عيادة المنتدى - قلوب حائره

اقتباس   المشاركة الأصلية كتبت بواسطة سمره نقاء مبتل يسعد مساكي، كيفك اليوم؟ ان شاء الله تكوني منيحه انتي وامورك. فش حاجي تتأسفي لإنه انا هاي شغلتي فالموضوع هذا مهما العضو حكى وطوّل فالحكي، لازم اسمع. قبل ما احاول افهم مشكلتك الاولى واساعدك لتخففيها، بس حابه الفت نظرك لشغله اللي لازم تعرفيها إنه مفش إنسان بيعصبش بالدنيا، يعني انا كمان بعصب زيك، وكل الناس بيعصبوا زيك، بغض النظر ع إنه العصبيه فيها درجات، بس ع الاقل لازم تعرفي هالاشي لحتى متضليش تحسي ع انك عم تعملي اشي عاطل لمن بتعصبي وهالشي بيخفف توترك وقلقك تجاه موضوع عصبيتك. والإنسان لمن بدو يحل مشكله معينه، لازم اول شغله يعملا يعرف شو هي الاسباب اللي خلتو يوصل لهالمشكله اللي بكون عم بعاني منها، فش اشي بالحياة بصير بدون سبب، يعني انتي لازم تعرفي شو اللي بخليكي تعصبي،لإنه من ورا هالإشي بتقدري توصلي لحل. ومن الاسباب اللي بتخلي البنت تعصب، الضغط النفسي فالواقع يللي هي عايشيته يعني مش كتير بتكون مقتنعه ببعض الاشياء اللي موجوده بحياتها، بس إذا بطلع بإيدها تبطل هالاشياء وتمحيها من حياتها ليش لاء؟ حاولي لو كان هالسبب اللي ذكرته مزبوط. يعني مانك مضطره تقبلي بوجود اشي انتي مش طايقيتو وعاملك مصدر ازعاج. وممكن عصبيتك بسبب كترة الشغل فالبيت، يعني لمن تقومي من النوم الصبحيات دغري ع الشغل او لمن ترجعي من شغلك او جامعتك دغري ع الشغل مع انك بتكوني فعز تعبك من مشاويرك وتعليمك وشغلك. بهاي الحاله لازم تقسموا الشغل، مع خواتك وامك يساعدوكي وميخلوش الشغل كلو عليكي لو كان هالسبب من الاسباب اللي بتخليكي عصبيه. ومن الاسباب يللي بتخلي البنت تكون عصبيه كترة افراز الهرمونات وخصوصا بفترة العاده الشهريه او الدوره الشهريه متل ما بحكولها وهذا اشي معروف طبيا، إنه البنت بوقت العاده الشهريه بتكون عصبيه غير شكل وبتكون بحاله نفسيه وبتكنش طايقه حدا ولا قادري تشتغل اشي فالبيت او برات البيت. وانا هيك بصير معي بلحظتا، وبتحمل. يعني هون بتقدريش تعملي اشي لإنه الدوره الشهريه هاي دوره بتصير كل شهر بغض النظر عن سلبياتها وكيف إنه بتخلي البنت عصبيه بس هالدوره كتير مفيده لجسم البنت لإنه بتنظف جسمها من الدم الوسخ، وبتعمل ع إنه يضل الدم نظيف فجسم البنت، وهكذا كل شهر. فا لازم تتحملي حالك بفترة الدوره الشهريه لإنها شغله اسبوع وبتمرق. وممكن سبب تاني إنه سبق وصار معك اشي بحياتك، مرقتي بتجربه، عانيتي منها او فشلتي فيها او او ، بس بتضل ببالك ومش عم تقدري اتطلعيها من راسك، من كتر ما تأثرتي باللي مرقتي فيه، هون الاشي بإيدك لازم