آنثى إستثنآئية في ضيآفة سمره على طآولة موآجهة قلب فلسطين لهذا الأسبوع ..!

	صبآحكم\مسآكم جوري آل قلب فلسطين موضوع طآولة الموآجهة اليوم حبيت أطرحه بشكل مختلف استضفت نفسي فيه واخترت شخصية على قدر من الوعي والثقافة لتنآقشني فيه @سمره شخصية متزنة ناضجة صريحة وواضحة وعلى قدر عالي من الثقة بالنفس والفهم وتحليل الشخصيات بطريقة فلسفية جميلة أختلف معها في بعض وجهات النظر لكن يبقى الاحترام سيد الموقف لن أتحدث كثيراً سأترككم مع النقآش وربما سيكون كفيلاً بأن يعطي عني وعنها انطباع لمن لايعرفنا النقاش مفتوح بيني وبين سمرة وأي عضو حابب يشاركنا النقاش يتفضل المجال مفتوح للجميع

هههههه
حححلوهه الاسستضضافه لحالكك حححبيبتتي
و سسمرهه ببردو شخخصيهه معروففهه ففي نققآشهااا المميز ')
بسس ففيناا نسأل مينن ؟ !
لانن ففي صراحهه حابهه اسسال سسمرهه كمم سسؤال مهمينن !
وورددهه

حنين يسعد مساكي،
اول ما سألتيني عن الفكره، استغربت لإنك انتي صاحبة الموضوع،
بس قدرت تصرفك انك اجيتي وسألتيني فالاول،
وانا حبيت الفكره "من باب التغيير" وبنبسط اكون معك فنفس الموضوع وخصوصا نقاشي،
لنتبادل الآراء انا وياكي وأي شخص بيحب ينضم ويبدي رأيه،
بمختلف المواضيع اللي رح اسألك عنها ونحكي فيها ان شاء الله.

اقتباس   المشاركة الأصلية كتبت بواسطة بنتْ أبويْ هههههه حححلوهه الاسستضضافه لحالكك حححبيبتتي و سسمرهه ببردو شخخصيهه معروففهه ففي نققآشهااا المميز ') بسس ففيناا نسأل مينن ؟ ! لانن ففي صراحهه حابهه اسسال سسمرهه كمم سسؤال مهمينن ! وورددهه

المجال مفتوح ننوش
فيكِ تسأليها او تسأليني
أو تشاركينا النقاش مثلاً عندك تعقيب ع جواب لي أو لها فيكِ تبدي رأيك

بتنوري دايماً

اقتباس   المشاركة الأصلية كتبت بواسطة سمره حنين يسعد مساكي، اول ما سألتيني عن الفكره، استغربت لإنك انتي صاحبة الموضوع، بس قدرت تصرفك انك اجيتي وسألتيني فالاول، وانا حبيت الفكره "من باب التغيير" وبنبسط اكون معك فنفس الموضوع وخصوصا نقاشي، لنتبادل الآراء انا وياكي وأي شخص بيحب ينضم ويبدي رأيه، بمختلف المواضيع اللي رح اسألك عنها ونحكي فيها ان شاء الله.

ومساكِ يارب
أكيد لازم أخد رأي العضو قبل ماأنزل أي موضوع بتعلق فيه
صدقاً كنت ناوية أستضيفك وأمشي الموضوع عادي
لكن فكرت انه الأسئلة التقليدية اللي بسألها بالنسبة لك ماراح تكون بهالأهمية الكبيرة
وماعندي نفسية ولا دماغ يفكر بأسئلة جديدة
فقلت أستضيف نفسي وانتي تسألي ونتناقش
محتاجة لدعم نفسي هالفترة هههه

@سمره

بداية النقاش خليني اعرف رأيك فيا ومدى ثقتك بعقليتي وتفكيري
لأعرف كيف ح أستكمل معك النقاش


انتي تعاملتي معايا كـ عضوة وكـ إدآرية بملك صلآحيآت وكـ انسآنة
أي مكانة من هدول حبيتيني فيها اكثر وليش ؟

انتي بتعرفي انتي بثق بكلامك وبعتبر رأيك من الأراء اللي بتهمني وبتطلع لنا دائماً
ولو انه في بعض أحيان ممكن أتدايق من رأي لكن بحترمه وباخده بعين الاعتبار
لهيك بطلب منك تعطيني ايجابياتي وسلبياتي اللي لمستيها بشخصيتي بكل وضوح وأريحية ؟

