لا تسأل فلن تفيدك اجابتي ..Ask me

اقتباس   المشاركة الأصلية كتبت بواسطة اكليل الورد مبرووك الافتتاحيه العنوان لفتني .. بس قرأت انو العنوان الو دلالات تانيه عندك شو هي هاي الدلالات؟؟ ويعطيك العافيةة الي رجعةة

الله يبارك فيكِ

ان في بعض الأسئلة انا ما رح اجاوبها او اعطي اجابات شافية فيها وواضحة
ومش كل شي بيتجاوب عليه او بيتوضح
لكن السبب الأكبر ان العنوان لفتني مش اكثر

نورتي وبإنتظار رجعتك

هيني ارجعت
بعد ما تغديت ومخمخت
امم..طيب
انت رديت ع اكليل الورد
انه سبب تسمية الاسك انه مش اي اشي بتجاوب عنه
بس انا اللي بعرفه انه اللي بفتح اسك بكون جاهز للاجابه عن اي سؤال بتوجه لاله
يعني مش متل كرسي الاعتراف فيك تتهرب
ما تعليقك ع كلامي
هلاء احمد براة المنتدى
متل هل كان حبا جواوة المنتدى
رح تحكيلي كيف يعني
بحكيلك انه انت معنا جامد وما بتضحك للرغيف السخن
ههههه
يعني لانك مدير وبرستيج وهيكا والا طبيعتك؟
كمان شغله
انه انت بس تكون غايب او مش فايت من ساعات
وبتفوت بس بتردع المواضيع اللي بأعلى الصفحا
طيب المواضيع الي نزلت وانت غايب
راح حقها
مع انه انت ك اداري المفروض تلف ع كل الاقسام يوميا
وتشوف كل جديد نزل فيها
برضه ما تعليقك على ذلك
هلاء انت مخبي علينا عمرك..ما تحكيلي خصوصيه
لاني ما رح اقتنع
عارف ليش
لانه اتعودنا البنت اللي بتخبي عمرها
اما الشب لو صار 50 بضل بعز شبابه وبيزيد جمال ورجوله
يعني سبب اخفائك لعمرك وما تحكيلي خصوصيه
و
راجعتلك اكيد

احمد مبروك الاسك،
العنوان لفت انتباهي، لإنه غريب انه ما بدك حدا يسألك لانو اجوبتك مش رح تفيد،
عنوان بمعنى لفت الانتباه وبمعنى تعال اسألني؟ ولا قصدت فيه بالفعل مثل مهو مكتوب؟

شو بتحب تحكي لكل شخص ترك المنتدى وقرر يكفّي المنتدى هون معك؟

وهل بتحس حالك ندمان ع هالخطوه اللي اتخذتا انك تترك المنتدى وتفتح الك منتدى ثاني؟
ما بتعتبر حالك بهالطريقه إنك فرّقت الاعضاء عن بعضون باللحظه اللي عملت فيها منتدى ثاني؟ وليه؟


بتعتبر حالك اناني لإنك الغيت اشي اسمه موسيقى فالمنتدى؟ كونك بهالطريقه محترمتش الاشخاص يللي بيحبوا شي اسمه موسيقى وكان فيك تخلي القرار بإيد العضو ويكون في حريه فالموضوع مش تفرض قرارك عالكل.

برأيك ليه الشب بستمتع بكثرة علاقاته مع الصبايا؟ وهل انت واحد من هالشباب؟ وشو استنتجت من كثرة هالعلاقات؟

لمن يصير سوء تفاهم بينك وبين شخص، وانت قررت تتنازل وتواجهو مع العلم هالشخص متجاهلك من فتره،
ومع هيك تنازلت وقررت تواجهه بس بدون نتيجه لإنه ضل التجاهل موجود، بهالحاله بتعتبر حالك انك غلطت باللحظه اللي قررت تواجهو فيها،
ولا مغلطتش بالعكس بتعتبر حالك عرفتو ع حقيقته من كتر تجاهلو؟
ولا بتتغاضى رغم مواجهتك إلو؟

