الظِلْ الأَبِيَضْ . . ❤

1- شُو بتتمَنِي يكُونْ إسم عَريِسك ؟
انو يا اخووتي اي اسم المهم هو مش اسمه :1102:

2- شو بتتمنِي يكُون إسم إبنكك أو بنتك البِكر يعني بتحبي ينادُوكِي إم شو ؟

ابني حبيبي حابة يكون اسمه احمد وبنتي نور عيني حابة الها اسم تالين

3- بتفضليْ يكُون عُمره كِبير و لآ صغيرة ئديه يعني ؟

انو بفضل يكون اكبر مني أقل شي ب 3 سنوات ليقدر يستوعب جنوني وهبلي
وانو بحس الشباب كل ما كبر كل ما زاد هيبة طال عمرك هههههههه

4- بتفضليْ يكُون طَولكْ و لآ أطُول ولآ أقصر ههههه ؟

شوفي اكيد يكون هو اطول بس شسمو مش البسسس كعب وما اوصل كتفه وقتها بكون وضعي مأساوي ههههه :1102:

5- بتفضلي يكُون لآعِب حَديد و بُنيه جسمه ضخمه ولآ عآدي ؟

انوووووووو ي ويلي لو كان الو عضلات وهيككا رياضي اموت انا

6- أكثر صِفة بتتمني تكُونْ فِيه ؟

عقلاني متدين

7- أكثر صِفة بتتمنِي مآ تكُون فيه ؟

البخل والعصبية

8- بتفضلي زوآج الأقآرِبْ و لآ تَغريبْ النِكآح ؟

تغريب النكاح لكتير اسباب اهمها علاقة الأهل تبقى طيبة واشدها اهمية تغير الوجوه رحمة

9- لو اكتشفتِ إنه خطيبكك بدآخِله امرأة أُخرى هل تُحاولي تِعدمِي وجودهآ و لآ تُتركه ؟

انو عالاكيد مش راح حارب لاعدم وجودها ولا عندي ذرة استعداد وانو على فكرة انا تركت الشب يلي تقدم الي ليلة كتب الكتاب لهاد السبب انا مش راح اتزوج حد لاحارب ليكون الي ثم بنظري يلي ما قدر يتحدى الظروف ل ياخد يلي بحبها ما بكون قد الثقة

10- بتقبلي تتزوجِي شَبْ أصغر مِنك ؟

والله يا تسنيم جاني شي تلاتة هيك شي اصغر بسنة وشي بسنتين وانا رفضت رفض تام مش بقدر اتقبل الفكرة ابدا مع انو بشوف انها مش غلط بس كدينا لا اقبلها ع حالي :(

11- لو طَلبْ مِنك زُوجك الجُلوس فِي البيت وعدم الوظيفة ردة فعلك ؟

شوفي قبل شهر تقدم الي شب بتحلم فيه اي صبية متدين صاحب محل وعنده شقة مرتبة وهو شخصية واتفقنا على كل شي وارتحت للشب
انما يوم كتب الكتاب واحنا بالمحكمة قبل كتب الكتاب قلي ما بدي وظيفتك وهيك انا تركتهم بنص المحكمة ورحت ع مدرستي بعيون منفخة
ما عندي استعداد اخسر طموحي وحياتي مشان اي انسان لانو ما بعرف راح يدوم الي او لا

12- ممكِنْ يكُون المُستوى المآدي إهتمآمِك فيه أعلى مِن الشخخصية نفسهآ ؟

لا ولا عمره وكتير بحكي ل اهلي انا مش مهم الشب يكون مرتاح ماديا كتير لانو وضع غزة منيل اصلا بكفي اخلاقه وهو

13- لو خِيروكي زوجك يمُوتْ او يتزُوج عَليِكي ؟

يموت مشنوق مرمي بالرصاص ولا يتزوج ي بعدي

14- هل أنتِ مع مُلآحقة المآضِي خآصته ؟

لا ابدا ما يهمني طالما مش مأثر على حياتنا الحالية بمعنى لكل حد فينا اخطاءه مش صح نضل معلقين عليها

15- حِين يكُون زوجِك حزين مآذا تفعلين ؟

اكيد بعمل المستحيل ل يضحك ويرضى ثم كوني على يقين يلي عنده انا راح بضل يضحك ههههههه

16- هل تُنصريه ظالماً أو مظلومْ ؟

الناس يلي بحبها من صحبات وهيك معهم ع طول ف ما بالك بزوجي يا بعدي :1102:
اكيد بكون معه ع طول بس وقت الغلط بكون بظهره مع النصيحة وبحاول اعدل

17- ممُكِنْ تسمحي لحآلِك بالتحُكم فِي عقله وتصرفآته التي ممُكن أن تؤذي غيره ؟

لا لا شوفي انا بأمن انه الزوج او الزوجة لازم يكون لكل حد شخصيته وامور خاصة فيه
هو حر بعقله وتصرفاته طالما ما عمل شي يأذي علاقتنا الزوجية او العائلية

