حوار صريح مه غاردينيا

ما الشيء الذي لا يمكن أن تكمل حياتك بدونه وفي حال فقدانه قد تصاب بحزن شديد؟
كشي ممكن قول الكرامه
وكأشخاص ماما وبابا هم اغلى شي بحياتي ولو فقدتهم ما بعرف شو ممكن يصير فيني
الله يخليلي اياهم يا رب

ما هي الطريقة التي تفضل الزواج فيها: الطريقة التقليدية، أم زواج عن قصة حب؟
عن حب اكيد

ما هي الصفة التي تتصف بها وتود لو بإمكانك التخلي عنها لكن تجد صعوبة في الأمر؟

الكتمان ودمعتي الهينه يلي بتنزل بسرعه

ما هي الصفة التي تتصف بها، وتعتز بذلك، ولا يمكن لك التخلي عنها؟
كرامتي قبل كل شي .. انسانيتي وحنيتي واني متسامحه وما بحقد ع حد وبعطي اعذار للاخرين ودقيقه بمواعيدي
ومتفهمه وبسيطه ودايما بسمتي ع وجهي واثقه بحالي وطموحه وبقدر اتحمل المسؤوليه شو ما كانت

ما هي الصفة التي لا يمكن لك احتمال وجودها في حبيبك أو صديقك؟
بالنسبه للصديق ما بحب الكذب والنفاق والنكد وتقالة الدم او انه يحكي بضهري او بكون مصلحجي
كحبيب .. الكذب والغيره الزايده والشك والتجاهل والبرود وقلة الاهتمام والعصبية والبخل

ما هي الصفة التي تفضل وجودها في حبيبك أو صديقك أو قريبك؟
الصدق والتفهم والاخلاص والثقه بالنفس والبساطه والانسانيه والمرح والروح الحلوه
الايجابية والتفاؤل والطموح وحب المغامرة والوعي والثقافه والصراحه

ما هو الحلم الذي تود تحقيقه يومًا من الأيام؟
ألف العالم وشغلة خاصة

ما هو الهدف الذي وصلت إليه بعد جهد ومحاولات للنجاح؟
تخرجت من الجامعه بتفوق وعن قريب بخلص الماستر

ما هو الخطأ الذي لا يمكن لك المسامحة عليه وعلى الجميع الحذر من اقترافه بحقك؟
صراحة بسامح ع كل شي بس اذا تعلق الموضوع بكرامتي او كرامة اهلي وقي حالة الخذلان والخيانه
بسامح بس هالشي ما بنساه ابدا
او انه باخد وقت طويل معي لحتى انساه

ما هي الطريقة التي تجعلك تعود لهدوئك بعد موجة غضب عارمة، أو حزن شديد؟

ببعد عن الكل وبقعد لحالي او بطلع اطش في مكان فيو طبيعة

ما هو التصرف أو القرار الذي اعتمدته وكان صائب بنسبة 100% بالنسبة لك؟
كتير شغلات صراحه
قراراتي دايما صائبة

@lonely heart

بتعرفيني اديش بحبك والك بقلبي كل معزة واحترام وتقدير
بس بعد اجوبتك وقعت بحبك تاني ههههه
ما شاء الله عنك لونلي
انتي بجد شخصية طيبة وحنونة ورقيقة
وصدقاً اتوسطتي قلوبنا ب اخلاقك..وكرم طيبك ...وثقافتك
و الحنان واللطف والرقة والتسامح والانسانية
اتجلوا ب أجوبتك
ربي يخليلك اهلك واحبابك
وتدومي الهم وتكوني دايما مصدر فخر الهم
كسيتِ المكان كلو ب أناقتك وروعتك
وهنيئاً النا اخوتك اللي بنعتز وبنفتخر فيها
ودي العميق الك

اقتباس   المشاركة الأصلية كتبت بواسطة شهد الروح @lonely heart بتعرفيني اديش بحبك والك بقلبي كل معزة واحترام وتقدير بس بعد اجوبتك وقعت بحبك تاني ههههه ما شاء الله عنك لونلي انتي بجد شخصية طيبة وحنونة ورقيقة وصدقاً اتوسطتي قلوبنا ب اخلاقك..وكرم طيبك ...وثقافتك و الحنان واللطف والرقة والتسامح والانسانية اتجلوا ب أجوبتك ربي يخليلك اهلك واحبابك وتدومي الهم وتكوني دايما مصدر فخر الهم كسيتِ المكان كلو ب أناقتك وروعتك وهنيئاً النا اخوتك اللي بنعتز وبنفتخر فيها ودي العميق الك

تسلميلي زينه الله يسعد قلبك يا رب حبيبتي
كتير انبسطت بالكلام يلي قلتيه عني
انا كمان بحبك وحبيت انك وقعتي بحبي مرة تانيه هههه
الله يخليلي اياكي ويخليلك اهلك وكل احبابك
ونسيت اشكرك ع باقة الورد الحلوه دايما مزوءه وردودك بتجنن
الله لا يحرمنا منك

في حال جاء الآن وفي هذه اللحظة من طعنك في ظهرك وقدم الاعتذار لك، هل يمكن لك مسامحته؟ وفي حال سامحته هل تعود علاقتكما كما كانت بسهولة؟
اعتذاره بعني انه عرف غلطه لهيك بسامحه
بس اكيد العلاقة ما رح تكون كالسابق رح تتغير لانه الثقه انكسرت بيناتنا وصعب ترجع متل ما كانت بالاول

