أخبار_عالريق

#أخبار_عالريق 1061 يوم
✅يكتبها / #سعيد_الطويل

■اليوم أول يوم بشهر شعبان ،يارب يبلغنا رمضان لا فاقدين ولا مفقودين ويجينا واحنا وانتوا بأحسن حال

■كبشة زلازل وهزات أرضية وارتدادات صارت مبارح في تركيا وسوريا وبمصر بجنوب سينا ووصلت حتى لغزة

■خبير جيولجي بيقلك بخصوص ظاهرة رجوع البحر. الأمر طبيعي بالمد والجزر و #تقلقوش

■الناس صابها الهلع والخوف والقلق من هزة خفيفة وصلت للأبراج العالية بغزة واحنا بنقلكم كلام ربنا "قل لن يصيبنا إلا ما كتب الله لنا"
ريحوا روسكم المكتوب مكتوب

■حيبلشوا بالتوقيت الصيفي في فلسطين في 25/3/2023 يعني لا هو قبل رمضان عشان نتعود عليه ولا هو بعد رمضان عشان ما نلخبط الجدول

■الأوقاف بتقلكم سعر القبر من زمان عليه تخفيض ب350 شيكل يعني مش جديد الخبر

■دراسة بتقلك انه الشب إللي بيضل بدون جيزة كل ما كبر بالعمر به يفقد جزء من "عقله" ،وع قولة #أبو_فؤاد أصلا لو تجوز حيفقد عقله كله

■في الأردن باعوا قميص نوم من الذهب ب65 ألف دينار يعني بحق شقة وسيارة

■مكافحة المخدرات مسكت 50 ألف حبة روتانا مهربة بالبضاعة من معبر كرم أبو سالم

■ بيقلك موجة دفا مرتبة حتوصلنا وتضل قاعدة عنا طول الأسبوع الجاي

■الوكالة بتقول انه أكثر من 80% من قطاع #غزة من الفقراء ووضعهم ماكل زحل

■حيكملوا كل جولات دوري كرة القدم للدرجة الممتازة بغزة بدون جمهور

■اندعس ولد صغير عمره "6 سنين" من شحن وتوفى بالشيخ رضوان

#يسعد_صباحكم وربنا يفتح بوجوهكم كل الخير ..
مين حس فيكم بالهزة إللي صارت مبارح بغزة ؟🤔
الثلاثاء 21-2-2023

جزاك الله الخير على النقل
عوافي

بآرك اللف فيكك

حكيت انا وحدو بليييدة ما بأثر ولا بتأثر
يسلمو دياتك يا رب

تسلم لنقل والمتابعه اميرنا

مشكور للمتابعة و النقل
تحياتي

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

يعطيك العافية ع المُتابعة
كل الشكر..

يسسسلموو دياتكك الامميرر
+ وردهةة