كل عام وأنت فاتحة خير لنا قلب فلسطين ♥السنوية الثآنية♥

بسم الله الرحمن الرحيم السلآم عليكم ورحمة الله وبركآته صبآحكم \ مسآكم جوري آل قلب فلسطين اليوم بتصآدف الذكرى الثآنية لإنشآء منتدآنآ الرائع 24\6\2016 24\6\2018 الأيام بتجري منا بدون مانحس ’ بغمضة عين مروا السنتين لسه بتذكر اللحظات الأولى لميلاد هالمكان كأنها حصلت مبآرح كان يوم الخميس ليلة الجمعة وبالزبط الساعة 11:23 دقيقة إن ماخانتني ذآكرتي تم افتتاح المنتدى المنتدى بدأ ب هل كآن حباً , m0m3n , نبض , ننوش , حنين , الصياد , ملك روحي , حيآة , وتر , بيسان , دفء , صمت المشاعر , عهد , وجع الروح , غاردينيا فتنا أول يوم زي الحلوين الشاطرين هيك وانتشرنا بالمنتدى يومها مسكت أنا ودينا أقسام المنتدى قسم قسم ونزلنا قوانينهم بعدين رحنا نزلنا بعض مواضيع لنا من المثبتة حالياً ومن هنا بلشت حكاية منتديات قلب فلسطين ثاني يوم عاد صاروا يجوا الأعضاء وكل يوم يسجل عدد لابأس به أجت سكون وانين وأجا خالد وأجت شام وأجت سمرة وأجت روح وأجت سرمدية الهوى وأجت بنت شمر وأجا الماجيك وأجا أبكم وأجا علاء فلسطين وأجا صمت اللقاء وأجت حنان وأجت زٍهٌرُةُ اٌلِـلِـوِتْسُ وأجا قصي وكتير أعضاء حلوين شرفونا لكن ذاكرتي ماعم تسعفني لأحصرهم كلهم وأجونا شلة بنات مصريات سكرات الله يحميهم وين ماكانوا ويرجعهم لنا بكل خير وسلامة @قَدر ! @بائعه احلام @ @خرآفيهه @Lo le Ta @منار @Ḿê Ŕộ في من الأعضاء اللي لازال منور بيناتنا وفي منهم اللي غاب لظروفه والله يحميهم جميعاً ويحفظهم وين ماكانوا بلشنا مع بعضنا من الصفر وكل واحد فينا كان له الفضل والمجهود بعد رب العالمين بنجاح واستمرارية المكان لحتى الآن ببدأ بالشكر لأصحاب المكآن ومهما قلنا بحقهم مابنوفيهم مجهودهم وتعبهم بإنشاء المنتدى واللي وصل له اليوم هل كان حباً : الفضل بعد الله لك بنجاح المكان , نِعم الإداري والقيادي الناجح , كان ولازال عنده أسلوب رائع جداً في حزم الأمور وتسيرها وحنكة في التعامل مع المشاكل والسيطرة عليها , خاصة انه ببداية النشأة كنا بنمر بمشاكل كثيرة سواء على صعيد المنتدى أو المشاكل بين الأعضاء ف كان عنده حسن ضبط للأمور ويمتلك وسطية بالتعامل مع بعض أشياء بالرغم انه أحياناً كان يكون شديد في قراراته وممكن أيامها ماكان عنا بُعد نظرة لنقدر نفهم سبب هيك قرارات لكن مع الوقت عرفنا انه فعلاً أصاب لما تشدد برأيه وقراراته وخالف مبتغانا وطلباتنا , بضله بالأاول والآخر صاحب المكان وأكثر شخص حريص ع نجاحه ومش شرط اللي احنا شايفينه صح يكون فعلاً هو الصح سواء بنظر أو بالنظرة العامة للأمر من مكاني هذا وبإسمي وبإسم جميع أعضاء قلب فلسطين بتقدم لك بالشكر والعرفان على كل شيء قدمته وعملته للمنتدى ومهما أحكي بضل مقصرة m0m3n : الإداري الحليم , الطيب صاحب الكل , مؤمن حنون ومتساهل جداً ماكان يرفض طلب لحدا كان يستفزني بكتيير شغلات وانه مش كل حاجة لازمها موافقة لازم يكون في مواقف جدية وحازمة لكنه كان يضرب كل كلامنا بعرض الحيط ويعمل كل شي بنطلب منه ماكان يكسف ولايرد حدا ويمكن أساس نجاح المكان انه الادارة فيه واحد بشد والتاني برخي ببداية المنتدى كان المنتدى كل همه , وماكان يقصر بشيء لينجحه وكان ولازال الداعم الأول للأعضاء من ناحية التحفيزات ماكانوا الأعضاء يحسوهم اداري عليهم بالعكس ماكونوا يحسوه عضو مثله مثلهم يعني بحياته ماتعامل من منطلق رتبة واداري وعضو مع أي حدا صدقاً يامؤمن لو ضليت أحكي عنك مابخلص الحكي , بإسمي وبإسم جميع أعضاء المنتدى شكر من القلب لكل شيء قدمته