[ ارراائككمم بااححترامم ]

#رفيقتها :
لك اتقلي عليه ،لا تورجيه انك ميتة عليه .. لا تورجيه انك مجنونة فيه وبتحبيه و متعلقة روحك فيه .. و شوفي كيف رح يركض وراكي ركض لياخد رضاكِ 👌🏻
#رفيقو:
لك ياخي انا عندي تجارب مع البنات .. اتقل عليها وازبلها و طنشها ..ووقت تحكيك خلي كلامك مختصر مشان ما تفكرك جلق زيادة او مشان ما تحس انك بتعبدها عبادة و مشان ما تعرف انو روحك و قلبك متعلقين فيها و شوف كيف رح تركض وراك 👌🏻
#اسمحولي_هلا✋🏻
ولك يلعن ابو التقل على ابو التصنع و يلعن ابو هالعادات التافهة ..
واللي بتكون سبب برودأي علاقة مهما كانت قوية و متينة 👌🏻😊
و انت يا رفيقو و انتي يا رفيقتها في مجال تحلو عن سماهم و تخلوهن يعيشو و ينبسطو و يزعلو و يتراضو و يكونو عفويين و ما يتصنعو ..
ولا بتحسو في شوكة بتنخزكن إذا شفتو حدا مبسوط او مرتاح او حابب حدا ها ..!
#وانت_وياها اسمعوني 😏
حاكو بعض طبيعي بدون تقل ولا تصنع ولا كبرياء زائف ..
كونو عفويين بحبكن .. بعلاقتكن ، بالشي اللي بتقدموه لبعض ❤️
لو ما بترتاحو سوا .. رح تبان بالعلاقة لما تكون حقيقية
و لو بترتاحو كمان رح يبين لانو انتو اللي بتعيشو هالشي مع بعض
مو رفيقتك ولا رفيقك اللي بيعيشوه معكن 🙄
الحياة مرة وحدة .. عيشوها بحلاها و لا تخلوها مرة و ترفسو بقلوب بعض .. 💙
و بلا هيك نصائح من حدا ✋🏻😊👌🏻


.



راايككمم ؟

باايي

آنثى الغرام ,نور الروح معجبون بهذا

ولك يلعن ابو التقل على ابو التصنع و يلعن ابو هالعادات التافهة ..

كنت بدي احكي نفس هالجملة
شو دخلهم الرفقاء
كل حدا بعرف الصح يمشي عليه
دون ان يعترض الفكرة على رفقاته

العلاقة السليمةواءها اثنان وهما اصحابها وليس عشيرتهم

دمتِ بخير وسعاده

من الخطأ إنه القصص يلي بينهم تطلع لحدا تالت
المفروض تضل بينهم بس ويحلوها بالطريقة الي بتناسبهم
دون الاهتمام لأي آراء تانية..

عوافي ننوشة.

اكبر غلط انو يكون في شخص بمشيك
و بياخد قرارات عنك
هلأ بغض النظر انو التقل بفيد او لأ
بس ليش تدخلوا اصحابكم بعلاقاتكم الشخصية !

تحياتي

اكبر خطأانه يكون طرف تالت يمشيك على كيفك
خد قراراتك بايدك
حبيت الطرح
ما ننحرم غاليتي ننوش

كل الشكر و التقدير

برأي
ب أختصار
بالغو بمن تحبون ف الحياة مرة واحدة