أخبار_عالريق

#أخبار_عالريق 1170 يوم
✅️يكتبها / #سعيد_الطويل

اشبك البطارية ،حول عالماتور ،اطفي الثلاجة ،لف المروحة عليا ، تنساس الشاحن ، يا منكوب فش كرت اطفي الضواو ، زهقانين ،شوبانين ،بعطيك اياهم ع قبضة العمادي ، الشناتي مولعة نار ،مين أكل المانجة تبعت أبوك حيفضحنا ، وصلني لقدام شوية بالله ي سواق ، قوم جيبلك بخمسة شيكل فول وفلافل خلينا نتعشى ..ان شاء الله طفح ، قومي اجلي جاية عمتك اعتماد حتفضحنا لو لقيت المطبخ عايم، وين جلدة الغاز يا عماد
منويلي يا حسرة ،اخبطني بالحيط برنش ، اجاني دكتور ومهندسين بس مرضيتش فيهم .. قوم هاتلك باتنين شيكل بزر مطلقات ..

دوامة ودوشة كلام بنسمعمها كل يوم واهم شغلة فيها حبة المانجة الكبيرة المخبية بكيس البندورة بالتلاجة تبعت #ابو_فؤاد إللي أكلها ابن بنته المدلع تامر ..
فضح الحارة يا راجل من الصبح زعاق ..الزلمة مثلجها وبستنى يناموا عشان يمزمز عليها لقي بس العجمة بالكيس .. ما علينا

▪︎جماعة الشؤون تبهدلوا من ورا راس مجدلاني وحكومته ..يعني 370 شيكل بعد خمس شهور لشو بدها تكفي بشرفك ؟

▪︎حتنصرف المنحة القطرية ان شاء الله يوم الأحد الجاي بنفس الكشوفات والطريقة السابقة

▪︎عشان خاطرنا تسبحوش بالبحر هذه الفترة بالمرة الدوامات كثيرة والوضع كرب

▪︎بيقلك هذه السنة أشوب سنة بالتاريخ ..مجاش زيها بالمرة

▪︎بدهم ينقلوا المقبرة القديمة في الشجاعية ويعملوا مدرسة مكانها

▪︎توفى شاب من المغازي اسمه أحمد خليل البوبلي بحادث سير على طريق الإسماعيلية بمصر

▪︎رواتب حكومة غزة بنص الأسبوع الجاي ان شاء الله بالكثير

▪︎اكثر حاجة فرحتنا مبارح ..حفظة القرآن إللي دخلوا السعادة لقلوبنا وحركوا الغيرة الحلوة عندنا ..الله يوعدنا ويوعدكم

#صباح_الخير خص نص للناس إللي بتطلعش من الدار بدون مزيل العرق ..

#صباح_الخير لكل سواق مخلي الراكب هو إللي بيفتح الشباك من عنده ..مش هو إللي يتحكم فيه ع كيفه

#صباح_الخير للناس الأصيلة إللي بتصون العشرة ..أما قليلين الأصل بيلزمكوش ..

عاشقة بإحساس ,الصياد معجبون بهذا

يسسلموو ديآآأتكك الأمميرر
+ وردهةة

يعطيك العافية
لادراجك ..

مشكور للمتابعة يا ورد

مشكور على المتابعة
والله يهونها

يعطيك العافية ع المتابعة

كل الشكر.