ومازلت بتقدمه للمنتدى والشكر موصول طبعاً ل ننوش لأنه هي بعد الإداريين ويمكن قبلهم كمان كانت ولازالت أكثر شخص همه المنتدى ونجاحه وماتتوانى لحظة انها تشوف المكان نشيط ومتفاعل حتى ع كثر حرداتها وزعلاتها بتفكر فيه ولما تفوت بكون كل همها يتنشط وبكل مكان لها بصمة حلوة ونبض ماحدا بنكر اللي عملته لإنجاح هالمكان لولاها ماكان عدد الأعضاء تجاوز ال 500 بأول كم شهر من انشاء المنتدى خلافاً عن الأمور الادارية اللي كانت تساعد فيها وغير المواضيع والتصميمات وكل شي كانت تعمله للمنتدى وملك روحي كمان ماقصرت ووقفت معنا ببداية المشوار رغم تركها لنا بالوقت الحالي وكل واحد وظروفه لكن مابننكر جهودها وبصمتها اللي لازالت للآن وآضحة وتر كمان رغم انها غايبة تركت انطباع حلو عنها بين الأعضاء وقدمت للمنتدى كتير غانيكم عن مواضيعها الحصرية اللي بقلمها اللي مزينة قسم الحصريات وان شاء الله ترجع بينا مثل قبل وأحسن وحياة مشرفتنا الحلوة اللي تركتنا فترة لكنها رجعت وان شاء الله بترجع لنشاطها وتفاعلها السابق وبنرجع نشوفها بينا بقسم المشرفين ودفء العروسة الحلوة اللي تركتنا لأنها تزوجت وح تلتفت لزوجها وحياتها الجديدة ان شاء الله بتطل علينا وتطمنا عنها اشتقنا لوجدها بينا صمت المشاعر فات للمنتدى أول يوم بإسم جديد وماكشف عن هويته احنا بعد كم يوم عرفناه من ضحكته ام حرفين ونص هههه سراج ماقصر معنا وكان متفاعل ونشيط لكن خف نشاطه بعد هيك أكيد مشاغل وتلاهي الحياة بيسان الأنثى الرقيقة الناعمة بشهادة المنتدى كله معنا من البداية متفاعلة وحضورها حلو ولازالت بنفسك مكانتها بقلوب جميع الأعضاء كل احترام ومحبة لنعومتنا الحلوة الصياد مراقبنا المميز مكانته مهما فضيت محافظ عليها محمود نشاطه وجمالية حضوره لازالت للآن طاغية وجهوده مميزة وواضحة وبصمته بكل مكان عهد ووجع الروح معنا من البداية ان شاء الله بتستمروا للنهاية ظلهم خفيف وتفاعلهم جميل وغاردينيا وردتي الحلوة من الصفر معنا خسنيش انا معكم وبحبكم يختي يسسسسسسسسسسعدها ومنها ماأنحرم وسكون وانين الحلوة اللي اجت معنا ولازالت ولها بصمة حاضرة وحلوة بالمكان وبين الأعضاء سمرة وشام رغم قلة دخولهم مابننساهم ولابنسى طلتهم الحلوة بينا خالد فيلسوف زمانه صحفي المنتدى بصمته بكل مكان واضحة ولحضوره تأثير حلو بين الأعضاء رغم قلة احتكاكه فيهم وخمر أيلول ياماغصني انت ياحلو انت عاد مش حاكية عنك حاجة أفعالك بتحكي يسعدو النشيط المتفاعل ومايحرمني منه يارب وكمان كن بلسما لها حضور وتأثير حلو بين الأعضاء وجديد اجا معنا ندى الورد عضويتها قديمة لكنها رجعت تتفاعل من جديد جهودها حلوة وواضحة بكل مكان وتصميماتها جميلة وان شاء الله مابتتركنا السنوية الجاية بنحتفل فيها هي ونور الروح عرايس ههههه نور الروح العسولة اللي كمان بصمتها حلوة بكل مكان وكمان سراب حضورها حلو ومشاركاتها أحلى ومبارك التميز عسولة منها للأعلى وآذار وأسيل وذات وبنت فلسطين والأقحوانة الليث وكريم رجل منهك وبعثرة وجع والجنية جولدن ايجل لونلي هيرت حبيبتنا الغايبة الغريب وكتير أعضاء منورينا بالوقت الحالي ح اكتفي بهدول واللي ماانذكر اسمه يقدم اعتراض وبنزل له موضوع لحاله ههههههه بس ع شرط يكون من البدايات معنا ولازال حبيت أبعد عن الرسميات والجدية المطلقة بالحكي لأنه الكلام نابع من القلب وحاببته يوصل للقلب لهيك استرسلت بالحكي ح يتم منح الوسام هذا لكل عضو بدأ معنا ولازال وللجداد اللي مازالوا مستمرين بينا وشهادة التقدير هذه ح يتم ادراجها بتوقيعهم لمدة 3 أيام وهآبي بيرث دي تو يو قلب فلسطين

