رأيكم بهيك مشكلة بكل صدق وصراحة .!

اقتباس   المشاركة الأصلية كتبت بواسطة barbie نتآهه ككنتت صصآدقق و ككتتير ككمآإنن ! و مددخخلهآ بالثثقهه م ددامم نتاهه ققولتت ههالششي لآههلهآإ ! ممو نآإسس غغريبينن ! بسسس ممكنن هيي أخدتتهآ ءءنو لآزمم ههي تتعرفف بالآولل و ححققهآإ لححد ممآإ بسس م ددامم فيي بينكمم ححبب ! ككلششي ح يككون تممامم ! بسس نتاهه لو ترد ععليي م تححكيهآإ ! آططلبهآإ رسسسمي منن آههلههآ ههيكك بتككونن ععملتت يل ععليكك ! ووردهه

اول شي تسلمي ننوش ع مشاركتك
طلبتها ع فكرة والقصة مش قصة اني قولت لاهلها وخبيت عليها القصة اكبر من هيك
هي بحاله صعبه هالوقت وقصة ما احكيها مش سهل خالص
تسلمي مرة تانية ننوش

اقتباس   المشاركة الأصلية كتبت بواسطة نقاء يمكن معها حق تزعل شوي انك ما صارحتها بس برضه انت صارحت اهلها يعني ما ضليت مخبي للاخر مع انه يمكن كان فيك تعمل هيك واتضل مخبي وما حد هيعرف عنك هالاشي حاول تقنعها باسلوب حلو انه حرام تخسرو بعض عشان هالسبب وكمان حاول تتواصل مع امها يمكن هي تفهمك وتقدر تأثر عليها

شكرا الك لمشاركتك
انا ما خبيت شي ماضي ولا خبيت شئ بينفع يضل مخبى هاي علاقه بيني وبين ناس من نفس بلدها
وكتير سألتني عنهم كنت اداري واخبي هالموضوع ولما اجا الوقت صارحت ابوها وعرفت حجات كتير بين ابوها وبين هالجماعة سيئ
احترامي نقاء للمشاركة

اقتباس   المشاركة الأصلية كتبت بواسطة البريئة ! عليكم السلام و رحمة الله كان المفروض انك تصراحها قبل تحكي لأبوها او اخوها المفروض إن هالبنت اقرب لك من ابوها لما شافتك حكيتلهم اشياء هي ما بتعرفهم حست انها بعيدةة عنك او ممكن انك ما بتشوفها متل ما هي بتشوفك لهيك دخلت الثقة بالموضوع ما بصير الحل بمواقع التواصل لو في مجال ؛ روح لعندها و اقعد معها انا حاسة بزعلها لأن اي بنت مكانهاو عاشت هالشي رح تزعل انت بنظرها احسن و اقرب شخص لإلها و كانت متخيلت بتشوفها نفس الشي و انت هيك فعلاً بس للأسف تصرفك بين العكس برر لها ان هالأمور اللي انت حكيتها الهم امور بسيطة جداً و عادية و انك مثلاً ما حبيت تضيع وقتك معها بالحكي بهيك إشيا تافهة و ان وقتك معها اثمن من كل هالحكي لهيك انت بتستغلو بأشياء تانية الموضوع مش بهاي الصعوبة يَ جرح شغلة بسيطة تعملها عشانها و الله غير تنسى و ترجع متل الأول و احسن موفق .

الموضوع اختي انها اول مرة شافتني مع جماعة بيشتغلو شغل مش منيح في بلادهم وهي البنت ابوها رجل اعمال وهدول من قبل هيك صاير بينهم مشاكل
ولكن كل هالكلام قديم وقبل ما اعرفها في بدايه حيات ابوها وفعلا ما كان عندي علم ولا بعرف بكل هالكلام غير لما شافتني وصارحتني انو هدول عملو في ابوها هيك هيك وابعد عنهم وانا ما اهتميت
وهي شافتني معهم وكانت تسألني عنهم كتير واقولها بعرفهومش وهما صحاب اخوي ومرة اقولها معرفتي فيهم سطحية لحد ما كان رح بيصير النصيب صارحت ابوها وحكتلو علاقتي فيهم وانو بينا مصالح
ابوها تفهم الموضوع يالي هو صاحب الضرر وبالعكس اخد الموضوع بهدوء وهي اخدت فكرة بخبي وهيك شي وكتير بحياتي ناس زي هيك وع فكرة علاقتنا عاديه والله بس كتير بتبكي وبتصير انت بنيت خوف وكسرت ثقة وهالكلام هاد

سلمتِ لمشاركتك

اقتباس   المشاركة الأصلية كتبت بواسطة الصياد مش ضروري تصراحها ولا تصارح اهلها باشي طالما ما بستاهل ولا بضر باشي بالمستقبل وما خص الثقة في هالموضوع انتي بتحكي شغلاات بماضيك ما الها علاقة فيها لحتى تنكسر ثقتها انك خبيت واذا العلاقة راح تبني ع هيك وما انحلت مشكلتك ولا رضيت ف ما ترتبط فيها ولا تحاكيها افضل ..