تحاولي تنسي كل اشي مرق، وإنه الإنسان إذا بيضل عايش ع الماضي صعب يتقدم ويتغير للأفضل لإنه بكل بساطه رح يضل محلو، يعني إذا انتي حابه تتقدمي بحياتك انسي اللي مرق ! بلكي عصبيتك بتروح. وممكن عصبيتك بسبب التشاؤم مع إنه انا بعرفش إذا انتي بالفعل شخص متشائم او لاء، بس في ناس من كتر ما هني متشائمين بيضلون يقولوا "كل فتره بصير معي مشكله، يلا تنشوف شو المشكله الجديده اللي رح تجيني !!" هاي الناس معدومة التفاؤل، هالاشي بيخلوا العصبيه تنوجد، حاولي تتقربي من كل اشي وتفكري بكل اشي ايجابي بعيد عن التشاؤم. دلّيتك شو ممكن تعملي لو كان سبب عصبيتك هالاسباب يللي انا ذكرتها، وزياده عاللي قلتو لحتى تخففي عصبيه، **حاولي تعطي لنفسك وقت فكل اشي، يعني متلا متقوليش "معي سيعتين وبس لحتى اخلص هالطبخه، او "معي نص سيعه لحتى البس واكون جاهزه" تحدديش اوقات واعملي كل اشي ع مهلك بدون ما تضغطي ع حالك. **تحطيش كل المسؤوليات عليكي، لإنه مهما كنتي قويه بأدائك كأنثى إلا انه انتي مش من حديد، يعني تعمليش حالك التوب ومقواني وانك بتقدري تعملي كل اشي، هلاشي بيخفف من عصبيتك لإنه مطرح ما بتكوني هيك رح تضل مضغوطه ومعصبه. **حاولي اطلعي رحل ومشاوير، تتنفسي شوي وترتاحي فيون بدون ما تفكر بولا اشي يشغل بالك اللي يرحعك لعصبيتك، الرحل والمشاوير لازم كل فتره، مش تروحي فتره وتبطلي تروحي، لاء لازمي ع انك تروحي كل فتره. **اعرفي إنه العصبيه بتعملك مشاكل فالجسم ومع الوقت يبطل في نشاط فجسمك ويضعف ويمرض، والواحد بقدر يعيش بدون صحته إذا مكنتش منيحه؟ اكيد لاء، معناتو باللحظه اللي حاسه بدك تعصبي فيها دغري اسالي حالك "وصحتي؟" صحتك اهم إذاً ابعدي عن العصبيه. تحكيش مع ناس متشائمه، وابعدي عنون، احكي مع ناس عفويه ومتفائله، هالاشي بنسيكي العصبيه وبتعديش تفكري انك تعصبي لإنه من كتر اختلاظك معن رح تتعلمي منون كيف تكوني شخص متفائل وايجابي. **تتوقعيش اشياء من اللي حوليكي، لإنه لمن تتوقعي ومتلا قولتي اثار بكرا رح تيجي تساعدني بمشكلة كذا كذا وانا متأكده، وفجأه انا ما اجيتش ومساعدتكيش هون بصير عندك احباط والاحباط بعمل عصبيه، فا خففي توقعات. **ارضي بالموجود بدون ما تتذمري وقدّري حياتك اللي انتي عايشيتها اللي غيرك يمكن يتمناها ! هالاشي بيخفف عصبيه. **حاولي متتسرعيش بتصرفاتك وتصمدي بدون ما تعصبي لإنه صدقيني فش اشي بستاهل. **واخر اشي اللي هو اهم اشي اذكري الله كل الوقت. انا بتمنى انو عنجد اكون ساعدتك شوي، وبس بدي منك مش بس تقري اللي كتبتلك اياه، بدي كمان تعملي اللي عم بقلك عليه، وراجعه لأفهم مشكلتك التاني، وان شاء الله يطلع بإيدي اشي.

