[ نققآشش بـ مششكلهه حدثتت في الأردن ] ☺

[S T E L L A]

السسلآمم عليكمم
ممكنن نتآقشش ففي ههآد المشككلهه و ففي رآيككمم مينن تصصرففو الغطط
ولو سسارتت مععكك كـ بنت ششبتعملي ؟
و نتاهه كـ ششب ششو تصرفكك ؟


وقعت مشاجرة بين شاب وفتاة صباح الاربعاء في العاصمة عمان ، على خلاف بينهما حول من يجلس بالمقعد الامامي بأحد سيارات سرفيس اربد - عمان .
وفي التفاصيل ، طلبت احدى الفتيات من شاب كان يجلس في المقعد الامامي باحد السرافيس العاملة في العاصمة عمان في مجمع الشمال ، ان يجلسها مكانه و يجلس بجانب شابين في المقعد الخلفي ، حيث اثار ذلك امتعاض الشاب من طلبها و قال لها ' ارجعي اركبي ورا'.
وقال الشاب للفتاة : لست مضطرا للجلوس في الخلف اذهبي واركبي بسرفيس آخر ما أثار غضبها ، و بعد ان يأست من الشابوقبل جلوسها خلفه مباشرة بصقت في وجهه ، مما اثرا غضبه فالتف اليها الشاب ولطمها على وجهها وخرج مسرعا من المركبة ، حيث وجه العديد من الاشخاص اللوم و الشتائم على الشاب لإقدامه على هذه الفعلة بحق الفتاة و طلبوا منها ان تتقدم بشكوى بحقه.

بــآإي

[شــام]

أنا بشوف انو هياا يلي غلطت لأنو هو يلي
سابقها وقعد بالاول وهي بلكي استحت من جلوسها جنب شابين ورا
فطلبت منو انو يرجع وهو رفض
هو عديم نخوة وما حس ع الصبية انها مستحية من الشباب وهالشي
مافيها تغيرو بلحظة
وبالاخر هو حر هي طلبت وهو الو حريتو بالرفض
فما كان لازم تهين نفسها خصوصا وهياا مفروض فهمت انو عديم النخوة ما بيتأمن بردود أفعاله وماكان لازم تتسرع وتبصق عليه لأنو هو كمان الو كرامة وخصوصا انو بوسط عالم وناس والمرجلة لازم تبين
واكيد هالشغلى بتفقدو صوابو وهاد ياي صار وفلئها كف ع وجهها
يعني هيكك حلوو ؟
انا مو معها ولو بمحلها بطلب بكل احترام لو رفض
باخود السرفيس يلي بعدوو
ممنونتكك

[حنين الروح]

كبداية تصرف البنت سليم وتصرف الشب خطأ
لكن طالما شافته معند تختار سيارة ثانية أو تركب ورا بدون ماتعمل اي شي
مش أخلاق بنت تبصق بوجه شبه بالشارع رغم انه بستاهلها
صارت معي كتير بس الفرق انه كان الشب من تلقاء نفسه يرجع ورا بدون ماأطلب منه
شباب غزة شهامة ورجولة ودم حامي
لكن سواقينها اللهم عافينا
يعطيكِ العافية ننوش

[شهد الروح]

يعني بتفق مع الصبايا
هلا هو الشب ما عنده ذوق
يفترض انها اخته؟؟ليش الناس ما بتفكر من هالمنطلق
بلاش اخته.بنت ما بعرفها ...ليش ما يكسب اجر ومن حالو يرجع لورا طالما قاعدين شابين
شكلو كاين معصب من الشوب
شافته ماله خلق يحكي مع حد تتجاهله وبالناقص منه ومن جميلته
هي غلطت وكتيييييييييييييييييير لما بصقت ب وجهه .ك ردة فعل طبيعية ومتوقعة يردلها ذات الشي
..يعني حلوة مثلا يردلها اياها ويبصق بوجهها..
بس هو كان عنيف وتصرفه مشين ومش مقبول ابدا
ازا اسلوبه بالحكي دفش...تبعد عن الشر وبس
هم الاتين غلطانين بصراحة

انا بالعادة مستحيل اطلب هيك طلب...بنطر للسرفيس الي بعده

الواحد صار يسمع قصص بجد غريبة وبتخوف ...ما حدا عاد اتحمل حدا...ولا في احترام ولا شهامة ولا شي
وقصص التحرش بتشيب الراس

[خَمْر أيلول]

انا مع راي حنين وغاردينيا

يسسلمو ننوش للطرح

[وتر]

من رأي البنات
شب ما عنده نخوة و البنت تصرفها مش كويس
شكراً ننوش

[كماني المزاج]

انا طويل ..
لما اركب سيرفيس واقعد ورا بتضرب رجلي بالمقعد اللي قدامي
لهلسبب ما برتاح ورا و دائما بقعد ب المقعد الامامي
بما انو المقعد الامامي معظم الوقت فيه حدا بنطر اكتر من سيرفيس حتى اطلع
" و لهلسبب ما بطلع سيرفيس "

ممكن الشب وضعو متل وضعي
بس انا لو كنت محلو اكيد كنت راعي الظرف واسمحلها تقعد قدام
ولو اضطريت اني اضغط على حالي شوي
او حتى اطلع من السيرفيس نهائي و انطر واحد غيرو

لكن الشب ما قدر الموضوع و حصل اللي حصل

الحق على مين ؟
هيي عم تطالبو بمقعدو و هالشي ما بصير اذا الحق معو

لكن بالنهاية منستنتج من الموقف انو هو قليل اخلاق و هيي قليلة حياء

الأمور بتنحل بغير طريقة
يعني كان ممكن هو يعطيها محلو
او هيي تنطر باص تاني

شكرا زميلة :19:

[سمره]

عفكره طوشه على اشي فاضي،
يعني شو بدو يهم إذا قعدنا من قدام ولا قعدنا من ورا !!
البنادمين عم بتموت يعني هذا اللي هاممها تقعد من قدام؟
رح يعلقوا التاج عراسها إن قعدت محل الشب مثلا؟
المهم توصل مشوارها بخير وسلامه مش مهم وين بدها تقعد.
انا اغلب مشاويري فالباص وبحياتي ما بطلب من حدا يقوملي، هو مش مضطر يقوملي ومين انا لحتى يقوملي اصلا؟ وعفكرة هالتصرف بلا وعي، الإنسان الفهمان بيطلبش من حدا يقوم، الفهمان بيحترم كل واحد وين قاعد وبيرضى فالموجود وبيقعد وين ما كان.
عنجد ناس غبيه ههّ.
شكرا ننوش :po3: