يطري علي ابوي وانا مع الناس اهل دمعي وارتجف في مكاني

يطري علي ابوي وانا مع الناس
اهل دمعي وارتجف في مكاني
اللي غلاته مالها بنوب مقياس
لو راح عنا منزله بالمحاني
كل يوم ياخذني على ابوي هوجاس
واعيش مع طاريه في جو ثاني
عيني تشوف وتلمح اشكال واجناس
لاكن ترى شوفتك كل الاماني
لولا غيابك كان ماشيب الراس
لولاك ماكنت اتعذب واعاني
شفني عقب فرقاك ضايق ومحتاس
وينك يبه مشتاق اشوفك ثواني
ماحرمتنا من مال وانعام والباس
لاقلت ابي لي شي بالحال جاني
اقولها والله من صادق احساس
مثلك حشا مامرني في زماني
مرحوم ياللي كاسبآ كل نوماس
يذكر فعولك كل قاصي وداني
دامه قدر ربي فنا اقول لاباس
يالله عسى منزلك وسط الجناني

حلوة الأغنية و كلماتها
يسلم ذوقك
تحياتي

الله يرحمه ويرحم جميع أموات المسلمين
قصيدة جميلة ومؤثرة
دام تميزك ��

الله يرحمه ويصبركم علي فراقه
وشكرا كثير علي طرحك

الله يرحمه لوالدك
اغنيه حلوه
يسلمو هالديات غاليتي

شكرا لااطلالتكم المميزه