مسائك سعيد سمرة 😊

تسلمي يارب وشكرا لزوقك ، حكيك كله صحيح فعلا واقنعني

وع فكرة انا متفائلة جدا وبحبش التشاؤم

أن شالله بعمل بحكيك كله وبإنتظارك 🌸

مساء الخير نقاء، كيفك اليوم؟
انا مبسوطه انه كل اللي قلتلك اياه بمشكلتك الاولى اقنعك.

وبالنسبه لمشكلتك التانيه، الظاهر بتحبي تكوني كامله متكامله فكل اشي بس مفش إنسان هيك، الكمال كلو لله ودايما حطيها ببالك.
لهيك كلنا معرضين إننا نغلط كل الوقت وفأي لحظه، ولمن حدا يقلك انتي غلطتي، هالحدا هو برضو بكون غلط بحياتو متلك،
يعني انتي مش الوحيده اللي بتغلط، كل إنسان بهالدنيا ممكن يغلط وهذا اشي طبيعي،
واوقات لازم نغلط لحتى نتعلم من الغلط، يعني مستحيل تلاقي إنسان يكون متل الملاك بغلطش مهما كان عندو ايجابيات، مهما كانت نيته طيبه ومهما كان في خير جواته إلا ما يغلط.
ويمكن ثقه بالنفس موصليتك لوضع انه نقاء مستحيل تغلط بحياتها وكل اشي هي بتقوله وكل اشي هي بتعمله هو الصح، صعب تكوني هيك إلاما تغلطي،
وفعلا من طرحك لهالمشكله اكدتيلي ع إنك ياما غلطتي،
**فش حاجي تستحي او تتدايقي لمن حدا يعترفلك، لإنه اللي قبالك بكون متلك والغلط بيوّعي الإنسان لحتى ما يرجعش يكرر الغلط،
**خلي عندك الروح الرياضيه انك تتقبلي كل انتقاد او كل ملاحظه سلبيه موجهه الك وكل إعتراف،
وهالاشي بيساعدك لتتركي انطباع حلو عند الناس، مش انطباع بشع متل ما عملتي مع صحبيتك يعني صحبيتك يمكن ولا بحياتا رح تفكر ترجع تحكي معك مره تاني مع انك ندمتي بس اخذت منك موقف وانتي اللي تركتي انطباع سلبي عندها. واكيد كل إنسان بيحب الناس تطلع عليه وتشوفه بمنظار حلو.
ولا بحياتك تكوني هيك، حتى بالبيت مع اهلك واخواتك، خلي الناس واهلك والمجتمع كلو إنون وقت يذكروا اسمك "يبتسموا" قبل ما يبلشوا يحكوا عنك !
صدقيني يمكن هاي احلى شغله بالحياة انك تتركي انطباع حلو ايجابي عنك وبصمه منيحه، حتى هون فالمنتدى احرصي ع انك تكوني هيك وتحافظي ع هالشي.
**اتذكري دايما ع انك مش الوحيده يللي بتغلط بالعكس كل الناس زيك وإنه اللي بغلطش بتعلمش،
**متخلش الناس تشمئز منك وتبطل تتقرب منك من صغر وطريقة عقلك، لإنه بالنهاي بتلاقيش مين يحب يقعد معك او يحكي معك ويتقرب منك والوحده لحد ما مش كتير منيحه للإنسان وإنه ما في احلى من الإنسان الاجتماعي ولحتى تكوني اجتماعيه لازم تبطلي مشكلتك هاي. وبالعكس فرجيون انك إنسانه فهمانه وانك بتتقبلي اي اشي بنحكالك بدون حساسيه او انفعالات او عصبيه.
**حاولي دايما تكوني واقعيه ومنطقيه بدون تناقض لإنك قلتيلي "بحبش حدا يكون احسن متي ومع انه مقتنعه إنه في ناس احسن مني"، بطلي فكري بهالطريقه لإنه هذا اسمه ناقض ومنقوض، وإذا بتضلك تفكري بهالطريقه صعب تغيري هالطبع اللي عندك.
**حاولي تتقربي من الناس اللي عندون روح رياضيه انه وقت ينحكالون عن غلط عملوه ابقي شوفي كيف بتكون ردة فعلون وهالاشي بخليكي تتغيري.
الناس مش احسن منك بس انتي برضه مش احسن من الناس.


بتمنى اكون ساعدتك بهالمشكلتين،
لإنه عنجد عملت اللي علي وحاولت ادلك ع الاشياء ممكن تفيدك وتساعدك.
بالتوفيق

