12-18-2022
|
|
أخبار_عالريق
#أخبار_عالريق 1015 يوم
✅يكتبها / #سعيد_الطويل
■نشرة اليوم ملغمة أخبار وشكلها زي الجو مشقلبة ومش راسية ع بر
■اتنين اخوة زي الورد ( محمد ومهند ابو مطير ) من القدس دهسهم مستوطن حاقد واستــ ـشهدوا عالمطرح
■المستوطنين بدهم اليوم يقتحموا الاقصى من عشان عندهم عيد والفصا.ئل بتهدد
■الأسو.د نزلوا بيان من نابلس أعلنوا فيه النفير العام من بكرة ولمدة 8 أيام
■غزة حتستقبل اليوم 8 شباب من زينة شبابها راحوا يدوروا ع لقمة عيشهم غرقوا بالبحر ورجعوا مكفنين
■ ناصر أبوحميد وضعه صعب عالآخر وممكن يلقط أنفاسه الأخيرة في أي لحظة
■اليوم بنهائي الأرجنتين وفرنسا حيتحدد مصير ميسي مع باريس
■ هذا بيقلك لما يخلص كأس العالم حتولع الدنيا ويصير تصعيد -المصدر #أبو_فؤاد
■في واحد شايف رؤية انه الخلافة حتقوم وحنتحرر يوم 23/3/2023
■حسب الأرصاد زي كل مرة بيقولوا في منخفض قوي يوم الخميس وشكله حيطلع فشنك
■حركة فتح بدها تحيي ذكرى انطلاقتها ال58 ليلة رأس السنة ولسة ما تحدد المكان
■22 اصابة بطوشة بجنين و 34 اصابة في 65 حادث سير بالقطاع
■قصص الشاروما الفارطة بلشت تخف شوي شوي من التيك توك
#صباح_الخير للمهمشين والناس إللي قاعدة بالزاوية لحالها ،للناس المكسورة خواطرهم ..
#صباح_الخير للناس إللي التراكمات هدت حيلهم ،لكل واحد بيواجه كبشة تحدي من أول النهار لآخره
اللهم لك الحمد حتى ترضى ولك الحمد بعد الرضا ولك الحمد إذا رضيت
#الحمدلله
الأحد 18-12-2022 🌹
|