في حال كان عليك تقديم باقة من الورد، إلى من ستقدمها؟ ولماذا اخترت هذا الشخص بالتحديد؟
ماما لانها اغلى شخص عندي بالكون

في حال كان عليك قول “شكرًا لك على وجودك في حياتي”، فلمن توجه هذا الشكر؟ ولماذا؟
لبابا وماما لانهم اغلى حد ع قلبي طول الوقت بدعموني وهم سبب نجاحي وبالشي يلي وصلتله لحتى هاللحظه

في حال وقعت في الحب هل يمكن لك أن تخبر الشخص بذلك؟
ان هو ببادلني نفس المشاعر وصارحني بحبه بالاول وانا متأكده من حبه لالي اها عادي بصارحه
ما عندي مشكلة بهادا الشي

في حال كان شخص واقع في حبك، ما الطريقة التي تحب أن يخبرك بها بذلك؟
ان ما ببادله هالمشاعر ما بحب ييجي يصارحني ولا يقرب مني

في حال شعرت بالغيرة الشديدة فما الأشياء التي يمكن لك أن تفعلها؟
حسب الموقف ..
ممكن ازعل واعصب بس ما ابينله هالشي
او ممكن ما احكي معه وابعد عنه لفترة وهو يعرف هالشي لحاله
او ممكن اجي واحكيله انه تصرفه ما عجبني وانه زعجني

وهل يمكنك التحكم بغيرتك ؟
ممكن ايه وممكن لا حسب الموقف

في حال كان عليك اختيار مجموعة من الكتب ما المواضيع التي تفضلها؟
المواضيع يلي بتتعلق بالتنميه البشريه
والمواضيع الطبيه والعلميه
والروايات بشكل عام سواء بالعربي او الانجلش

في حال طلب منك تعلم العزف على آلة موسيقية فما هي الآلة التي ستختارها؟
البيانو او الجيتار

في حال طلب منك الإقلاع عن التدخين هل يمكنك ذلك؟
عادي ما بدخن هههه

لو كان بإمكانك العودة بالزمن، إلى أي تاريخ سعيد سوف تعود؟ ولماذا؟
برجع للوقت يلي كانت اختي فيو عايشه وبقضي وقت اطول معها وبحكيلها شغلات كنت حابه احكيلها اياها وما قلتها

لو كان بإمكانك محو ذكرى حزينة ومؤلمة، أي ذكرى سوف تختار؟
وقت وفاة اختي وكل الوقت يلي قضته مع مرضها ووجعها

لو كان بإمكانك أن تمتلك قدرة خارقة فأي قدرة تفضل؟
الطيران
معرفة شو بفكروا الناس
الانتقال عبر الزمن

لو كنت ستغير اسمك فأي الأسماء ستختار، ولماذا اخترت هذا الاسم دون غيره من الأسماء؟
ما بغيره بخليه متل ما هو

لو كنت تملك مرآة سحرية يمكن أن تسألها أي شيء، فما أول سؤال قد يخطر إليك؟
بحكيلها مين احلى انا ولا فله هههه
شوفي زينه انا بالعادة ما بحكي مع المراية الا لما أكون موجوعه كتير وببكي
ووقتها بكون بشكو لربي الوضع يلي انا فيه
يعني ممكن اسأل ليش بصير معي هيك ؟

لو كنت تملك بساط علاء الدين إلى أي مكان ستذهب؟ ولماذا اخترت هذا المكان؟
لكوخ في سويسرا موجود بين احضان الطبيعه وبالقرب من نهر
ليش لاني بعشق هيك اماكن

لو كنت تملك فرصة للعودة إلى الماضي وتغير تصرف واحد قمت به، فأي تصرف ستغير، وما هي الطريقة التي ستعدله وفقًا لها؟
ما بقول كلام قلته من قبل لاختي الله يرحمها ودايقها
وكنت حسيت فيها اكتر وتواجدت معها اكتر باخر ايامها

لو كان كل ما يحدث لك مجرد منام واستيقظت كيف ستكون ردة فعل؟
بكيف وبقول الحمد لله خلصت الامتحان وانا نايمه وما اضطريت اكتبه هههه

وهل هو كابوس مرعب أم منام جميل تتمنى لو لم ينتهي؟
كان فيو اشيا حلوه وذكريات ما كنت حابه اتذكرها يعني خليط بيناتهم

لو كانت حياتك عبارة عن كتاب ما لون الغلاف الذي سيناسبه؟ وما العنون الأفضل له؟
الزهري والابيض والرمادي
والعنوان ذكريات وحنين

لو كان بإمكانك إعادة شخص ابتعد عنك من ستختار؟ وهو الآن أين؟ ولماذا ابتعد؟
اختي الله يرحمها

@شهد الروح
انبسطت كتير بموضوعك الحلو واسمتعت بالاجابة ع الاسئلة
صحيح كانت الاسئلة طويلة بس كانت مميزه ومختلفه ومنوعه
شكرا ع الاستضافه الحلوه وبتمنى اكون وفقت باجاباتي
وسوري اني اتأخرت بالاجابة
هدول الوردات لالك ولموضوعك الرائع