انت من الاشخاص اللي بيعاملوا بالمثل؟ اه ولا لاء وليه؟



ممكن ارجع بعدين وممكن لاء،
لحد اسا فش ببالي غير هذول حابه اعرف جوابك فيون.
يعطيك العافي.

|| ههل ككـآانن حبـاً ||
ححبيتت الفككرهه شششدانن $_$
الععنوانن ئئصهه لححالهاا
ششحللو الواححدد بسسس يععمل ششي ينزلوو في قوهه ')
ممبروركك الآسسككك ')
بتعرففني لزئهه فـ رآجعهه ممو مرهه 67 مرهه ')
ورددهه

اقتباس   المشاركة الأصلية كتبت بواسطة نقاء هيني ارجعت يا هلا فيكي بعد ما تغديت ومخمخت صحة وعافية امم..طيب انت رديت ع اكليل الورد انه سبب تسمية الاسك انه مش اي اشي بتجاوب عنه بس انا اللي بعرفه انه اللي بفتح اسك بكون جاهز للاجابه عن اي سؤال بتوجه لاله يعني مش متل كرسي الاعتراف فيك تتهرب ما تعليقك ع كلامي اكيد لما فتحت الآسك جاهز للإجابة على الأسئلة لكن مثل ما بتعرفي كل انسان له مساحة خاصة مش كل شي بينسأل لازم اجاوب عليه لان اكيد بعض الأسئلة ممكن تمس مساحتي الخاصة هاي اللي ما بحب أحد يسأل فيها واللي انا ما بحب افصح عنها لهيك في الحالة هاي همتنع عن الإجابة او بمعنى آخر " اجابتي لن تفيدك" هلاء احمد براة المنتدى متل هل كان حبا جواوة المنتدى رح تحكيلي كيف يعني بحكيلك انه انت معنا جامد وما بتضحك للرغيف السخن ههههه يعني لانك مدير وبرستيج وهيكا والا طبيعتك؟ هههههه في البداية بحب اقول انك ظالماني انا مش جامد ولا اي شي بالعكس وقت الضحك بضحك ووقت الجد جد وانا شخصيتي مثل ما هي سواء في النت ولا في الواقع بضحك وبمزح وقت المزح والضحك ووقت الجد جدي وإذا الشغلة على البرستيج ههههه فأنا مش هيك ابداً وما بحب التصنع بعدين لو الامر مثل ما بتحكي برستيج وما برستيج كان ما شاركت معكم في قسم الألعاب والمرح كثير انا بشارك وبلعب مع الأعضاء وبتفاعل معهم فالامر ما له علاقة ببرستيج وغيره وانا ضد هالشي وضد ان الإنسان يتصنع او ما يكون على طبيبعته كمان شغله انه انت بس تكون غايب او مش فايت من ساعات وبتفوت بس بتردع المواضيع اللي بأعلى الصفحا طيب المواضيع الي نزلت وانت غايب راح حقها مع انه انت ك اداري المفروض تلف ع كل الاقسام يوميا وتشوف كل جديد نزل فيها برضه ما تعليقك على ذلك طيب ميروح هو انا توراكتور عادي فاتني مواضيع ما رديت عليها وين المشكلة غيري بيكون رد هي مش وظيفة يا نقاء ولا امر مهم اولاً واخيراً كلنا داخلين هنا لنتسلى ونضيع وقت ونستفيد واحياناً بدخل وما بيكون لي نفسية ارد على المواضيع ولكتفي اشارك في الألعاب والمواضيع المتجددة لهيك عادي يعني ومين حكالك اني عشان مدير الف الأقسام وارد ع المواضيع اللي بتنزل اولاً واخيراً انا بشر بمل من القراءة بزهق بيكون بالي مشغول الامر مش اجباري يعني هلاء انت مخبي علينا عمرك..ما تحكيلي خصوصيه لاني ما رح اقتنع عارف ليش لانه اتعودنا البنت اللي بتخبي عمرها اما الشب لو صار 50 بضل بعز شبابه وبيزيد جمال ورجوله يعني سبب اخفائك لعمرك وما تحكيلي خصوصيه و راجعتلك اكيد ههههه اوك اذا مش ماشي معك خصوصية بيمشي معك نوع من الغموض اني مش حاب اكشف كل شي عني