لي ساعة بمدح فيكم امدحوني عاد

تشا تشا تشا
وهابي بيرزديه هابي بيرزديه
هابي بيرزديه
يا روح قلوبنا
قلب فلسطين

ما فيي اسيبك تغني لحالك

هههههههههه

يا ويلي ع كل هالذكريات الحلوة
راجعة ارد بس جيت اغني واطفي الشمعة

يعنى مش مدحانى وبدك ايانى امدحك هههه
والله ي حنين انك سكرة هالمكان وحضورك ومكانك محدا بيملي
ماكنت معكم من البداية والتحقت بالركب متأخرة بس المنتدى حلو
باعضائه يلى علاقتهم حلوة ومهما كان فى اختلاف بظل المحبة وروح الاخوة بينهم
وقد ما قل نشاطه او زاد بيظل احلى المنتديات ع الاطلاق
الحكي كتير اكيد
بس بحب اشكر كل يلى ساهم بانشاء هالمنتدى
مؤمن وهل كان حبا وحنين ودينا وننوش ووتر وكل يلى كانو موجودين وقتها
لولاهم كان المنتدى ما استمر ووصل للى هو عليه الحين

كل عام وكلنا مستمرين مع بعض ، كل عام وانتى وكل الطاقم الادارى مجتمعين ونظل ع قلب واحد

وكمان بدى ااحكي ل @وتر
انتى احلى حاجة اعرفتها بالمكان الله يرجعلك بالسسلامة ي اغلي الناس وكمان @Barbie و @حنين الروح خواتى واكتر كمان الله لايحرمنى منكن ي غاليات

لفتة احلى من الحلاة ي حنونتي
يسسعدلى هالقلب الطيب

اقتباس   المشاركة الأصلية كتبت بواسطة شهد الروح تشا تشا تشا وهابي بيرزديه هابي بيرزديه هابي بيرزديه يا روح قلوبنا قلب فلسطين ما فيي اسيبك تغني لحالك هههههههههه يا ويلي ع كل هالذكريات الحلوة راجعة ارد بس جيت اغني واطفي الشمعة

حبوبتي انتي

يلا بانتظارك

اقتباس   المشاركة الأصلية كتبت بواسطة خَمْر أيلول يعنى مش مدحانى وبدك ايانى امدحك هههه والله ي حنين انك سكرة هالمكان وحضورك ومكانك محدا بيملي ماكنت معكم من البداية والتحقت بالركب متأخرة بس المنتدى حلو باعضائه يلى علاقتهم حلوة ومهما كان فى اختلاف بظل المحبة وروح الاخوة بينهم وقد ما قل نشاطه او زاد بيظل احلى المنتديات ع الاطلاق الحكي كتير اكيد بس بحب اشكر كل يلى ساهم بانشاء هالمنتدى مؤمن وهل كان حبا وحنين ودينا وننوش ووتر وكل يلى كانو موجودين وقتها لولاهم كان المنتدى ما استمر ووصل للى هو عليه الحين كل عام وكلنا مستمرين مع بعض ، كل عام وانتى وكل الطاقم الادارى مجتمعين ونظل ع قلب واحد وكمان بدى ااحكي ل @وتر انتى احلى حاجة اعرفتها بالمكان الله يرجعلك بالسسلامة ي اغلي الناس وكمان @barbie و @حنين الروح خواتى واكتر كمان الله لايحرمنى منكن ي غاليات لفتة احلى من الحلاة ي حنونتي يسسعدلى هالقلب الطيب