في حجات ما بينفع تتخبى وقت ما حيصير ارتباط وزواج
الموضوع اله علاقه بحياتها معي ك زوجة قبل ما تكون حبيبة او علاقه تانية
الموضوع حاضر ومستقبل عزيزي نعم انه اشي بيخصني انا وبيهمني انا ولكن انا صارحت ابوها فيه لانو هو الي بهمني يعرف الصحيح

احترامي لمشاركتك

اقتباس   المشاركة الأصلية كتبت بواسطة هاوي القدس أنا اتصور في المستقبل كيف يكون اذا تم الارتباط فعلا اشياء وقعت لم تكن فيها هي موجودة وفاتت وانتهت وزد على ذلك لم تخفيها اخترت الوقت المناسب واخبرتها ولم يعجبها ذلك الخلاصة ارى ان البنت حابة تسيطر من اولها وتعرف وكل ما رايح تقوم به في المستقبل حتى بعد اذنها . أو لم يعجبها الحال ووجدت سبب لذلك. نصيحة فكر جيدا قبل ما تتخذ اي قرار تندم عليه .

لو الموضوع ماضي وانتهى حقك تحكي هيك اخوي بس الموضوع مش هيك خالص
وله يا زلمة احنا فلسطينية ما بنرضى ع مرة تحكمنا ولا تسيطر علينا ولا هالشي من اخلاقنا ولا صفاتنا
وما تقلق انشالله ربنا يكتب الخير ويصير

احترامي لمشاركتك

اقتباس   المشاركة الأصلية كتبت بواسطة هل كان حباً من حقك إنك تحتفظ بأمور خاصة فيك وبتتعلق بحياتك هذا حقك ومش من حق أي طرف آخر يلزمك إنك تحكيها بعدين طالما هذه الأشياء مش غلط وأشياء عادية ، وين الغلط الي انت عملته والثقة الي ضيعتها ؟ انا مش شايف في اضاعة للثقة بعدين الواضح من كلامك إنك ما تقدمت بشكل رسمي وطلبت إيد البنت فليش البنت تزعل على انك ما حكيت هذه الأشياء الي انت اصلاً مش مجبور تحكيها أنا شايف أن الأمر فيه أفورة من البنت ، او فاهمة معنى اضاعة الثقة غلط وعلى حسب فهمي من الموضوع والكلام الي انت كتبته إنتَ مش غلطان وأترك البنت شوية تراجع حالها ، ممكن تكون لسى مش واثقة من مشاعرها تجاهك او بدها تفكر بشكل أكثر ووجدت هالأمر باب تدخل منه حتى تكسب شوية وقت ما بعرف أنا هذا رأيي وهذا الي فهمته من كلامك وما بدي اظلم البنت كمان بوجهة نظري لأني لا أملك تفاصيل أمور مثل هيك لازم تسمع من الطرفين يعطيك العافية

فليش البنت تزعل على انك ما حكيت هذه الأشياء الي انت اصلاً مش مجبور تحكيها

لانو رح تعيش حياتها معي ورح تكون شريكة حياتي , وخافت وهي هاى الثقة الي انكسرت فيها انه هل كل الي بتعرفهم هيك او من وين الك وكيف جبت وشو علاقتك فيهم وهاد شئ شخصي انا معك ومن حقي اتحفظ عليه بس انا من وقت عرفت انو كان من سنين في بينهم وبين ابوها شئ سيئ صارحتو قبل ما اصارحها بهاد الشي وبحجات كتيرة ..
نعم كنت بعرف انو هما شو بيشتغلو وشو بيعملو بس ما كنت اتخيل انهم صاير بين اهلها وبينهم شي لهاي الدرجة
وكتير سألتني بصراحة عنهم من اول مرة شافتني معهم وانا اخبي واداري ع السؤال وكل مرة اجاوب جواب بارد وانه مالي علاقه فيهم لحتى حسيت الوقت المناسب الي ما حينفع اخبي فيه شئ
وربنا يصلح الحال

احترامي لمشاركتك

اقتباس   المشاركة الأصلية كتبت بواسطة lonely heart انت مش غلطان ابدا والموضوع ما اله علاقة بالثقه وبعتقد حكيت الها او لاهلها هم التنين نفس الشي بنظري واي شي كان بماضيك شي وراح وهي الها من الوقت يلي عرفتك فيه انت عم تقول انها اشيا عاديه يعني مش هالاشيا يلي ممكن تخليها تزعل منك او انها تحكي انك كسرت الثقه بيناتكم انا شايفه انك كنت صريح وصادق وقليل يلي بعملوا هيك ما حبيت انك تخبي شي عن أهلها مع انه هالشي مش الزامي عليك بما انه شي صار بالماضي ممكن هي مكبره الموضوع اكتر من اللازم ما بعرف الموضوع بكل تفاصيله وما فيني احكم عليها اذا هي بتحبك وشاريتك رح تغض النظر عن هاي الأمور خاصة وانه لسا ما في شي رسمي بيناتكم الكلام ع التلفون مش حل بنظري روح واقعد معها واحكي وجه لوجه وان شاء الله بتنحل هالامور بيناتكم في نقطة ذكرها هل كان حبا وانه البنت ممكن تكون لسا مش واثقه واكيده من مشاعرها تجاهك ممكن يكون هالشي صح بتمنالك التوفيق وان شاء الله بتلاقي حل لهالموضوع

