#أخبار_عالريق 271

#أخبار_عالريق 271
✅يكتبها/سعيد الطويل
■خانيونس آخر محافظة بكل فلسطين دخلتها الكورونا ،بعد ما اكتشفوا حالتين فيها .
■مبارح أعلنت الصحة عن تلاتين حالة جديدة بغزة،واليوم المؤتمر حيكون الساعة عشرة الصبح ،حيعلنوا فيه عن الحالات الجديدة.
■تلات حالات وفاة مبارح من الكورونا، وحدة بغزة وتننين بالضفة.
■الشمال مكبد بعدد حالات الكوورنا عمستوى ،ربنا يخفف عنهم.
■ اليوم حيعلنوا نتايج التوجيهي اللي كملوا بالدور الثاني .
■وزارة الصحة بتقول انه مستشفى الرنتيسي فش فيها كورونا.
■سكروا مخيم الشاطئ مبارح بالحجار الباطون والمتاريس ،عشان مش متلزمين بالحجر.
■كثير من البيوت بقطاع غزة اللي خالطت حجروهم بشكل كامل هما وكل عيلتهم واولادهم لعند متطلع النتيجة تبعتهم.
■رفح قسمتها الشرطة لتلات مناطق ومحدش حيطلع أو ينزل من منطقة للتانية الا للضرورة وبحجة تدخل الراس.
■العمادي لسة بغزة وبيقول انه قاعد ييواصل جهوده عشان يحل الأمور عنا.
■مشير المصري بيقلك إذا فشلت جهود الناس اللي بيتوسطوا ،فإحنا حنخلي اليهود في الملاجئ،ومعناش حاجة نخسرها .
■الأسبوع الجاي حيوصل وفد من الحكومة برام الله لغزة ،يشوف شو الأمور وشو لازم عشان ينقذوا الوضع.
■نتنياهو اليوم حيزور الإمارات جهارا نهارا وحتتعلق اعلامهم قدام عنينا وحينفتح السلام الوطني تبعهم.
■7.ماس صرحت انه قرارها هو رفع الحصار كله بشكل كامل.
■محدش يحكي بموضوع المدارس من هان لخمسطعش تسعة لا الكتروني ولا غيره،هيك صرحت الوزارة.
■كابونات الوكالة حتتوزع عالبيوت الأسبوع الجاي.
■رواتب السلطة بالضفة وغزة بكرة حتبلش صرف حسب الجدول اللي أعلنوا عنه.
■رواتب موظفي غزة احتمال كبير يعلنوا عنها اليوم وحتنصرف عالشنطة.
■جدول الكهرب والمواتير صاروا شبه بعض ،لا بينفعوا فدو ولا ضحية.
■ النسوان كاتبين ع جروباتهم نص الحلاقيين بيفتحوا عالسكت وبيحلقوا لزباينهم ،والكوافيرات صاروا مش قادرات يطلعوا من المطبخ.
■الأفراح شغالة مش بس عالسكت ،وكمان بدون ولاأي طقوس من الكوافير ..لدارهم ،لدارك على طول.
■اليهود أفرجوا عن صياديين اتنين واحد من دار زعرب والثاني من دار القن ،بعد ما اعتقلوهم من عشر شهور.
■فتح قالت انها مش حتتخلى عن غزة وحتتحمل كل المسؤولية اللازمة حسب تعليمات الرئيس.
■ميلادنوف بيقلك انه الوضع خطير في غزة ومحدش بيقدر يمنع التصعيد.
■اجتماع مهم حيكون يوم الخميس بين الرئيس وكل الفصائل برام الله.
■حولوا تقريبا 200 تاجر وبياع بيلغوا الأسعار عالنيابة بغزة.
■بنت صغيرة اندهست بالغلط بالخليل وتوفت .
■الشرطة فضت تلطعشر عرس وحفلة بقلقيلية،لانهم خالفوا قرار التجمعات.

#صباح_الخير للناس اللي نامت هيا وأولادها عالبلاط بعز الشوب والكهرب قاطعة وبطارية الليدات خلص شحنها ،ومش قادرين يفتحوا شبابيكهم عشان جيرانهم بيكشفوهم .

#صباح_الخير للناس المحجورة والمفلسة واللي معهاش الا ستر الله ، واللي كانت كافية خيرها شرها وشغالة يوم بيومه ،واللي المفروض الحكومة تتفقد أحوالهم.

#صباح_الخير لمرضى الكلى ،اللي بيشوفوا الويل وبيتغلبوا أكثر من قبل بحركتهم بهذا الوضع الصعب،وهما رايحيين جايين عالمستشفى تلت تيام بالاسبوع يغسلوا الكلى بعيد عنكم ،لازم يصير حل سريع الهم.

#صباح_الخير للناس المحجورة ببيوتها هما وأولادهم ونسوانهم ومش قادرين يطلعوا ولا ينزلوا عشان ميضروش غيرهم ،معلش تحلموا شدة وبتزول.

يعطيك العافية

يسسلموو دياتكك الأممير
وردهه

الله يتلطف فيكن
يسلمو الامير
الله يبعتلك ايام حلوه
و
سنين احلى

مشكور ع المتابعة

شكرا لنقل والمتابعه امير

يعطيك الف عافية