مساحة اطمئنان ع الكل

السلام عليكم

يا ريت كل حد بفوت يكتب ولو كلمة هون عشان نطمن عليكم
و يا ريت اللي نسيت اسمه برضو يفوت و يطمناا

@هل كان حباً @m0m3n @الصياد @عُمدة @jr7 @نور الروح @نبض @أنثى اليآسمين @خَمْر أيلول @حنين الروح @Aseel @لعله خير @مروة صيام @رَمْاد @الـبـارون @ريحآن @بعثرة وجع @حيآةة @عاشقة بإحساس @Juba @حگآيتي آنآ @مصطفى ^_^ @مُنهك @قصي @فرح غزة @إ؏لـانۨ @دلال~ @قيصر فلسطين @القيصر @مولٱنآ @وتر

حتى اللي برا غزة كمان طمنونا عنكم

علاء فلسطين ,كبرياء شاعر ,مُنهك ,عدي بلال ,Juba ,دفء ,سارة المصرية ,jr7 ,ريحآن ,lonely heart و 3 آخرون معجبون بهذا

قمر الماما ,نسآي ! ,نقاء

+١
موضوعك مهم جدا
ياا ريت كل حد يفوت يطمنا بحاله
مع انه احنا كمان البريئه حالنا مش احسن بكثير
الخليل/نابلس
كل يوم اعتداءات بوحشيه ع المواطنين
لكن طبعا بضل الوضع عنا احسن مليون مره من غزه
ربي يحميهم ويكون عونا لهم ويقويهم يا رب
ويطمنا ع الجميع يارب

والاكيد والاه

قمر الماما ,lonely heart ,البريئة ! معجبون بهذا

اقتباس   المشاركة الأصلية كتبت بواسطة نقاء +١ موضوعك مهم جدا ياا ريت كل حد يفوت يطمنا بحاله مع انه احنا كمان البريئه حالنا مش احسن بكثير الخليل/نابلس كل يوم اعتداءات بوحشيه ع المواطنين لكن طبعا بضل الوضع عنا احسن مليون مره من غزه ربي يحميهم ويكون عونا لهم ويقويهم يا رب ويطمنا ع الجميع يارب والاكيد والاه

اه و الله الوضع صعب جداً جداً
نحنا مستهدفين بأي وقت لإقتحام اليهود
مبارح طلعوا من معسكر كريات اربع و بلشوا يخبطوا علينا و بحكولنا و الله الا نرحلكم

بس مع هيك بنضل اهون مليون مرة من غزة
ربنا يفرجها على الجميع و يقوينا كلنا

قمر الماما ,lonely heart معجبون بهذا

بريئة هاي مش حرب هاي ابادة
الناس بتهرب وبتسيب مالها بالشوارع
الصبح رحت انا وابن اخوي نطمن
ع المخازن وع شقته ما قدرنا نسكر الباب
من القصف وسبنا الشقة مفتوحة وشردنا
وكل شوية خبر استشهاد صديق او قريب
او معرفة عائلات بتنباد الوضع مخيف ومرعب
ومهما احيلكم مش رح تستوعبو الوضع اللي احنا فيها
بس بدي اقولك انه ممكن بأي لحظة استشهد
سامحونا يا جماعة وادعولنا

نقاء ,البريئة ! ,قمر الماما ,lonely heart ,نسآي ! معجبون بهذا

يا رب يكونوا الكل بخير
الله يحمي الجميع ويطمنا عليهم
الوضع مش آمن ولا بأي مكان
نحنا بالقدس عايشين معهم وكل تعاملنا معهم
اي حد بستفردوا فيه بعتدوا عليه خاصة المستوطنه يلي قريبه من بيتنا كتير عنصريين بعتدوا ع اي عربي بشوفوه
الله يكون بالعون ويحمي الكل

البريئة ! ,قمر الماما معجبون بهذا

اقتباس   المشاركة الأصلية كتبت بواسطة lonely heart يا رب يكونوا الكل بخير الله يحمي الجميع ويطمنا عليهم الوضع مش آمن ولا بأي مكان نحنا بالقدس عايشين معهم وكل تعاملنا معهم اي حد بستفردوا فيه بعتدوا عليه خاصة المستوطنه يلي قريبه من بيتنا كتير عنصريين بعتدوا ع اي عربي بشوفوه الله يكون بالعون ويحمي الكل

انتبهي ع حالك يآ لونلي
قالو إنهم سلحو المستوطنين
يعني المرحلة الجاي رح يعملو
هجوم ع العرب وينصبو كمين
للعرب حاولي ما تطلعي غير للضرورة
اللي جاي أعظم يآ لونلي واسرائيل معها
الضوء الأخضر تعمل اللي بدها إياه ومافي
إلها خطوط حمراء والعالم كله معها

