير




اتعشيتي

[دفء]

نعم



عندكم ريح ؟!

[هل كان حباً]

لا

اكثر صفة تحبيها في نفسك ؟

[دفء]

الهدوء



نفسو

[هل كان حباً]

ملتزم بمواعيدي

اكثر صفة تكرهها في المجتمع الي عايش فيه ؟

[دفء]

النفاق

عندك اعداء؟

[هل كان حباً]

هههههه
ليش يكون لي اعداء
انا انسان بسيط وفي حالي مش مستاهل انه يكون لي اعداء

ما رأيك بالمعاملة بالمثل ؟

[دفء]

لا مش اعداء هيك يعني حد غيران منك او مايحبكش او حسود
هذا قصدي

المعاملة بالمثل دواء لبعض الناس

أمنية تشوفها شبه مستحيل تتحقق

[هل كان حباً]

اه فيه
ربنا يكف عنا شر كل حاقد غيور خبيث

مش عارف حجات كثير صعب تتحقق

كم وزنك ؟

[ملاك الحب]

٦٧

سؤال م بتحبش تجاوب عليه؟

[القيصر]

عادي بجاوب على اي سؤال


اتعشيت

[ملاك الحب]

اه ساندويشة

بتحب اي نوع جبنة؟

[القيصر]

البيضا الطبيعي ازكى شي


بتحبي القهوة

[ملاك الحب]

اه اكيد

اي نوع مشروب سخن بتفضل؟

[القيصر]

بحب الشاي اكتر شي والباقي عادي.. بس القهوة ما بشربها ابداً


كم ساعة بتنامي باليوم

[ملاك الحب]

م بعرف بين ٦ وال٨ ساعات

وانت؟

[القيصر]

بنام الفجر او بعد الفجر وبصحى على 10 ونص او 11 هههههيعني 6 ساعات خير وبركة هههه


شو بيعجبك بشخصية ادم

[ملاك الحب]

كرمه واسلوبه بالتعامل ومرحه

شو اللي ما بعجبك بالجنس الاخر؟

[القيصر]

النفاق والنميمة





كم وجبة بتاكلي باليوم

[ملاك الحب]

تنتين وعند امي تلاتة nos4

نوع اكلها بتحبها فيها رز؟

[القيصر]

هههه دايماً العز عند الام مش الزوج هههه



أوزي أو جاج محشي رز




وانتي

[ملاك الحب]

محاشي ومجدرة ومقلوبة بتنجان واوزي برضو

نفسك تتركه ومو قادر؟

[القيصر]

النوم المتأخر بس مو قادر هههه




متزوجة وعندك اولاد ولا لسة

[ملاك الحب]

بقولو

شي مدمن عليه؟

[القيصر]

السهر للأسف


نفسه

[ملاك الحب]

سهر ..جوال ..الحلو

شي لازم تاكلو كل يوم ؟

[القيصر]

يمكن تضحكي عليا بهاي

لازم الخبز يكون موجود.. ممكن اكل معكرونة اندومي ملفوف اي شغلة بس لو اضطريت اكلها بدون خبز بعد ساعة لازم اكل تاني.. بعتبر أي أكلة بدون خبز بتكون زي الحلوان أو المقبلات ههههههه




شو القرار يللي اندمتي عليه

[ملاك الحب]

جاوبته بكرسي الاعتراف:lu7:

شي بتسعى لتحققه؟

[القيصر]

اطلع من غزة لو على الصومال المهم اطلع هههههه


نفسه

[ملاك الحب]

نفس الجواب بس ع تركيا

شي حققلك ؟

[القيصر]

مهو انا ع تركيا وقريب ان شاء الله


بحاول احقق اللي بتمناه ان شاء الله




هل انضريتي من اقرب الناس الك

[ملاك الحب]

انشالله
اي للاسف

عندكم اغلاقات ؟

[القيصر]

الحمد لله البلد فاتحة كأنه يوم وقفة العيد هههه


وانتم؟

[ملاك الحب]

من مبارح حركة واقفة وممنوع تجول
لبعد بكرة

عمرك فحصت لكورونا؟

[القيصر]

