انت مش انت وانت ع الفيس

بعد 5 سنين ، قررنا انا وزملائي وزميلاتي بالجامعة مع ناس عرفتهم عالفيسبوك نلتقي عالحقيقة ، لحتى نسترجع احلى لحظات
صاحبتي سميرة، بروفايلها مليان صور بتضحك فيهم، وبوستات غزل بخطيبها ، وطلعات ووفوتات، ومشاوير وعزايم !
شكلها مبسوطة كثير مع خطيبها الله يحماهم
.......
صديقي معاذ، كل صوره مع سيارات حلوة، وماركات وساعات فخمة، ونضارات حلوين ، واناقة ورقي

نياله شو حياته حلوة ووضعه المادي شكله منيح
..........
صديقتي سمية، مليان بروفايلها بوستات حزينة وكئيبة وبتبكي فيهم ، وكل صورها مكشرة

شكله في اشي منكد عسمية الله يعينها عحياتها
........
صديقتي هدى، بروفايلها مليان هدايا وورود ودباديب، وصورها بس ما بتشبه حالها مفلترتهم وعدسات زرق لابسة!

يا الله شو حليانة هدى ونيالها شو حياتها حلوة
..........
صديقي احسان، بروفايله علي غبرة، من سنة مش مغير صورته الشخصية لا بنزل صورة ولا اشي .....

شكله احسان وضعه بالمرة وكئيب الله يكون معه
..........
صديقتي تالا بروفايلها ما في ولا صورة لخطيبها ومعمرهاش نزلتله حتى بوست غزل!

شكلها علاقتها مع خطيبها مش كثير ....
...............
يومها اجى الموعد لنلتقي لبست وزبطت حالي وما توقغت اشوف شو جديد علي لأني مراقبة حياتهم عالفيسبوك ...
اول ما وصلت شفت بنت من بعيد جاي تسلم علي ما عرفتها، وجهها مرهق ، وعيونها دبلانين، حكتلي انا هدى ولك مش عارفتيني! انا نصدمت بتشبهش حالها عالفيس وكان مبين عليها منكدة كتير

بعدها اجا شب بتكسي، ونزل منها، كان لبسه عادي،وبحكي اسف بس تغلبت للقيت سيارة!

قعدنا نحكي طلع معاذ

بعد شو ي شب جاي بسيارة اخر موديل، وحلو كثير، مبين وضعه غني ومرتاح قال انا احسان!

سمعنا صوت بنت بتضحك وجاية من بعيد ، ومبين عليها مبسوطة عالآخر بحياتها ، نصدمت انها سمية نفسها الي عالفيسبوك دائما منكدة....

تلفوني رن،طلعت سميرة بتعتذر انها تيجي ، لأنه في مشاكل بينها وبين خطيبها واليوم رايحة عالمحكمة تطلق ، انا نصدمت

واحنا قاعدين اجت بنت ماسكة بإيد شب مبين عليهم بحبه بعض ومتفاهمين كثير؛هاي تالا صاحبتي بالجامعة ، بس استغربت انه عالفيسبوك ببينوش هيك، كان الحب الي بينهم بجنن

انا بعد ما خلصنا اللقاء وروحنا سرحت وفكرت كتير، قديش هالفيسبوك في ناس ما بشبهوا حالهم، وقديش هم عالحقيقة غير؛ ناس بتحاول تحفي وجعها، ناس بتحاول تخفي فرحها، ناس بدهم يعملوا حالهم مبسوطيت، لقيت انه كل حدا عم يعيش حياة، حياة يا بتمناها يا بخافها ....
يمكن لأنه بنخاف من الناس، من ردة فعلهن، بنخاف ما يحبونا على حقيقتنا !

مش كلشي بنشوفه عالفيسبوك صح، ما بصير نحكم على الناس من بروفايلتهم وبس....



منقول

فعلا صحيح كلامك

عالم الانترنت عالم وهمي

حبيت كلش هان

يعطيكي العافيه

لا تحرمينا من جديدك

فعلا معك حق
يعطيكي العافية

نـآهه بنئئهر منن هيكك نـآإسس !
الفيسسبوكك و الموآاقعع الإلككترونيهه
مو لـآزم يككونن ' نن ففيههآ ههآد التفـآهه !!
ال ععرب وبدنـآ نططور ')
يسسلمو ععسسولهه ع الموضوعع $_$ !
معلشش ح نئلو ع المنتدى الععآإمم ^^
وردهه

معلش راح اختلف معكم بشغله

وان كنت اتفق انو الانترنت عالم وهمي

لكن مش ضرورة الفيس بوك يكون مرآه لالي

ولا ضروري ابينلكم انو مبسوطة او زعلانه او ماديتي منيحة او العكس

المنشور والبوست ما بعبرني بقدر ما بيعجبني

مشكورة غلاتي لادراجكك

تحيااتي

♡♡









يِعٍطٌيِگ آلعٍآفيِهـ عٍ حسٍن آلآنتقآء
وديِ وتقديِريِ