اعرب الجملة الآتية

اقتباس   المشاركة الأصلية كتبت بواسطة ن͠وون @نور الروح بتحكي ان انا ووتر صح مع اننا عكس بعض في المبتدا والخبر مافهمت مين الصح

لا مِش عكس بعض
انتِ حكيتي غد أعربتيهاا لحاالهاا على إنهاا خبر
وتر أعربت شبه الجملة كله خبر مقدم وهااد الأصح
^^

اقتباس   المشاركة الأصلية كتبت بواسطة وتر خبر إنَّ بجملتي " قليلةٌ " و " لذَّاتُها " فاعل للصفة المشهبة قليلة

يعني انا بيصير لو حذفت إن أقول
الحياة قليلة ؟
ما بتكون جملة يا @وتر
وان بتدخل على الجملة الاسمية
فهميني

اوك @نور الروح
ميرسي

اقتباس   المشاركة الأصلية كتبت بواسطة ن͠وون يعني انا بيصير لو حذفت إن أقول الحياة قليلة ؟ ما بتكون جملة يا @وتر وان بتدخل على الجملة الاسمية فهميني

صح ما بيزبط نحكي " الحياة قليلة " بس أكيد بيزبط نحكي " الحياة قليلةٌ لذاتها "
وهيك كانت الجملة وهيك كان معناها لحتى دخلت عليها إنَّ

اقتباس   المشاركة الأصلية كتبت بواسطة وتر صح ما بيزبط نحكي " الحياة قليلة " بس أكيد بيزبط نحكي " الحياة قليلةٌ لذاتها " وهيك كانت الجملة وهيك كان معناها لحتى دخلت عليها إنَّ

معنى كلامك ان الاعراب الصحيح هو
إن حرف ناصب ناسخ
الحياة اسم ان منصوب
قليلة خبر مقدم مرفوع
لذات مبتدأ مؤخر مرفوع وهي مضاف
والهاء ضمير متصل مضاف اليه في محل جر مضاف اليه
والجملة الإسمية في محل رفع خبر إن
لان هيك بتكون صح

وبيكون كامل الاعراب وواضح لان مابينفع نقول
اسم ان وما نقول وين خبرها وخصوصا ان الخبر هون
جملة اسمية مش مفرد

بدي تعربولي
إنَ الحديقةَ أزهارها مختلفة

اقتباس   المشاركة الأصلية كتبت بواسطة ن͠وون معنى كلامك ان الاعراب الصحيح هو إن حرف ناصب ناسخ الحياة اسم ان منصوب قليلة خبر مقدم مرفوع لذات مبتدأ مؤخر مرفوع وهي مضاف والهاء ضمير متصل مضاف اليه في محل جر مضاف اليه والجملة الإسمية في محل رفع خبر إن لان هيك بتكون صح

ممكن يكون فيها أكتر من رأي حسب ما انتِ شايفة
لأنه فيه كلمات الها أكتر من إعراب
وازا العلماء نفسهم اختلفوا بإعراب بعض الجمل والكلمات ! احنا مش راح نختلف ؟
واختلاف الرأي لا يُفسد للود قضية
ولازلت مقتنعة انو هيا فاعل للصفة المشبهة
بحترم رأيك نون

ميرسي @وتر وانا ما بحكي انك غلط
وانا مالي خلق عالاعراب
لكن شفت الموضوع ممكن يفيدني قلت دجرب
وكمان اللي سألته معلم لغة عربية وهيك حكالي

اقتباس   المشاركة الأصلية كتبت بواسطة ن͠وون بدي تعربولي إنَ الحديقةَ أزهارها مختلفة

إن حرف ناسخ ناقص مبني علي الفتح
الحديقة اسم إن منصوب بالفتحة
أزهارها مبتدأ مرفوع وعلامة رفعه الضمة ، الهاء في محل جر مضاف إليه
مختلفة خبر مروفع وعلامة رفعه الضمة
أزهارها مختلفة جملة اسمية في محل رفع خبر ان