ۆَ ڵݩ . . تُجْـۿـِضَكْ ذٱڪـرتِيَ »ٱبدآ..!!

وصلنا خبر ..!
بعضٌ من بيتنا قد ذهب .. لا يهم ..
المهم أن نعود ونجد حيطانٌ تأوينا
المهم أن يُكتب في صفحات التاريخ أنّنا عُدنا إلى حيث ننتمي
إلى الشوارع والبيوت والذكرياات وكل ما نُحب
يا رب ..

Barbie ,قمر الماما معجبون بهذا

والله إحنا شعب غلبان بنتعلق بقشة
كل يوم بيحكو فيه مفاوضات
بنظل ندعي يا رب نصحى نلاقيهم اتفقو
بنصحى بنلاقيهم رفض الطرفين
طب ليييييش ما حدا بيتدخل !!!
يا رب يرحمنا وتخلص هالحرب
شتقت لبيتنا

Barbie ,قمر الماما معجبون بهذا

مساء الخير حبيبتي
طمنيني عنك

قمر الماما ,ندى الورد معجبون بهذا

اقتباس   المشاركة الأصلية كتبت بواسطة آنثى الغرام مساء الخير حبيبتي طمنيني عنك

أهلين يا عيني
الحمدلله لسة بخير
ان شاء الله ربنا يفرجها علينا وعليكم

آنثى الغرام ,قمر الماما معجبون بهذا

فراشيح فلافل

آخر مرة عملناها قبل هاي المرة كانت من أكثر من شهر
قبل م نطلع من بيتنا ونترك ورانا كل اشي بنحبه
عملناها اليوم بكل حُب
فلافل وفلفل وبتنجان وبطاطا
طبعا كل شي غالي بس مضطرين نشتريه
لأنه لو ما اشترينا شو بدنا ناكل!!! هنموت من الجوع

بالمناسبة اليوم وأخيرًا عبّينا نص جرة غاز
يا الله ع الفرحة اللي دخلت البيت مع دخول هالجرة هههه

دفء ,نور الروح ,Barbie ,قمر الماما معجبون بهذا

اقتباس   المشاركة الأصلية كتبت بواسطة ندى الورد فراشيح فلافل آخر مرة عملناها قبل هاي المرة كانت من أكثر من شهر قبل م نطلع من بيتنا ونترك ورانا كل اشي بنحبه عملناها اليوم بكل حُب فلافل وفلفل وبتنجان وبطاطا طبعا كل شي غالي بس مضطرين نشتريه لأنه لو ما اشترينا شو بدنا ناكل!!! هنموت من الجوع بالمناسبة اليوم وأخيرًا عبّينا نص جرة غاز يا الله ع الفرحة اللي دخلت البيت مع دخول هالجرة هههه

ريتا سعاده و فرح طول العمر إلهي ❤
محلا هالطله ندووش

ندى الورد معجب بهذا

اقتباس   المشاركة الأصلية كتبت بواسطة قمر الماما ريتا سعاده و فرح طول العمر إلهي ❤ محلا هالطله ندووش

حبيبتي رشا
يسعدلي قلبك

قمر الماما معجب بهذا

مَصيرها تُفرَج أختي،

اللّه يحميكم ويسلمكم ويبعد عنكُم كل شر. ❤️

قمر الماما ,ندى الورد معجبون بهذا

اقتباس   المشاركة الأصلية كتبت بواسطة نور الروح مَصيرها تُفرَج أختي، اللّه يحميكم ويسلمكم ويبعد عنكُم كل شر. ❤️

علينا وعليكم يا حبيبتي

قمر الماما ,نور الروح معجبون بهذا

لأول مرة من أول الحرب أتجرأ وأطلع من باب البيت للشارع
المشهد أول مرة بشوفو عنا في منطقة في قطاع غزة
كأنه يوم الحشر
ناس كتير بشكل مش طبيعي كلهم في رفح
حسيت بخنقة وتضايقت كتير وندمت إني طلعت
المواصلات صايرة في شاحنات اللي كانو ينقلو فيها أعزكم الله البهايم، وفوق ال60 حدا راكبين فيها فوق بعض
ع الكارات برده فوق بعض
ازا فلتت ايدك من ايد أهلك بتتوه عنهم
مشهد مُرعب والله
بإذن الله مش رح أطلع المرة الجاية غير على بيتنا
يا رب نرجع

قمر الماما معجب بهذا