كلمة أخيرة لـ حنين ونصيحة لها ؟

اقتباس   المشاركة الأصلية كتبت بواسطة آنثى إستثنآئية @سمره بداية النقاش خليني اعرف رأيك فيا ومدى ثقتك بعقليتي وتفكيري لأعرف كيف ح أستكمل معك النقاش [/color]

حنين انتي إنسانه واعيه، فهمانه، مانك صغيري بالعمر، مرقتي بتجارب بحياتك اكيد،
بس ما بعرف اذا صار عندك مبادئ بالحياة.
انتي من غزه ويمكن المجتمع فغزه مختلف عن بقية المجتمعات وهذا اشي طبيعي بإنه كل مجتمع يكون مختلف عن اي مجتمع ثاني،
واكيد كل إنسان إلا ما يتأثر بالمجتمع يللي هو عايش فيه، من هالمنطلق بدي اعرف اي اسئله اسألك،
يمكن اعتبر فكرك محدود لحد ما ويمكن لاء،
بس ابلش اسألك رح احاول اعرف مين انتي بصوره اوضح من خلال اجوبتك.

اقتباس   المشاركة الأصلية كتبت بواسطة آنثى إستثنآئية @سمره انتي تعاملتي معايا كـ عضوة وكـ إدآرية بملك صلآحيآت وكـ انسآنة أي مكانة من هدول حبيتيني فيها اكثر وليش ؟

التنين اكيد،
حبيتك كعضوه او كإداريه لإنك ما سبق وتركتي عندي انطباع سلبي بالعكس، كنت لمن اطلب منك شغله تحترمي طلبي وتساعديني حتى لو كانت شغلات بسيطه مثل تعديل مشاركات، وعفكره هالمواقف البسيطه ممكن تهمني اكثر من اي مواقف ثانيه لإنه الناس غالبا بتتجاهل هاي المواقف لسبب كونها "مش مهمه كتير".
كإنسانه حبيتك وبحترمك كتير، وبحب شخصيتك الوسيمه، وبحب إلتزامك واحتشامك، وحبيتك اكتر لمن فكرتي تتوجهيلي بكثير امور كانت هالقد شخصيه وما بتنحكى لمين ما كان، وانا من النوع اللي بحترم خصوصيات الناس، انا بتمنى اني قدرت اكون مثل ما انتي حبتيني اكون معك. وحبيتك اكثر لإنه ما قللتي احترام معي لا سمح الله بالعكس وحتى شخصيتي وطبيعة حياتي تقبلتيها مثل مهي.
روحك حلوي وعفويه ولبقه فالحكي ما بعمرك حكيتي معي حكي فاحش حتى لو كان مزح.
فأنا حبيتك عالجهتين لإنك عالجهتين عرفتي تتركي انطباع ايجابي عندي.

اقتباس   المشاركة الأصلية كتبت بواسطة آنثى إستثنآئية @سمره انتي بتعرفي انتي بثق بكلامك وبعتبر رأيك من الأراء اللي بتهمني وبتطلع لنا دائماً ولو انه في بعض أحيان ممكن أتدايق من رأي لكن بحترمه وباخده بعين الاعتبار لهيك بطلب منك تعطيني ايجابياتي وسلبياتي اللي لمستيها بشخصيتي بكل وضوح وأريحية ؟ [/color]

ايجابياتك، بتعرفي تزرعي البسمه بقلوب ناس غيرك بروحك الحلوي وبنهفاتك حتى لو كنتي فعز ظروفك الصعبه،
بتعرفي كيف تجذبي الناس إلك بكل اشي حلو فيكي،
عصبيتك دايما بتخليها بينك وبين نفسك ولا مره بتبيني هالشي.
عندك خلفيه سياسيه وانا حبيت هالشي فيكي ولو اني ما بحب السياسه.


سلبياتك، انتي انسانه حساسه كتير،
بتضلك عايشه عالماضي،
يمكن بتثقي بأي شخص بتحسيه لطيف معك من البدايه، وبتهيألي هذا غلط لإنه مش كل الناس محل ثقه.

اقتباس   المشاركة الأصلية كتبت بواسطة آنثى إستثنآئية @سمره كلمة أخيرة لـ حنين ونصيحة لها ؟ [/color]

لمن تكوني واثقه من خطوه معينه بحياتك، خليها بينك وبين نفسك وما تحاولي تحكي فيها لإنه آراء اللي حواليكي مش رح تفيدك لمن تكوني صرتي ماخذي قرار.
لإنه هالشي بكون صار واضح بنظر غيرك.
ونصيحه اللي هي اهم، لمن بدك تفتحي قلبك لحدا، اعرفي تختاري الشخص الصح بالوقت المناسب. لإنه الناس هالايام فضيحه.