بتنوري في اي وقت
وسعيد كثير بأسئلتك
بإنتظارك

اقتباس   المشاركة الأصلية كتبت بواسطة سمره احمد مبروك الاسك، الله يبارك فيكِ تسلمي العنوان لفت انتباهي، لإنه غريب انه ما بدك حدا يسألك لانو اجوبتك مش رح تفيد، عنوان بمعنى لفت الانتباه وبمعنى تعال اسألني؟ ولا قصدت فيه بالفعل مثل مهو مكتوب؟ لا هو مثل ما حكيت العنوان للفت الإنتباه وكمان مثل ما وضحت في الإجابات السابقة على الأسئلة ان في بعض اسئلة ما رح اجاوبها او اعطي جواب فيها لو كانت من ضمن الأسئلة الي بتمس خصوصيتي او اللي ما بحب افصح عنها شو بتحب تحكي لكل شخص ترك المنتدى وقرر يكفّي المنتدى هون معك؟ في البداية لما قرأت السؤال ما فهمت قصدك لكن لما نزلت وقرأت السؤال اللي تحته قدرك افهم شو قصدك قصدك شو بحكي لكل عضو ترك المنتدى القديم وقرر يكمل معي في المنتدى هذا اوك قبل ما احكي له شي بدي اوضح شي انا لما عملت المنتدى هذا ما جبرت اي عضو ييجي معي او يسجل معي هنا وكل عضو اجا هنا وسجل هنا سجل عن رغبة منه ليسجل لان منطقياً فش اي حد بيجبر اي حد يروح وين او بسجل وين لهيك كل اللي اجوا وسجلوا اجوا بكيفهم وبكامل خاطرهم وبكامل رغبتهم كمان واكيد بقدم شكري لكل عضو سجل هنا وساهم في نجاح المنتدى وتقدمه وهل بتحس حالك ندمان ع هالخطوه اللي اتخذتا انك تترك المنتدى وتفتح الك منتدى ثاني؟ ما بتعتبر حالك بهالطريقه إنك فرّقت الاعضاء عن بعضون باللحظه اللي عملت فيها منتدى ثاني؟ وليه؟ لا طبعاً ولا عمري حسيت بلحظة ندم بالعكس كثير سعيد بالهخطوة اللي عملتها والنجاح اللي حققته بعدين ليش تحكي فرقت الأعضاء كل عضو بيتواجد في المكان اللي بيجبه مع الأشخاص اللي بيحبهم وفي اعضاء تواجدوا هنا وهناك وكل عضو حر في النهاية بتعتبر حالك اناني لإنك الغيت اشي اسمه موسيقى فالمنتدى؟ كونك بهالطريقه محترمتش الاشخاص يللي بيحبوا شي اسمه موسيقى وكان فيك تخلي القرار بإيد العضو ويكون في حريه فالموضوع مش تفرض قرارك عالكل. لا ما نظرت لها من هذا المنطلق انا عندي قناعة ان الأغاني بما تتضمنها من موسيقي حرام وبحكم اني صاحب المنتدى فانا المسؤل عنه وانا الي بشيل ذنبه او وزره فأنا مش ناقص اشيل ذنب كل عضو اللي يسمع يسمع بس ما يحط في المنتدى انا نفسي بسمع لكن اشيل ذنبي لحالي احسن ما اشيل ذنب الكل برأيك ليه الشب بستمتع بكثرة علاقاته مع الصبايا؟ وهل انت واحد من هالشباب؟ وشو استنتجت من كثرة هالعلاقات؟ ما بعرف ليه وانا ضد كثرة العلاقات لان ما بييجي من وراها غير وجع الراس لمن يصير سوء تفاهم بينك وبين شخص، وانت قررت تتنازل وتواجهو مع العلم هالشخص متجاهلك من فتره، ومع هيك تنازلت وقررت تواجهه بس بدون نتيجه لإنه ضل التجاهل موجود، بهالحاله بتعتبر حالك انك غلطت باللحظه اللي قررت تواجهو فيها، ولا مغلطتش بالعكس بتعتبر حالك عرفتو ع حقيقته من كتر تجاهلو؟ ولا بتتغاضى رغم مواجهتك إلو؟ لا ما بعتبر حالي غلطت بالعكس انا بكون عملت الي عليا ووضحت سوء الفهم او موقفي منه اقتنع هو وتفهم خير وبركة ما اقتنع وظل مصمم على تجاهله هو حر رح اقابله بالتجاهل انت من الاشخاص اللي بيعاملوا بالمثل؟ اه ولا لاء وليه؟ اولاً واخيراً كل انسان بيعمل بأصله في بعض المواقف بتعامل بالمثل لأن في بعض الأشخاص افضل طريقة للتعامل معهم عشان يحسوا ويدركوا اخطائهم انك تعاملهم بنفس معاملتهم البعض الكلام ما بيجب معه ولا المعاملة الطيب بتجيب معه لكن لما تعامله بنفس اسلوبه رح يجيب معه لهيك بضطر اعامله بالمثل ومش دايماً ومش مع كل شخص ممكن ارجع بعدين وممكن لاء، لحد اسا فش ببالي غير هذول حابه اعرف جوابك فيون. يعطيك العافي.

