الغربة

مابعرف شو خطر على بالي اكتب موضوع نقاش عن الغربة مع اني بعرف ان الغربة مرحلة ورح تمرق
بغض النظر عن ايجابيات الحياة بالغربة وسلبيات الحياة اللي موجودة بكل بلد
بتمنى ان كل واحد متغرب يرجع على بلده ووطنه ورفقته الطيبة وودي أخص بالمغتربين من سوريا
يرجعوا على البلد ليعمروها من جديد ويرجعولها الحياة حتماً الغربة بتنتهي ومصيرنا لبلدنا مهما قتلتنا جروحاتنا منها والعمر عم يمشي وانتم بعيد
ونقاشي وبشكل عام ومابدي ادخل بالأمور السياسية
شو شعورك بالغربة وبلدك لو ما عمرتها انت مين بيعمرها ؟

الغغربهه ششععور ببششعع!
صصح ناهه ععايششةة ففي الارددنن
و مما بححسس ححاليي غغريبهه
بسس بضضل ححنن لببلدديي الاصصلي `')
و نشششاللهه بتححسسنن الوضضعع و ككلححدنن
برججعو بلددو $-$
و ممغغتربينن السسوريهه ففي الاردنن
ههيوتهمم فتححو الححدودد ءللهم
ورددهه

الإحساس بالغربة إحساس صعب ومو حلو
وما بعيش هالشعور وبحسه الا يلي عاش برا بلده
الله يرجع كل مغترب لبلده ولاهله
عوافي غيث

ربنا يرفع الغمة عن كل الامة
ويرجع الحق لاصحابو ويعمروا بلدهم ويعلوها


شكرا غيث

بقدر افهم شعورك غيث
خصوصا بعد فتح المعابر
ووجود أمل وفرصة للرجوع على سوريا
ان شاء الله الكل يرجع وترجع تعمر سوريا متل الأول
شو شعورك بالغربة وبلدك لو ما عمرتها انت مين بيعمرها ؟
شعوري بالغربة شعور تعود
انا من وانا صغيرة بغربة
وما كنت ارجع على بلدي غير بالعطلة الصيفية
ما بقدر اوصفلك شعوري او افيدك لأن وضع الوطن كله مأساوي
وكتير صعب ولو البلد فيها الخير ما حدا طلع منها
الله يرجع كل مغترب على وطنه وما يحرمه دفاه
ميرسي الك
عوافي

بآمن بمقولة علي " رضي الله عنه " الغنى في الغربة وطن ، والفقر في الوطن غربة
ف وين المكان اللي بتحس فيه بالامان وبالراحة والاستقرار والاستقلالية هو بلدك
بغض النظر وين انولدت او وين عشت عمرك لانه بالنهاية الارض كلها لله

ما جربت احساس الغربة لأني عمري ما تغربت
لكن احياناً الظروف بتفرض عليك انك تتغرب وتهجر بلدك
في كل الأحوال لا شعور يضاهي الأمان بقرب العائلة
ورفقة الأصدقاء والأقارب
مشكور غيث

اقتباس   المشاركة الأصلية كتبت بواسطة barbie الغغربهه ششععور ببششعع! صصح ناهه ععايششةة ففي الارددنن و مما بححسس ححاليي غغريبهه بسس بضضل ححنن لببلدديي الاصصلي `') و نشششاللهه بتححسسنن الوضضعع و ككلححدنن برججعو بلددو $-$ و ممغغتربينن السسوريهه ففي الاردنن ههيوتهمم فتححو الححدودد ءللهم ورددهه

مابعرف لو انتي ولدتي بالأردن ولا ولدتي ببلدك وسافرتي على الأردن
يعني شعور الغربة عندك مو كامل لأنك متل ما قلتي مابتحسي
حالك غريبة شكراً الك على ردك اختي باربي

اقتباس   المشاركة الأصلية كتبت بواسطة lonely heart الإحساس بالغربة إحساس صعب ومو حلو وما بعيش هالشعور وبحسه الا يلي عاش برا بلده الله يرجع كل مغترب لبلده ولاهله عوافي غيث

الله يسمع دعاءك اختي لونلي ويرجع كل مغترب لبلده شكراً الك على ردك

اقتباس   المشاركة الأصلية كتبت بواسطة خالد ربنا يرفع الغمة عن كل الامة ويرجع الحق لاصحابو ويعمروا بلدهم ويعلوها شكرا غيث

امين وشكراً اخي خالد على ردك