تفسير الاحلام و مفسرو الاحلام

[حنان]

احنا ع طول و كل حظا فينا مرات بشوف منامات و احلام
وبنروح مشان نفسرها عند شيوخ تبع الدين او بنشوف ع النت تفسير الاحلام
لمفسرين
و احنا بنلاقي لكل اشي تسفير بس يا ترى احنا نعتمد ع هالتفسيرات ع طول
و احنا لما نجي نشوف نلاقي كل مفسر مفسر رؤية شي ع حسب رأيو
يعني احنا معقول نعتمد ع هالتفاسير
و كيف نتاكد انو تفسيرهم
وهنن ع اي اساس يفسرو الاحلام
برايكم انتو شو رايكم بتفاسير الاحلام و انو ع طول بنصدق تفسير حلم ولالا و اينتا لازم نصدق انو صح التفسير

لا تضربوني بس سؤال و حبيت اعرف هههه لانو شفت حلم ههه و رحت شوف تفسيرو لقيتو مو حلو لهيك هههه

فهمتو موضوعي ولالا ههه

[وردة الياسمين]

اول شي الموضوع حلو كتير للنقاش
تاني شي موضوع الاحلام فيه عدة جوانب للتوضيح وهوي فيه عندك فرق بين الحلم والرؤى والكابوس
الكابوس بكون من الشيطان ما نختلف عليه واحيانا بكون حديث نفس فبيجي بالحلم الشي الي نتمناه وخايفين منه
الرؤى بكون باينانه فيه بشارة او توضيح او حل لموضوع ما بحياتنا وفيه احلام مجرد احلام وتمشي
ما فينا ننكر الاحلام وتفسيرها واكبر دليل سيدنا يوسف لمن فسر الحلم للفرعون السجناء الي كانوا معه وفيه احاديث عن الرسول برضه كان بفسر فيها بعض احلام وهنن الي نسميها بالاصح الرؤى
المفسرين كتروا والاغلب يتبع تفسير ابن سيرينوالنابلسي وهنن اشهر شي بتفسير الاحلام لكن فيه مسلا اياد العدوان بفسر اشيا جديدة ظهرت حسب عصرنا الي نحنا فيه متل اللاب توب والفلاشة وغيره
بتفسير الحلم اذا قلبك قلك انه رؤى من ربنا اتبعي قلبك بالتفسير ولنفسي اتبع هاي الطريقة واحيانا بشوف من النت شو بعني الاشي وبفسر من قلبي وكتير بكون صحيح والحمد لله

[حنين الروح]

تفسير الاحلام مش أي شخص بقدر يفسر
لازم يكون ع علم ودراية بعلوم الدين قبل علوم النفس والفلك
ولازم بعد تفسير كل حلم يحكي والله أعلم لأنه تفسيره مجرد تخمين وتنبؤ مش أمر واقع مفروض
ممكن يصيب وممكن يخطئ

أقرب تفسير للصحة هو تفسير ابن سيرين

كتير احلام بنشوفها وبكون نفسنا نعرف تفسيرها في منها بتفسر لحاله
وفي بتفسر بدون مانفهمه وأكثرها أضغاث احلام وأمور بنفكر فيها
بحولها علقنا الباطن لأفكار بتراودنا ع شكل أحلام
الحلم اللي بتفسر أو بالأحرى اسمه رؤيا لأنه الرؤيا من الله والحلم من الشيطان
بكون له مواصفات معينة مثل انك تشوفي بمنامك شي حلو وتبنسطي فيه وتحسي انه هذا هدية من الله لك
لكن لو حلمتي بكوابيس أو أشياء مزعجة وخوف هذا من الشيطان لازمك تثفلي (تتفي أو تبصقي) ع شمالك 3 مرات وقولي أعوذ بالله من الشيطان الرجيم
اما لو كانت احلامك بلغتنا العامية أحلام هبلة مالها معنى فبتكون هذه من حديث النفس والعقل الباطن ومالها تفسير
والحلم اللي لما تصحي بتنسيه أو بتنسي تفاصيله كمان مابتفسر والله أعلم


انا هذه المعلومات اللي عندي ان شاء الله أكون أفدتك
يسعد أوقاتك حنان

[سمره]

انا هذا اللي بستغرب منه بإنه كل شي بالحياة منحلم فيه ببقى إلو تفسير، حتى النقطه فالحلم إلها تفسير !
ما بعرف قديش مصداقية هالتفسيرات وبتهيألي اغلب الناس بتصدقون وبتآمن فيون،
مع ما بكون في اشياء اللي تخليون يضمنوا كل هالتفسيرات إنها صحيحه او مجرد تفسيرات انكتبت لتلعب بعقول الناس.
انا عن نفسي مش كتير بهتم للأحلام اللي انا بحلمها رغم انه اوقات كتير بحلم اشياء غريبه او اشياء بتخوف، ولا بهتم للتفسيرات والدليل إنه الإنسان كل يوم ممكن يحلم اكتر من حلم !
بس اللي متأكده منو إنه الإنسان لمن يحلم، او بيحلم بالماضي واشياء مرقت، او بيحلم بالحاضر وبالاشياء اللي هو عم بعيشها فالوقت الحالي او بيحلم بالمستقبل بأشياء اللي فعلا رح تصير بس بيضل علامة استفهام.
شكرا حنان ع الموضوع.

[هل كان حباً]

ما عندي خلفية ومعلومات كافية عن هذا الامر لأقدر افيدك او اناقشك
ان شاء الله تجدي ضالتك
تحياتي

[الصياد]

تفسير الاحلام حلم ومبني ع القرأن والسنة النبوية تقريباً واجتهادات العلماء ،
وتفسير الرؤى كانت معجزة سيدنا يوسف " عليه السلام " ف اكيد هي مش عبث ,
لكن شخصياً بدورش ورا احلامي لانها اغلبها ان ما كانش كلها اضغاث احلام ..
يعطيك العافية ..