lonely heart ,قمر الماما معجبون بهذا

عارفة يا بريئة شو أسوأ من الحرب إنه غزة بلشت تشطب
من المحروقات المحطات فاضية مية حلوة مافي عند الناس
والمية البلدية كل يومين بتيجي كم ساعة وكهرب مافي
إحنا افضل من ناس كتير عنا طاقة وفي بديل يوبي أس
يعني بنستغني عن الكهرب لكن غيرنا ماعنده بطارية
يضوي لدّات بيتو لإنه البطرية بدها كهرب لتنشحن
عشان تشتري خبز بتصفي دور ع باب المخبز وأكتر من ربطة واحدة
مش مسموح تشتري هدا ازا روحتي ورجعتي بالسلامة
اليهود يا بريئة بحاولي يرجعونا لمئة سنة لورا ومخططهم واضح
تنفيد صفقة القرن بدهم يجبرونا نرحل على سينا واقولك السيسي
باني مدينة بسينا والشقق إللي فيها مش للبيع اعتقد انها لاهل غزة
لا يغرك كلام السيسي هدا ابن حرام واليهود قالو عنه شريك مش عدو
واحنا مش رح يكون قدام غير سينا رح نكون مجبرين
عارفة ليش يابريئة لانه ما رح يضل حياة بغزة ما رح يكون
مقومات للحياة ما رح يكون فيها شيئ يخلينا نتمسك فيها
قاعدين بنترك مالنا وبيوتنا عشان ننفذ بأرواحنا
واقسم بالله بنمشي تحت الصواريخ والقصف والشضايا
بتنزل علينا الله اللي الحامي والله اللي بسلم
بصير معنا قصص ومواقف أكتر خطورة من مشاهد أفلام الأكشن
احنا مش خايفين على ارواحنا يابريئة بس عنا اللي انخاف عليه
والله العظيم ما بعمل دارما ولا بحب شغل الدراما ولا ببالغ بكلامي
انا بحاول اوصفلك اللي بصير عنا واللي بنعيشو حالياً وحرب هالمرة
غير عن كل مرة وترى في الأسوأ من هيك وكل الدنيا ضدنا
لكن ما يريح قلوبنا انه الله معنا

البريئة ! ,قمر الماما ,نسآي ! معجبون بهذا

اقتباس   المشاركة الأصلية كتبت بواسطة نقاء +١ موضوعك مهم جدا ياا ريت كل حد يفوت يطمنا بحاله مع انه احنا كمان البريئه حالنا مش احسن بكثير الخليل/نابلس كل يوم اعتداءات بوحشيه ع المواطنين لكن طبعا بضل الوضع عنا احسن مليون مره من غزه ربي يحميهم ويكون عونا لهم ويقويهم يا رب ويطمنا ع الجميع يارب والاكيد والاه

إمبارح الصبح شوفت صاحبي
اجى سلم علي ويواسيني بكلمتين
العصر استشهد هو ولاد اخوه التنين
عمر الواحد ستنتين وتلاتة وكل شوية
بيجي خبر فلان استشهد ولك شوفت مشاهد
بتقطع القلب سيارة مخزقة بالشنط بالمصاري والجوالات
وأكتر موقف وجعني انه في صديق اتصاوب من القصف
باقي يزحف وداخل بمدخل دار اخوي يستنجد بأخوي لينقذه
واخوي راحل عنا ومافي حد بالدار اتصفى دمه واستشهد
تخيلي هالموقف يصير معك حاولي تعيشي هالشعور للحظة
ولاد المدهون التنين اللي استشهدو بنساوينهم وولادهم
بتعرفي انه بالحرب اللي فاتت كل عائلتهم استشهدو بالقصف
هما الناجيين من القصف ، نيالهم عند الله
هلأ كلهم بجتمعو وبلتمو

قمر الماما ,نسآي ! معجبون بهذا

من اليوم اللي القصف بدأ فيه وأنا تقريبًا بدخل كل يوم زائر اطمن على اللي في المنتدى
قلبي معاكم والله وبدعيلكم دايما ربنا يحفظكم
اكيد الوضع صعب اوي اوي عليكم وياريت الواحد في ايده حاجة يعملها غير الدعاء
ربنا ينجيكم ويحفظكم والحرب ديه تخلص قريب بقى على خير
وإن شاء الله كل الأعضاء اللي من غزة تكون بخير يارب @نور الروح @ندى الورد @نبض @وتر @هل كان حباً @عاشقة بإحساس @أبكم ! @m0m3n
مش ببطل تفكير فيكم والله، يا رب تكونوا انتوا وأهلكم بخير
@البريئة ! @نقاء @lonely heart
مش عارفة الأوضاع عندكم عاملة ازاي عشان اغلب الأخبار اللي بتنزل بتكون على غزة، بس إن شاء الله الدنيا عندكم تبقى كويسة وربنا يحفظكم يا رب

ندى الورد ,قمر الماما ,lonely heart ,نقاء ,البريئة ! معجبون بهذا

اقتباس   المشاركة الأصلية كتبت بواسطة عُمدة بريئة هاي مش حرب هاي ابادة الناس بتهرب وبتسيب مالها بالشوارع الصبح رحت انا وابن اخوي نطمن ع المخازن وع شقته ما قدرنا نسكر الباب من القصف وسبنا الشقة مفتوحة وشردنا وكل شوية خبر استشهاد صديق او قريب او معرفة عائلات بتنباد الوضع مخيف ومرعب ومهما احيلكم مش رح تستوعبو الوضع اللي احنا فيها بس بدي اقولك انه ممكن بأي لحظة استشهد سامحونا يا جماعة وادعولنا

و الله كل ما اقرأ او اشوف هيك حكي بنحرق قلبي
اصعب شي انك تكون مش قادر تعمل شي
الله يحميكو و يكون معكوا
كتير فوت ي شادي و طمناا

قمر الماما معجب بهذا