متخيلين من 6 شهور !!!!!

متخيلين من 6 شهور ما شوفنا الكهربا !!!

محظوظ الي مركب طاقة شمسية ع قد
يشحن موبايلاته .... بس 6 شهور نحنا ما شوفنا ضو البيت
ما سمعنا صوت الغسالة ،، ما شربنا اشي بارد
لأنه الثلاجة مش شغالة 🥺

متخيلين انو المية بتيجي كل 8 أيام .. وكل بيت اقل شي فيه
اكتر من 20 شخص بين أهل البيت والنازحين !

طيب يتعرفوا انو بغزة حالياً أغلب المستشفيات ادمرت
يعني إلي بيمرض يموت أسهل لانه ما في علاج ؟

طيب خدو هاي ؟ 🙄
يتعرفوا انو أغلب البنوك نقصفت
وخلصت السيولة من البلد وازا حد بدو يسحب أي مبلغ
بدفع عليه عمولة بتبدا من 8٪ وصلت ل 15٪ من قيمة المبلغ
وازا حسابك دولار الخصم عليهم فرق العملة لانه طبعاً ما في دولار بالبلد

مش مشكلة ......

بتعرفوا انو طلاب المدارس والجامعات من 6 شهور قاعدين بالبيت
وراحت عليهم السنة ؟
أغلب الموظفين وخصوصاً إلي بيشتغل يومي
قاعدين بالبيت ما في مصدر دخل!

معكم حق ، ولا اشي مهم طول ما نحنا من غزة لازم نتحمل
ازا فكرنا نطلع من البلد بنصير بعنا القضية وفوقها
بدنا ندفع 5000$ ع الشخص !!!

ما علينا كلو حكي فاضي !

نسيت احكيلكم .....
في 30 ألف شهيد راحوا وفي عشرات آلاف الجرحى بستنو يتعالجو
او يسافرو في آلاف الأطفال تيتموا آلاف النساء ترملوا
واكتر الناس راحت بيوتها ومالها وسياراتها


من كل قلبي بدعي الله يديم الأمن والأمان ع كل بلاد المسلمين
ولعنة الله على كل من خذلنا
حسبنا الله أنت مولانا

ضلكو دعولنا امانة ..

نقاء معجب بهذا

والله يا ياسمين
اللي صار لا العقل قادر يستوعبو
ولا القلب قادر يتحمله صدقا
ولا عمرنا تخيلنا تصير حرب ويصير كل اللي صار
الله يرحم كل اللي استشهدو
ويشفى المرضى
وتنتهي هالحرب ي رب يا رب
قبل رمضان حكينا ان شاء الله بتخلص
واجا رمضان وقرب يخلص وهي لسه
وقبل الشتا حكينا ان شاء الله بتخلص
واجا الشتا وخلص ولسسه
دخيلك ي رب
بحق هالايام والليالي المباركه
تفرجها من عندك
لانه انقطع الامل الا منك انت وبس
ولا منجا ولا ملجأ الا اليك
انت رب المعجزات
وتقول للشيء كن فيكون

أنثى اليآسمين معجب بهذا

رغم كل هالكلام
لكن بنقول الحمدالله
الواحد مرت عليه ايام صعبة بس الصبر من ربنا
والحمدالله ع كل شي

أنثى اليآسمين معجب بهذا

اقتباس   المشاركة الأصلية كتبت بواسطة نقاء والله يا ياسمين اللي صار لا العقل قادر يستوعبو ولا القلب قادر يتحمله صدقا ولا عمرنا تخيلنا تصير حرب ويصير كل اللي صار الله يرحم كل اللي استشهدو ويشفى المرضى وتنتهي هالحرب ي رب يا رب قبل رمضان حكينا ان شاء الله بتخلص واجا رمضان وقرب يخلص وهي لسه وقبل الشتا حكينا ان شاء الله بتخلص واجا الشتا وخلص ولسسه دخيلك ي رب بحق هالايام والليالي المباركه تفرجها من عندك لانه انقطع الامل الا منك انت وبس ولا منجا ولا ملجأ الا اليك انت رب المعجزات وتقول للشيء كن فيكون

ربنا يفرجها علينا يارب
ضلكو ادعولنا 💔

اقتباس   المشاركة الأصلية كتبت بواسطة m0m3n رغم كل هالكلام لكن بنقول الحمدالله الواحد مرت عليه ايام صعبة بس الصبر من ربنا والحمدالله ع كل شي

الحمد لله دائماً يارب
ربنا يفرجها علينا يارب
كل يوم يمر اصعب من الي قبله
وربنا يحميكو ويحمينا يارب

حسبنا الله ونعم الوكيل
ربنا يهونها ويفرجها من عندو

اقتباس   المشاركة الأصلية كتبت بواسطة jr7 حسبنا الله ونعم الوكيل ربنا يهونها ويفرجها من عندو

يارب يارب

على قدر الصبر يأتي عوض الله
سيعوضكم الله أضعاف مافقدتم
لاأشك في ذلك للحظة
( وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ )

اقتباس   المشاركة الأصلية كتبت بواسطة قطر الندى على قدر الصبر يأتي عوض الله سيعوضكم الله أضعاف مافقدتم لاأشك في ذلك للحظة ( وَلَنَجْزِيَنَّ الَّذِينَ صَبَرُوا أَجْرَهُمْ بِأَحْسَنِ مَا كَانُوا يَعْمَلُونَ )

والنعم بالله

الحمد لله دائماً يارب

قطر الندى معجب بهذا