يا هلا فيكي لو رجعتي
ويا هلا فيكي لو ما رجعتي
بتنوري في اي وقت
الله يعافيكِ
تحياتي لك

احمد بشكرك ع رحابة صدرك وع هالروح اللي عندك ياها خصوصا اني سألت اسئله شوي حساسه نوعا ما،
بس انا كنت بعرف مين احمد لهيك ما تراجعت، سألت اولا لإنه بعتبر اسئلتي وجيهه،
ثانيا لإني بالفعل حبيت اشوف اجوبتك.
شكرا الك ويعطيك العافي.
سهره سعيده.

اقتباس   المشاركة الأصلية كتبت بواسطة baĎ girl || ههل ككـآانن حبـاً || ححبيتت الفككرهه شششدانن $_$ الععنوانن ئئصهه لححالهاا ششحللو الواححدد بسسس يععمل ششي ينزلوو في قوهه ') ممبروركك الآسسككك ') بتعرففني لزئهه فـ رآجعهه ممو مرهه 67 مرهه ') ورددهه

ربنا يسعدك ننوش
الله يبارك فيكِ
وبتنورني في اي وقت
ولك كل الورد

اقتباس   المشاركة الأصلية كتبت بواسطة سمره احمد بشكرك ع رحابة صدرك وع هالروح اللي عندك ياها خصوصا اني سألت اسئله شوي حساسه نوعا ما، بس انا كنت بعرف مين احمد لهيك ما تراجعت، سألت اولا لإنه بعتبر اسئلتي وجيهه، ثانيا لإني بالفعل حبيت اشوف اجوبتك. شكرا الك ويعطيك العافي. سهره سعيده.

يا اهلاً وسهلا فيكي
بتقبل اي سؤال وبكل رحابة
شو ما كان عندك اسئلة
لا تتردي في طرحها
نورتي
وربنا يسعدك
وسعيد بكلامك

(ومين حكالك اني عشان مدير الف الأقسام وارد ع المواضيع اللي بتنزل
اولاً واخيراً انا بشر
بمل من القراءة
بزهق
بيكون بالي مشغول
الامر مش اجباري يعني )

اكيد مش اجباري
وما حد حكالي طبعا..انا حكيت لحالي
امم.انه انا بس قصدي انه حلو المدير يشوف اغلب المواضيع
ك نوع من التشجيع للاعضاء فقط لا غير
افهمت؟

رح ارجع بس اليوم اهلكت كنت في سباق لكي اكون الاكثر نشاط
وكنت والحمد لله