اقتباس   المشاركة الأصلية كتبت بواسطة سمره مساء الخير نقاء، كيفك اليوم؟ انا مبسوطه انه كل اللي قلتلك اياه بمشكلتك الاولى اقنعك. وبالنسبه لمشكلتك التانيه، الظاهر بتحبي تكوني كامله متكامله فكل اشي بس مفش إنسان هيك، الكمال كلو لله ودايما حطيها ببالك. لهيك كلنا معرضين إننا نغلط كل الوقت وفأي لحظه، ولمن حدا يقلك انتي غلطتي، هالحدا هو برضو بكون غلط بحياتو متلك، يعني انتي مش الوحيده اللي بتغلط، كل إنسان بهالدنيا ممكن يغلط وهذا اشي طبيعي، واوقات لازم نغلط لحتى نتعلم من الغلط، يعني مستحيل تلاقي إنسان يكون متل الملاك بغلطش مهما كان عندو ايجابيات، مهما كانت نيته طيبه ومهما كان في خير جواته إلا ما يغلط. ويمكن ثقه بالنفس موصليتك لوضع انه نقاء مستحيل تغلط بحياتها وكل اشي هي بتقوله وكل اشي هي بتعمله هو الصح، صعب تكوني هيك إلاما تغلطي، وفعلا من طرحك لهالمشكله اكدتيلي ع إنك ياما غلطتي، **فش حاجي تستحي او تتدايقي لمن حدا يعترفلك، لإنه اللي قبالك بكون متلك والغلط بيوّعي الإنسان لحتى ما يرجعش يكرر الغلط، **خلي عندك الروح الرياضيه انك تتقبلي كل انتقاد او كل ملاحظه سلبيه موجهه الك وكل إعتراف، وهالاشي بيساعدك لتتركي انطباع حلو عند الناس، مش انطباع بشع متل ما عملتي مع صحبيتك يعني صحبيتك يمكن ولا بحياتا رح تفكر ترجع تحكي معك مره تاني مع انك ندمتي بس اخذت منك موقف وانتي اللي تركتي انطباع سلبي عندها. واكيد كل إنسان بيحب الناس تطلع عليه وتشوفه بمنظار حلو. ولا بحياتك تكوني هيك، حتى بالبيت مع اهلك واخواتك، خلي الناس واهلك والمجتمع كلو إنون وقت يذكروا اسمك "يبتسموا" قبل ما يبلشوا يحكوا عنك ! صدقيني يمكن هاي احلى شغله بالحياة انك تتركي انطباع حلو ايجابي عنك وبصمه منيحه، حتى هون فالمنتدى احرصي ع انك تكوني هيك وتحافظي ع هالشي. **اتذكري دايما ع انك مش الوحيده يللي بتغلط بالعكس كل الناس زيك وإنه اللي بغلطش بتعلمش، **متخلش الناس تشمئز منك وتبطل تتقرب منك من صغر وطريقة عقلك، لإنه بالنهاي بتلاقيش مين يحب يقعد معك او يحكي معك ويتقرب منك والوحده لحد ما مش كتير منيحه للإنسان وإنه ما في احلى من الإنسان الاجتماعي ولحتى تكوني اجتماعيه لازم تبطلي مشكلتك هاي. وبالعكس فرجيون انك إنسانه فهمانه وانك بتتقبلي اي اشي بنحكالك بدون حساسيه او انفعالات او عصبيه. **حاولي دايما تكوني واقعيه ومنطقيه بدون تناقض لإنك قلتيلي "بحبش حدا يكون احسن متي ومع انه مقتنعه إنه في ناس احسن مني"، بطلي فكري بهالطريقه لإنه هذا اسمه ناقض ومنقوض، وإذا بتضلك تفكري بهالطريقه صعب تغيري هالطبع اللي عندك. **حاولي تتقربي من الناس اللي عندون روح رياضيه انه وقت ينحكالون عن غلط عملوه ابقي شوفي كيف بتكون ردة فعلون وهالاشي بخليكي تتغيري. الناس مش احسن منك بس انتي برضه مش احسن من الناس. بتمنى اكون ساعدتك بهالمشكلتين، لإنه عنجد عملت اللي علي وحاولت ادلك ع الاشياء ممكن تفيدك وتساعدك. بالتوفيق

يسعد مسائك سمرة

والله مش عارفة كيف اشكرك

فعلا عملتي يلي عليكي وزيادة

بس بالنسبة لرفقتي بظن أنها نسيته لهالموضوع ورحعنا متل السمن ع العسل متل قبل الحمدلله

ربي يوفقك بحياتك يارب وتكوني ديما عون للناس 🌸💙

يسعد مساك حبيت اتشكرك على النافذة والمساحة المفتوحة للجميع هون
حبيت طريقة تحليلك للمشكلة وطريقة التفكير فيها من جميع ابعادها واعطاء الحل الذكي والمقنع والسلس فيها
شخصيا كتير حبيب هالشي وبتمنالك التوفيق والسعادة بحياتك خيتي
لروحك الياسمين ^^

اقتباس   المشاركة الأصلية كتبت بواسطة وردة الياسمين يسعد مساك حبيت اتشكرك على النافذة والمساحة المفتوحة للجميع هون حبيت طريقة تحليلك للمشكلة وطريقة التفكير فيها من جميع ابعادها واعطاء الحل الذكي والمقنع والسلس فيها شخصيا كتير حبيب هالشي وبتمنالك التوفيق والسعادة بحياتك خيتي لروحك الياسمين ^^

اهلين وردة، مساكي ورد، انا كمان بقلك شكرا ع حكيك الحلو، ما تتصوري قديش بعطيني دفعه معنويه خصوصا انه هالموضوع مش هوين فا كتير بحاجه لمثل هالحكي يطلع من القلب، والحمد لله ساعدت الاعضاء ع قد ما بقدر. وانا مجبوره احلل المشكله وافكر من عدة إتجاهات مش من إتجاه واحد ونفس الااشي وقت طرح الحلول. ولو إني تغلبت شوي ببعض المشكلات اللي انطرحت هون لإنه في اعضاء شوي غامضين. واكيد رح اكون جاهزه فأي وقت لأحل اي مشكله بتواجه اي عضو، بس ان شاء الله محدا بواجه مشاكل، الموضوع صرلو فتره هادي وانا مبسوطه لإنه مفش مشاكل. وبشكرك عالدعوه الحلوي، ويوفقك يارب