/

برجعلك مع اول فقره من اسئلتي.

اسئله بشكل عام عنك.

لو سألتك انتي مين؟ شو رح تجاوبيني؟
علما حكيك بهالسؤال بالذات ممكن يكون جواب لأسئلة كتير ناس.

بتعتبري حالك إنسانه ناجحه ولا إنسانه فاشله؟ وليه؟

الإنسان بشكل عام لمن يخلق، بيخلق لأجل اشي معين بالحياة، حنين منشان شو خلقت؟

اكتر صفه حبيتي انها تكون موجوده بشخصيتك؟ وليش هالصفه بالذات؟

الإنسان إلا ما يكون محظوظ بأشياء معينه، حنين بشو محظوظه؟

ما في إنسان ظالم ولا إنسان مظلوم، في انسان ظالم ومظلوم بنفس الوقت لإنه ما في إنسان معصوم،
مين ظلمك وبشو انظلمتي؟ مين ظلمتي وبشو ظلمتي؟

لحد هون بوقف،
برجع بكرا ان شاء الله.

جميل جدا تغيير فكرة الموضوع

بالاخص مع سمرة

انسانه فكرها واسع والها نظرة خاصة

اكيد راجعة بالاسئلة

كل انسان أخد درس من الحياة شيء طبيعي يتكون عنده مبدأ معين
ومثل ماقلتي انا مش صغيرة وأخدت من الحياة بعض دروس وكونت عندي مبادئ
منها اللي مستحيل أتنازل عنه مهما حصل ومنها اللي ممكن أساير الحياة فيه

ممكن تعتبري من وجهة نظرك فكري محدود من ناحية بعض أشياء بربطها بالدين أو العادات والتقاليد
عموماً ماراح أستعجل الحكم النقاش كفيل يظهر هالجانب

أقوى سبب خلآني أتوجه بالمشورة بأمر بخصني إنك دايما بتتعاملي بعقلانية
ومهما شكيت او بكيت مش ح تتعاطفي معي بشي تكذبي عليا فيه لحتى تطمني بالي أو تهديني
ولأنك خارج الدائرة فـ ح تشوفي الموضوع بصورة غير اللي أنا شيفاها


بالنسبة لـ عصبيتي فـ تحليل هنا مع احترامي لك خاطئ
ممكن عصبيتي ماظهرت لك انتي أو ماشفتيها بموقف
لكن أنا لما انفعل من شي خاصة لو كان هالشي بمس عواطفي
نفعل بشكل جنوني لكل برضو مش لكل الناس
عادة بفرغ عصبيتي بشخص بكون واثقة انه بتقبلني مثل ماانا
وعارف قلبي كيف وشو انا ومهما اخبص بالحكي مابشيل بقلبه مني
لكن لو حسيت انه أخد موقف مني نتيجة تهوري وعصبيتي عليه بحط حد لتعاملي معه فوراً
مهما كان قريب مني
وبيني وبينك ماحدا قدر يتحملني بكل حالاتي حتى أقرب الناس لقلبي


بالنسبة للثقة ممكن أظهر للشخص اني بثق فيه لكن من جواتي بكون حاطة احتمال 99% يغدر فيا
مش تخوين في الشخص لا هو حفاظ ع مشاعري من الاستنزاف وعن نفسي من الصدمة
لأنه مشكلتي اذا وثقت بشخص مابعود بشوف غدره لو غدر يعني فيكي تقولي بنعمي
وأنا بحياتي كلها ماوضعت ثقة كاملة بأحد الا بشخص واحد وبعاني لحتى الآن بأني مش قادرة أشوف
الخير من الشر



ماتعودت افتح قلبي لحدا الا لشخص بختاره قلبي
فيكي تقولي بتنطبق عليا المقولة الشهيرة لـ تشارلز ديكنز
ليس من طبيعتي أن أخفي أي شيء عمن أتعلق بهم فأنا لاأستطيع أبداً أن أعلق فمي حيث فتحت قلبي
ومن هالناحية أنا مطمنة لأنه قلبي مش بسهولة بنفتح ومابنفتح الا مرة وحدة
يعني أي شي بحكيه ل أي شخص سواء قريب أو غريب عزيز او عابر بكون عاملة حساب انه ينعرف هالشي اللي حكيته ومابحكي الا اللي بكون قاصدة يوصل أو اللي مابيفرق معي وصل او لا
أما شي بخصني ماممكن اشارك فيه الا شخص قلبي اختاره فعلياً ومش كل الخصوصيات كمان