اي شي كان بماضيك شي وراح وهي الها من الوقت يلي عرفتك فيه

لو كان ماضي وانتهى معك حق بهالكلام وانا ما حكيت ماضي حكيت كلام وعلاقات واشياء بتخصني , لونلي بس هو حاضر ومستقبل , وهي اشياء عاديه بالنسبة لالي يعني علاقه بناس عرفت منها صدفة انهم كان الهم علاقه بابوها وكان بينهم خلافات ومشاكل فلوس وشغل مش طبيعي
وبالعكس اختي هي واثقة جدا بحبها الي وبثقتها فيه الثقة الي انكسرت بينا انه اخدت فكرة انو كل شي بعملو او عملتو اله علاقه بناس سيئة متل يالي شافتهم انه هي خايفة يالي مر فيها ابوها بزمانه امر فيه انا وخصوصا المشاكل مع هالناس
انشالله رح نلتقي بأقرب وقت وبتنحل هالمشكلة ع خير

تسلمي ع مشاركتك
احترامي لونلي

اقتباس   المشاركة الأصلية كتبت بواسطة صمت المشاعر هالشي واقف علي الكلام اللي حكيته لأهلها يعني اذا يستحق أنها تزعل أو لا يعني اذا كان الكلام اللي حكيته بيخص ماضيك وأنه عملت شي غلط بالماضي فمن حقها تزعل لانك اتخطيتها والمفروض اصلا ما صارحت اهلها بهيك أمور لأنه هالشي بتعلق فيك وبالنسبة الك ماضي وانت بدك تبني مستقبل المفروض هيا قدرت الوضع واعتبرته شي عادي لأنه لو بتحبك فعلا ما رح تقف علي هيك تفاصيل صغيرة واذا هيي فعلا ناوية تكمل بقية حياتها معك فبعتقد من وجهة نظري هيك أمور بسيطة المفروض ما تقف عائق بينكم ومع هيك انت اعطيها مهلة تفكر وما تضغط عليها وهي رح تفهم أنه هالشي اللي عملته غلط ولو مصممة علي زعلها اتركها لفترة لأنه مثل ما قلت لو بتحبك فعلا زي ما قلت رح تسامحك

هالشي واقف علي الكلام اللي حكيته لأهلها
يعني اذا يستحق أنها تزعل أو لا

الله ينور عليك وينور طريقك وهاد الي شرحتو بردودي الي قبل
الشي متعلق بناس بنظرهم سيئة جدا كانت ومشاكل وخلافات فلوس وهيك كلام بينهم وبين ابوها
والله صدفة انو علاقتي فيهم وانو كان زمان من سنين خلافات بينهم وهي صارحتني من اول مرة شافتني معهم باول مرة شفتها في بلدها
وانا خبيت وداريت ع معرفتي فيهم وهاد الشي الي انكسر بينا مش ثقة حب وما شابه ثقة الاطمئنان وكيف وليش ومن وين ..

تسلم لمشاركتك
احترامي يا طيب

اقتباس   المشاركة الأصلية كتبت بواسطة عمر عابد يا الله تري الحب لو بامكننا ان نوقف القلب عن الحب حتي نعلم أنه يكون من نصيبنا لفعلنا ولكنه يتسرب الي قلوبنا كمثل النوم يسري ف أجسادنا ولا ندري الا عندما يغيب إلا انك وقعت ف حبها وانت لا تعلم لاني تقريبا اعيش هذه الحاله متلك ولكن الفرق ان حصل بينا سوء تفاهم ولا أعلم أين هي الان فإني ابتليت بحبها ولو قدر لي النصيب ورجعت لا عمل ما في وسعي لاسعدها واتمنى ان تقراء رسالتي هذه واسأل الله التوفيق للجميع وأسأله أن يسعد كل قلب بمن احبه ويجمعهم ع خير والله الموفق فلا تغلب حالك واترك الأمر لله والقدر حتما وغالبا أتى والله المستعان

والنعم بالله وحده
وجمعك الله بمن تحب وبما يسعد قلبك ويجعل طريقك ك النور
ودائما احنا عايشين وماشين ع بركة الله
احترامي لمشاركتك ولكلامك

بالنهاية صار اللي صار هلأ
بدك شي تصلح الموقف
و ترجع ثقتها فيك
اقعد معها و احكيلها كل شي بتعلق بعلاقتك مع هالناس
و بالزبط ايش طبيعة شغلك معهم
و اهم نقطة احكيلها انو انت ما الك و لا بتعرف
باللي صار مع اهلها ( لتكون بتفكرك شريك معهم بالمشاكل اللي صارت )

و ابوها نقطة قوية معك بما انو اقتنع بكلامك و تفهم الموضوع
خليه هو يحكي معها كمان