احنا تغيرنا كثير ..

احنا تغيرنا كثير ..

‏‎من لما الكاكاو صار هوت شوكلت

والبليله صارت بينز
والبوشار صار بوب كورن

والملوخيه صارت جرين سووب ..

كله كوم وجرين سوب هاي كوم لحالها طبعا
والقهاوي صارت كافيهات

والقهوه نفسها صارت كوفي ايشي تركش واميريكن

وكمان الحليب صار ميلك ..

من لما العري صار اوبن مايند

والاواعي المقطعه صارت ستايل

والمخدرات صارت تغيير
وصياعه وكمان صار عنا سنجل فاذر برضو عشان ما حدا يزعل ويصير فيه مساواه ..
من لما الزلمه صار مز
.. والبنت صارت جدعه ..

من لما الوطنيه صارت تطبيل والتدين صار تخلف والعادات الشرقيه صارت سوفاج ..
وسلام عليكم صارت بلدي ..
من لما الخلافات صارت اون لاين
والزعل صار بلوك

والضحك صار ايموشن
وصرنا نكتب عربي بحروف انجليزي من باب الدلع والتقدم ..

ومن لما البني آدم صارت قيمته بلبسه ونوع موبايله
مش بأخلاقه واحترامه ..
من لما صرنا نحس بالوحده بين اهالينا من لما القرايب صاروا عقارب ..
والصحاب صاروا ذياب .. من لما صرنا سند لنفسنا
احنا تغيرنا كثيييير

كلشي حوالينا انقلب حاله وتغير
فمن الطبيعي كمان نتغير احنا
طرح جميل نقاء
يسلم ايدك علي ادراجك
تقديري الك

فعلا تغيرنا كتير والأجر و الثواب لمن كانوا السب في تغيرنا هكذا >.<

والأصعب انه ما حدا حاسس او معترف انو مسؤول عن هيك شي لأنو باعتبارنا كلياتنا ملائكة

ربي يغير حالنا للأفضل والأحسن

حبيت الموضوع نقاء

عوافي ع الطرح

اكيد كله بيتغير بس مقهورة أنا
ع الجرين سوب اناباعشقها
طرح واقعي جدا ميرسي نقاء

كل شيء تغير بدنيا
ربي يثبت قلوبنا على طاعته
تسلمي حبيبتي على النقل القيم

ما في شي ببقى ع حاله
هي مجرد مصطلحات دخلت علينا
نتيجة التقدم والتطور
موضوع جميل
يسلمو هالديات نقاء

الحمد لله المسميات مثل ما هي عندي هههه
حجات كثير في المجتمع تغيرت
لكن في حجات اكثر ظلت ثابتة واصيلة
شكراً لك نقاء
كوني بخير

ما في شي بضل ع حاله بهالدنيي
كل شي بتغير
عوافي توأمي
ودي

كل شي تغير ، صرنا بزمن مادة ومظاهر وعمليات تجميل ملهاش داعي ، نفسية الناس تغيرت ، صار كله عالرسميات ومن غير تلفون ما فيكي تزوري حدا ، هاد إذا بعد في حياة إجتماعية بوجود مواقع التواصل الإجتماعي ، كان في عفوية وبساطة لأن
لك حتى طعم الأكل كان ازكى نحنا وصغار ، علما ما كان في أنواع وأصناف أكل كتير زي اليوم ، حتى مسلسلات الكرتون كانت أجمل .
مشكورة نقاء .

الله يهدي الوضع ع الجميع ي رب
فعلا كل شي بالدنيا تغير م فيه شي ببقا ع حاله
دوام الحال من المحال
ربنا يجيب يلي فيه الخير
يسلمووو ي غاليه