18- هل ممكِن تحاربي في سبيل الحِفآظ على زوجِك ؟

لو زوجي يستحق ان احارب بحارب يعني كان محترمني مقدرني بخاف عليا بشوفوني بالدنيا كلها بحارب الكون كله مشانه
انما كان لا مبالي مهمل مش محترمني ولا حاسس فيا لا يا اختي ينحرق صحتي النفسية اهم

19- مآ هو أكثر إحسآس أو شعور تتمني و تتخيلي أنه يحدث لكِ عندمآ تتزوجين ؟

الامان والاستقرار الداخلي وانو شعور الامومة راح يزيد كتير كتير كتير

20- نوع الذكور المستحيل ترتبطي فيهمْ ؟

عاق الوالدين تارك الصلاة المدخن البخيل النسونجي

21- أكثر حُزن ممكن توآجهه المرأة المُتزوجة ؟

إهمال زوجها ل تفاصليها او خيانته الها او تنحرم من نعمة الامومة

22- لو طَلب مِنك زوجك التغير فِي شخصيتكك بتقبلي ؟

تغيرات ايجابية اي بقبل لانو اكيد بده يشوفني الاحسن والافضل انما لو حسيتها لمجرد التحكم ما راح اقبل

23- تفضلي الزوآج عن حُب ؟

انو شوفي لا ادري ي بعدي هههههههه بس يمكن يكون احلى من التقليدي وممكن التقليدي احلى الواحد ما بعرف الله شو مخبي اله

24- تؤمني بوجود الصديقآتْ له ؟

نعمممم لا لا لا لا لا لا لا ومليون لا
بغار من الهوى انا

25- أكثر مِن هيك مُخي قفل مش عآرفة أألف هههههه شو رأيك بالأسئلة ؟

حلوين كتير كتير كتير متلك

ع الهآمِش ’

مسآحة أُكتبي فِيهآ مآ تشآئينْ . . !

انو شوفي صار عمري 27 تعرضت مرتين ل قصة انو وصل لمرحلة كتب الكتاب واخر الموضوع يخرب
انا اول مرة صار معي شبه انهيار وتاني مرة لا
لانو عرفت انو كل شي من الله حلو وكل شي الله بعمله لحكمة
صح نفسي صير ام ونفسي اصحى ع صوت ولادي والبسهم والعب معهم
بس عندي يقين انو لازم اختار الاب الصح الهم الي يدعو الي واله لما نموت
ما عاد اهتميت ل نظرة الناس او كلامهم
يعني قصة الخطوبة التانية صارت قبل شهر وانا بالمدرسة والكل عرف انو دينا حطبت ويوم كتب كتابي لما رجعت ع المدرسة الكل صار يواسي فيا وانا بضحك
انو شو في يا جماعة انا الي ما بدي حد يتحكم فيا وهيكاا وهاي مش اخر الدنيا
يمكن اكتر شي خلاني ادايق بالمرتين ماما انو حسيتها هي الي انكسرت مش انا
انو نفسها تشوف بنتها عروسة وتشوف ولادها بس انو انا من جواتي بحس نصيبي لسه ما اجى ومتاكدة ربنا راح يعوضني الاحسن بكتير لاني راضية امي وابويا



عوافي ي حب

@نبض

معلش أناقشك ي دندون ؟
انو شو فيها لو الزلمة حب مرتو تضل جنبو وجنب ولاده
م بحسه تحطيم للطموح يعني مسلاا اللي بشتغلو بيبنوا مباني وشركات وهيك بس الام بتبني ناس فهمتي علي كيف؟
يعني قصدي راجعي حالك بهالفكرة،
بتصدقي انو كل اجابتك لو جاوبت انا هقول نفس الشي
اخر شي المساحة يلي كتبتيها حبيتها كتير
وبايدك باني انا كمان الي اختي مع انها لسا 24 امي
م الها شغلة ولا عملة غير تحضر لابن الحلال هههههههه

كمان جوابك بسؤال تحاربي عشانو لو كان بحب قبل الخطبة
معك فيه 100% انا
من زمان كتير كنت احب صراحتك و انك مش شخص منافق
او بيحكي عكس م بعمل
انتي حدا كتير طيب ي دنيا
الله يكرمك ويرضى عليكي

ربنا مخبيلك نصيب حلو أكيد♡♡♡

شوفي تسنيم انا حسيت وقتها القصة تحكم

يعني ما بحبوا يطلعوا ما بحبوا ينزلوا

ممنوع الشغل ممنوع الميك اب

حسيت القصة تحكم مش خوف او حب

انو ممكن لو حبيت انسان وحسيتو عنجد بحبني وحسيت بأمان معه اترك الشغل مشانه

انما انسان لسه ما عشت معه ولا بعرفه مش مستعدة اخسر شغلي مشانه انما لو عاشرته وحسيته بستاهل ليش لا


يسعدلي قلبك ي رب

انبسطت ب وجودي هون

ايون هاد هو قصدي
انو لما الشب يحب بنت نادر م بحب تشتغل
بحب تضل بوجهه تحضرله مقلوبة هههههههه

ي عمري الله يبعتلك اكتر شب رومانسي بالعالم هههههه