لانك واوووو♡.....😂😂

اليوم عالسهرة حطيت جاط الفواكه وقعدت قشر برتقال وفصفص رمان وآخر صبابة 🤗
قلتلو حبيبي لازمني شوية مصاري ، بدي اشتري كم غرض إلي ❤❤
قلي شو ما بتشبعي مصاري ، ما معي ما معيييي ما معيييي ومشان تفهميها اكتر باللغة العربية
#لا_أملك_النقود
رن جواله ، تلبّك وفورا" نط ع غرفة النوم يرد ؟!
إنو في إنَّ ، ليش ما حكا قدامي 🤔؟!
ركضت على باب الغرفة ولزقت صيوان إدني اليمين عالباب وشغلت رادارات إلتقاط الصوت ، وكبست زر on تبع حاسة السمع تبعي ولقطته عما يقول😐
أهلا حياتي ؟!
أي حبيبتي طلبي وتمني لا تخجلي ؟!
أي مو تكرم عينك ، معي المبلغ 😍
شو دين ما دين ، وبلاهون ، لك ديبك أنا يا ملاكي 😍
تعي قلك سر قبل ما تسكري بما إني أستاذ عربي ؟!
لك إنتي لازم يحطوكي مع أحرف العطف 😍
لأنك وااااااااااو❤❤❤
......
أنا بس سمعت هيك شلت صيوان أدني الملزق عالباب ، اطلّعت ع أيدي لقيت حاملة السكينة ؟!
قلت فوت اقتلو واخلص منه وخليه يكون ظرف زمان ؟!
ولا أفتح راسه 15 قطبة خليه يصير مشهور بالفتحة الظاهرة على آخره ؟!
وك هاد شكله الضمير عندو منفصل عالآخر هلق كان عما يقلي لا أملك النقود ...
الله لا يوفقه قال عامل فيها أستاذ عربي وحرف العطف و #واو
والله لخلي أمة الله تعطف عليه
والله لخلي أحرف العلّة ، يشلّوه ويعلّوه
والله لخلي أحرف الجر يجروه جر لمشفى المجانين
وسلّط عليه كان وأخواتها 😠

#صفنت_وفكرت_بعقلي_اكتر_حملت_حالي_ورجعت_لمكاني_عند_ جاط_الفواكه
قلت ليش لجرّه ، وعلّه ،للزلمة وآخر شي أنا ابتلي فيه ؟!
ليش ما استخدم من اللغة العربية شي ينفعني متل #أدوات_النصب😂
بس طلع من الغرفة عملت حالي ولا هون ولا سمعت شي ولا حتى بعرف شي ...
بفرفط رمان وبغني ، تعال اشبعك حب اشبعك دلال ، تعال يا ابن الحلال
قربت لعندو قلتلو تعال دوق هالرمانة تعال تعال تعال
قلي شو الحشيشة رايقة اليوم ، وتمك مفتوح متل التاء المبسوطة...
قلتلو بدي غيرلك جو عن المصيبة يلي جاييتك😅
قلي مصيبة شو وشوفي ؟! 😱
قلتلو : اليوم رحت ادفع فاتورة الكهرباء طلع علينا 75 الف و 300 ليرة 😢
قلي : وك كيف 75 الف ؟!
قلتلو : و300 ليرة كمان ، بعدين شلون كيف ؟! شو نسيت هالصيفية ما قطعوا الكهربا وقضيناها ع مكيف رايح ومكيف جاية، هاد يلي صار حط ايدك على عبّك خلي الله يحبك
يا انتا روح قدم اعتراض لوزارة الكهرباء 😏
ما لقيتو غير عرق وجهه راح ع غرفة النوم دقلا وقلا بعتذر منك صار معي ظرف طارئ ومصاري ما معي ...
يمكن فصلت بوجهه لأن صوت التوت توت توووت وصل لصيوان أذني اليمين😂😂
فتح الخزانة وعطاني 75 الف قلتلو و 300 ليرة كمان😂😂
يا عمي أدوات النصب غير شكل بعدين أنا الأحق فيهن 😂😂
#هلق_شيلونا_من_المزح_خلونا_بالجد
وين بلاقي رموش باربي ولينسيز الهاسكي بس يكونوا الأورجينال
سمعت أنو رح يكلفوني 75 الف أمّا 300 البقيانة رح اشتري فيهم بزر أتسلى وأنا شايفه وجهه المفعول به ، المنصوب المجزوم المكسور 😆 ؟!

@شهد الروح
تعالي حششي
هاي حلوان رجعتك للمنتدى

ههههههه

والله النحو الو فايدة وخاصة علامات النصب

نكشة هالزوجة وخاصة صوان ادنها لما يكون اون

الله يسعدك

اقتباس   المشاركة الأصلية كتبت بواسطة خالد ههههههه والله النحو الو فايدة وخاصة علامات النصب نكشة هالزوجة وخاصة صوان ادنها لما يكون اون الله يسعدك

هههه
اه والله نكشه
وانا سخسخت وقلت لازم اضحكو معي

ويسعد قلبك خالد

هههه
طلعت شاطره
وعرفت كيف تتصرف
يسعدك نقاء

اقتباس   المشاركة الأصلية كتبت بواسطة lonely heart هههه طلعت شاطره وعرفت كيف تتصرف يسعدك نقاء

ان كيدهن عظيم
يسعد قلبك لونلي

ههههههههههه
برافو عليها
احسنت التصرف
يسسلموو نقاء

ههههه
يعني المشكلة في الفلوس
مش المشكلة انه بيخونها ههه
والله عجب
مشكورة نقاء للنهفة

هههههه
والله انها بتفهم واتصرفت بعقلاانية
مع انو مستبعد انه بنت تتصرف هيكاا لانو اول شب بتحرد ع اهلها
يعطيك العافية ..

كيدهن عظيم
وناقصات عقل كمان
يعني كرست كل كيدها كيف تاخذ المصاري
وقلة عقلها خلتها تفكر بالمصاري وتنسى إنو بخونها
هههههههههههه
قصة حلوة
تسلمي