الغربة

اقتباس   المشاركة الأصلية كتبت بواسطة نوون بقدر افهم شعورك غيث خصوصا بعد فتح المعابر ووجود أمل وفرصة للرجوع على سوريا ان شاء الله الكل يرجع وترجع تعمر سوريا متل الأول شو شعورك بالغربة وبلدك لو ما عمرتها انت مين بيعمرها ؟ شعوري بالغربة شعور تعود انا من وانا صغيرة بغربة وما كنت ارجع على بلدي غير بالعطلة الصيفية ما بقدر اوصفلك شعوري او افيدك لأن وضع الوطن كله مأساوي وكتير صعب ولو البلد فيها الخير ما حدا طلع منها الله يرجع كل مغترب على وطنه وما يحرمه دفاه ميرسي الك عوافي

انا كمان مغترب أختي نون من 2012 وهلق بزيارة لسوريا وبعرف ان الكل اتغرب بسبب الظروف الإجبارية أو الاختيارية وان ماحدا بيطلع
برا البلد غير تحت وطأة الظروف بس اتأثرت بحال سوريا هلق لله يرجعك بالسلامة انتي واهلك وشكراً على ردك

اقتباس   المشاركة الأصلية كتبت بواسطة الصياد بآمن بمقولة علي " رضي الله عنه " الغنى في الغربة وطن ، والفقر في الوطن غربة ف وين المكان اللي بتحس فيه بالامان وبالراحة والاستقرار والاستقلالية هو بلدك بغض النظر وين انولدت او وين عشت عمرك لانه بالنهاية الارض كلها لله

كلها أرض الله لكن الانسان لو ولد ووعي واتعلم ببلده وحس بانتماءه للبلد
غصب عنه بيحس بشعور الغربة شكراً الك اخي الصياد على ردك

اقتباس   المشاركة الأصلية كتبت بواسطة هل كان حباً ما جربت احساس الغربة لأني عمري ما تغربت لكن احياناً الظروف بتفرض عليك انك تتغرب وتهجر بلدك في كل الأحوال لا شعور يضاهي الأمان بقرب العائلة ورفقة الأصدقاء والأقارب مشكور غيث

الله يعين ويفرج على الجميع وان شاء الله ما تفارق بلدك ولا اهلك ولا رفقتك الطيبة شكراً الك اخي على ردك

شو شعورك بالغربة وبلدك لو ما عمرتها انت مين بيعمرها ؟

مابنعرف قيمة الاوطان لحتى نغترب

بس الحمدلله ان شاء الله بجي يوم الله بجبر بخواطرنا و بنرجع نعمر بلدنا

اكيد الامل بالله موجود و كبير

يسلمو ع الموضوع

الله يبعتلك ايام حلوة

صراحة عجبنى رأى الصياد وان كنت مابتبناه
انا ما اتغربت بمعنى الغربة بس سافرت مرتين
للامانه شعور صعب ومابتمنى انه حد يعيشه
تكون ببلدك حتى لو كنت مش لاقى لقمة تاكلها افضل مليون مرة
من غربة انت فيها ملك بس مش لاقى حدا يحكيلك فيها كيف حالك

يسلمو غيث للنقاش