أسئلة أعجبتني

اقتباس   المشاركة الأصلية كتبت بواسطة سمره ما هو الحلم الذي لا تستطيع أن تحققه مطلقًا؟ الحلم اللي أعلى من الظروف الحالية وأعلى من الماديات. هل يوجد شخص يتردد عليك في أحلامك؟ معارفي القدامى! برجعوا كل فترة. ما بعرف شو معنى أحلامي لمن بلتقي فيون بالحلم! كيف تقييم مشوارك المهني؟ مُتعب. هل ترى نفسك ناجح أم فاشل؟ ما في نجاح بحد ذاته ولا فشل بحد ذاته. في محاولات وفي عثرات بالوقت نفسه. ما هي مقاييس النجاح من وجهة نظرك؟ المحاولة دايما. ما هو أكثر شيء يستحوذ على تفكيرك خلال هذه الفترة؟ ممكن شي شخصي بالنسبة إلي بس بعتبره ثانوي بالنسبة للآخرين. هل تعلقت من قبل بأي شخص وتخيلت أنك لا تستطيع نسيانه ولكنك نسيت؟ نعم. بعتقد محدا بيضل عايش عالماضي قد ما كان الماضي عزيز عالبنآدم. وبمجرد ما الحياة بتعطيني فرص غنيمة فشي طبيعي أنسى الماضي. هذا حق إنك تبني حالك من جديد عن طريق الفرص. هل تفي بالوعود التي تقطعها على نفسك؟ مش مثالية بس دايما بحاول. هل تسامح الأشخاص الذين أخطأوا في حقك؟ نعم. لإنه الحقد وجع راس. بياخد من النفسية والصحة. هل تفكر في الإنتقام عندما تتعرض للظلم أو الخيانة؟ مع إنه الخيانة صعبة، والظلم أصعب. بس ما بحبذ الإنتقام، لإنه في ضمير بالنص. الضمير إذا رح يأنبك هذا وجع لمدى الحياة. هل شعرت بالحب من أول نظرة وكيف كان اللقاء؟ حب من أول نظرة؟ الحب شي كبير بالحياة، كيف يعني بدو يصير من اول نظرة؟ انا شخصيا صعب أستوعبها. هذا إسمه إعجاب من اول نظرة مش حب!! هل تتقبل الانتقاد؟ ليش لأ إذا ممكن يكون بنّاء؟ هل تعرضت لنوبة ضحك في عزاء من قبل؟ لاء ولا مرة. هل شاركت في دفن أحد ما ؟ اكيد دفن عمامي وخوالي الله يرحمن. / انا بالعادة ما بحب اشارك بهاي النوعية من الأسئلة إلا إذا بتعجبني. لإنه بحس هاي المواضيع فيها نوع من الملل، محدا بيقرأ أجوبة حدا. عموما كل ما كانت الاسئلة اقل وبنفس الوقت وجيهة، كل ما كان الموضوع أمتع. شكرا حبيبتي

نورتي وشرفتي
أسعدني وجودك واجاباتك
أنيقة انتي
ارق تحياتي لك