لا لا


مابحب اسلم على حدا ولا اقرب على حدا هههه




وانتي

[ملاك الحب]

اي عملته

لون يغلب ع ملابسك؟

[القيصر]

صراحة بحب الاسود كتييير باللبس


بتحبي الهدوء ولا الضجيج

[ملاك الحب]

اكيد الهدوء
اكتر شاعر بتحب تقرأ له؟

[القيصر]

بحب شعر احمد رامي يللي تجسد بأغلب اغاني ام كلثوم

كمان اغاني كاظم الساهر يللي تجسدت بشعر نزار قباني




نفسه

[ملاك الحب]

محمود درويش واحمد مطر ونزار قباني

عمرك كتبت شعر او خاطرة؟

[القيصر]

اه والله بس من مدة وما عاد كتبت تاني


بتتابعي مسلسلات او افلام

[ملاك الحب]

حاليا ولا شي بتابع

وانت؟

[القيصر]

انا بحب المسلسلات القديمة يعني لن اعيش في جلباب ابي .. مسلسل الوتد.. الناس في كفر عسكر..

بحسهم مسلسلات هادفة جدااا


لو رجع فيكي الزمن ورا شو كنتي رح تعملي شغلة او تتراجعي عن شغلة

[ملاك الحب]

برضو جاوبته بالكرسي هههههه
نوع تسالي مفضل عندك؟

[القيصر]

الكاجو والبزر


بتفطري ولا بتصحي مش جاي ع بالك الاكل

[ملاك الحب]

هيك وهيك مرات بفطر عطول ومرات بفطر بعد الضهر

بتحب الشاي بنعنع او بمرمية؟

[القيصر]

بالاتنينلكن النعنع ازكي طبعا


نفسه

[ملاك الحب]

ما بشربه ابدا

اكتر مكان بترتاح فيو؟

[القيصر]

البحر ولحالي كمان


بتحبي دار عمامك ولا خوالك اكتر

[ملاك الحب]

خوالي اكيد
تصبح على خير

[القيصر]

وانتي بالف خير يااارب

[سكون وانين]

كيف اصبحت

[هل كان حباً]

الحمد لله

شئ عليك فعله اليوم ؟

[نقاء]

ولا اشي غير الروتين اليومي
كيف الجو عندكم اليوم؟

[هل كان حباً]

متقلب

عندكم مطر ؟

[نقاء]

لحد هلاء لاء
بس شكلها ناويه.
بتحب تطلع بالمطر؟

[Aseel]

بحب
\
نفسو ؟

[سكون وانين]

عادي

شي شاغل تفكيرك

[نقاء]

ولا اشي
شو كان غداكم؟

[القيصر]

همبرغر


وانتوا

[نقاء]

مقلوبه
من وين انت؟

[القيصر]

من غزة


وانتي

[نقاء]

من الخليل
عمرك اطلعت برا غزه؟

[القيصر]

لا والله للاسف بس ناوي قريب




كم دولة زرتي

[نقاء]

٣
بتشتغل؟

[القيصر]

اه في مجال الابحاث والرسائل وهيكا


شو اكتر اكلة بتكرهيها

[نقاء]

محشي الباذنحان
وانت/ي

[القيصر]

البازيلا هههه


مين هو كاتم اسرارك

[نقاء]

اختي
هل لديك سر تحتفظ فيه لنفسك فقط

[lonely heart]

لا

كيفكم ؟

[نقاء]

الحمد لله
كم وجبه بتاكل..وبالشتا بالتحديد؟

[القيصر]

عادة مرتين مرة الضهر ومرة بالليل


بالشتا بيصيروا تلاتة ضهر وليل وليل ههههه






نفسه

[نقاء]

حلوه وليل وليل..هه
فعلا لانه الليل تلات ليالي
لا انا بس ٣ وجبات
كم وزنك؟

[القيصر]

تقريبا 85 بس بالمقابل مو باين عليا لانه طولي 182 تقريبا يعني الطول بيفرق ههه


وانتي

[نقاء]

ما شاء الله
انا قزمه جمبك..ههه
وفهمك كفايه..ههه
مبسوط بالمنتدى؟