اللي بحبهم من قلبي مابعرف أمدحهم ولا أتغزل فيهم

لما ماأمدحك اعرفي اني بحبك أكثر من اللي مدحتهم هيهيهيهي ههههههه




حبيبتي انتي يسعدلي قلبك

يويلي محلا الحككي
كتير كتير ححبيت
بحبش انا الكلام المرتب .. بحب الكلام العفوي بيطلع احلى وبيوصل من القلب للقلب اكتر ♥
لهيك قرأت موضوعك من اول حرف لآخر حرف
يسعد قلبككك حنين
انتِ من اكتر الناس الي وجودها حلو وبيعمل لطافة بالمكان
ان شاء الله كل عام واحنا كلنا سوا
و المنتدى يكبر اكتر واكتر
ويخلينا لبعض وهيكككا
بعرفش احكي كلام حلو ولا أرد ع الكلام الحلو ههههه
خلص بكككفي
وان شاء الله يرجعوو الغايبين .. @وتر @lonely heart @ذات
اششتقنالكم كتير

موضوع متعوب عليه
واسلوبك كان مميز في الكلام لجذب القارئ
قرأته كله للموضوغ
كل عام وانتم بخير والمنتدى بخير
وان شاء الله المنتدى مستمر ومتواصل بكم
وان شاء ما رح تكون هذه اخر سنوية ننزل موضوع للمنتدى فيها
ان شاء الله في سنويات جاية
وهذا كله بفضل حضوركم وتشريفكم واخلاصكم للمنتدى

وكل التقدير والإمتنان لكل الأعضاء الي وقفوا معنا من البداية
والي ذكرتي اسمائهم والي ما ذكرتي اسمائهم
الكل كان له بصمة واضحة
والكل ساهم في انه المنتدى يتطور للأفضل
والكل له الفضل والعرفان

كل عام وانتم بخير والمنتدى بكم بخير

رح اعطيكي 500 تقييم على إدراجك وترتيبك للموضوع

المنتدى عظيم بكل الأعضاء وكل عضو هنا ساهم بنجاح المكان
الحمد لله صرح قلب فلسطين من أنجح المواقع
الإدارة الكريمة ماقصرت بحق حد ولا بحق المكان
ومجهود يذكر فـ يشكر إلهم على المكان الجميل
إلي من خلاله تعرفنا على الكثير من الشخصيات الجميلة
من الأعضاء المميزة في المنتدى
وأكيد إحنا كسبنا حضورنا بهيك مكان راقي بيعكس
رقي الاعضاء المتواجدة
وبكل صدق نخبة رواد الإنترنت في هذه الصرح
ومني ك عضو بوجه كلمة شكر للجميع بما فيهم الإدارة وكل عضو دون إستثناء
والشي الوحيد المحزن مجموعة الأعضاء التي فقدناها بتمنى نرجع نشوفهم
من جديد
وبخصوصك ي حنين
شخصية بحب اشوفها في المكان وإنتي والكثير من الأعضاء
وبكل صدق لستي عضوة إنتي ركن من أركان المنتدى
إن شاء الله بتستمري على هذه النهج المميز
وشكراً إلك على الموضوع
الأيام بتسرقنا
730 يوم مر على تأسيس المكان

گل عآم وگل حد هنآ بآلف خير
دآم هالمگآن بجمآله وتميزه
آن شآء الله تگونو سعدآء دومآ
ويجمعگو هالصرح ع الفآئدة والخير
والمحبة والتعآون والـآمل والتفـآؤل
شگرآ بعمق لذگر آسمي
وبورگت جهودگ وجهود گل شخص هنآ
آرق التحآيآ

اقتباس   المشاركة الأصلية كتبت بواسطة ندى الورد يويلي محلا الحككي كتير كتير ححبيت بحبش انا الكلام المرتب .. بحب الكلام العفوي بيطلع احلى وبيوصل من القلب للقلب اكتر ♥ لهيك قرأت موضوعك من اول حرف لآخر حرف يسعد قلبككك حنين انتِ من اكتر الناس الي وجودها حلو وبيعمل لطافة بالمكان ان شاء الله كل عام واحنا كلنا سوا و المنتدى يكبر اكتر واكتر ويخلينا لبعض وهيكككا بعرفش احكي كلام حلو ولا أرد ع الكلام الحلو ههههه خلص بكككفي وان شاء الله يرجعوو الغايبين .. @وتر @lonely heart @ذات اششتقنالكم كتير

يسعدو العسل ياناس
والله يرجع كل الغايبين بخير سلامة